Background
ပြည်ကြက်သွန်နီဈေးကွက်ကို ယခုတစ်ပတ်အတွင်း ရေနံချောင်း၊ ပခုက္ကူဖက်မှ ကြက်သွန်နီများ ၃၅ ပိဿာ ဝင်အိတ် ၈၀ဝ ခန့် ရက်ခြားအဝင်ရှိပြီး၊ အရောင်း အဝယ်လည်း တစ်ရက် အိတ် ၁၀ဝ ခန့်သာ အရောင်းအဝယ် ဖြစ်လို့ ဈေးလည်း အေးကြောင်း သိရပါတယ်။ ပြည်ပွဲရုံများရဲ့ ဈေးနှုန်းမှာ ယခင်အပတ်ထက် တစ်ပိဿာ ၅၀ ကျပ်ခန့် ဈေးကျပြီး၊ ကြက်သွန်နီ(ကြီး)တစ်ပိဿာ ၆၀ဝ ကျပ်၊ (လတ်) ၅၅၀ ကျပ်၊ (သေး) ၅၃၀ ကျပ်တို့နဲ့ ရောင်းဝယ်လျက် ရှိကြောင်း သိရပါ တယ်။ ဝင်းဝင်းခိုင်
ဇွန်လ ၆ ရက်မှ ၁၂ ရက်ထိ ကာလအတွင်းမှာ ကန်ဒေါ်လာသုညဒသမ ၁၁၀၄ သန်းတန်ဖိုးရှိ မန်ကျည်းမှည့် (အစေ့ပါ) ၁၃၈ တန်ကို မူဆယ်နယ်စပ်မှ အပို့ရှိခဲ့ပါတယ်။ ယခင်အပတ်က မူဆယ်၊ မြဝတီနဲ့ စစ်တွေနယ်စပ်များမှ တင်ပို့မှု ရှိခဲ့ပေမယ့် ယခုအပတ်မှာ မူဆယ်နယ်စပ်ကသာအပို့ရှိခဲ့တာ ဖြစ်ပါတယ်။ ယခင် အပတ်ကထက် တန် ၂၀ ကျော် မူဆယ်မှ အပို့ပိုခဲ့တာဖြစ်ပြီး နယ်စပ်တစ်ခုလုံး တင်ပို့မှုထက်တော့ ၁၀ တန် အပို့ပိုခဲ့ပါတယ်။MIRT(DOBT)
ချင်းတက်က ဈေးကွက်မှာ လက်ကျန်တွေအများကြီး ရှိနေပေမယ့် ချင်း(ဥမ) ကလည်း ဈေးကွက်ကို ဝင်လာနေပါပြီ။ အောင်ပန်း၊ ဈေးကွက်မှာတော့ အဝင်က များနေပြီး အရောင်းကတော့ ပုံမှန်သာရှိပါတယ်။ အဓိက ဝယ်လက်တွေဖြစ်တဲ့ မန္တလေး၊ မုံရွာ၊ ပြည်၊ ပဲခူးက ချင်းထိုးသမားတွေက အခက်ကြီး၊ အခက်လှတွေကို သာ ရွေးပြီးဝယ်ယူကြပါတယ်။
ပြည်ချင်းဈေးကွက်မှာ ယခုတစ်ပတ်အတွင်း အောင်ပန်းမှ နွေချင်းအသစ်များ ပိဿာ ၃၀ ဝင်အိတ် ၁၅၀ ခန့်အဝင်ရှိပြီး၊ ဈေးနှုန်းမှာလည်း တစ်ပိဿာ ချင်း(ရှယ်) ၆၀ဝ ကျပ်၊ (ဂျွန်) ၄၅၀ ကျပ်ဖြစ်လို့ ယခင်အပတ်ထက် ဈေး ၁၀ဝ ကျပ်နှုန်းကျလာ တာ တွေ့ရပါတယ်။ အရောင်းအဝယ်အားဖြင့် ဒေသတွင်းပွဲရုံများမှ လက်လီ၊ လက်ကားအဝယ်အပြင်ဧရာဝတီတိုင်းေ ဒသကြီးကို တင်ပို့မှုရှိလို့ ပိဿာချိန် ၃၀ဝ - ၄၀ဝ ကြား အရောင်းအဝယ်ဖြစ်ပြီး၊ အရောင်းအဝယ် ပုံမှန်ဖြစ်လျက်ရှိကြောင်း သိရပါ တယ်။ဝင်းဝင်းခိုင်
အိန္ဒိယနိုင်ငံမှာ စိုက်ပျိုးမြေရဲ့ ၅၅ရာခိုင်နှုန်းဟာ မိုးရေအပေါ်လုံးဝအားထားနေရတာဖြစ်လို့ မုတ်သုံမိုးဟာ အိန္ဒိယအတွက် အလွန်ပဲ အရေးပါလှပါတယ်။ စိုက်ပျိုးရေးကဏ္ဍကနေ နိုင်ငံစီးပွားရေးရဲ့ ၁၅ ရာခိုင်နှုန်းကိုသာ ဝင်ငွေ တိုးစေတာမှန်ပေမယ့် ကျေးရွာနေ ပြည်သူသန်းပေါင်းများစွာကို စိုက်ပျိုးရေးကဏ္ဍက သက်ရောက်စေပြီး၊ မိုးရွာသွန်းမှုနည်းရင် စားသောက်ကုန် ဈေးနှုန်းမြင့်တက်စေကာ တစ်နိုင်ငံလုံးရဲ့ ငွေကြေးဖောင်းပွမှုကိုလည်း ကြီးမားစေတာကြောင့် မုတ်သုံမိုးက ကျယ်ကျယ် ပြန့်ပြန့်ကို ထိခိုက်စေတာဖြစ်ပါတယ်။
အိန္ဒိယပြည်တွင်းဈေးကွက်တွေမှာ ပြည်ပက တင်သွင်းတဲ့ ကုလားပဲဈေးအနည်းငယ်ပိုလာပေမဲ့ ပြည်တွင်း ကုလားပဲဈေး ကတော့ အနည်းငယ်လျော့ကျမှုရှိတာ တွေ့ရပါတယ်။ လတ်တလောမှာ ပြည်တွင်းစားသုံးသူများမှ ဝယ်ယူမှုလျော့တဲ့အပြင် မိုးပဲစိုက်ပျိုးမှု ပိုမိုမယ့် ခန့်မှန်းချက်များအရလည်း ပြည်တွင်းကုလားပဲဈေး အေးနေခြင်းဖြစ်ကြောင်း သိရပါတယ်။
ပြည်တွင်းမှာ ကုလားပဲက လက်ကျန်တော်တော်လေးနည်းလာပြီဖြစ်လို့ ပြည်ပတင်ပို့မှုမှာလည်း နည်းလာတာဖြစ်ပါတယ်။ ယခင်တစ်ပတ်က ကုလားပဲတန်ချိန် ၃၄၀ဝ ခန့် တင်ပို့မှုရှိခဲ့ရာမှ ဇွန်လ ၄-၈ ရက်အတွင်းမှာတော့ တန်ချိန် ၂၁၀ဝ ကျော်သာ တင်ပို့နိုင်ခဲ့ကြောင်း သိရပါတယ်။
ယခုတစ်ပတ် ပြည်ပဲဈေးကွက်အတွင်း ပဲတီစိမ်းအဟောင်းလက်ကျန်များ ဆက် လက် အရောင်းအဝယ်ဖြစ်နေခဲ့ ပါတယ်။ ဈေးနှုန်းကတော့ ယခင်အပတ်အတိုင်း တစ်တင်း ၁၅၅၀ဝ ကျပ်နဲ့သာ ဈေးငြိမ်လျက်ရှိ ပါတယ်။ ရန်ကုန်ဝယ်လက် အဝယ် ရှိပြီး၊ တစ်ခါတစ်ရံမှာ အိတ် ၄၀ဝ ကျော်ထိ အဝယ်လိုက်ကာ ဒေသတွင်း ဝယ်လက် သမားများ အဝယ်အေးနေခဲ့ပါတယ်။ ယခင်နှစ်က ဇွန်လကုန်တွင် ပဲသစ်များ စတင်ဝင်ရောက်ခဲ့ပြီး၊ အဖွင့်ဈေးမှာ တစ်တင်း ၁၅၀ဝ၀ ကျပ်နဲ့ ဈေးဖွင့်ဝယ်ယူခဲ့ ကြတာကို တွေ့ရပါတယ်။ခင်ဆွေဝင်း
အိန္ဒိယပြည်တွင်းဈေးကွက်အများစုမှာ ပြည်တွင်းပဲတီစိမ်းဈေးငြိမ်နေပေမဲ့ မွန်ဘိုင်း၊ ချန်နိုင်းဈေးကွက်မှာ တင်သွင်းပဲတီစိမ်းဈေးလျော့ကျတာ တွေ့ရပါတယ်။ ဈေးကွက်တွေကို ပဲတီစိမ်းအဝင်ပုံမှန်ရှိနေတဲ့အပြင် အရောင်းအဝယ်ငြိမ်နေတဲ့ အတွက် ဈေးကွက်အများစုမှာ ဈေးငြိမ်နေပါတယ်။ ဒါပေမဲ့ဆိပ်ကမ်းမြို့ ဈေးကွက် တွေမှာတော့ တင်သွင်းပဲတွေ ဆက်တိုက်ရောက်ရှိနေတာကြောင့် ယခုရက်ပိုင်း တင်သွင်းဈေး ကျဆင်းနေပါတယ်။
ဇွန် ၆ ရက်မှ ၁၂ ရက်ထိကာလအတွင်းမှာ မူဆယ် ၁၀၅ မိုင်နယ်စပ်ကုန်သွယ် ရေးစခန်းမှ ကန်ဒေါ်လာ ၂ ဒသမ ၃၆၉ သန်းတန်ဖိုးရှိ ပဲတီစိမ်း တန် ၃၅၃၀ ခန့် တင်ပို့ခဲ့ပါတယ်။ ယခင်အပတ်ကထက် တန် ၄၀ဝ ကျော် အပို့ ပိုပါတယ်။ ယခု အပတ်မှာ တစ်ဘက်နိုင်ငံမြေပြင်ဈေး ပြောင်းလဲမှုမရှိသော်လည်း မိမိဘက် မြေပြင် ဈေးကျလျက်ရှိပါတယ်-