Background
အိန္ဒိယမှာ မိုးရွာသွန်းမှုက ပုံမှန်အောက်ရောက်နေတဲ့အတွက် ပဲစိုက်ပျိုးမှု နှေးကွေးနေပါတယ်။ ဒါ့အပြင် ဥပုသ်လအတွက် ဝယ်လိုအားတိုးနေတာကြောင့် တင်သွင်းဖို့ လိုအပ်နေခြင်းကလည်း ပဲစင်းငုံဈေးကို မြင့်တက်စေ ပါတယ်။ ဈေးကွက် တွေကို ဝင်ရောက်မှု လျော့နည်းလာခြင်း၊ ပဲခွဲစက်များနဲ့ ကုန်သည်များရဲ့ ဝယ်လို အားဆက်ရှိနေခြင်း တို့ကြောင့် ဈေးဆက် လက်မြင့်တက်နေပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ အိန္ဒိယ ဝယ်လက် အဝယ်သွက်နေတဲ့ အတွက် ပဲစင်းငုံ အရောင်းသွက် ဈေးမြင့်တက်နေပါ တယ်။ အိန္ဒိယဈေးကွက်မှာ လက်ကျန်ရှားပါးနေပြီဖြစ်ပြီး လက်ရှိပဲစင်းငုံစိုက်ပျိုးမှုက လည်း ယခင်နှစ်ထက် လျော့ကျတဲ့အတွက် အိန္ဒိယမှ ဝယ်လိုအား ကောင်းနေခြင်း ဖြစ်ပါတယ်။ ဇွန် ၂၂ ရက်မှ ၂၈ ရက်ထိ တစ်ပတ်အတွင်း ပဲစင်းငုံတန်ချိန် ၁၄၀၀၀ နီးပါး အရောင်းအဝယ် စာချုပ်နိုင်ခဲ့ကြောင်း သိရပါတယ်။
ပင်လယ်ရေကြောင်းက ပဲစင်းငုံတင်ပို့မှု ယခုတစ်ပတ်မှာလည်း ဆက်လက် ကောင်းပေမဲ့ ယခင်တစ်ပတ် တင်ပို့မှုထက်တော့ အနည်းငယ်လျော့ကျပါတယ်။ ယခင်တစ်ပတ်က တန်ချိန် ၁၄၅၀၀ ကျော်တင်ပို့မှု ရှိခဲ့ရာမှ ယခုတစ်ပတ် (ဇွန်လ ၁၈-၂၂) အတွင်းမှာ တန်ချိန် ၁၁၀၀၀ ကျော် တင်ပို့ခဲ့ကြောင်း သိရပါတယ်။ ၂၀၁၂-၁၃ ဘဏ္ဍာနှစ် ဇွန် ၂၂ ရက်အထိ စုစုပေါင်း ပဲစင်းငုံတန်ချိန် ၉ သောင်းနီးပါး တင်ပို့ခဲ့ပြီး ရရှိတဲ့ ဝင်ငွေမှာ ကန်ဒေါ်လာ သန်း ၅၀ ကျော်ပြီဖြစ်ကြောင်း သိရပါ တယ်။ယခင်နှစ်ကာလတူမှာတန်ချိန် ၄၂၀၀၀ တင်ပို့ခြင်းမှ ကန်ဒေါ်လာ ၃၁ သန်း ကျော်ရရှိလို့ ယခုနှစ်မှာ ပမာဏထက်ဝက်ကျော် ပိုမိုတင်ပို့နိုင်ကြောင်း သိရပါ တယ်။ လာမယ့် သီတင်းပတ်မှာလည်း တင်ပို့မှုဆက်လက်ကောင်းဖွယ်ရှိကြောင်း ခန့်မှန်းရပါတယ်။ MIRT - MAPT
ဟင်္သာတပဲဈေးကွက်မှာ မတ်ပဲဈေးမှာ ယခင်တစ်ပတ်က တစ်တင်းကို ၁၂၆၀၀ ကျပ်နဲ့ အရောင်းအဝယ်ဖြစ် နေပြီး၊ ယခုတစ်ပတ်မှာ တစ်တင်းကို ၁၃၈၀၀ ကျပ်နဲ့ အရောင်းအဝယ်ပြုလုပ်ကြတာကြောင့် တစ်တင်းကို ၁၂၀၀ ကျပ်ပို လာ ကြော င်း တွေ့ရပါတယ်။ မတ်ပဲဈးမြင့်တက်လာတာကြောင့် ကုန်စည်ဒိုင်ဈေး ကွက်ကို လာရောက်ရောင်းချနေကြောင်း တွေ့ရ ပါတယ်။ မတ်ပဲစီးထွက်မှုအနေနဲ့ ရန်ကုန် ဘုရင့်နောင်ဈေးကွက်ကို တစ်နေ့ အိတ် ၂၀၀၀ ခန့် တင်ပို့နိုင်တယ်လို့ သိရပါတယ်။အေးအေးခိုင်
အိန္ဒိယပဲစိုက်တဲ့ဒေသတွေမှာ မိုးရွာသွန်းမှု ပုံမှန်အောက်လျော့ကျခြင်းနဲ့ ဝယ်လိုအားကောင်းခြင်းတွေကြောင့် ယခုတစ်ပတ်မှာလည်း အိန္ဒိယမတ်ပဲဈေး ဆက် လက်တိုးလာပါတယ်။ ပြည်တွင်းပဲလက်ကျန်လျော့ကျလာခြင်းနဲ့ အတူ ရူပီးတန်ဖိုး ဆက်တိုက်ကျဆင်းနေတဲ့အတွက်လည်း တင်သွင်းပဲဈေးများ တိုးလာတာ ဖြစ်ပါ တယ်။ ပဲစိုက်ပျိုးတဲ့ဒေသတွေမှာမိုးနည်းပါးလို့ စိုက်ပျိုးမှုနှေးကွေးလျက်ရှိရာ အင်ဒရာ ပရာဒေ့ရှ်မှာ မတ်ပဲစိုက်ပျိုးမှုက ယခင်နှစ် ကာလတူထက် ၄၅ ဒသမ ၄၅ ရာခိုင် နှုန်း ကျဆင်းပြီး တန်ချိန် ၁၁၀၀ သာရှိပြီး ဂူဂျာရက်မှာ ဟက်တာ ၁၀၀ သာ စိုက်ပျိုးထားပြီးကြောင်း သိရပါတယ်။ ဈေးကွက်ေ တွမှာဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ်-
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခင် တစ်ပတ်လိုပဲ ယခုတစ်ပတ်မှာလည်း မတ်ပဲရောင်းဝယ်မှု ဆက်လက် တိုးတက်နေ ပါတယ်။ အိန္ဒိယမှာ လက်ရှိမိုးရာသီမတ်ပဲစိုက်ပျိုးမှု လျော့ကျနေတဲ့အတွက် မြန်မာ မတ်ပဲများ ဝယ်ယူမှု အားကောင်းနေကြောင်း သိရပါတယ်။ ဒါ့အပြင် ပို့ကုန် ဝင်ငွေ တစ်ဒေါ်လာ တန်ဖိုးခိုင်မာနေခြင်းကလည်း ပို့ကုန်သမားတွေအတွက် ရောင်း ဝယ်မှုကို အားပေးနေပါတယ်။
ပင်လယ်ရေကြောင်းက မတ်ပဲတင်ပို့မှုမှာ ယခင်တစ်ပတ်က တစ်သောင်း အောက်ကို လျော့ကျခဲ့ရာမှ ယခုတစ်ပတ် မှာ ပြန်လည်တိုးတက်လာခဲ့ပါတယ်။ ဇွန် ၁၈ ရက်မှ ၂၂ ရက်အထိ တစ်ပတ်အတွင်း တန်ချိန် ၁၅၃၀၀ ကျော်ထိ တင်ပို့နိုင်ခဲ့ကြောင်း သိရပါတယ်။ ယခင်သီတင်း ၂ ပတ်ခန့်ကပြည်ပအဝယ်လျော့ ခဲ့ရာမှ ယခုနောက်ပိုင်းမှာ ဝယ်လိုအား ပြန်ကောင်း လာတဲ့အတွက် တင်ပို့မှု ပြန်တက် လာခြင်းဖြစ်ပါတယ်။
ကြက်သွန်ဖြူဈေးနှုန်းမြင့်တက်တာကြောင့် ဇွန်အတွင်း တရုတ်ကြက်သွန်ဖြူတင်ပို့အော်ဒါများ ကျဆင်းခဲ့ပါတယ်။ ဒါပေမယ့် ပြည်ပတင်ပို့မှု မြှင့်တင်ဖို့အစိုးရက ဦးစားပေးမူဝါဒအချို့ကို ထုတ်ပေးနိုင်တယ်လို့ စီးပွားကူးသန်းဝန်ကြီးဌာနမှ ဇွန်လ ၂၀ ရက်မှာ ပြောကြားပါတယ်။ လတ်ဆတ်ကြက်သွန်ဖြူ တင်ပို့ဈေးက ဇွန် ၁၀ ရက်မှာ တစ်တန် ကန်ဒေါ်လာ ၁၆၈၈ ရှိလို့ ယခင် တစ်နှစ် ထက် ၇၅ ရာခိုင်နှုန်းမြင့်တက်ခဲ့တယ်လို့ ဆိုပါတယ်။
ရှမ်းနနွင်းကတော့ ခပ်အေးအေးသာအရောင်းအဝယ်ဖြစ်နေပါတယ်။ ပြည်တွင်းသုံးအတွက် ဈေးပတ်သမားတွေ ဝယ်လာ တာကြောင့် အဝယ်နည်းနည်းဖြစ်လာတယ်လို့ သိရပါတယ်။ ဈေးကွက်မှာတော့ အမှုန့်ကြိတ် ဖို့နဲ့ ပရဆေးအတွက် အရည် အသွေးကောင်းတဲ့ နနွင်းကိုရွေးဝယ်ပြီး ခြင်ဆေးခွေပြုလုပ်ဖို့အတွက် နနွင်းညံ့တွေ ဝယ်ယူနေကြပါတယ်။
မူဆယ် ၁၀၅ မိုင်မှ ကန်ဒေါ်လာ သုည ဒသမ ၃၆၅ သန်းတန်ဖိုးရှိ နနွင်းတက် ၂၃၆ တန်နဲ့ကန်ဒေါ်လာ သုည ဒသမ ၀၃၁ သန်းတန်ဖိုးရှိ နနွင်းခေါင်း ၂၄ တန်ကို ဇွန်လ ၁၃ ရက်မှ ၁၉ ရက်ထိကာလအတွင်းမှာ အပို့ရှိခဲ့ပါတယ်။ ယခင်အပတ် ကထက် နနွင်းတက် ၆၂ တန်နဲ့ နနွင်းခေါင်း ၉ တန် အပို့ပိုခဲ့ပါတယ်။MIRT(DOBT)