Background
တရုတ်ရဲ့သွင်းကုန်တင်ပို့မှုတိုးလာတာကြောင့် ကမ္ဘာ့ပြောင်းဈေးနှုန်းများ မြင့်တက်ဖွယ်ရှိတယ်လို့ သိရပါတယ်။ ၂၀၁၁ မှာတရုတ်အနေနဲ့ ပြောင်းတန် ၁၉၁ ဒသမ ၈ သန်းအထိ စံချိန်တင်ထုတ်လုပ်နိုင်ခဲ့တယ်လို့ တရားဝင်ကြေညာ ချက် များအရ သိရပါတယ်။ တရုတ်ရဲ့ပြောင်းသီးနှံစိုက်ပျိုးရေးချဲ့ထွင်မယ်ဆိုရင် အစိုးရ ထံမှ အထောက်အပံ့ပိုမိုရရှိနိုင်ကြောင်း ပြည်တွင်းရှိပြောရေးဆိုခွင့်ရှိသူများက ပြောပါတယ်။
ကမ္ဘာမှာပြောင်းကို ဒုတိယအများဆုံး စားသုံးတဲ့ တရုတ်နိုင်ငံအနေနဲ့ ပြည်တွင်း ဈေးကတင်သွင်းဈေးထက်သိသိသာသာမြင့်တက်နေတဲ့အချိန်မှာပြောင်းပိုမို တင် သွင်းသွားရလိမ့်မယ်လို့ တရုတ်သီးနှံ အရန်ထားရှိရေး ကော်ပိုရေးရှင်း ဥက္ကဌ Bao Kexin မှ ပြောကြားပါတယ်။ ၂၀၁၁-၁၂ အတွင်း တရုတ်နိုင်ငံက ပြောင်းတန်ချိန် ၄ သန်း တင်သွင်းခဲ့ပြီး၊ ၂၀၁၂-၁၃ မှာ တန်ချိန် ၇ သန်းအထိ စံချိန်တင် တင်သွင်း ရနိုင်တယ်လို့ ဒီဇင်ဘာလ ၅ ရက်က Rabobank International မှ ခန့်မှန်း ထားပါတယ်။
မြန်မာ - တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်နဲ့ ကန်ပိုက်တီး စခန်းများမှ ကန်ဒေါ်လာ ၂ ဒသမ ၁၀၃ သန်း တန်ဖိုးရှိ ပြောင်းဖူးစေ့ ၇၅၀၅ တန်ခန့်ကို ဖေဖေါ်ဝါရီလ ၂၉ ရက်မှ မတ်လ ၆ ရက်ထိ ကာလအတွင်း တင်ပို့ခဲ့ပါ တယ်။ ယခင်အပတ်က မူဆယ်မှ ၆၀၇၈ တန် တင်ပို့ခဲ့တာမို့ ယခုအပတ်မှာ ယခင် အပတ်ကထက် တန် ၁၀၅၅ တန် ပိုမိုတင်ပို့နိုင်ခဲ့ပါတယ်။ ယခင်အပတ်က မူဆယ်မှ ၆၀၇၈ တန်၊ ချင်းရွှေဟော်မှ ၄၅၁ တန်နဲ့ ကန်ပိုက်တီးမှ ၂၆၈ တန်၊ စုစုပေါင်း ၆၇၉၆ တန် တင်ပို့ခဲ့တာမို့ နယ်စပ်စခန်းများအနေနဲ့ ယခင်အပတ်ကထက်၇၀၉ တန် ပိုမိုတင်ပို့နိုင်ခဲ့ပါတယ်။ ဖေဖော်ဝါရီလမှ ပြောင်းဖူးစေ့ ၂၇၆၀၁ တန်နဲ့ ဧပြီလမှ ဖေဖော်ဝါရီလအထိ ၅၉၆၅၁၈ တန် နယ်စပ်စခန်းများမှ တင်ပို့ထားနိုင်ပြီ ဖြစ်ပါ တယ်။ ယခင်အပတ်ဈေးနဲ့ နှိုင်းယှဉ်ပါက တစ်ဖက်နိုင်ငံဈေး ၂ ဒေါ်လာ လျော့နည်း ခဲ့ပြီး မိမိဘက်မြေပြင်ဈေးကတော့ ၆၃၂၉ ကျပ် ပိုမိုခဲ့ပါတယ်။ မိမိဘက် မြေပြင် ပေါက်ဈေးမှာ၂၇၃၁၂၀ကျပ်နဲ့တစ်ဖက်နိုင်ငံပေါက်ဈေးမှာ၃၁၇ဒေါ်လာ ဖြစ်ပါတယ်။ MIRT (DOBT)
ဖေဖော်ဝါရီလ ၂၆ ရက်မှ မတ်လ ၃ ရက်နေ့အထိကာလအတွင်း ပင်လယ်ရေကြောင်းမှ ပြောင်း ၇၆၈ တန် တန်ဖိုး ကန်ဒေါ်လာ ၀ ဒသမ ၂၁၁ သန်းဖိုးကို တင်ပို့နိုင်ခဲ့ပါတယ်။ တင်ပို့တဲ့ နိုင်ငံတွေကတော့ ဗီယက်နမ်ကို ၅၀၄ တန်နဲ့ ဖိလစ်ပိုင်ကို ၂၆၄ တန် တင်ပို့ခဲ့တာဖြစ်ပါတယ်။ ယခင်ရက်သတ္တပတ်ထက် တန် ၃၀၀ ခန့် ပိုမိုတင်ပို့နိုင်ခဲ့တာ တွေ့ရပါတယ်။ တရုတ်နယ်စပ်ကတော့ တန် ၇၅၀၀ ကျော်တင်ပို့ခဲ့တာကြောင့် နယ်စပ်မှတင်ပို့မှုလည်း ပိုမိုခဲ့ပါတယ်။ FOB (ရန်ကုန်) ဈေးကတော့ ပြောင်းလဲမှုမရှိပဲတစ်တန်ကို ဒေါ်လာ (၂၇၅-၂၉၅) ကြား ဈေးပေါက်လျက်ရှိတယ်လို့ သိရပါတယ်။K.Z.W
ယခုအချိန်ဟာ မကွေးတိုင်းဒေသကြီးအတွင်း ကြက်သွန်နီထွက်ရှိတဲ့ ကာလဖြစ်လို့ ပြည်ဈေးကွက်ကို ယခုတစ်ပတ်မှာ ၃၅ ပိဿာဝင်အိတ်၄၀၀၀ ခန့် အဝင်ရှိပြီး၊ တစ်နေ့ကို အိတ် ၄၀၀ ခန့်ဝင်သလောက်အရောင်းအဝယ်သွက်နေပါတယ်။ အဝင် များတဲ့ အတွက် ပြည်ဈေးကွက်အတွင်း ကြက်သွန်နီဈေးမှာ ပုံမှန်အတိုင်းရှိလို့ ပွဲရုံများမှာ ကြက်သွန်နီ တစ်ပိဿာ (ကြီး) ၅၅၀-၅၀၀ ကျပ်၊ (အလတ်) ၄၅၀ ကျပ်၊ (အသေး) ၄၀၀ကျပ်တို့နဲ့ အရောင်းအဝယ်ဖြစ်နေတယ်လို့ သိရပါတယ်။ဝင်းဝင်းခိုင်
ပြည်ငရုတ်ခြောက်ဈေးမှာ ယခင်အပတ်ဈေးအတိုင်း ရှိနေပြီး၊ အောင်လံဘက်မှ ငရုတ်ခြောက်များ ယခုတစ်ပတ်မှာ ပိဿာ ၂၀ ဝင်အိတ်၊ ၇၅၀ ခန့် အဝင်သွက်နေပါတယ်။ အရောင်းအဝယ်အားဖြင့်လည်း အပတ်စဉ် ဝင်သလောက်ကို ငရုတ်သီးမှုန့်လုပ်ငန်းများလက်လီ၊ လက်ကားရောင်းဝယ်သူ များနဲ့ အရောင်းအဝယ် သွက်နေပါတယ်။ ပြည်ဈေးကွက်ရှိ ယခုတစ်ပတ် ငရုတ်ခြောက်ဈေးမှာ တစ်ပိဿာကို (အရှည်) ၂၆၀၀ ကျပ်၊ (မိုးထောင်) ၂၉၀၀ ကျပ်၊ (အပွ) ၃၇၀၀ ကျပ် တို့နဲ့ ရောင်းဝယ်နေကြပြီး၊ ရခိုင်ပြည်နယ်ကိုလည်း ပြည်ဈေး ကွက်မှ တစ်ဆင့် တစ်ရက်ကို အိတ် ၃၀ ခန့် တင်ပို့မှုရှိတယ်လို့ သိရပါတယ်။ ဝင်းဝင်းခိုင်
ယခုရာသီအတွင်း နနွင်းဈေးပုံမှန်မရရှိနိုင်တာကြောင့် ဘင်္ဂလားဒေ့ရှ်နိုင်ငံအတွင်း ဈေးကွက်များမှာ နနွင်း ပမာဏများနေ ခြင်းက ဒေသအသီးသီးကစိုက်ပျိုးသူများအတွက် ဝန်ထုပ်ဝန်ပိုးဖြစ်လာပါတယ်။ အိန္ဒိယက ဈေးအနိမ့်နဲ့ တင်သွင်းမှုတွေကြောင့် ဈေးပိုမိုကျဆင်းဖို့ဖြစ်လာခြင်းကလည်း ပြဿနာများစွာရှိစေပါတယ်။
ရှမ်းနနွင်းဈေးမှာ ဈေးအေးနေပေမယ့် ဒီတစ်ပတ်မှာတော့ ဈေးအနည်းငယ်ပြန်တက်လာပါတယ်။ တရုတ်ဘက်က အဆွဲရှိတဲ့အတွက် ဈေးတက်လာတယ်လို့လည်း သိရပါတယ်။ ဟိုပုံးနနွင်းဈေးကွက်မှာ တစ်ပိဿာ ကို ၉၀၀ ကျပ်ရှိပါတယ်။ မူဆယ်ဘက်က အဆွဲရှိလို့ ပိဿာချိန် တစ်သောင်းခွဲနှစ်သောင်းခန့် အရောင်းအဝယ်ဖြစ် ခဲ့တယ်လို့ သိရပါတယ်။ အောင်ပန်း ဈေးကွက်မှာတော့ နနွင်းအဝင်နည်းနေသေးပါတယ်။ အောင်ပန်းနနွင်းဈေးမှာ တစ်ပိဿာကို ၆၀၀ ကျပ်မှ ၈၀၀ ကျပ်ဈေး ရှိနေပါတယ်။ လက်လီအနည်းငယ်သာ အရောင်းအဝယ်ဖြစ်နေတယ်လို့လည်း သိရပါတယ်။ ဆင်တောင်နနွင်းကတော့ တစ် ပိဿာကို ၁၀၀၀ ကျပ်ဈေးရှိတယ်လို့ သိရပါတယ်။ SYH
ပြည်ပကို ပင်လယ်ရေကြောင်းကုန်သွယ်မှုလမ်းမှ ဖေဖော်ဝါရီလအတွင်းနနွင်းတင်ပို့မှုက ၁၅တန်ရှိခဲ့ပြီးဇန်နဝါရီလ နနွင်း တင်ပို့မှုက ၃၆ တန်ရှိခဲ့တာကြောင့် ဖေဖော်ဝါရီလမှာ နနွင်းတင်ပို့မှုအားလျော့ခဲ့ပါတယ်။ ကာလတူကာလဖြစ်တဲ့ ၂၀၁၁ ခုနှစ် ဖေဖော်ဝါရီလ နနွင်းတင်ပို့မှု တန်ချိန် ၇၆ တန်ရှိခဲ့တာကြောင့် ဒီနှစ်ဖေဖော်ဝါရီလရဲ့ နနွင်းတင်ပို့မှုက ယခင်နှစ် ဖေဖော်ဝါရီလ တင်ပို့မှုထက်အားလျော့ခဲ့ပါတယ်။ MIRT (DOT)
ဟိုပုံးချင်းဈေးကွက်မှာအရောင်းအဝယ်အေးနေပါတယ်။အဝယ်မရှိသလောက် ဈေးအေးနေပြီး ချင်းအခက် ကြီး၊ တစ်ပိဿာ ၂၅၀ ကျပ်၊ အခက်ညံ့ တစ်ပိဿာ ၂၀၀ ကျပ်ရှိပါတယ်။ အရောင်းအဝယ်အေးလို့ အဝင်လည်း အနည်း ငယ်နည်းနေ တယ်လို့ သိရပါတယ်။