Background
အိန္ဒိယနိုင်ငံရဲ့ ပြည်တွင်းပြောင်းထုတ်လုပ်မှုဟာ နှစ်စဉ် ၂၀ ရာခိုင်နှုန်း တိုးတက်နေပေမယ့် တိရစ္ဆာန် မွေးမြူရေးလုပ်ငန်းအတွက် သုံးစွဲတာက ၅၀ ရာခိုင်နှုန်းရှိတာကြောင့် အိန္ဒိယအမျိုးသား ကုန် ပစ္စည်းဖြန့်ဖြူးရေးကုန်စည်ဒိုင် (NCDEX) မှာ ပြောင်းဈေးနှုန်း မြင့်တက်ဖွယ်ရှိတယ်လို့ ကုန်သည်များနှင့် စက်မှု လုပ်ငန်းရှင်အသင်း (ASSOCHAM) ပြောကြားပါတယ်။ လက်ရှိမှာ (NCDEX) မှာ ပြောင်းအရောင်းအဝယ်ကောင်းနေပြီး မွေးမြူရေးဏ္ဍမှာလည်း ကုန်ပစ္စည်းဝယ်လိုအားတိုးလာကြာင်း သိရပါတယ်။ လွန်ခဲ့တဲ့ရက်သတ္တ ပတ်က နိုဝင်ဘာလအတွက် အရောင်းရဆုံးစာချုပ်ဈေးနှုန်းက ၄ ဒသမ ၅ ရာခိုင်နှုန်း မြင့်တက်ပြီး ၁ တန်ကို ၁၀၉၀၀ ရူပီး ရှိတယ်လို့ သိရပါတယ်။ ဒါ့အပြင် နိုင်ငံခြားဝယ်လိုအားတွေရှိပြီး တရုတ်က လည်းကုန်အမှာတွေ ဆက်တိုက်ရှိလာနိုင်တယ်လို့ မျှော်လင့်ကြောင်း ကုန်သည်များမှ ပြောကြားပါတယ်။ ပြည်တွင်းကြက်ဘဲ မွေးမြူရေး လုပ်ငန်းကို လေ့လာရာမှာ နှစ်စဉ် ၂၀ ရာခိုင်နှုန်း တိုးတက်နိုင်ပြီး ၂၀၁၅ မှာ ကြက်ဘဲမွေးမြူရေးလုပ်ငန်းမှာ ပြောင်းကိုသာ အဓိက သုံးစွဲမှာဖြစ်ကြောင်း သိရပါတယ်။ လေ့လာမှုများအရ ပြည်တွင်းမှာ ကြက်ကင်နဲ့ ကြက်ဥဝယ်လိုအားတက်လာပြီး လက်ရှိ ကြက်ဘဲ ဈေးကွက်က ရူပီး သန်း (၄၉၀၀၀၀) ခန့်ရှိကြောင်း သိရပါတယ်။ ပြောင်းထုတ်လုပ်မှုစုစုပေါင်းရဲ့ ထက်ဝက်ကျော်က ကြက်ဘဲအစားအစာ ဖြစ်ပြီး ကြက်ဘဲမွေးမြူကဏ္ဍကနေ တစ်နိုင်ငံလုံး ပြောင်းထုတ်လုပ်မှုရဲ့ ၅၀ ရာခိုင်နှုန်းကို စားသုံးကြောင်း သိရပါတယ်။ အိန္ဒိယက နှစ်စဉ် အသားကင် တန် ၃ သန်းဝန်းကျင်နဲ့ ဥ တန် ၃ သန်းခန့် ထုတ်လုပ် ပြီး အိန္ဒိယ တောင်ပိုင်းကတော့ ကြက်ဘဲထုတ်လုပ်မှုမှာ အဓိက ဆောင်ရွက်တဲ့ အစိတ်အပိုင်းဖြစ်ကြောင်း သိရပါတယ်။ လေ့လာမှုများအရ ကြက်ဘဲမွေးမြူရေးကဏ္ဍမှာ သားဖောက် ခြင်း၊ ကျန်းမာရေးစောင့်ရှောက်မှု၊ အစာသိုလှောင်မှုနဲ့ ထုတ်လုပ်မှုပိုင်း တွေမှာ နိုင်ငံခြားရင်းနှီးမြှပ်နှံမှုတွေ ပိုလျှံနေပေမယ့်အခြေခံအဆောက် အဦဖြစ်တဲ့ လျှပ်စစ်နဲ့ ပို့ဆောင်ရေးပိုင်းမှာတော့ လိုအပ်ချက်တွေ များနေသေးကြောင်း သိရပါတယ်။ အိန္ဒိယနိုင်ငံက ကမ္ဘာ့တတိယ အကြီးဆုံး ဥထုတ်လုပ်သူနဲ့ စတုတ္ထအကြီးဆုံး အသားကင်ထုတ်လုပ် သူ ဖြစ်ပါတယ်။ သန်း ၂၀ နီးပါးရှိတဲ့ လုပ်သားတွေက ကြက်ဘဲ မွေးမြူရေးလုပ်ငန်းတွေမှာ လုပ်ကိုင်ပါတယ်။ ယခုလက်ရှိ (NCDEX) မှာ နိုဝင်ဘာအတွက် ပြောင်းစာချုပ်ဈေးနှုန်း ၁ ဒသမ ၇၄ ရာခိုင်နှုန်း မြင့်တက်ပြီး ၁ တန်ကို ရူပီး ၁၁၀၉၀ ၂၂၆ ဒေါ်လာ နဲ့ အောက်တို ဘာလအတွက် စာချုပ်ဈေးနှုန်းက ၁ ဒသမ ၅၅ ရာခိုင်နှုန်းမြင့် တက်ပြီး၁ တန်ကိုရူပီး (၁၀၀၂၀) ၂၀၄ ဒေါ်လာ ရှိကြောင်း သတင်း ရရှိပါတယ်။Source:Comodity OnlineKZW
ယခုနှစ်တွင် ပြောင်းအထွက်ကောင်းခြင်းကြောင့် မန္တလေးအနီးတစ်ဝိုက်နဲ့ ရှမ်းပြည်နယ်ဘက်က ထွက်ရှိတဲ့ ပြောင်းများ ပုံမှန်တင်ပို့လျက်ရှိရာ တရုတ်နိုင်ငံဘက် တွင် ပြောင်းအဝင်များပြီး ဈေးနှုန်းကျဆင်းလာကြောင်း သိရပါတယ်။ ယခု တစ်ပတ်မှာ ဈေးနှုန်းကျဆင်းခြင်းကြောင့် မန္တလေးမှ တင်ပို့မှုအေးသွားပြီး၊ ရှမ်းပြည် နယ်ဘက်မှသာ တင်ပို့မှုရှိကြောင်း သိရပါတယ်။ ရတနာထွန်းပွဲရုံမှ ကိုသိန်းစံက " ခုရက်ပိုင်းအတွင်းမှာ ပြောင်းဈေးကျလာတယ်။ အရင်လက ပြောင်း ၅၄ ပိဿာဝင်တစ်အိတ်ကို ၁၆၅၀၀ ကျပ်ရရှိခဲ့တယ်။ အောက်တိုဘာလ ပထမ ပတ် ၁၅၀၀၀ ကျပ်ထိ ကျသွားပြီး၊ အောက်တိုဘာ ၁၀ ရက်မှာ ၁၃၅၀၀ ကျပ်ထိ ကျဆင်းလာခဲ့တယ်။ မန္တလေးမှာတော့ အရောင်းအဝယ် အေးသွားပြီ။ ဒီရက်ပိုင်းတင်ပို့မှုမရှိဘူး။ ဒီလမှာကုန်တန်ချိန် ပြောင်းလဲ သတ်မှတ်လိုက်တော့ ကားခတွေလည်း ဈေးမြင့်လာရတယ်။ အရင်ကပြောင်း တစ်အိတ် ၃၈ ကျပ်ပေးခဲ့ရာက ၇၈ ကျပ်ထိ ပေးလာရတယ်။ အရင်က ကားတစ်စီးကို အိတ် ၇၀၀ တင်ရင် အခုအိတ် ၂၅၀ ပဲ တင်ရတာ။ ကားခကျရင်တော့ အဆင်ပြေနိုင်တယ်" လို့ ပြောပါတယ်။ ဖိုက်စတားပွဲရုံက ကိုအောင်အောင်ကလည်း " ကားခဈေးနှုန်းတွေ ဒီဘက်မှာ တင်မကဘူး။ ဟိုဘက်က သယ်ယူစရိတ်လည်း မြင့်တက်တာကြောင့် အရောင်း အဝယ်တန့်နေတယ်။ ရောက်ပြီးတဲ့ကားတွေကတော့ ဝယ်လက်ကိုစောင့်နေတယ် "လို့ပြောပါတယ်။ ဇူးဇူး
အောက်တိုဘာလ ၁၂ ရက်မှ ၁၈ ရက်ထိ ကာလအတွင်း မြန်မာတရုတ်နယ် စပ်ရှိ မူဆယ် ၁၀၅ မိုင် ကုန်သွယ်ရေးဇုန်မှ တစ်ဖက်နိုင်ငံသို့ ကန်ဒေါ်လာ ၄ ဒသမ ၁၀၈ သန်း တန်ဖိုးရှိ ပြောင်းဖူးစေ့ ၁၄၆၇၆ တန် အပို့ရှိခဲ့ပါတယ်။ ယခင် အပတ်က မူဆယ်မှတင်ပို့တဲ့ ပြောင်းဖူးစေ့ထက် တန် ၁၅၇၇ တန်ကျော် ယခု အပတ်မှာ ပိုမိုတင်ပို့နိုင်ခဲ့ပါတယ်။ မိမိဘက်မြေပြင်ဈေးကျနေသော်လည်း တစ်ဖက် နိုင်ငံဈေးမှာ ပြောင်းလဲမှုမရှိဘူးလို့ သိရပါတယ်။ မိမိဘက်နဲ့ တစ်ဖက်နိုင်ငံမှ ပြောင်းဖူးစေ့နဲ့ နှံစားပြောင်းမြေပြင်ပေါက်ဈေးများကို နှိုင်းယှဉ်ဖော်ပြ ပေးလိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၂၃၀၀၂ ၂၆၂၅၅၉ ၃၉၅၅၇ ၁၆ ၂၉၂ ၂၉၂ - -နှံစားပြောင်း ၂၄၁၁၁၀ ၂၅၉၀၀၀ ၁၇၈၉၀ ၇ ၃၆၁ ၃၆၁ - -MIRT (DOBT)
အောက်တိုဘာ ၉ ရက်မှ ၁၅ ရက် အထိကာလအတွင်း ပင်လယ်ရေကြောင်းမှ ပြောင်းတန်ချိန်၁၇၅၉၊ တန်ဖိုး ဒေါ်လာ သုညဒသမ ၅၁၇ သန်းဖိုး အိန္ဒိယ၊ ဗီယက်နမ်၊စင်ကာပူ နိုင်ငံများကို တင်ပို့ခဲ့ပါတယ်။ယခင်အပတ်က တန် ၂၇၀၀ ကျော် တင်ပို့ခဲ့တာကြောင့် ယခုအပတ်တန် ၁၀၀၀ ခန့် အပို့လျော့ခဲ့တာ တွေ့ရပါတယ်။ ပင်လယ်ရေကြောင်းမှ အပို့လျော့ပေမယ့် နယ်စပ်ကုန်သွယ်ရေးကနေ တန် ၁၄၀၀၀ ကျော် တင်ပို့နိုင်တာတွေ့ရပါတယ်။ လက်ရှိ FOB ရန်ကုန်ဈေးကတော့ ပြောင်းလဲမှု မရှိဘဲ ပြောင်းတစ်တန်ကို ဒေါ်လာ (၂၉၀ - ၃၀၅) ကြား ဈေးပေါက် လျက်ရှိပါတယ်။ KZW
ကမ္ဘာ့အကြီးဆုံးရော်ဘာထုတ်လုပ်သူဖြစ်တဲ့ ထိုင်းနိုင်ငံမှာ ရေကြီးမှုကြောင့် ကုန်ပစ္စည်းများကို ဆိပ်ကမ်းနဲ့ စက်ရုံတွေကို ပို့ဆောင်ဖို့အတွက် သယ်ယူပို့ဆောင်ရေး အခက်အခဲရှိတာကြောင့် တိုကျိုကုန်စည်ဒိုင်မှာ ရော်ဘာအလားအလာက ယခု တစ်ပတ်အတွင်း အကောင်းဘက်ကိုရောက်လာကြောင်း သိရပါတယ်။ ထိုင်းနိုင်ငံရဲ့ ရေကြီးမှုဟာ ရော်ဘာဖြန့်ဝေမှုအတွက် အဟန့်အတားဖြစ်နိုင်ဖွယ်ရှိကြောင်း စင်္ကာပူရှိ Phillip Futureukr ကုမ္ပဏီမှ သုတေသီက ပြောကြားခဲ့ပါတယ်။ တကယ်လို့ ရေကြီးမှုဟာ ရော်ဘာအဓိကစိုက်ပျိုးတဲ့ဒေသဖြစ်တဲ့ တောင်ပိုင်းဒေသအထိ ပြန့်နှံ့ခဲ့ရင် ထိခိုက်မှုရှိနိုင်ပြီး တိုကျိုကုန်စည်ဒိုင်ရဲ့ မတ်လအတွက် ရော်ဘာဈေးနှုန်းက ၁ ဒသမ ၆ ရာခိုင်နှုန်းမြင့်တက်ကာ တစ်ကီလိုကို (၃၂၂) ယန်း အထိ ရောက်ရှိခဲ့ကြောင်း သိရပါတယ်။ အာရှရဲ့ ရော်ဘာဈေးနှုန်းက TOCOM ရဲ့ ရော်ဘာစာချုပ်များပေါ်မှာ လွှမ်းမိုးနေပြီး ရေနံနှင့် အခြားကုန်ပစ္စည်းများပေါ်မှာလည်း အလားတူသက်ရောက်မှုရှိကြောင်း သိရပါတယ်။ Source: Reuters,KZW
၂၀၁၀-၂၀၁၁ မှာ ရှမ်းပြည်နယ်တောင်ပိုင်းရဲ့ ရော်ဘာစိုက်ဧက ၉၅၅၊ အစေးခြစ်ဧက ၈၇၊ အထွက်နှုန်း ၇၉၉ ပေါင်နဲ့ စုစုပေါင်းအထွက်ပေါင် ၇၀၀၀၀ ( ၃၁ ဒသမ ၅ မက်ထရစ်တန်)ထွက်ခဲ့ပါတယ်။ ၂၀၁၁-၂၀၁၂ ခုနှစ်မှာ စိုက်ဧက ၁၀၀၀ မှ ၂၀ ရာခိုင်နှုန်းခန့်တောမီးများကြောင့် မီးလောင်ဆုံးရှုံးခဲ့သော်လည်း စိုက်ဧက ၈၀၀ ကျော်မှ ၉၂ ဧက အစေးခြစ်နိုင်ပြီး ယခင်နှစ်ကထက် အစေးခြစ်ဧက ပိုလာပါတယ်။ ယခုနှစ်မိုးများခြင်းကြောင့် ဧပြီလမှ သြဂုတ်လကုန်အထိ ပေါင် ၄၀၀၀ သာထွက်ပြီး အထွက်နှုန်း ၈၉၀ ဒသမ ၉၂ ပေါင် ထွက်ရှိပါတယ်။ ရှမ်းပြည်နယ်တောင်ပိုင်းရဲ့ ၂၀၁၁-၂၀၁၂ ခုနှစ် ရော်ဘာအထွက် လျာထားမှုမှာ ပေါင် ၈၀၀၀၀ ဖြစ်ပါတယ်။ အစေးခြစ် ဧက ၉၂ ဒသမ ၅ မှ အထွက်နှုန်း ၈၉၀ ဒသမ ၉၂ ပေါင်ဖြင့်တွက်ပါက အထွက် ၈၂၄၁၀ ပေါင် (၃၇ ဒသမ ၃၉ မက်ထရစ်တန်)ဖြစ်လို့ လျာထားချက်ထက် ပိုထွက်နိုင်မှာဖြစ်ပါတယ်။ ရော်ဘာဟာ အခွန်ကင်းလွတ်ခွင့်ရ သီးနှံဖြစ်ပြီး ဒေသတွင်းရော်ဘာပေါက်ဈေး အနေနဲ့ တစ်ပေါင် ၁၂၀၀ ကျပ်မှ ၁၈၀၀ ကျပ်ပေါက်ဈေးရှိရာ ရှမ်းပြည်နယ် တောင်ပိုင်းအနေနဲ့ နှစ်စဉ်ရော်ဘာစိုက်ဧကနဲ့ အထွက်များ တိုးတက်လျက်ရှိကြောင်း သိရပါတယ်။ သန်းတိုး
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်နဲ့ မြိတ်နယ်စပ်ကုန်သွယ်ရေးစခန်းများ မှတစ်ဆင့် ကန်ဒေါ်လာ ၁ ဒသမ ၄၆၈ သန်းတန်ဖိုးရှိ ရော်ဘာအဆင့်စုံ ၃၃၂ တန်ကို အောက်တိုဘာလ ၁၀ ရက်မှ ၁၈ ရက်ထိ ကာလအတွင်း အပို့ ရှိခဲ့ပါတယ်။ နယ်စပ်အလိုက်တင်ပို့နိုင်မှုများကတော့ မူဆယ်နယ်စပ်မှ ကန်ဒေါ်လာ သုည ဒသမ ၁၀၈ သန်းတန်ဖိုးရှိ RSS-3 ၂၄ တန်၊ ကန်ဒေါ်လာ သုည ဒသမ ၉၀၈ သန်းတန်ဖိုးရှိ MSR -20 ၂၀၄ တန်၊ ကန်ဒေါ်လာ သုညဒသမ ၁၉၁ သန်းတန်ဖိုးရှိ MSR -50 ၄၄ တန်နဲ့ မြိတ်နယ်စပ်မှ ကန်ဒေါ်လာ သုည ဒသမ ၂၆၁ သန်းတန်ဖိုးရှိRSS-5 ၆၀ တန် အသီးသီး တင်ပို့နိုင်ခဲ့ပါတယ်။ ယခင်အပတ်နဲ့ နှိုင်းယှဉ်လျှင် ၄၆ တန် အပို့လျော့ခဲ့ပြီး ရော်ဘာအဆင့်လိုက် နှိုင်းယှဉ်မယ်ဆိုလျှင် RSS-3 ၂၂၈ တန် အပို့လျော့ပြီး MSR -20 ၉၆ တန်၊MSR -50 ၂၅ တန် တင်ပို့မှုပိုမိုခဲ့ပါတယ်။ သယ်ယူပို့ဆောင်စရိတ်များ မြင့်တက် နေတဲ့အတွက် ရော်ဘာအပို့လျော့ည်းလျက်ရှိပါတယ်။ ရော်ဘာ ၁ ပိဿာလျှင် သယ်ယူစရိတ် ၈၀ ကျပ်နှုန်းဖြစ်ပြီး ယခင်အပတ်ကထက် ၁၀ ကျပ် ပိုမိုခဲ့တယ်လို့ သိရပါတယ်။ မိမိဘက်နဲ့ တစ်ဘက်နိုင်ငံ ရော်ဘာပေါက်ဈေးများကို နှိုင်းယှဉ် ဖော်ပြပေးလိုက်ရပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS - 3 ၃၄၂၅၈၆၀ ၃၄၁၃၈၀၀ ၁၂၀၆၀ ၀ .၄ ၄၁၅၇ ၄၁၅၈ ၁ ၀ .၀၂RSS - 5 ၃၃၁၂၃၇၉ ၃၃၀၀၃၁၉ ၁၂၀၆၀ ၀ .၄ ၄၀၁၁ ၄၀၀၁ - -MIRT (DOBT)
အောက်တိုဘာလ ၉ ရက်မှ ၁၅ ရက်အထိ ကာလ အတွင်း ပင်လယ်ရေကြောင်းမှ ရော်ဘာ ၄၃၃ တန် မလေး ရှားနဲ့ စင်ကာပူကို တင်ပို့ခဲ့ပါတယ်။ ယခင်အပတ်ကတန် ၂၀၀ ခန့်သာ တင်ပို့ခဲ့ပါတယ်။ ရော်ဘာ စတင်ထွက်တဲ့ရာသီဖြစ် တာကြောင့် တင်ပို့မှု တဖြည်းဖြည်း တက်လာတာဖြစ်ကြောင်း သိရပါတယ်။ နယ်စပ်ကုန်သွယ်ရေးကတော့ ၃၃၂ တန် တင် ပို့ပြီး မှန်မှန်လေးသွားနေတာ တွေ့ရပါတယ်။ FOB (ရန်ကုန်) ဈေးနှုန်းကတောRSS-3, MSR -20 တစ်တန်ကို ဒေါ်လာ ၄၀၀၀ နဲ့ RSS-5 တစ်တန်ကို ဒေါ်လာ ၃၉၀၀ အသီးသီး ဈေးရှိကြောင်း သတင်းရရှိပါတယ်။ KZW
ရွေးကောက်ပွဲအတွက် ပိတ်ရက် ၃ ရက်ပြီးတဲ့နောက် အိန္ဒိယ ဈေးကွက်များကို နနွင်းဝင်ရောက်မှုများ လာတာကြောင့် လက်ငင်းဈေးတစ်တန်ရူပီး ၁၀၀၀-၄၀၀၀(ကန်ဒေါ်လာ ၂၀ ဒသမ ၁၉ - ၈၀ ဒသမ ၇၇) ခန့် ကျဆင်းခဲ့ပါတယ်။ ကုန်သည် များဟာ အမှာအော်ဒါများရရှိထားပေမယ့် ဝင်ရောက်လာတဲ့ နနွင်းအရည်အသွေးညံ့ တဲ့အတွက် ဈေးလျှော့ပေးတယ်လို့ အီရော့နနွင်းကုန်သည်များအသင်းဥက္ကဌ မစ္စတာအာကေဗွီရာဗီရှန်ကာမှ ပြောကြားပါ တယ်။ အလားတူကြိုပွိုင့်ဈေး ကွက်မှာ လည်း ၂ ရာခိုင်နှုန်းကျဆင်းခဲ့ပါတယ်။ ဒါပေမယ့် အရည်အသွေးကောင်းနနွင်းကိုတော့ ရူပီး ၁၀၀၀(ကန်ဒေါ်လာ ၂၀ ဒသမ ၁၉)တိုးမြှင့်ဝယ်ယူခဲ့တယ်လို့ သိရပါတယ်။ ကုန်သည်များဟာ အိန္ဒိယမြောက်ပိုင်းမှ အမှာအော်ဒါများ ဖြည့်ဆည်းဖို့ ဝယ်ယူနေကြတဲ့အတွက် ဈေးကွက်ကို ဝင်ရောက်လာတဲ့ နနွင်းများအနက် ၆၀ ရာခိုင်နှုန်း ရောင်းထွက်ခဲ့တယ်လို့ သိရပါတယ်။ တောင်သူများအနေနဲ့ ဒီဝါလီပွဲတော်အတွက် ငွေလိုအပ်နေပြီး၊ ရာသီကုန်ဆုံးတော့မှာဖြစ်လို့ သိုလှောင် မထားလိုတဲ့ အတွက် ဈေးအနိမ့်မှာ ထုတ်ရောင်းနေကြတယ်လို့ ဆိုပါတယ်။ တောင်သူလက်ထဲမှာ နနွင်းအိတ် ၁၀ သိန်းခန့်ရှိနေသေးတာ ကြောင့် ယင်းလက်ကျန်များကို ဒီဇင်ဘာလ တတိယသီတင်းပတ် နနွင်းသစ်ဝင်ရောက် မလာမီ ၂ လအတွင်း ရောင်းချရတော့ မယ်လု့ိ ကုန်သည်များက ဆိုပါတယ်။ နောက်ဆုံးစာရင်းအရ နနွင်းစိုက်ပျိုးမှုဟာ လွန်ခဲ့တဲ့ သီတင်းပတ်များထက် မြန်ဆန်လာနေပေမယ့် စိုက်ဧရိယာကတော့ ယခင်နှစ်နဲ့ ယှဉ်ရင် ၂ ဒသမ ၁ ရာခိုင်နှုန်းကျဆင်းပြီး၊ ပုံမှန်ရာသီထက် ၆ ဒသမ ၆၅ ရာခိုင်နှုန်း ပိုမိုတယ်လို့ သိရပါတယ်။ အီရော့ နနွင်းကုန်သည်များအသင်း ဈေးကွက်မှာ နနွင်းဝင်ရောက်မှုများ တာကြောင့် တစ်တန် ရူပီး ၁၀၀၀ ကျဆင်းပြီး၊ နနွင်းလက်ချောင်းဈေး တစ်တန် ရူပီး ၄၃၁၁၀-၅၆၇၁၀(ကန်ဒေါ်လာ ၈၇၁-၁၁၄၅)နဲ့ နနွင်းဥတစ်တန် ရူပီး ၃၈၃၆၀- ၅၂၁၁၀(ကန်ဒေါ်လာ ၈၇၁-၁၀၅၂)နဲ့ အရောင်းအဝယ် ဖြစ်ခဲ့တယ်လို့ သိရပါတယ်။ ယမင်းခင်၊Source: hindubusiness
အရင်နှစ်တွေမှာ ရှမ်းနနွင်းက ပုံမှန်အရောင်းအဝယ်ဖြစ်ပြီး၊ ရောင်းသူဝယ်သူမျှတဲ့နှစ်ဖြစ်ခဲ့ပေမဲ့ ဒီနှစ်ကတော့ ဝယ်သူလျော့တဲ့နှစ်လို့ဆိုရမှာဖြစ်ပါတယ်။ ပေါ်ကာစမှာ နနွင်းသန့်ကို ကြိုက်ရောင်းကြိုက်ဝယ်ဈေးနဲ့ အရောင်းအဝယ်ဖြစ်ခဲ့ပြီး၊ နောက်ပိုင်းမှာတော့ ပြည်ပဝယ်လိုအားမရှိတာကြောင့် ဈေးငြိမ်နေခဲ့ပါတယ်။ အရင်တစ်ပတ်မှာ နနွင်းခါးက အဝယ်လိုက်ခဲ့ပေမဲ့ ဒီတစ်ပတ်တော့ နည်းနည်းငြိမ်သွားပါတယ်။ အခုလောလော ဆယ်မှာတော့ ပြည်တွင်းဝယ်လက်တွေက နနွင်းမှုန့်ပြုလုပ်ဖို့နဲ့ အရောင်တင်ဆီအတွက် အသုံးပြုဖို့ ဝယ်ယူလာတာကြောင့် ဆင်တောင် နနွင်းက ပြည်ပတင်ပို့ရန်အထိတော့ တန်ချီပြီးမရှိတော့ ဘူးလို့ နနွင်းပွဲရုံတွေက သိရပါတယ်။ အောင်ပန်းဈေးကွက်မှာဒီတစ်ပတ်နနွင်းပေါက်ဈေးကတော့ ပင်လောင်းနနွင်းကတစ်ပိဿာ ၃၅၀-၄၀၀ ကျပ်၊ ဟိုပုံးနနွင်းက ၁၅၀၀ ကျပ်မှ ၁၇၀၀ ကျပ်၊ ဆင်တောင်နနွင်းက ၂၈၀၀-၃၂၀၀ ကျပ်နဲ့ ပင်လောင်း နနွင်းခါးက တစ်ပိဿာ ၂၅၀-၃၀၀ ကျပ်ဈေးရှိပါတယ်။ ဧဧခိုင်