ဈေးတက်ရိပ်ပြတဲ့ စစ်ကိုင်းပဲစင်းငုံနီ                  မုံရွာကုန်စည်ဒိုင်မှာ ပဲစင်းငုံနီပိဿာဈေး ယခုလဇူလိုင် ၁ ရက်နေ့မှာ ၆၅ဝ ကျပ်မှ ဇူလိုင် ၄ ရက်နေ့မှာ ၆၈၅ ကျပ်သို့ ဈေးလှုပ်ခဲ့ကြောင်းသိရှိရပါတယ်။ ဈေးတက်ရိပ်ရှိလို့ မုံရွာ ကုန်စည်ဒိုင်မှာ လှောင်လက်သမားများ ဝယ်ယူမှုရှိသလို ရန်ကုန် ဝယ်လက်ကလည်း အဆွဲရှိကြောင်း သတင်းရရှိပါတယ်။ မုံရွာကုန်စည်ဒိုင်မှာ ယခုအပတ် အတွင်း ပဲစင်းငုံနီ တစ်ရက်ကိုပျမ်းမျှ တင်း ၈ဝဝ ကျော် အရောင်းအဝယ် ဖြစ်ခဲ့ကြောင်းသိရှိရပါတယ်။ စစ်ကိုင်းတိုင်း ဒေသကြီးအတွင်းမှ မန္တလေးသို့ ဇူလိုင်လ ၄ ရက်အတွင်း ပဲစင်းငုံနီ တင်း ၅ဝဝ ကျော် စီးထွက်ခဲ့ကြောင်းသိရှိရပါတယ်။                သန်းးသန်းးတင်

နယ်စပ်မှ ပဲယင်းတန် ၁၅ဝ နီးပါးအပို့ရှိ                မူဆယ် (၁ဝ၅) မိုင် ကုန်သွယ်ရေးဇုန်မှ တစ်ဆင့် တစ်ဖက်နိုင်ငံသို့ ကန်ဒေါ်လာ ၈၈ဝဝဝ တန်ဖိုးရှိ ပဲယင်း ၁၄၇ တန် တင်ပို့မှုရှိခဲ့ပါတယ်။ ယခင် အပတ်ကထက် တန် ၁ဝဝ ခန့်တင်ပို့မှု လျော့နည်းခဲ့ပါတယ်။ ပဲယင်းဈေးများ လည်း ကျလျက်ရှိတာကိုတွေ့ရပါတယ်။ မိမိဘက်နဲ့တစ်ဘက်နိုင်ငံမြေပြင် ပေါက် ဈေးများကို နှိုင်းယှဉ် ဖော်ပြပေးလိုက်ရပါတယ်                       မိမိဘက်(ကျပ်/တန်)                   တစ်ဘက်နိုင်ငံ(ဒေါ်လာ/တန်)        ယခု          ယခင်      ပြောင်းလဲမှု    %    ယခု     ယခင်    ပြောင်းလဲမှု    %    ၃၂၂၁၃၄     ၃၅၁၅ဝ၁     ၂၉၃၆၇        ၉     ၅၇၂    ၆ဝ၃            ၃၁         ၅MIRT (DOBT)

ပြည်ထောပတ်ပဲ လက်ကျန်များဖြင့် အရောင်းအဝယ်ဖြစ်နေ                    ပြည်ဈေးကွက်သို့ ယခုတစ်ပတ်အတွင်း ထောပတ်ပဲဝင်ရောက်မှု မရှိတော့ဘဲ လက်ကျန်ပဲများသာ လက်လီဝယ်ယူသူများဖြင့် အရောင်းအဝယ်ဖြစ်နေခဲ့ပါတယ်။ လက်လီရောင်းဝယ်မှုအနေဖြင့် တစ်ရက် ၁ဝ အိတ်ကျော်ခန့် အရောင်းအဝယ်ဖြစ်ပြီး ရန်ကုန်ဝယ်လက်အဝယ်ရှိတဲ့ ရက်မှသာ အရောင်းသွက်တယ်လို့ သိရပါတယ်။ ထောပတ်ပဲဈေးမှာ ယခင်နှစ်က ဇူလိုင်လဆန်းပိုင်းတွင် တစ်တင်း ၂၄ဝဝဝ ကျပ်ဖြင့် ရောင်းဝယ်ခဲ့ ကြသော်လည်း ယခုနှစ် ဇူလိုင်လဆန်းမှာတော့ တစ်တင်း ၁၆၅ဝဝ ကျပ်ဖြင့် ဇွန်လကစပြီး ယခုအချိန်အထိ ဈေးငြိမ်ရောင်းဝယ်ခဲ့ကြတာကို တွေ့ရပါတယ်။ ခင်ဆွေဝင်း

ထောပတ်ပဲနဲ့ မြေထောက်ပဲ ပုံမှန်ပမာဏအတိုင်း တင်ပို့နေ               ပင်လယ်ရေကြောင်းက ထောပတ်ပဲနဲ့ မြေထောက်ပဲတင်ပို့မှုကတော့ ပုံမှန် ပမာဏအတိုင်း တင်ပို့မှုရှိတာ တွေ့ရပါတယ်။ ယခုသီတင်းပတ် (ဇွန်လ ၂၄ ရက်မှ ဇူလိုင်လ ၁ ရက်)အတွင်း ထောပတ်ပဲတန်ချိန် ၈၆ဝ ကျော်နဲ့ မြေထောက်ပဲ တန် ၄ဝဝ ခန့်တင်ပို့ခဲ့ပါတယ်။ ယခုနှစ် ဇွန်လ တစ်လလုံးအတွင်း တင်ပို့မှုအနေနဲ့ ထောပတ်ပဲတန်ချိန် ၂၆ဝဝ ကျော်၊ မြေထောက်ပဲတန်ချိန် ၁၅ဝဝ ခန့် ရှိပြီး မေလ အတွင်းမှာ ထောပတ်ပဲ တန်ချိန် ၄ဝဝဝ ကျော်ပြီး၊ မြေထောက်ပဲတန်ချိန် ၁၇ဝဝ ကျော်ရှိတယ်လို့ သိရပါတယ်။                  ၂ဝ၁ဝ ခုနှစ် ဇွန်လအတွင်းမှာ ထောပတ်ပဲ တန်ချိန် ၁၈ဝဝ ကျော်နဲ့ မြေထောက်ပဲ တန် ၈ဝဝ ခန့်သာရှိလို့ ယခုနှစ် ကာလတူမှာ ပိုမိုတင်ပို့နိုင်တာ တွေ့ရပါတယ်။ လက်ရှိဘဏ္ဍာနှစ်အတွင်း ဇူလိုင်လ ၁ ရက်နေ့အထိ တင်ပို့ပြီးစီးမှု အနေနဲ့ ထောပတ်ပဲ တန် ၉ဝဝဝ ကျော်ပြီး၊ မြေထောက်ပဲ တန် ၄ဝဝဝ ကျော်ရှိလို့ ယခင်ဘဏ္ဍာနှစ် ကာလတူတင်ပို့မှု ထောပတ်ပဲတန်ချိန် ၇ဝဝဝ ကျော်နဲ့ မြေထောက်ပဲ တန်ချိန် ၃ဝဝဝ ခန့်ထက် ပိုမိုတင်ပို့နိုင်တာ တွေ့ရပါတယ်။             MIRT- MAPT