အိန္ဒိယမှာ တစ်လအတွင်း ဈေးကန်ဒေါ်လာ ၃ဝ ခန့် လျော့လာ              အိန္ဒိယပြည်တွင်းဈေးကွက်အတွင်း ပဲစင်းငုံအသစ် ရိတ်သိမ်းထွက်ရှိမှု အများဆုံးဖြစ်တဲ့ မတ်လ-ဧပြီလတွေမှာ ပဲဝင်ရောက်မှုများလို့ ဆက်တိုက်ဆို သလိုဈေးကျနေပါတယ်။ မတ်လနဲ့ ဧပြီလ ကာလတူ ဈေးနှုန်းနှိုင်းယှဉ်ရာမှာ တစ်တန်ကို  ကန်ဒေါ်လာ ၃ဝခန့် ကွာခြားနေပါတယ်။ အချို့ဈေးကွက်တွေကို ပဲအသစ် ဝင်ရောက်မှု လျော့ကျလာပေမဲ့ ပြည်ပက တင်သွင်းဖို့ စာချုပ်ချုပ်ဆိုမှု တွေရှိနေတဲ့ အတွက် ဈေးနှုန်းဆက် အေးနိုင်တယ်လို့ ခန့်မှန်းကြပါတယ်။ မတ်လနဲ့ ဧပြီလ ကာလတူ ဈေးနှုန်းများ နှိုင်းယှဉ်ဖော်ပြလိုက်ပါတယ်                                ဒေါ်လာ/တန်                  မွန်ဘိုင်း     ဒေလီ၃၁-၄-၁၁        ၇၅၆      ၈၄၇-၈၄၉၂၁-၃-၁၁         ၇၈၈     ၈၈၈-၈၉၂MIRT(MAPT)

ပြည်မတ်ပဲလည်း အဝင်များပြီး ဈေးအေး              ပြည် မတ်ပဲဈေးဟာ သြင်္ကန်မတိုင်ခင်အချိန် ပဲတစ်တင်းကို ၂၂၇ဝဝ ကျပ် ဈေးထိ မြင့်ခဲ့ပြီး သြင်္ကန်ပြီး ကာလပွဲရုံများ ပြန်လည်ဖွင့်စအချိန်မှာတော့ ပဲတစ်တင်းကို ၂၁ဝဝဝ ကျပ်ဈေးနဲ့ ပြည်အနီးအနားရွာများမှ တစ်နေ့ကို အိတ် ၆ဝဝ- ၇ဝဝ ခန့် လာရောက်ရောင်းချကြတယ်လို့သိရပါတယ်။ ရန်ကုန်ဝယ်လက်နဲ့ လှောင် လက်သမားများ အဝယ်များနေသော်လည်း ပဲဝင်ရောက်မှုများတာကြောင့် ဈေးလျှော့ခဲ့တယ်လို့သိရပါတယ်။ သြင်္ကန်ပြီးစအချိန် ပြည်မှရန်ကုန်သိူ့ ပဲတင်ပို့မှုကတော့ တစ်နေ့ကို အိတ် ၇၂ဝဝ ခန့် တင်ပို့တယ်လို့ သိရပါတယ်။ မိမိအေး

သြင်္ကန်အပြီး သွေးအေးနေဆဲ မတ်ပဲဈေးကွက်                ပဲခူးတိုင်းဒေသကြီးအရှေ့၊ ပဲခူးမြို့နယ်ရဲ့ ဈေးကွက်မှာ မတ်ပဲတစ်ပိဿာကို ၁ဝ၅ဝ ကျပ်နဲ့ အရောင်းအဝယ် ရှိနေရာက သြင်္ကန်အပြီး ဧပြီလတတိယပတ်မှာ တစ်ပိဿာကို ၁ဝ၇၅ ကျပ်ဈေးဖြစ်လာပါတယ်။ သနပ်ပင်မြို့နယ်ရဲ့ ပဲခူးအနီး တစ်ဝိုက်ကျေးရွာများမှ တစ်နေ့လျှင်အိတ် ၁၅ဝဝ မှ ၂ဝဝဝ ခန့်အထိ လာရောက် ရောင်းချတယ်လို့ သိရပါတယ်။ ယခုနှစ်က သြင်္ကန်ကာလနဲ့ ပဲခူးရွှေမော်ဓော ဘုရားပွဲတော်ကျင်းပချိန် တိုက်ဆိုင်နေလို့ အရောင်းအဝယ်အေးနေရာမှ သြင်္ကန် အပြီးမှာ အရောင်းအဝယ်များ ပုံမှန်ပြန်ဖြစ်လာပါတယ်။ ငွေလိုသူတွေ၊ ငွေပေါ်လိုသူတွေ ရောင်းကြဝယ်ကြလို့ စည်ကားရခြင်းဖြစ်တယ်လို့ ပွဲရုံအသိုင်းအဝိုင်းက ဆိုပါတယ်။ နယ်အဝင်ရှိနေပေမဲ့ ကုန်သည်အချို့က ဈေးတက်ချိန်ကို ဆက်လက် စောင့်ဆိုင်းနေတယ်လို့သိရပါတယ်။                 အေးဝင်း

ယခင်တစ်ပတ်ထက် မတ်ပဲတင်ပို့မှု တစ်ဆပိုလာ                   သြင်္ကန်မတိုင်မီ သီတင်းပတ်အတွင်း ပင်လယ်ရေကြောင်းက မတ်ပဲတင်ပို့မှု ပိုလာခဲ့ပါတယ်။ ယခင်သီတင်းပတ်များက တန် ၅ဝဝဝ ကျော်သာ တင်ပို့မှု ရှိခဲ့ရာမှ ဧပြီလ ၅ ရက်မှ ၁၁ ရက်အတွင်းမှာတော့ တန်ချိန် တစ်သောင်းကျော်ထိ တင်ပို့ လာခဲ့ပါတယ်။ အိန္ဒိယအဝယ်ရှိခဲ့ပြီး ပိတ်ရက်များကြောင့် တွန်းတင်လာခဲ့သလို ပြည်တွင်းဈေးကွက်မှာလည်း အရောင်းအဝယ်အဖြစ်များပြီး ဈေးမြင့်လာခဲ့ပါတယ်။ မတ်လ တစ်လလုံးတင်ပို့မှုအနေနဲ့ တန်ချိန် ၃၂ဝဝဝ ခန့် ရှိပြီး ဖေဖော်ဝါရီလ မှာ တန်ချိန် ၃ဝဝဝဝ ကျော်တင်ပို့ခဲ့တာတွေ့ရပါတယ်။ ၂ဝ၁ဝ ခုနှစ် မတ်လ တင်ပို့မှုကို ကြည့်ရာမှာတော့ တန်ချိန် ၅၆ဝဝဝ ထိ တင်ပို့နိုင်ခဲ့လို့ ယခုနှစ် ကာလတူမှာ တန်ချိန် ၂ သောင်းကျော် လျော့ကျတင်ပို့ခဲ့တာတွေ့ရပါတယ်။ ဈေးကွက်များ အတွင်း သြင်္ကန်မတိုင်မီကစပြီး တောင်သူတွေ ရောင်းအားများလာလို့ သြင်္ကန်အပြီးမှာ မတ်ပဲဈေး ပြန်အေးလာခဲ့တယ်လို့ သိရပါတယ်။ FOB အရောင်းအဝယ်ဖြစ်မှု ကတော့ ပုံမှန်ရှိတယ်လို့ ကုန်သည်တစ်ဦးက ဆိုပါတယ်။ ဧပြီလ ၂၂ ရက် ရန်ကုန် FOB ဈေးများကတော့ ယခင်ဈေးအတိုင်း မတ်ပဲ FAQ တစ်တန်ကို ကန်ဒေါ်လာ ၉၁ဝ-၉၂ဝ နဲ့ SQ တစ်တန်ကို ကန်ဒေါ်လာ ၁ဝ၆ဝ- ၁ဝ၈ဝ အသီးသီးဖြစ်တယ်လို့ သိရပါတယ်။ MIRT - MAPT