ပုံမှန်တင်ပို့မှုထက် ပိုလာတဲ့ ပဲတီစိမ်း            ယခင်နှစ် တစ်နှစ်လုံး ပုံမှန်တင်ပို့မှုရှိနေခဲ့တဲ့ ပဲတီစိမ်းဟာ ယခုတစ်ပတ်မှာ တန်ချိန် ၄ဝဝဝ ခန့်ကို ပိုတင်လာ တာတွေ့ရပါတယ်။ တချို့ဈေးကွက်တွေထဲကို ပဲစင်းငုံအသစ်ဝင်ရောက်စပြုလာပြီဖြစ်ပြီး လက်ကျန် အနည်းငယ်သာကျန်တဲ့ ပဲတီစိမ်းရော၊ အသစ်ကိုပါ တရုတ်ဝယ်လိုအားကောင်းနေသလို ပင်လယ်ရေကြောင်းအတွက်လည်း ပြည်ပဝယ်လက်က ပုံမှန် ဝယ်နေတယ်လို့ သိရပါတယ်။            ၂ဝ၁ဝ ဒီဇင်ဘာလတင်ပို့မှုအနေနဲ့ တန်ချိန် ၁၁ဝဝဝ ကျော်ရှိပြီး နိုဝင်ဘာမှာ တန်ချိန် တစ်သောင်းနီးပါး တင်ပို့ခဲ့ပါ တယ်။ ၂ဝဝ၉ ခုနှစ် ဒီဇင်ဘာလမှာတော့ တန်ချိန် ၁၄ဝဝဝ ကျော်ထိ တင်ပို့မှုရှိခဲ့လို့ ၂ဝ၁ဝ ကာလတူမှာတော့ အနည်းငယ် လျော့ကျတာတွေ့ရပါတယ်။ ပြည်ပဝယ်လိုအားကောင်းတဲ့ ပဲတီစိမ်းဈေးဟာ ရန်ကုန် FOB ဈေးလည်း မြင့်တက်လာ နေတာတွေ့ရပါတယ်။                                                                                                               ဒေါ်လာ/တန်                      ပဲတီစိမ်း(အညာ၊ ပခုက္ကူ)                   ပဲတီရွှေဝါအသေး၁၉-၁-၁၁              ၉ဝဝ-၉၂ဝ                                   ၁၂၂ဝ-၁၂၄ဝ၁၃-၁-၁၁              ၈၈ဝ-၉ဝဝ                                   ၁၂ဝဝ-၁၂၂ဝ                                                                                                           MIRT(MAPT)

ဟင်္သာတမှာ ပဲလွန်းဖြူဈေးမြင့်လာ                          ဟင်္သာတ ဈေးကွက်ကို ဒီဇင်ဘာ နောက်ဆုံးပတ်က စတင်ဝင်လာတဲ့ ပဲလွန်းဖြူဟာ ယခင်အပတ်က ပိဿာ ၂ဝ တစ်တင်းကို ၁၉၅ဝဝ ကျပ်ဈေးနဲ့ အရောင်းအဝယ်ဖြစ်ခဲ့ပြီး ယခုဒီဇင်ဘာ တတိယပတ်မှာ ၂၁၅ဝဝ ကျပ်ကို မြင့် တက်လာပါတယ်။ ဒေသတွင်း ရောင်းဝယ်မှုလည်း ယခင်အပတ်ထက် နည်း သွားပြီး ရန်ကုန်ဈေးကွက်သို့ တစ် ရက်ကို ပျမ်းမျှတစ်တင်းခွဲဝင်အိတ် ၂ဝဝ ခန့် တင်ပို့နိုင်တယ်လို့ သိရပါတယ်။ ယခုရောင်းဝယ်နေတဲ့ ပဲဟာ ကိုင်းပဲများ ဖြစ်ပြီး နောက်ကျစိုက်တဲ့ ဆောင်းသီးနံှ လယ်ပဲက ဖေဖော်ဝါရီမှ ပေါ်မှာဖြစ် တာကြောင့် ကြားကာလမှာ ပစ္စည်း လက်ကျန် နည်းလာပြီး ဈေးအနည်း ငယ် မြင့်တက်လာခြင်း ဖြစ်တယ်လို့ သိရပါတယ်။ အေးအေးခိုငိ 

 ထွက်ပေါ်တော့မယ့် ရွှေပဲစင်းငုံ              ရွှေဘိုမြို့နယ်မှာ မိုးပဲစင်းငုံစိုက်ဧက ၁၅ဝဝဝ ကျော်ရှိပြီး၊ မြို့ရဲ့အရှေ့ဘက် မိုးကောင်းဒေသများဖြစ်တဲ့ ကော့ရွာ၊ တအုံ၊ အုန်းပေါက်၊ ဂွေးကုန်း၊ ဘိုးတော်တော၊ ပိတ်တောစတဲ့ကျေးရွာတွေမှာ အများဆုံးစိုက်ပျိုးကြပါတယ်။ ကော့ရွာက ပဲစင်းငုံစိုက်တောင်သူ ဦးဆန်းလင်းပြောပြချက်အရ ဒီနှစ်မိုးနှောင်းကာလ ဒီဇင်ဘာမှာ ၄ ရက်ခန့်ရွာခဲ့တဲ့ မုန်တိုင်းမိုးကြောင့် အပင်ပန်းပွင့်ချိန်မှာ မိုးမိပြီး အပွင့်တွေရိုက်ချသလိုဖြစ်ခဲ့လို့ အထွက်လျော့နိုင် တယ်လို့သိရပါတယ်။ မနှစ်ကတစ်ဧက ၁၅ တင်းခန့် ထွက်ခဲ့ပေမဲ့ ဒီနှစ်မှာတော့ ၁ဝ တင်းထက်မပိုနိုင်ဘူးလို့ ဆိုပါတယ်။ ဒေသတောင်သူအခေါ် (တဖတ်လဲ) မျိုးတွေသာစိုက်ကြပြီး အနီ (လုံးသေး) တွေသာများပါတယ်။မြို့ပေါ်ပွဲရုံတွေမှာ အခြားနယ်ကစောပြီး ဝင်လာ တဲ့ ပဲစင်းငုံအချို့တစ်တင်းကို ၁၇၆ဝဝ ကျပ်ခန့်ဈေးပေါက် နေပြီး ရွှေဘိုနယ် မှာ တော့ ယခုဇန်နဝါရီလ ၂ဝ ရက်ကျော်မှ ခုတ်သိမ်းထွက်ပေါ်မယ်လို့ သိရပါတယ်။ တစ်ဧက ကုန်ကျစရိတ်ပျမ်းမျှကျပ် ၁ဝ၃ဝဝဝ ခန့်ရှိတာမို့ တစ်ဧကအကျိုးအမြတ် အနေနဲ့ ကျပ် ၇ဝဝဝဝ ခန့်ရှိမယ်လို့ လေ့လာ သိရှိရပါတယ်။ တင်ထွန်းနိုင်

 တစ်ပတ်အတွင်း အိန္ဒိယပဲစင်းငုံဈေး ၅ဝ ရာခိုင်နှုန်း နီးပါးမြင့်လာ               အိန္ဒိယပဲစင်းငုံဈေးက ၂ဝ၁ဝ ဒီဇင်ဘာလဆန်းအထိ ဈေးငြိမ် အရောင်း အဝယ်အေးခဲ့ရာမှ ပဲစင်းငုံအသစ် ဝင်ကာနီး အထွက်လျော့တဲ့ သတင်းတွေအရ ဈေးတွေမြင့်တက်လာခဲ့ရာ ဒီဇင်ဘာနဲ့ ဇန်နဝါရီကာလတူရက် ဈေးဟာ ၅ဝ ရာခိုင်နှုန်း မြင့်တက်လာတာတွေ့ရပါတယ်။ လက်ရှိကာလက လက်ထပ်ပွဲနဲ့ ဘာသာရေး ပွဲတော် ကာလလည်းဖြစ်လို့ ဝယ်ယူအားတွေ တက်လာတာကြောင့် လည်း ဈေးမြင့် တက်လာခြင်းဖြစ်တယ်လို့ သိရပါတယ်။ ဒီဇင်ဘာလနဲ့ ၂ဝ၁၁ ဇန်န ဝါရီလ ကာလတူမွန်ဘိုင်းဈေးကွက်နဲ့ C&F ဈေးနှုန်းများ နှိုင်းယှဉ် ဖော်ပြလိုက်ပါတယ်                                                                                                                         ဒေါ်လာ/တန်                     မွန်ဘိုင်းဈေးကွက်              မွန်ဘိုင်း(C&F) ၂ဝ-၁-၁၁               ၉ဝ၅                            ၉၃၅ ၂ဝ-၁၂-၁ဝ            ၆၃၄                             ၆၄ဝ MIRT(MAPT)