Background
နယ်စပ်မှ ပဲတီစိမ်းဝယ်လိုအားကောင်းနေ မူဆယ် (၁ဝ၅)မိုင် ကုန်သွယ်ရေးဇုန်နဲ့ စစ်တွေနယ်စပ်ကုန်သွယ်ရေးမှတစ်ဆင့် တစ်ဘက်အိမ်နီးချင်း နိုင်ငံများသို့ ယခုအပတ် ဇန်နဝါရီလ ၅ ရက်မှ ၁၁ ရက်ထိ ကာလအတွင်း ကန်ဒေါ်လာ ၁ ဒသမ ၃၂၉ သန်းတန်ဖိုးရှိ ပဲတီစိမ်း တန်ချိန် ၁၄၅ဝ ကျော် တင်ပို့နိုင်ခဲ့ပါတယ်။ ယခင်အပတ်ကတော့ မူဆယ် (၁ဝ၅) မိုင် ကုန်သွယ်ရေးဇုန်မှ တန် ၁၃၂ဝ ကျော် တင်ပို့ခဲ့တာမို့ ယခုအပတ်မှာ တန် ၁၃၀ ခန့်တင်ပို့မှုပိုမိုခဲ့ပါတယ်။ယခုအပတ်မှာလည်း ပဲတီစိမ်းလုံးခြမ်း တင်ပို့ခြင်းမရှိဘူးလို့ သိရပါတယ်။ ယခုတစ်ပတ်မိမိဘက်မြေပြင် ပေါက်ဈေးမှာ ၉၃၈၅၅ဝ ကျပ်နဲ့ တစ်ဖက်နိုင်ငံပေါက်ဈေးက ၁၁၈၃ ဒေါ်လာ ဖြစ်တယ်လို့ သိရပါတယ်။ ပဲတီစိမ်း ဈေးကွက်အတွင်း ပဲတီစိမ်း ပဲခူးစအသစ်များဝင်ရောက်စပြုပြီဖြစ်တဲ့အတွက် အလတ်စ တစ်တန် ၅၆ ဒသမ ၂၅ ပိဿာဝင်တစ်အိတ်လျှင် ၇၈ဝဝဝ ကျပ်မှ ၉ဝဝဝဝကျပ်၊ တစ်တန်လျှင် ၈ ဒသမ ၄၉သိန်းမှ ၉ ဒသမ ၇၉ ကျပ်သိန်းအထိတက်လာပြီး အညာစ လက်ကျန်ဈေးမှာ ၇ ဒသမ ၈၃ သိန်းဝန်းကျင်အထိ ဈေးပေါက်လျက် ရှိပါတယ်။ ပဲတီစိမ်းအသစ်အား တရုတ်မှဝယ်လိုအားရှိတဲ့အတွက် အရည်အသွေးကောင်းရင် တစ်တန် ယွမ် ၉၈ဝဝ မှ ၁ဝဝ၂ဝ ထိ ဈေးပေးဝယ်ယူလျက်ရှိနေပါတယ်။ တရုတ်ဝယ်လိုအားရှိပြီး ပြည်တွင်းဈေးကွက်မှာ လက်ရှိ ပဲတီစိမ်းအသစ် ၅၆ ဒသမ ၂၅ ပိဿာဝင် တစ်အိတ်လျှင် ကျပ်တစ်သိန်းနှုန်းအထိ ကြိုပွိုင့်ဈေးပေး အရောင်းအဝယ် ဖြစ်နေကြတယ်လို့ သိရပါတယ်။DOBT (MIRT)
အိန္ဒိယမှာ ပဲတီရွှေဝါဈေး တစ်လအတွင်း ကန်ဒေါ်လာ ၈ဝ ခန့်မြင့်တက် အိန္ဒိယနိုင်ငံ မွန်ဘိုင်းဈေးကွက်မှာ ပဲတီရွှေဝါအရောင်းအဝယ်မဖြစ်ပေမဲ့ ချန်နိုင်းဈေးကွက်မှာတော့ မြန်မာပဲတီ ရွှေဝါဈေးက တစ်လအတွင်း ကန်ဒေါ်လာ ၈ဝ ခန့်မြင့်တက်လာခဲ့ပါတယ်။ ပြည်တွင်းပဲတီစိမ်းဈေးက အနည်းငယ်တိုးတက်ပေမဲ့ ပဲတီရွှေဝါဈေးမှာ သိသိသာသာတက်လာခြင်း ဖြစ်ပါတယ်။ ပြည်တွင်းပဲများ အရည်အသွေးနိမ့်ကျမှုကြောင့် အရည်အသွေးမြင့်တဲ့ မြန်မာပဲတီရွှေဝါဈေးပိုနေခြင်းဖြစ်ပါတယ်။ ဈေးကွက်တွေမှာ ဖြစ်ပေါ်ခဲ့တဲ့ ကာလတူဈေးနှုန်းများ နှိုင်းယှဉ်ဖော်ပြလိုက်ပါတယ် ချန်နိုင်း(ပဲတီရွှေဝါ) ဒေလီ(ပဲတီစိမ်း)၁၃-၁-၁၁ ၁ဝ၉၆ ၁ဝ၁၉-၁ဝ၄၁၁၃-၁၂-၁ဝ ၁ဝ၁၇ ၁၁၆၁ MIRT (MAPT)
ပင်လယ်ရေကြောင်းက ပုံမှန်သာ တင်ပို့မှုရှိတဲ့ ပဲတီစိမ်း ပင်လယ်ရေကြောင်းက ပဲတီစိမ်းတင်ပို့မှုအနေနဲ့ ယခုတစ်ပတ်မှာလည်း တန်ချိန် ၂၇ဝဝ ခန့်နဲ့ ယခင် သီတင်းပတ် တွေလိုပဲ ပုံမှန်သာတင်ပို့မှုရှိနေတာတွေ့ရပါတယ်။ လက်ရှိ အိန္ဒိယဝယ်လက်များအနေနဲ့ ပဲတီစိမ်း လက်ကျန်အဟောင်းတွေကို ဝယ်ယူမှုနည်းပြီး ဖေဖော်ဝါရီမှာ ထွက်ပေါ်မဲ့ ပဲတီစိမ်းအသစ်တွေကိုသာ ဝယ်လိုနေကြတယ်လို့ သိရပါတယ်။ လတ်တလော အိန္ဒိယ ဝယ်လက်အဝယ်နည်းပေမဲ့ နယ်စပ်ဘက်က တရုတ်ဝယ်လက်ကတော့ အဆွဲသွက်နေလို့ ပြည်တွင်းဈေးလည်း မြင့်တက် နေတာ တွေ့ရပါတယ်။ လက်ရှိဘဏ္ဍာနှစ် ပဲတီစိမ်းတင်ပို့မှုအနေနဲ့ ဇန်နဝါရီလ ၇ ရက်နေ့အထိ တန်ချိန် ၁၈၃ဝဝဝ ခန့်တင်ပို့မှုရှိပြီး ယခင်ဘဏ္ဍာနှစ်ကာလတူတင်ပို့မှုမှာ တန်ချိန် ၁၉၃ဝဝဝ ကျော်ရှိတဲ့အတွက် ပဲတီစိမ်းအနေနဲ့ တန် တစ်သောင်းခန့်သာ လျော့ကျတာ တွေ့ရပါတယ်။ ဒီနှစ်မှာ ဈေးကောင်းရတာကြောင့် ဝင်ငွေအနေနဲ့ကတော့ ယခင်နှစ်ထက် ဒေါ်လာ သန်း ၇ဝ ပိုဝင်ခဲ့ပါတယ်။ မြင့်တက်နေတဲ့ ရန်ကုန် FOB ဈေးများကို ယခင်တစ်ပတ်နဲ့ နှိုင်းယှဉ်ဖော်ပြလိုက်ပါတယ် ပဲတိစိမ်း (အညာ/ပခုက္ကူ) ပဲတီရွှေဝါသေး၁၄-၁-၁၁ ၉ဝဝ-၉၂ဝ ၁၂၂ဝ-၁၂၄ဝ၇-၁-၁၁ ၈ဝဝ-၉ဝဝ ၁၂ဝဝ-၁၂၂ဝ MIRT (MAPT)
ပြည်ပဲလွန်းဖြူ ဈေးမြင့်လာ ပြည်မြို့ရဲ့ ပဲလွန်းဖြူ ဈေး ကတော့ တဖြည်းဖြည်းနဲ့ အေးလာ ခဲ့ရာမှ ဇန်နဝါရီလ ပထမပတ်မှာ ပဲ တစ် တင်းကို ၂ဝဝဝဝ ကျပ်သာရှိခဲ့ပြီး ဒုတိယ ပတ်မှာတော့ ၂၃ဝဝဝ ကျပ် အထိ ဈေးမြင့်လာခဲ့တယ်လို့ သိရပါတယ်။ မြို့တွင်းရောင်းဝယ်မှု အနည်း ငယ်ရှိပြီး တစ်နေ့ကို ၁ဝ အိတ်၁၅ အိတ် ခန့်အရောင်းအဝယ်ရှိတယ်လို့ သိရပါတယ်။ မိမိအေး
နယ်စပ်စခန်းများမှ ပဲလွန်းဖြူနဲ့ ချင်းပဲ ယခုအပတ်မှာ တင်ပို့နိုင် ဇန်နဝါရီလ ၅ ရက်မှ ၁၁ ရက်ထိ ကာလအတွင်း မူဆယ် (၁ဝ၅)မိုင်ကုန်သွယ်ရေးဇုန်မှတစ်ဆင့် တစ်ဘက် နိုင်ငံသို့ ပဲလွန်းဖြူ တန် ၁၂ဝ ကန်ဒေါ်လာ ဝ ဒသမ ဝ၉၃ သန်းဖိုး တင်ပို့နိုင်ခဲ့ပါတယ်။ ဒီဇင်ဘာ ၂၂ ရက် မှ ၂၈ ရက်ထိ ကာလအတွင်းကလည်း ပဲလွန်းဖြူ တန် ၉ဝ ကျော် မူဆယ်မှ တင်ပို့နိုင်ခဲ့ရာ ယခုအပတ်မှာ တန် ၃ဝ ခန့် တင်ပို့မှု ပိုမိုခဲ့ပါတယ်။ တမူးနယ်စပ် ကုန်သွယ်ရေးမှတစ်ဆင့် ချင်းပဲ ၅ တန် ကန်ဒေါ်လာ ၄ဝဝဝ ဖိုးကို ယခု အပတ်အတွင်း တင်ပို့နိုင်ခဲ့ပါသေးတယ်။ ပဲယင်းကိုတော့ ဒီဇင်ဘာလအတွင်းမှ ၁၇ တန် တင်ပို့နိုင်ခဲ့ပြီး ၂ဝ၁ဝ-၂ဝ၁၁ ဧပြီလမှ ဒီဇင်ဘာလထိ ၉ လ တာ ကာလအတွင်းမှာ တန်ချိန် ၂၄ဝဝ ကျော် နယ်စပ်မှ တင်ပို့နိုင်ခဲ့တယ် လို့သိရပါတယ်။ DOBT (MIRT)
ပုံမှန်အတိုင်း တင်ပို့နေတဲ့ ပဲလွန်းဖြူ ပင်လယ်ရေကြောင်းက ပဲလွန်းဖြူ တင်ပို့မှုအနေနဲ့ အပတ်စဉ်တန်ချိန် ၂ဝဝ အထက်အောက်ဝန်းကျင်နဲ့ ပုံမှန်တင်ပို့ မှုရှိသလို ယခုတစ်ပတ် (ဇန်နဝါရီလ ၇ ရက်မှ ၁၂ ရက်) အတွင်းမှာလည်း တန် ချိန် ၂၃ဝ ခန့် တင်ပို့ခဲ့တာတွေ့ရပါတယ်။ ပြည်တွင်းဈေးကွက်တွေကို ပဲလွန်းဖြူတော်တော်များများ ဝင် ရောက်နေပြီဖြစ်လို့ ပြည်ပ တင်ပို့သူများ အနေနဲ့ အဟောင်းလက်ကျန်တွေရော အသစ်အချို့ပါ တင်ပို့မှုရှိနေတယ်လို့ သိရပါတယ်။ ယခုတစ်ပတ်တင်ပို့တဲ့ နိုင်ငံတွေကတော့ ဖိလစ်ပိုင်နဲ့ စင်ကာပူ ကို သွားတာ တွေ့ရပါတယ်။ ၂ဝ၁၁ ခုနှစ် ဇန်နဝါရီလ ၇ ရက် နေ့အထိ ဘဏ္ဍာနှစ်အတွင်း တင်ပို့မှုကို လေ့လာရာမှာ စုစုပေါင်း တန်ချိန် ၁၈ဝဝဝ ခန့်ရှိပြီးယခင်ဘဏ္ဍာနှစ် ကာလတူ တင်ပို့မှုမှာ တန်ချိန် ၂၅ဝဝဝ ခန့်ရှိလို့ တန် ၇ဝဝဝ ခန့်လျော့နည်းနေ သေးတာ တွေ့ရပါတယ်။ ရန်ကုန် FOB ဈေးအနေနဲ့ ယခင်တစ်ပတ်က FAQ တစ်တန်ကို ကန်ဒေါ်လာ ၇၆ဝ- ၇၇ဝ၊ SQ တစ်တန်ကို ကန်ဒေါ်လာ ၈၆ဝ-၈၇ဝ ရှိရာမှ ဇန်နဝါရီလ ၁၄ ရက်မှာ FAQ တစ်တန်ကို ကန်ဒေါ် လာ ၈ဝဝ-၈၂ဝ ၊ SQ တစ်တန်ကို ကန် ဒေါ်လာ ၉ဝဝ-၉၂ဝ ကို ဈေးတိုးလာ ကြောင်း သိရပါတယ်။ MIRT - MAPT
ပဲစင်းငုံအသစ်များ မုံရွာကုန်စည်ဒိုင်သို့ ဝင်လာပြီ စစ်ကိုင်းတိုင်းဒေသကြီးအတွင်း ၂ဝ၁ဝ-၂ဝ၁၁ ခုနှစ် ပဲစင်းငုံလျာထား စိုက်ပျိုးဧက ၅ သိန်း၂ သောင်း ဖြစ်ပြီး ဧက ၅ သိန်း ၄ သောင်းကျော်စိုက်လို့ ၁ဝ၄ ရာခိုင်နှုန်းစိုက်ပျိုးခဲ့ပါတယ်။ ပဲစင်းငုံအထွက် အနည်းငယ်နောက်ကျလို့ ယခုအပတ်မှ စတင်ပြီး ပဲစင်းငုံအသစ်များဝင်ရောက်လာခဲ့ပါတယ်။ ဘုတလင်၊ ကနီ၊ ယင်းမာပင်၊ ပုလဲ၊ ဆားလင်းကြီး၊ ချောင်းဦးမြို့နယ်များမှ မုံရွာမြို့သို့ တစ်ရက်ကို တင်း ၃ဝဝ၊ ၄ဝဝ စတင်ဝင်ရောက် လာပြီဖြစ်ပါတယ်။ မုံရွာကုန်စည်ဒိုင်မှာ ၂ဝ၁၁ ခုဇန်နဝါရီလ ၁၁ ရက်အတွင်း ပဲစင်းငုံတစ်ပိဿာ ပေါက်ဈေးအနိမ့်၊ အမြင့်မှာ အဟောင်း ၇၂၅ ကျပ်၊ ၈၄ဝ ကျပ်၊ အသစ် ၈၂၅ ကျပ်၊ ၉၂ဝ ကျပ်ဈေးအသီးသီးနဲ့ အရောင်းအဝယ် ပြုလုပ်ကြပါတယ်။ ရန်ကုန်၊ မန္တလေးဝယ်လက်သမားများက ပဲစင်းငုံအဟောင်းကို အဝယ်များပြီး ဒေသတွင်း ကုန်သည်လှောင်လက်သမားများက ပဲစင်းငုံအသစ်ကို ဝယ်ယူသိုလှောင်ကြကြောင်း ကုန်စည်ဒိုင်သတင်း ရပ်ကွက်က သိရပါတယ်။ ယခုလ ဇန်နဝါရီလ ၁၁ ရက်အတွင်း မုံရွာကုန်စည်ဒိုင်မှာ တစ်ရက်ပျမ်းမျှ ပဲစင်းငုံအဟောင်းတင်း ၁၃ဝဝ ခန့် ပဲစင်းငုံအသစ်တင်း ၅ဝဝ ခန့် အရောင်းအဝယ်ဖြစ်ကြောင်း သိရပါတယ်။ သန်းးသန်းးတင်
ဈေးလှုပ်နေတဲ့ ပြည်ပဲစင်းငုံ ယခုတစ်ပတ် ပြည်ဈေးကွက်သို့ အောင်လံ၊ ရေနံချောင်းမှ ပဲစင်းငုံအိတ် ၆ဝဝ အဝင်ရှိပြီး အနောက်ဘက်ကမ်း ပန်းတောင်းနဲ့ ဥသျှစ်ပင်မှလည်း နေ့စဉ် အိတ် ၄ဝဝ-၅ဝဝ အဝင်ရှိ အရောင်းအဝယ်ဖြစ်လျက်ရှိကြောင်း သိရပါတယ်။ တိုင်းအတွင်းရှိ ပေါင်းတလည်၊ ပေါက်ခေါင်းမြို့နယ်များမှလည်း နေ့စဉ်အိတ် ၁ဝဝ နီးပါး အဝင်ရှိတယ်လို့ သိရပါတယ်။ စုစုပေါင်းဝင်ရောက်မှုအနေဖြင့် ပြည်ဈေးကွက်သို့ အိတ် ၁၁ဝဝ-၁၂ဝဝ ခန့် အဝင်ရှိပြီး တင်ပို့မှုအနေနဲ့ ရန်ကုန်ကို အိတ် ၅ဝဝ တင်ပို့ခဲ့ပြီးဖြစ်ကြောင်း သိရပါတယ်။ ဈေးနှုန်းအနေဖြင့် ယခင်တစ်ပတ်က ပိဿာ ၂ဝ တစ်တင်းကို ၁၇၅ဝဝ ကျပ်ဈေးရှိပြီး ယခုတစ်ပတ်အစမှာတော့ တစ်တင်းကို ၁၈၅ဝဝ ကျပ်ထိ ဈေးမြင့်တက်လာခဲ့ကြောင်း သိရပါတယ်။ ဒါပေမဲ့ စပေါ်ချိန်မှသာ ဈေးကောင်းရနေပြီး နောက်ရက်များတွင် ဝယ်လက်များ အေးနေ ခြင်းကြောင့် ဈေးပြန်ကျခဲ့တယ်လို့ သိရပါတယ်။ တစ်တင်းကို ၁၇၈ဝဝ ကျပ်ထိ ဈေးကျခဲ့သော်လည်း ယခင်တစ်ပတ်ဈေးနဲ့ယှဉ်ရင် ဈေးအနည်းငယ် မြင့်နေ ကြောင်း သိရပါတယ်။ ဆုမွန်မွန်ဆွေ
အရောင်းအဝယ်သွက်ဈေးမြင့်လာတဲ့ မန်းပဲစင်းငုံ မန်းဈေးကွက်အတွင်း ယခုတစ်ပတ်တွင် ပဲစင်းငုံနီကို ရန်ကုန်ဝယ်လက် သမားများ ဝယ်လိုအား ကောင်းလာ တဲ့အတွက် အရောင်းသွက်ပြီး ဈေးမြင့်လာ တာတွေ့ရပါတယ်။ ပစ္စည်းအဟောင်းရှိတဲ့ လှောင်လက်သမား များကလည်း ထုတ်ရောင်းလာကြသလို ဈေးကွက်အတွင်း ဝင်ရောက်လာတဲ့ ပဲစင်းငုံနီ အသစ်များကိုလည်း ဝယ်ယူနေတာကို တွေ့ရပါတယ်။ အသစ်ရော အဟောင်းပါ အရောင်းအဝယ်ကောင်းခဲ့တာကြောင့် ပဲစင်းငုံဈေးကွက် စည်ကားလာပါတယ်။ ယခုတစ်ပတ် ပဲစင်းငုံနီအသစ် တစ်ပိဿာ ၁ဝဝဝ ကျပ်၊ တစ်တန် ၆၁၂၃၉ဝ ကျပ်၊ ပဲစင်းငုံနီအဟောင်း တစ်ပိဿာ ၈၆၇ ကျပ်၊ တစ်တန် ၅၃ဝ၉ဝဝ ကျပ်ဈေးတို့ဖြင့် ဈေးမြင့်လာပြီး အရောင်းအဝယ် ဖြစ်နေကြကြောင်း သိရပါတယ်။ ကျော်ကျော်မိုး
ယခင်အပတ်ထက် ပဲစင်းငုံ နှစ်ဆ အတင်ရှိ ယခင်သီတင်းပတ်က ပဲစင်းငုံတန်ချိန် ၂ဝဝဝ ခန့် သာ တင်ပို့မှု ရှိခဲ့ပေမဲ့ ယခုသီတင်းပတ် (ဇန်နဝါရီလ ၇ ရက်မှ ၁၂ ရက်) အတွင်းမှာတော့ တန်ချိန် ၄၄ဝဝ ခန့်အထိ ၂ ဆတိုးတက်လာတာတွေ့ရပါတယ်။ အိန္ဒိယမှာ ပဲစင်းငုံ အထွက် ကောင်းမယ်လို့ အစောပိုင်းက ခန့်မှန်းထားခဲ့ပေမဲ့ ရာသီဥတု အအေးလွန်ကဲခြင်းနဲ့ အခိုျ့ဒေသတွေမှာ ဒီဇင်ဘာလက မိုးရွာသွန်းမှုတွေကြောင့် အထွက် လျော့သလိုအရည်အသွေးလည်း ပျက်စီးမှုတွေရှိတယ်လို့ သိရပါတယ်။ ဒါကြောင့် အိန္ဒိယ ဝယ်လက်တွေ မြန်မာပဲစင်းငုံဘက်လှည့်ပြီး အဝယ်ပြန်လိုက်လာခဲ့တာကြောင့် ပဲစင်းငုံဈေးက ခေါင်းပြန်မော့လာသလို တင်ပို့မှုလည်း တိုးတက်လာခဲ့တာ ဖြစ်ပါတယ်။ လက်ရှိဘဏ္ဍာနှစ်အတွင်း ပဲစင်းငုံတင်ပို့မှုကို လေ့လာကြည့်မယ်ဆိုရင် ဇန်နဝါရီလ ၇ ရက်နေ့အထိ တန်ချိန် ၈၃၆ဝဝ ခန့်သာ တင်ပို့မှုရှိခဲ့ပြီး ယခင် ဘဏ္ဍာနှစ်ကာလတူတင်ပို့မှုမှာ တန်ချိန် ၁၃၅ဝဝဝ ခန့်ရှိလို့ သိသိသာသာတင်ပို့မှု လျော့ကျ ခဲ့တာတွေ့ရပါတယ်။ မြင့်တက်လာတဲ့ ရန်ကုန် ၤဥြ ဈေးများကို ယခင် သီတင်းပတ်ဈေးနဲ့ နှိုင်းယှဉ် ဖော်ပြလိုက်ပါတယ် ဒေါ်လာ/တန် ပဲစင်းငုံနီ ပဲစင်းငုံဖြူနီ၊ အဖြူ ၁၄-၁-၁၁ ၇၈ဝ-၈ဝဝ ၆၉ဝ-၇၁ဝ ၇-၁-၁၁ ၆၉ဝ-၇ဝဝ ၆၃ဝ-၆၄ဝ MIRT(MAPT)