Background
မူဆယ်နယ်စပ်မှ ပဲတီစိမ်းအဝယ် ပြန်လိုက် စက်တင်ဘာလ ၁၅ ရက်မှ ၂၁ ရက်ထိ ကာလအတွင်း မြန်မာ-တရုတ်နယ်စပ်ရှိ မူဆယ် ၁ဝ၅ မိုင်ကုန်သွယ်ရေးဇုန်မှ တစ်ဘက်နိုင်ငံသို့ ပဲတီစိမ်း ၁၂၅၄ တန်နှင့် ပဲတီစိမ်းလုံးခြမ်း ၁၄၂တန်၊စုစုပေါင်း တန်ဖိုးအားဖြင့် ကန်ဒေါ်လာ ၁ဒသမ ၃၉၄ သန်းဖိုး တင်ပို့နိုင်ခဲ့ပါတယ်။ ယခင်အပတ်က ပဲတီစိမ်း ၄၂၈ တန်သာ တင်ပို့နိုင်ခဲ့တဲ့အတွက် ယခုအပတ်မှာ၈၂၆ တန်ပိုမို တင်ပို့နိုင်သကဲ့သို့ ပဲတီစိမ်းလုံးခြမ်းလည်း ၃၅ တန် ပိုမိုတင်ပို့ နိုင်ခဲ့ပါတယ်။၂ဝ၁ဝ-၂ဝ၁၁ ဧပြီလမှ သြဂုတ်လကုန်အထိ ပဲတီစိမ်းတန်ချိန် ၆၅၈ဝဝ ကျော်နဲ့ ပဲတီစိမ်းလုံးခြမ်း တန်ချိန် ၁၁၇ဝ ကျော်နယ်စပ်မှ တင်ပို့ထားပြီး ဖြစ်ပါတယ်။ယခုအပတ်မှာ တစ်ဖက်နိုင်ငံမှာ ဈေးပိုမိုခဲ့ပြီး အဝယ်လိုက်တဲ့အတွက် ပိုမိုတင်ပို့နိုင်ခြင်းဖြစ်တယ်လို့ သိရပါတယ်။ မိမိဘက်နဲ့တစ်ဖက်နိုင်ငံ မြေပြင်ပေါက်ဈေးများကို နှိုင်းယှဉ် ဖော်ပြပေးလိုက်ပါတယ် - မိမိဘက်(ကျပ်/တန်) တစ်ဘက်နိုင်ငံ(ယွမ်/တန်) ယခု ယခင် ပြောင်းလဲမှု ရာခိုင်နှုန်း ယခု ယခင် ပြောင်းလဲမှု ရာခိုင်နှုန်းပဲတီစိမ်း ၈၆၂၈၅၄ ၇၃၄၉၄၈ ၁၂၇၉ဝ၅ ၁၅ ၁၁၉၂ ၁ဝ၉၂ ၁ဝဝ ၈MIRT (DOBT)
ပဲတီစိမ်း ယခင်ဘဏ္ဍာနှစ်နီးပါး တင်ပို့နိုင် အိန္ဒိယမှာ ပဲတီစိမ်းအသစ်တွေ ပေါ်လာပြီဖြစ်လို့ လတ်တလောဈေးကွက်ထဲမှာ အိန္ဒိယဝယ်လက် အဝယ်ထိုင်းပေမဲ့တရုတ်ဘက်က အဆွဲရှိနေလို့ စုစုပေါင်းတင်ပို့မှုကို ကြည့်မယ်ဆိုရင်တော့ ယခင်ဘဏ္ဍာနှစ် ကာလတူ ပမာဏနီးပါး အတင်ရှိတာတွေ့ရပါတယ်။ ယခင် ၂ဝဝ၉-၂ဝ၁ဝ ဘဏ္ဍာနှစ်စမှ စက်တင်ဘာလ ၁၇ ရက်အထိ ပဲတီစိမ်းပြည်ပတင်ပို့မှုဟာ တန်ချိန်၁၂၈ဝဝဝ ခန့်ရှိသလို လက်ရှိ ၂ဝ၁ဝ-၂ဝ၁၁ ဘဏ္ဍာနှစ်အတွင်း ကာလတူတင်ပို့မှုကလည်း တန်ချိန် ၁၂၂ဝဝဝ ကျော်ထိအမီလိုက်နေတာ တွေ့ရပါတယ်။ ယခုလအတွင်း ပါကစ္စတန်ဘက်ကလည်း ပဲတီစိမ်းဝယ်လိုမှုတွေရှိတယ်လို့ သိရပါတယ်။ဒါပေမဲ့ လက်ရှိကုန်သည်တွေ ရောင်းလိုတဲ့ဈေးနဲ့ အဝယ်နည်းတယ်လို့ သိရပါတယ်။ ရန်ကုန် FOB ဈေးကတော့ ယခင်တစ်ပတ်လိုဘဲ စက်တင်ဘာလ ၂၃ ရက်မှာလည်း အညာ ( FAQ) တစ်တန်ကို ကန်ဒေါ်လာ ၈၈ဝ-၈၉ဝ၊ ပခုက္ကူ (FAQ) တစ်တန်ကို ကန်ဒေါ်လာ ၁ဝ၆ဝ-၁ဝ၇ဝ ရှိပြီး ပဲတီစိမ်းရွှေဝါအသေး တစ်တန်ကို ကန်ဒေါ်လာ ၁၁၈ဝ-၁၂ဝဝ ဈေးရှိတယ်လို့သိရပါတယ်။MIRT - MAPT
ပုံမှန်ရောင်းဝယ်နေတဲ့ ပဲကြီး မုံရွာကုန်စည်ဒိုင်မှာ ၂ဝ၁ဝ ခုနှစ်စက်တင်ဘာလဆန်းက ပဲကြီး တစ်ပိဿာ ၁၄၂၁ ကျပ်မှ ယခု တတိယပတ် မှာ ၁၅၇၉ ကျပ်သို့ ဈေးအနည်းငယ် တက်လာကြောင်း သိရပါတယ်။ယခု အချိန်က ပဲကြီးစိုက်ပိုျးချိန်ဖြစ်ပြီးအောက်တိုဘာ၊ နိုဝင်ဘာ၊ ဒီဇင်ဘာလ များမှာ ထွက်ပေါ်မှာ ဖြစ်ပါတယ်။တောင်သူနဲ့ ကုန်သည်များ လက်ဝယ်လက်ကျန်နည်းပြီး တိုင်းပြင်ပ စီးထွက်မှု မရှိခဲ့ပါ။ တိုင်းအတွင်း စားသုံးမှုနဲ့ပဲကြော်ဖိုလုပ်ငန်းရှင်များရဲ့ နေ့စဉ် သုံးစွဲမှု ရှိလို့ မုံရွာကုန်စည်ဒိုင်မှာ နေ့စဉ်တင်း ၁ဝဝ ခန့် အရောင်းအဝယ် ဖြစ်ကြောင်း သိရပါတယ်။ စစ်ကိုင်းတိုင်းဒေသကြီးအတွင်း ၂ဝ၁ဝ-၂ဝ၁၁ ခုနှစ်ပဲကြီးစိုက်ပျိုး ရန်လျာထားဧက ၆၆၆၄အနက် ၅၂၅၈ ဧကစိုက်ပျိုးပြီးလို့ ရာခိုင်နှုန်းအားဖြင့် ၇၉ ရာခိုင်နှုန်း စိုက်ပျိုးပြီးဖြစ်ပါတယ်။ သန်းသန်းတင်
ပြည်ပဲကြီးကို ပဲကြော်၊ ပဲလှော်လုပ်ငန်းများ ပုံမှန်အဝယ်ရှိ ယခုတစ်ပတ် ပြည်ဈေးကွက်တွင်ပဲကြီးဈေးနှုန်းမှာ ပဲကြီး (ကမ်းနား)အချောစ တစ်တင်းကို ၂၉၅ဝဝ ကျပ်၊အရည်အသွေး ညံ့ရင် ၂၈၅ဝဝ ကျပ်ဖြင့်သာ အရောင်းအဝယ်ဖြစ်လျက် ရှိပါတယ်။ စက်တင်ဘာ ပထမပတ် အတွင်း ပဲကြီး (ရွှေကျွန်း) အနည်းငယ်အရောင်းအဝယ်ဖြစ်ခဲ့သော်လည်းဒုတိယပတ်မှစ၍ ပဲကြီး (ကမ်းနား)သာ အရောင်းအဝယ်ဖြစ်လျက် ရှိခဲ့ပါတယ်။ ဈေးနှုန်းကတော့ တစ်တင်းကို၂၉၅ဝဝ ကျပ်ဖြင့် ဈေးငြိမ်နေခဲ့ပြီးပဲကြော်၊ ပဲလှော်လုပ်ငန်းသမားများပုံမှန် အဝယ်ရှိလျက်ရှိတာကြောင့် တစ်ရက်ကို အိတ် ၂ဝဝ မှ ၂၅ဝ ထိ အရောင်းအဝယ်ဖြစ်နေတယ်လို့ သိရပါတယ်။ ခင်ဆွေဝင်း
ပဲကြီး စက်တင်ဘာလ ၁၅ ရက်မှ ၂၁ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှတစ်ဆင့် တစ်ဘက်နိုင်ငံသို့ ပဲကြီးတန်ချိန် ၉ဝ ခန့် တန်ဖိုးအားဖြင့် ကန်ဒေါ်လာ ဝ ဒသမ၁ဝ၃ သန်းဖိုး တင်ပို့နိုင်ခဲ့ပါတယ်။ပဲကြီးကို ဇွန်လက နောက်ဆုံး တင်ပို့ပြီးရပ်နားထားခဲ့ရာမှ ယခုအပတ်မှာပြန်လည် တင်ပို့နိုင်ခြင်းဖြစ်ပါတယ်။ဧပြီလမှ သြဂုတ်လအထိ နယ်စပ်မှပဲကြီး တန်ချိန် ၉၅ဝ ခန့် တင်ပို့ထားပြီးဖြစ်ပါတယ်။ MIRT (DOBT)
ပြည်မတ်ပဲ ဈေးအေး ပြည်ဈေးကွက်မှာ မတ်ပဲဈေးပြန်လည်လျော့သွားပါတယ်။ စက်တင်ဘာလ ၂ဝ ရက်နေ့မှာ မတ်ပဲပိဿာ ၂ဝ ဝင်တစ်တင်းကို ၂၇ဝဝဝ ကျပ်နဲ့ ဈေးမြင့်အရောင်းအဝယ်ဖြစ်ပြီး၊ ၂၁ ရက်နေ့မှာတော့ ၂၆၅ဝဝ ကျပ်ထိ ဈေးကျ သွားခဲ့ကာ၊၂၂ ရက်၊ ၂၃ ရက်နေ့မှာတော့ ပဲတစ်တင်းကို ၂၆ဝဝဝ ကျပ်ဈေးနဲ့ ယခင်တစ်ပတ်ကဈေးအတိုင်း ပြန်ဖြစ်သွားတာကိုတွေ့ရပါတယ်။ မြို့တွင်း ရောင်းဝယ်သူတွေကတော့ တစ်နေ့ကို ပဲတစ်တင်းခွဲအိတ် ၃ဝဝ ခန့် ပုံမှန်အရောင်းအဝယ်ဖြစ်ခဲ့ပြီး၊တစ်ချို့နေ့တွေ မှာတော့ ပဲအိတ် ၆ဝဝ ၊ ၇ဝဝ ခန့်ထိ အရောင်း အဝယ်ဖြစ်ခဲ့ တယ်လို့ပဲကုန်သည်တစ်ဦးက ပြောပါတယ်။ တိုင်းတွင်းမှရန်ကုန်သို့ စက်တင်ဘာ တတိယပတ်အတွင်း အိတ် ၁၅ဝဝဝ ခန့် တင်ပို့တယ်လို့ သိရပါတယ်။ မိမိအေး
ဈေးဆက်အေးနေတဲ့ ဟင်္သာတမတ်ပဲ မတ်ပဲဈေးကတော့ ဟင်္သာတဈေးကွက်မှာ ဆက်လက်ငြိမ်နေပါတယ်။ယခင်အပတ်က ပိဿာ ၂ဝ ပဲတစ်တင်းကို ၂၆၅ဝဝ ကျပ်နဲ့ အရောင်းအဝယ်ဖြစ် ခဲ့ပြီး ယခုစက်တင်ဘာလ စတုတ္ထပတ်မှာလည်းမတ်ပဲဈေးမှာ၂၆၅ဝဝ ကျပ်နဲ့ဈေးငြိမ်လျက်ရှိပါတယ်။ ယခုအပတ် ပဲရောင်းဝယ်မှုအနေနဲ့ကတော့ ပုံမှန်အဝယ်ရှိနေပြီး၊ ရန်ကုန်ဈေးကွက်သို့ နေ့စဉ်ဖြစ်ပေါ်နေတဲ့ ပေါက်ဈေးများဖြင့်တစ်ရက်ကို ပျမ်းမျှအိတ် ၁ဝဝဝ ခန့် တင်ပို့ခဲ့တယ်လို့ သိရပါတယ်။ အေးအေးခိုင်
ဝယ်လိုအားနည်းလို့ အိန္ဒိယမတ်ပဲဈေးလျော့လာ အိန္ဒိယပြည်တွင်ဈေးကွက်မှာ ဒေသပဲခွဲစက်များမှ ဝယ်လိုအား ကျဆင်းတာကြောင့် လက်ကားဈေးကွက် များမှာ မတ်ပဲဈေးတစ်တန်ကို ရူပီး ၂ဝဝ(ကန်ဒေါ်လာ ၄ ဒသမ ၄ ) ခန့်လျော့ကျခဲ့ပါတယ်။ ပဲအဓိကထုတ်လုပ်တဲ့ ဒေသတွေက ပဲဝင်ရောက်မှု တိုးတက်လာခဲ့ပေမဲ့ ဝယ်လိုအားမရှိခြင်းကြောင့် မတ်ပဲတစ် တန်ကို ရူပီး ၅၃၈ဝဝ-၅၉၃ဝဝ (ကန်ဒေါ်လာ ၁၁၈၇-၁၃ဝ၉) ဖြစ်ခဲ့တယ်လို့သိရပါတယ်။ လှောင်လက်များမှာလည်း လက်ကျန် အလုံအလောက် ရှိနေလို့ဝယ်လို အားနည်းနေခြင်းက ဈေးနှုန်းကို ပိုမိုကျဆင်းစေပါတယ်။ ယမင်းခင်၊Sources: PTI
မတ်ပဲ တင်ပို့မှု သွက်လက်ဆဲ ပင်လယ်ရေကြောင်းကနေ မတ်ပဲတင်ပို့မှုကတော့ ယခုတစ်ပတ်မှာလည်းသွက်လက်နေဆဲဖြစ်တာ တွေ့ရပါတယ်။ စက်တင်ဘာလ ၁၆ ရက်မှ ၂၂ ရက်အထိတန်ချိန် ၁၁ဝဝဝ ခန့် တင်ပို့မှုရှိခဲ့ပါတယ်။ အိန္ဒိယမှာ မတ်ပဲအသစ်တွေထွက်နေပြီ ဖြစ်ပေမဲ့ စက်တင်ဘာလအတွင်းမှာ မထင်မှတ်ဘဲ အိန္ဒိယဝယ်လက်အဝယ်သွက် နေတယ်လို့ သိရပါတယ်။ ဒါကြောင့် စက်တင်ဘာလကုန်ထိ တင်ပို့မှုအားကောင်းနေအုံးမယ်လို့ ကုန်သည်များက ဆိုပါတယ်။ လက်ရှိဘဏ္ဍာနှစ် ၂ဝ၁ဝ-၂ဝ၁၁ ရဲ့စက်တင်ဘာလ ၁၇ ရက်အထိ တင်ပို့မှုကို လေ့လာရာမှာ တန်ချိန်၂၅ဝဝဝဝ ခန့်ရှိပြီဖြစ်လို့ ယခင် ၂ဝဝ၉-၂ဝ၁ဝ ဘဏ္ဍာနှစ်ရဲ့ ကာလတူတင်ပို့မှုတန်ချိန် ၂၉ဝဝဝဝ ခန့်နဲ့ နှိုင်းယှဉ်ရင်တော့ တန်ချိန် ၄ဝဝဝဝ ခန့် အတင် လျော့တာတွေ့ရှိရပါတယ်။ ရန်ကုန် FOB ဈေးများကို ယခင်တစ်ပတ်နဲ့ နှိုင်းယှဉ်ဖော်ပြလိုက်ပါတယ်- ဒေါ်လာ/တန် မတ်ပဲ(FAQ) (SQ)၂၃-၉-၁ဝ ၉၅ဝ-၉၆ဝ ၁၁၁ဝ-၁၁၂ဝ၁၇-၉-၁ဝ ၉၆ဝ-၉၇ဝ ၁၁ဝဝ-၁၁၁ဝMIRT(MAPT)
လက်ပြောင်းတဲ့ မုံရွာပဲစင်းငုံ မုံရွာကုန်စည်ဒိုင် ပဲစင်းငုံနီဈေးကွက်အနေနဲ့ မန္တလေး၊ ရန်ကုန်ဝယ်လက်အနည်းငယ်ရှိနေပြီး ကုန်သည်အချင်းချင်း လက်ပြောင်းနေကြတဲ့အတွက်စက်တင်ဘာလ တတိယပတ်မှာ အရောင်းအဝယ် အသင့်အတင့်သွက်ခဲ့တာတွေ့ရပါတယ်။ ယခုတစ်ပတ် ပေါက်ဈေးအနေနဲ့ တစ်တင်း ၂ဝ၅ဝဝ ကျပ်ထိအမြင့်ဆုံး ဖြစ်ခဲ့ပြီး တစ်တင်း ၁၉၅ဝဝ ကျပ်ထိ အနိမ့်ဆုံးကျဆင်းခဲ့တာ တွေ့ရပါတယ်။ စက်တင်ဘာလ ၂၂ ရက်နေ့မှာ တစ်တင်း ၁၉၈ဝဝ ကျပ်နဲ့ တစ်ရက်တည်းတင်း ၂ဝဝဝ ကျော် အရောင်းအဝယ်ဖြစ်ခဲ့တယ်လို့ သိရပါတယ်။ယခုတစ်ပတ်အတွင်း မုံရွာကုန်စည်ဒိုင်ကနေ မန္တလေးကို တင်း ၁၅ဝဝခန့်နဲ့ ရန်ကုန်ကို တင်း ၂ဝဝဝ နီးပါး တင်ပို့ခဲ့ကြောင်း သိရပါတယ်။ ထွန်းလှိုင်