ဇန်နဝါရီ ၉ ရက်မှ ၁၅ ရက်ထိကာလအတွင်းမှာ မြန်မာ-တရုတ်နယ်စပ်ရှိ နယ်စပ်ကုန်သွယ်ရေးစခန်းမှ ကန် ဒေါ်လာ သုည ဒသမ ၈၇၀ သန်းတန်ဖိုးရှိ ပရဆေးကုန်ကြမ်း တန်ချိန် ၄၆၀ ကျော်တင်ပို့ခဲ့ ပါတယ်။ယခင်အပတ်က ပရဆေး ကုန်ကြမ်းတန်ချိန်၃၉၀ ကျော်သာတင်ပို့နိုင်ခဲ့တဲ့အတွက် ယခင် အပတ်ကထက် ၆၉ တန်ကျော် ပိုမိုတင်ပို့နိုင်ခဲ့ပါတယ်။ ယခင် အပတ်ကထက် မိချောင်းကွမ်းဖတ်စေ့၊ ကြောင်ပန်းစေ့၊ တော ဂျူးမြစ်၊ ကြောင်လျာစေ့၊ နေလဲစေ့၊ စကားပန်းပွင့် ခြောက်တို့ ပိုမိုတင်ပို့နိုင်ခဲ့ပြီး ယခင်အပတ်က တင်ပို့မှုမရှိ တဲ့ တောဂျူးမြစ်၊ ကြက်ဆူစေ့နဲ့ တောင်လုံးကျော်တို့ကို ယခုအပတ်မှာ တင်ပို့နိုင် ခဲ့ပါတယ်။ ယခုအပတ် တမူးနယ်စပ် ကုန်သွယ်ရေးစခန်းမှ ပရဆေး ကုန်ကြမ်းတင်သွင်းမှုမရှိဘူးလို့ သိရပါတယ်။    MIRT (DOBT)

နနွင်းတက်သီးသန့်သာ ရောင်းချသောဆိုင်များရဲ့ ဝယ် လိုအားလျော့နည်းနိုင်ဖွယ်ရှိတယ်လို့ ခန့်မှန်းနေကြ ပါတယ်။ ပြည်ပဝယ်လက်များရဲ့ ကုန်အမှာလွှာလည်း လျော့ကျလျက်ရှိ တယ်လို့သိရပါတယ်။ အိန္ဒိယ ဘာသာရေးပွဲတော် "Pongal" နောက်ပိုင်းမှာ နနွင်းတက်ထွက်ရှိမှုများကလည်း လျော့နည်း လျက် ရှိပါတယ်။ ဇန်နဝါရီလတတိယပတ်မှာ Nizamabad  ဒိုင်သို့ နနွင်းတက် တန် ၇၀၀၀၀ (၇၀ ကီလိုဂရမ်ပါ နနွင်း တက်အိတ် ၁၀၀၀) ရောက်ရှိလာပြီး ၁၀၀ ကီလိုဂရမ်ကို ရူပီး ၅၇၀၀ (၁ တန် ၅၇၀၀၀ ရူပီး) ဒေါ်လာအားဖြင့် ၁ တန်ကို ၁၀၄၀ ဒေါ်လာဈေးပေါက်လျက်ရှိပါတယ်။ ဒိုင်ဈေးက တနင်္လာနေ့မှာဖွင့်ပြီး သောကြာမှာပိတ်ကာ စနေ၊ တနင်္ဂနွေ အရောင်းအဝယ်နားပါတယ်။ ဇန်နဝါရီလ တတိယပတ်ရဲ့ နနွင်းတက်ဈေးကတော့ ၁ တန်ကို ၅၇၀၀၀ ရူပီးနဲ့ဘဲ ဈေးပိတ် သွားခဲ့ပြီး စတုတ္ထပတ်တနင်္လာနေ့မှသာ ဈေးပြောင်းလဲမှုရှိ နိုင်မှာဖြစ်ကြောင်း အင်တာနက် သတင်းအရ သိရပါတယ်။CMK

ယခု ၂၀၁၂-၂၀၁၃ ဘဏ္ဍာနှစ်အတွင်း ဒီဇင်ဘာလကုန်အထိ နနွင်းစုစုပေါင်း တင်ပို့မှုမှာ တန်ချိန် တစ်ထောင့်ခုနှစ်ရာ လေးဆယ်ကျော်ရှိခဲ့တယ်လို့ သိရပါတယ်။ ယခုတစ်ပတ်အတွင်းဖြစ်တဲ့ ဇန်နဝါရီလ ၆ ရက်မှ ၁၂ ရက်အတွင်းမှာ ၃၁ ဒသမ ၅ တန်သာတင်ပို့နိုင်ခဲ့ပါတယ်။ တင်ပို့ခဲ့တဲ့နိုင်ငံက စင်ကာပူနိုင်ငံကို ၁၆ ဒသမ ၅ တန်နဲ့ မလေးရှားနိုင်ငံကို ၁၅ တန် ဖြစ်ပါတယ်။ ယခင်သီတင်းပတ်မှာ တင်ပို့မှုက တန်ချိန် တစ်ရာ့နှစ်ဆယ်ေ ကျာ်ရှိခဲ့တာကြောင့် ဒီတစ်ပတ်မှာ နနွင်းတင်ပို့မှုက တန်ချိန် ရှစ်ဆယ်ကျော်လျော့နည်းခဲ့ပါတယ်။ ယခုတစ်ပတ်အတွင်း နနွင်းတင်ပို့မှု မှရရှိခဲ့တဲ့ ဝင်ငွေက ကန်ဒေါ်လာ တစ်သောင်း လေးထောင်ကျော်ရှိခဲ့ပါတယ်။                  MIRT (DOT)

ဒီတစ်ပတ်တော့ ချင်းဈေးလည်းတက်လာပါတယ်။ ပြည်ပတင်ပို့ဖို့အတွက် စစ်တွေဝယ်လက်တွေ ဝယ်ယူ နေတာရယ်၊ ရန်ကုန်ဝယ်လက်တွေကလည်း ပြန်ပြီး ဝယ်ယူနေတာကြောင့် ဈေးတက်လာတယ်လို့ သိရပါတယ်။ ဈေးကောင်းနေသလို အဝင်ကလည်းများနေပါတယ်။ ပြီးခဲ့တဲ့ရက်တွေက စစ်တွေဝယ်လက်တွေက ပိဿာချိန် တစ်သောင်းနှစ်ထောင်ခန့် ဝယ်ယူခဲ့ပါတယ်။ တစ်ပိဿာ ၃၀၀ ကျပ် ကျော်သွား လို့ ဈေးသိပ်မကိုက်တာကြောင့် အဝယ်လည်းခဏရပ်သွားတယ်လို့ သိရပါတယ်။ အဲဒီရက်တွေမှာတစ်ပိဿာ ၃၀၀ ကျပ်၊၃၅၀ ကျပ်ဈေးရှိခဲ့ပေမဲ့ ယခု ရက်ပိုင်းမှာတော့ တစ်ပိဿာ ၂၅၀ ကျပ်၊ ၃၀၀ ကျပ်ဈေးသာရှိပါတော့တယ်။