Background
မလေးရှားနိုင်ငံသို့ ပင်လယ်ရေကြောင်းမှ နိုဝင်ဘာလ ၂၅ ရက်မှ ဒီဇင်ဘာလ ၁ ရက်ထိကာလအတွင်းမှာ တန်ဖိုး ကန်ဒေါ်လာ သုည ဒသမ ၂၆၈ သန်းတန်ဖိုးရှိ ရော်ဘာ RSS-5 တန် ၂၀ နဲ့ MSR-20 တန် ၈၀ ကို တင်ပို့နိုင်ခဲ့ပါတယ်။ ယခင်အပတ်က မလေးရှားသို့ တန် ၁၈၀ တင်ပို့ခဲ့ပြီး ယခုအပတ်မှာ တန် ၁၀၀ သာ တင်ပို့ခဲ့တဲ့အတွက် ပုံမှန်တင်ပို့နေတယ်လို့ ဆိုရပါမယ်။ ယခင်အပတ်ကတင်ပို့ခဲ့တဲ့ တရုတ်နိုင်ငံကိုတော့ ယခုအပတ်မှာတင်ပို့နိုင်ခြင်းမရှိခဲ့ပါဘူး။ နိုင်ငံတကာ ရော်ဘာပေါက်ဈေးမှာ ယခင်အပတ်က RSS-3 တစ်တန်လျှင် ဒေါ်လာ ၃၀၂၅ ဖြစ်ပြီး ယခုအပတ်ပေါက်ဈေးမှာ ဒေါ်လာ ၃၀၃၀ ဖြစ်တဲ့အတွက် ယခင်အပတ်နဲ့ကွာဟမှု သိပ်မရှိကြောင်းနဲ့ ရော်ဘာ FOB ပေါက်ဈေးမှာလည်း RSS-1 တစ်တန်လျှင် ဒေါ်လာ ၂၈၀၀-၂၉၀၀၊ RSS-3 နဲ့ MSR-20 တစ်တန်လျှင် ဒေါ်လာ ၂၇၀၀-၂၈၀၀၊RSS-5 နဲ့ MSR-50 တစ်တန်လျှင် ဒေါ်လာ ၂၆၀၀-၂၇၀၀ဖြစ်ပြီး Crepe Rubber တစ်တန်လျှင် ဒေါ်လာ ၂၅၀၀-၂၆၀၀ ဖြစ်ကြောင်း မြန်မာနိုင်ငံရော်ဘာ စိုက်ပျိုးထုတ်လုပ်သူများနဲ့ တင်ပို့သူများအသင်းက ထုတ်ပြန်ထားပါတယ်။MIRT (DOBT)
အိန္ဒိယဈေးကွက်မှာ နနွင်းလက်ငင်းဈေးက တည်ငြိမ်နေ ဆဲဖြစ်ပေမယ့် လှောင်လက်များက အမြောက်အမြား သို လှောင်ဖို့ ဝယ်ယူနေပြီလို့ သိရပါတယ်။ ပြည်ပတင်ပို့သူများ ဟာ နိုင်ငံအထက်ပိုင်းမှ အမှာအော်ဒါအချို့ လက်ခံရရှိကြလို့ ၎င်းတို့ လိုအပ်ချက်အတွက် ဝယ်ယူနေကြပါတယ်။ ဒါပေမယ့် လှောင်လက်တွေ က ဖေဖော်ဝါရီ လ လောက်မှာ နနွင်းဈေးမြင့် တက်နိုင်တယ်အထင်နဲ့ သိုလှောင်မှုအတွက် စပြီးဝယ်ယူနေကြ ပြီလို့ အီရော့ နနွင်းကုန်သည်များအသင်းမှ အာကေဗွီရာ ဗွီရှန်ကာမှ ဆိုပါတယ်။
စပ်မျိုးနနွင်းမှာ အရည်အသွေးကောင်းမွန်မှုကြောင့် ဈေး မြင့်တက်လျက်ရှိပြီး၊ ပြည်ပတင်ပို့သူတွေက အမြင့်ဆုံး တစ် တန် ရူပီး ၆၃၂၉၀(ကန်ဒေါ်လာ ၁၁၆၉)ဈေးဖြင့် ဖော်ပြ ထားကြောင်း ကုန်သည်များမှ ဆိုပါ တယ်။ လှောင်လက် တွေ လက်ထဲမှာ နနွင်းအိတ် ၁၀ သိန်းကျော်ရှိနေပြီး၊ ဈေးအမြင့်မှန်း ကာ နောက်ထပ်လည်း ဝယ်ယူနေကြတယ်လို့ ဆိုပါတယ်။ အဓိကတင်သွင်းနိုင်ငံများနဲ့ ပြည်တွင်းဝယ်လက်တွေက ဇန်နဝါ ရီလမှာ ပုံမှန်ဝယ်လိုအားကောင်းလေ့ရှိလို့ ဈေးနှုန်းမြင့်တက် နိုင်ကြောင်း သုတေသနကုမ္ပဏီမှ ဆိုပါတယ်။ အီရော့နနွင်းကုန်သည်များအသင်း ရောင်းချတဲ့ဝင်းမှာ နနွင်းလက်ချောင်းတစ်တန် ရူပီး ၃၈၉၆၀-၅၃၇၄၀ (ကန်ဒေါ် လာ ၇၂၀-၉၉၃)ရှိပြီး၊ နနွင်းဥဈေးက ရူပီး ၃၆၉၆၀-၄၈၃၉၀ (ကန်ဒေါ်လာ ၆၈၃-၈၉၄)ရှိကြောင်း သိရပါတယ်။ တောင်သူ အချို့က အစိုးရမှ အနိမ့်ဆုံးထောက်ပံ့ဈေးနှုန်းသတ်မှတ် မယ်ဆိုတဲ့ သတင်းတွေ အရ ဈေးနှုန်းမြင့်တက် ဦးမယ်မှန်းပြီး၊ ၎င်းင်းတို့ သိုလှောင်နနွင်းများ ထုတ်ရောင်းခြင်း မရှိသေးဘူးလို့ သိရပါတယ်။ စပ်မျိုးနနွင်းထဲမှာ နနွင်းလက်ချောင်းဈေးက တစ်တန်ရူပီး ၄၇၀၉၀-၆၃၂၉၀ (ကန်ဒေါ်လာ ၈၇၀-၁၁၆၉) ရှိပြီး၊ နနွင်းဥဈေးက ရူပီး ၄၆၀၆၀-၅၁၈၉၀ (ကန် ဒေါ်လာ ၈၅၀-၉၅၈)ရှိတယ်လို့ Business Line သတင်းအရ သိရ ပါတယ်။ ယမင်းခင်
ပြည်ပကိုပင်လယ်ရေကြောင်းလမ်းမှ နိုဝင်ဘာလနောက်ဆုံးပတ်အတွင်း နနွင်း တင်ပို့မှုက စုစုပေါင်းတန်ချိန် ၁၂၈ တန်ရှိခဲ့တယ်လို့ သိရပါတယ်။ ပါကစ္စတန်နိုင်ငံကို ၈၅ တန်နဲ့ မလေးရှားကို ၄၃ တန်ဖြစ်ပါတယ်။ နိုဝင်ဘာလအတွင်း မှာ ယခုတစ် ပတ်နနွင်းတင်ပို့မှုက အများဆုံးဖြစ်ခဲ့ပါတယ်။ FOB ဈေးက တစ်တန်ကို ကန် ဒေါ်လာ ၅၃၀-၅၅၀ ရရှိခဲ့တယ်လို့ သိရပါတယ်။
အိန္ဒိယ ပဲစင်းငုံအဓိကစိုက်ပျိုးရာ ကာနာတာကာ၊ မဟာရပ်ရှတရာနဲ့ အင်ဒရာ ပရာဒေ့ရှ်တို့မှာ ပဲစင်းငုံပုံမှန် အထွက်ရှိနိုင်လို့ ဖေဖော်ဝါရီလလယ်လောက်မှာ ဈေး နှုန်း ၂၀ ရာခိုင်နှုန်းခန့် ကျဆင်းနိုင်တယ်လို့ ခန့်မှန်းကြပါတယ်။ အဓိက ပဲစင်းငုံ စိုက်ပျိုးရာ ပြည်နယ်တွေမှာ ပုံမှန်ကာလအတိုင်း မိုးရွာသွန်းမှုရှိခဲ့တာကြောင့် ယခုနှစ် ပဲစင်းငုံက ပုံမှန်ထက် ပိုကောင်းလာပြီး၊ ပြီးခဲ့တဲ့နှစ် ထုတ်လုပ်မှုထက် ကောင်းမယ်လို့ ဘင်ဂလိုရီသီးနှံနဲ့ ပဲမျိုးစုံလက်ကား အသင်းဥက္ကဌ Ramesh Chandra Lahoti မှ Business Line ကို ပြောကြားကြောင်းသိရပါတယ်။
အိန္ဒိယဈေးကွက်တွေကို ပြည်တွင်းထွက် ပဲစင်းငုံ၊ မတ်ပဲ၊ ပဲတီစိမ်းများဝင်ရောက်မှုရှိသလို ပြည်ပကတင်သွင်း ပဲတွေ လည်း ရောက်ရှိနေတဲ့အပြင် ဝယ်လိုအားနည်းပါးနေတဲ့ အတွက် ပဲဈေးများအကျဘက်မှာ ရှိနေတယ်လို့ သိရပါတယ်။ တောင်သူတွေက ကုလားပဲစိုက်ဧရိယာတိုးချဲ့လာခြင်းနဲ့ တင် သွင်းမှုပိုမိုဖွယ်ရှိခြင်းတို့ကြောင့် ကုလားပဲဈေးကျဆင်း နေပါ တယ်။ ဒါ့အပြင် လာမယ့်သီတင်းပတ်တွေမှာ တင်သွင်းပဲတွေ ပိုမိုဝင်ရောက် လျက်ရှိခြင်းကလည်း ဈေးနှုန်းဆက်ပြီး အကျ ဘက်ဆင်းဖို့ ဖြစ်နေပါတယ်။ မတ်ပဲနဲ့ ပဲတီစိမ်းကို ပဲခွဲစက်၊ ကုန်သည်နဲ့လှောင်လက်တွေ အဝယ်မရှိလို့ ဈေးအေးနေပြီး၊ ပဲစင်းငုံမှာလည်း ထုတ်လုပ်ရာဒေသတွေ က ရောင်းချမှု ကောင်းနေတဲ့အတွက် ဒေသကုန်သည်များ အဝယ်နည်းပြီး ဈေးကျဆင်းနေ ပါတယ်။
ရန်ကုန် FOB နဲ့ အိန္ဒိယဈေးကွက် ပဲမျိူးစုံဈေးနှုန်း အပြောင်းအလဲ
၃၀-၁၁-၂၀၁၂ ဒေါ်လာ/တန်
စဉ်
ပဲအမျိူးအမည်
တောင်အမေရိက
ဥရုဂွေး
အာဂျင်တီးနား
22/11
29/11
ပြောင်းလဲမှု
22/11
29/11
ပြောင်းလဲမှု
22/11
29/11
ပြောင်းလဲမှု
1
မတ်ပဲ
545
530
603
580
707
679
2
ပဲစင်းငုံ
640
630
609
652
725
688
3
ပဲတီရွှေဝါ
920
900
1015
996
1124
1087
4
ကုလားပဲဖြူလုံးကြီး
700
680
830
797
811
806
*မှတ်ချက်။ ရန်ကုန် FOB ဈေးနှုန်းများမှာ အနိမ့်ဈေးများသာဖြစ်ပါသည်။
အိန္ဒိယဒေလီဈေးကွက် ပဲတီရွှေဝါဈေးမှာ ချန်နိုင်းဈေးကွက်ပေါက်ဈေးဖြစ်ပါသည်။
နိုဝင်ဘာလ ၂၃ ရက်နေ့မှ စပြီး ကမ္ဘာ့ရော်ဘာဈေးနှုန်း တွေက ပြန်လည်ကျဆင်းလာတယ်။ ကမ္ဘာ့ရေနံစိမ်း ဈေးနှုန်း များ ပြန်လည်ကျဆင်းလာခြင်း၊ ဂျပန်နိုင်ငံဆိပ်ကမ်းတွေမှာ ရော်ဘာသိုလှောင်ထားမှု ပမာဏက နှစ်လအတွင်း အမြင့်ဆုံး ပမာဏကို ရောက်ရှိလာခြင်းတို့က ရော်ဘာဈေးနှုန်းအပေါ် သက်ရောက်မှု ရှိစေတယ်လို့ ထိုင်းရော်ဘာအသင်းက ရရှိတယ့် သတင်းတစ်ရပ်အရ သိရတယ်။ ဒါ့ကြောင့် နိုဝင် ဘာလ ၂၀ ရက်နေ့က တစ်တန်ကို ၂၉၉၈ ဒေါ်လာ နှုန်းထား မှာရှိနေတဲ့ ထိုင်းရော်ဘာRSS-5 (မှိုင်းခံရော်ဘာ အဆင့် ၅) က နိုဝင်ဘာလ ၂၇ ရက်နေ့မှာ တစ်တန်ကို ၂၉၈၁ ဒေါ်လာအထိ ၁၉ ဒေါ်လာ ဈေးကျလာတယ်။
နိုဝင်ဘာလ ၁၈ ရက်မှ ၂၄ ရက်ထိကာလအတွင်းမှာ တန်ဖိုးကန်ဒေါ်လာ ၁ ဒသမ ၂၉၉ သန်းတန်ဖိုးရှိ ရော်ဘာ ၄၈၀ တန်ကို ပင်လယ်ရေကြောင်းမှ တရုတ်နိုင်ငံနဲ့မလေးရှားနိုင်ငံသို့တင်ပို့ခဲ့ပါတယ်။ တရုတ်နိုင်ငံသို့ RSS -3 တန် ၃၀၀၊ မလေးရှားနိုင်ငံသို့ RSS -5 တန် ၁၂၀ နဲ့ RSS -3 တန် ၆၀ ကိုတင်ပို့နိုင်ခဲ့ပါတယ်။ရော်ဘာ FOB ဈေးနှုန်းများမှာလည်း RSS -1 တစ်တန်လျှင် ဒေါ်လာ ၂၈၀၀-၂၉၀၀၊RSS -3 နဲ့ MSR-20 တစ်တန်လျှင်ဒေါ်လာ ၂၇၀၀-၂၈၀၀၊RSS -5 နဲ့ MSR-50 တစ်တန်လျှင်ဒေါ်လာ ၂၆၀၀-၂၇၀၀ ဖြစ်ပြီး ဃမနစန ျွကဘဘနမ တစ်တန်လျှင်ဒေါ်လာ ၂၅၀၀-၂၆၀၀ ဖြစ်ကြောင်း မြန်မာနိုင်ငံရော်ဘာစိုက်ပျိုးထုတ်လုပ်သူများနဲ့ တင်ပို့သူများအသင်း က ထုတ်ပြန်ထား ပါတယ်။ MIRT (DOBT)
ကမ္ဘာမှာ ဒုတိယသကြားအများဆုံးတင်ပို့တဲ့ ထိုင်းနိုင်ငံဟာ ပြည်တွင်း စားသုံး ဖို့ တန်ချိန် ၂ ဒသမ ၃ သန်းလျာထားပြီးတဲ့အပြင် နောက်နှစ်ပြည်ပတင်ပို့ဖို့ တန်ချိန် ၇ သန်းဝန်းကျင် ရရှိနိုင်လိမ့်မယ်လို့ ထိုင်းနိုင်ငံ ကြံနဲ့ သကြားအဖွဲ့ရုံး OCSB မှ နိုဝင်ဘာလ ၂၇ ရက်နေ့မှာ ပြောကြားကြောင်း ရိုက်တာသတင်းအရ သိရပါတယ်။ ၂၀၁၂-၁၃ ရိတ်သိမ်းမှုကို နိုဝင်ဘာလ ၁၅ ရက်မှာ စတင်ခဲ့ပြီး လက်ရှိအချိန်ထိ သကြားတန်ချိန် ၅၆၀၀၀ ဝန်းကျင် ထုတ်လုပ်ပြီးသွားပြီလို့လည်း သိရပါတယ်။
အိန္ဒိယရူပီး တန်ဖိုးများထပ်မံကျဆင်းပါက အိန္ဒိယပြည် တွင်း ပဲဈေးနှုန်းများ ထပ်မံမြင့်တက်နိုင်ကြောင်း ခန့်မှန်းကြပါ တယ်။ အိန္ဒိယနိုင်ငံအနေနဲ့ ပြည်တွင်းလိုအပ်ချက် ဖြည့်ဆည်း ဖို့ပြည်ပကပဲမျိုးစုံတန်ချိန် ၃ သန်းဝန်းကျင် တင်သွင်းနေရတာ ဖြစ်လို့ ရူပီးတန်ဖိုးဆက်ပြီးကျဆင်းနေရင် ပြည်ပက တင်သွင်း ပဲတွေ ဈေး ဆက်ပြီး မြင့်တက်နိုင်တယ်လို့ သုံးသပ်ကြခြင်း ဖြစ်ပါတယ်။