Background
အိန္ဒိယ မတ်ပဲဈေးကွက်မှာ ယခုတစ်ပတ်လည်း ဈေးဆက်လက်လျော့ကျတာ တွေ့ရပါတယ်။ဈေးကွက်တွေမှာမတ်ပဲလက်ကျန်တွေရှိနေသေးတဲ့အပြင် ဝင်ရောက် မှုများပြီး အရောင်းအဝယ်ထိုင်းတာကြောင့် အစောပိုင်းရက်တွေမှာ ဈေး ကျဆင်း ခဲ့ပါတယ်။
ဗီယက်နမ် စီးပွားရေးလုပ်ငန်းမှာ ရင်ဆိုင်နေရတဲ့ အခက်အခဲများဖြေရှင်းဖို့ ယခုနှစ် သကြားတန်ချိန် ၁၀၀၀၀၀- ၁၅၀၀၀၀ အတွင်း တင်ပို့ဖို့ စိုက်ပျိုးရေးနဲ့ ကျေးလက်ဒေသဖွံ့ဖြိုးရေးဝန်ကြီးဌာန(MARD)မှ တင်ပြထားကြောင်း သိရပါတယ်။ ယခုနှစ်အတွင်း သကြားစုစုပေါင်း ရောင်းချမှု တန်ချိန် ၁ ဒသမ ၅၇ သန်းခန့်ထိ ရောက်ရှိမယ်လို့ မျှော်မှန်းထားပြီး၊ အဲဒီပမာဏ အနက် တန်ချိန် ၁ ဒသမ ၄ သန်းကို ပြည်တွင်း စားသုံးဖို့ဖြစ်ပြီး၊ တန်ချိန် ၁ သိန်းကို နောက်နှစ်ကြံသီးနှံအတွက် စုဆောင်း ထားကာ တန်ချိန် ၇၀၀၀၀ မှာ ပိုလျှံမှာဖြစ်တယ်လို့ (MARD) ပြောကြားပါတယ်။
မြန်မာ-တရုတ် နယ်စပ်ရှိ လွယ်ဂျယ်နယ်စပ်မှ ကန် ဒေါ်လာ သုည ဒသမ ၀၂၁ သန်းတန်ဖိုးရှိ ကြံတန် ၅၆၀နဲ့ ချင်းရွှေဟော် နယ်စပ်မှ ကန်ဒေါ်လာ သုည ဒသမ ၀၆၀ သန်းတန်ဖိုးရှိ သကြား တန် ၁၀၀ ကို ဖေဖော်ဝါရီလ ၁၅ ရက်မှ ၂၁ရက်ထိ ကာလအတွင်း တင်ပို့နိုင်ခဲ့တယ်လို့ သတင်း ရရှိပါတယ်။ MIRT(DOBT)
တရုတ်နိုင်ငံရဲ့ မူဝါဒပြေလျော့သွားမှု၊ ဂရိနိုင်ငံရဲ့ ဒုတိယအကြိမ်မြောက် ချေးငွေအာမခံအစီအစဉ်ကြောင့် ရှယ်ယာတွေနဲ့ ရေနံစိမ်းဈေးနှုန်းမြင့်တက်ခဲ့မှုနဲ့ ဂျပန်ယန်းငွေက အမေရိကန်ဒေါ်လာနဲ့လဲလှယ်ရာမှာတန်ဖိုး ၆ လအတွင်းအနိမ့်ဆုံးကို ရောက်ရှိခဲ့ တာကြောင့်ဖေဖော်ဝါရီ ၂၀ ရက်က တိုကျိုကြိုပွိုင့်ရောင်းဝယ်ရေးမှာ ရော်ဘာဈေးနှုန်းများ ၅ လအတွင်း အမြင့်ဆုံးကို ရောက်ရှိကာ ၃ ဒသမ ၁ ရာခိုင်နှုန်း ဈေးတက်သွားခဲ့ကြောင်း သတင်းရရှိတယ်။
အာဂျင်တီးနားနိုင်ငံမှ ပြောင်းတင်သွင်းဖို့ တရုတ်နိုင်ငံက သဘောတူစာချုပ် တစ်စောင်ကို လက်မှတ်ရေးထိုးခဲ့ တယ်လို့ အာဂျင်တီးနားစိုက်ပျိုးရေးဝန်ကြီးဌာနက ၎င်းင်းရဲ့ ဝက်ဘ်ဆိုဒ်မှာ ဖော်ပြထားပါတယ်။ အဲဒီသဘောတူညီမှုက တရုတ်နိုင်ငံဟာ အမေရိကန်က ဝယ်ယူတာထက် အခြားနိုင်ငံကို ပြောင်းလဲဝယ်ယူမှုတစ်ခုဖြစ်လာခဲ့ တယ်လို့ ဆိုပါတယ်။
အိန္ဒိယနိုင်ငံမှာ မန်ကျည်းမှည့်ထွက်ရှိမှုပိုမိုခြင်းနဲ့ ပြည်ပအဝယ်အမှာ မရှိခြင်းတို့ကြောင့် မန်ကျည်းမှည့်ဈေး ၃၀ ရာခိုင်နှုန်းခန့်ကျဆင်းခဲ့ပါတယ်။ ဒါ့အပြင် ဈေးနှုန်းအကျဘက်ဆင်းနေတာကြောင့် ကုန်သည်များကလည်း သိုလှောင်ထားရှိဖို့ တုံ့နှေးခြင်းက ဈေးကွက်အတွင်း ဈေးနှုန်းကိုပိုမိုကျဆင်းစေပါတယ်။ တမီလ်နာဒူးမှာ မန်ကျည်းမှည့်က ပုံမှန်ပမာဏရဲ့ ၈၀ ရာခိုင်နှုန်းသာရှိပေမဲ့ အင်ဒရာပရာဒေ့ရှ်၊ ကာနာတာကာနဲ့ ချန်တီဂရပ်တို့မှာ လက်ကျန်များနေတယ်လို့ မန်ကျည်းကုန်သည် Mr O.M.S Raja က ဆိုပါတယ်။
အိန္ဒိယနိုင်ငံ အီရော့ဈေးကွက်တွေကို နနွင်းဝင်ရောက်မှုများတာကြောင့် ဖေဖော်ဝါရီလ ၂၁ ရက်မှာ နနွင်းတစ်တန် ရူပီး ၃၀၀၀(ကန်ဒေါ်လာ ၆၁)ကျဆင်းခဲ့ပါတယ်။နနွင်းဈေးကွက် ၃ ရက်ကြာ ပိတ်ပြီးနောက်၊ နနွင်းအိတ် ၁၈၀၀၀ ခန့် ဝင် ရောက်ခဲ့ကြောင်းသိရပါတယ်။
အိန္ဒိယအစိုးရက အနည်းဆုံးပို့ကုန်ဈေးနှုန်း (MEP) ကို ကြက်သွန်နီတစ်တန် ၁၂၅ ဒေါ်လာနှုန်း လျှော့ချပေးခြင်းနဲ့ ကြက်သွန်နီတင်ပို့မှုနှေးကွေးနေခြင်းကို မြှင့် တင်လိုက်ကြောင်း နိုင်ငံခြားကုန်သွယ်ရေးဌာန (DGFT) ရဲ့ ညွှန်ချုပ်က ပြောကြား ခဲ့ပါတယ်။ ဇန်နဝါရီအစောပိုင်းမှာလည်း အိန္ဒိယက ကြက်သွန်နီသင်္ဘောတင် ဈေးနှုန်းကိုတစ်တန်ဒေါ်လာ ၂၅၀မှ ဒေါ်လာ ၁၅၀ အထိ လျှော့ချပေးခဲ့ပြီး ဖြစ်ပါ တယ်။
ဖွံ့ဖြိုးပြီးတဲ့ ဒေသတွေကို ပြောင်းရွှေ့ခြင်း၊ ခေါက်ဆွဲ၊ စွပ်ပြုတ်ပြုလုပ်ရာမှာ တန်ဖိုးမြင့်ပဲထုတ်ကုန်သစ်များ အသုံးပြုလုပ်ခြင်းနဲ့ စားသောက်ပုံအလေ့အထ ပြောင်း လဲမှုများကြောင့် ကမ္ဘာလုံးဆိုင်ရာ ပဲဝယ်လိုအား တိုးတက်လာနေတယ်လို့ နိုင်ငံတကာ ပဲမျိုးစုံ၊ကုန်သွယ်ရေးနဲ့ စက်မှုလက်မှုအသင်းအဖွဲ့ ဥက္ကဌ Hakan Bahceci မှ ပြော ကြားပါတယ်။
အိန္ဒိယပြည်တွင်းဈေးကွက်တွေမှာ ရောင်းချမှုအကန့်အသတ်ရှိပြီး လက်တွေ့ ဝယ်လိုအားကောင်းလာလို့ ကုလားပဲဈေးအနည်းငယ်တိုးလာပါတယ်။ ကုလားပဲ အထွက်က ယခင်နှစ်ထက် ၁၀ ရာခိုင်နှုန်းခန့် ကျဆင်းနိုင်တဲ့ သတင်းများအရ ကုလားပဲကြိုပွိုင့်ဈေး ခိုင်မာနေသလို လက်ငင်းအဝယ်ရှိတာကြောင့် ဈေးတိုးလာတာ ဖြစ်ပါတယ်။