ဟင်္သာတ ကုန်စည်ဒိုင်ဈေးကွက်ကို အစေ့ထုတ်ပြောင်းများ မတ်လဒုတိယ ပတ်မှ ဈေးကွက်ကို စတင်ဝင်ရောက်လာပြီး၊ ပိဿာ ၂၀ ဝင်တစ်တင်းကို ၅၂၀၀ ကျပ် နဲ့ ဈေးဖွင့်ခဲ့ပါတယ်။ ယခုတစ်ပတ်မှာ အစေ့ထုတ်ပြောင်းဈေးမှာ တစ်တင်းကို ၄၉၀၀ ကျပ်နဲ့ ဈေးအေးသွားသော်လည်း၊ ပြောင်းဈေးကွက်ကို ဝင်ရောက် မှုမှာ တစ်ရက်ကို အိတ် ၂၀၀၀ ခန့် ရောင်းဝယ်မှုပြုနေတယ်လို့ သိရပါတယ်။ ရန်ကုန် ဝယ်လက် အစာစပ်လုပ်ငန်း ကုန်သည်ကြီးများရဲ့ ဝယ်လိုအားကြောင့် တစ်ရက်ကို ပျမ်းမျှအိတ် ၁၅၀၀ ခန့် တင်ပို့နိုင်တယ်လို့ သိရပါတယ်။အေးအေးခိုင်

    ပြည်ငရုတ်ခြောက်ဈေးကွက်မှာ အောင်လံနယ်မှ ငရုတ်ခြောက်များ ယခုတစ်ပတ် ပိဿာ ၂၀ ဝင်အိတ် ၅၀ ခန့်သာ ဝင်ရောက်ပြီး၊ အဝင်မရှိသလောက်နည်းနေပါတယ်။ အဝင်နည်းလို့လည်း ဈေးနှုန်းမြင့်လာကြောင်း သိရပါတယ်။ ဈေးနှုန်းမှာ ယခင်တစ်ပတ်ဈေးထက် ၃၀၀ ခန့်တက်သွားပြီး၊ တစ်ပိဿာ(အရှည်) ၂၉၀၀ ကျပ်၊ (မိုးထောင်) ၃၂၀၀ ကျပ်၊ (အပွ) ၃၈၀၀ ကျပ်နဲ့ အရောင်းအဝယ်သွက်လျက်ရှိကြောင်း သိရပါတယ်။                                            ဝင်းဝင်းခိုင်

    အောင်ပန်းဈေးကွက်မှာ နနွင်းက ချင်းလိုပါပဲ၊ အရောင်းအဝယ်အေးနေပါတယ်။ သြင်္ကန်ပွဲတော်ရက်နီးလာ တာကြောင့် အရောင်းအဝယ်ကလည်း ခဏရပ်သွားတယ်လို့ ဒေသခံတွေကဆိုပါတယ်။ တောင်သူတွေက လက်လီလာရောင်းနေတာ ကြောင့် လှောင်လက်တွေကတော့ဝယ်ပြီး ထပ်ထားနေရတယ်လို့လည်း သိရပါတယ်။

    ပြည်ပကို ပင်လယ်ရေကြောင်းကုန်သွယ်မှုလမ်းမှ မတ်လ ၂၅ ရက်မှ ၃၁ ရက်ကာလအတွင်း နနွင်း ၁၁၃ ဒသမ ၉၈ တန်ကို တင်ပို့နိုင်ခဲ့ပါတယ်။ ဒီ တစ်ပတ်တင်ပို့ခဲ့တဲ့ နိုင်ငံက မလေးရှားနိုင်ငံဖြစ်ပါတယ်။ ယခင်သီတင်းပတ်အပို့ ပျောက်ခဲ့တဲ့ နနွင်းက ဒီတစ်ပတ်မှသာ ပြန်လည်တင်ပို့နိုင်ခဲ့ခြင်းဖြစ်ပါတယ်။