ပင်လယ်ရေကြောင်းက ပဲလွန်းဖြူတင်ပို့ရာမှာ ယခင်သီတင်းပတ်က တန်ချိန် ၃၂၀ ကျော်ရှိခဲ့ရာမှ ယခု သီတင်းပတ် (နိုဝင်ဘာလ ၂၁ ရက်မှ ၂၅ ရက်)အတွင်းမှာတော့ တန်ချိန် ၁၆၀ ခန့် တင်ပို့မှုရှိခဲ့ပါတယ်။ တင်ပို့တဲ့ နိုင်ငံတွေကတော့ ထိုင်း၊ ဗီယက်နမ်နဲ့ စင်ကာပူတို့ဖြစ်ပါတယ်။ လက်ရှိ ဘဏ္ဍာနှစ် နိုဝင်ဘာလ ၂၅ ရက်အထိ စုစုပေါင်း ပြည်ပတင်ပို့မှုမှာ တန်ချိန် ၁၆၇၀၀ ခန့်ရှိပြီး ဝင်ငွေအားဖြင့် ကန်ဒေါ်လာ ၁၅ သန်းကျော်ရရှိလို့ ယခင် ၂၀၁၀-၂၀၁၁ ဘဏ္ဍာနှစ် ကာလတူ အတွင်း တင်ပို့ခဲ့တဲ့ ပမာဏနဲ့ ကွာခြားမှု မရှိပေမဲ့ ဝင်ငွေမှာ ကန်ဒေါ်လာ ၁၄ သန်းသာရရှိခဲ့လို့ ယခုနှစ်မှာ ၁ သန်း ကျော်ပိုမိုခဲ့ပါတယ်။                       ရန်ကုန် FOB ဈေးကွက်မှာ အရောင်းအဝယ်ဖြစ်မှုအနေနဲ့ ယခု တစ်ပတ်မှာ တန်ချိန် ၃၇၅ တန်ရှိခဲ့ပါတယ်။ နိုဝင်ဘာလ တစ်လလုံးအတွင်း အရောင်းအဝယ်စာချုပ်ချုပ်ဆိုမှု တန်ချိန် ၁၃၇၀ ခန့်ရှိတာ တွေ့ရပါတယ်။ရန်ကုန် FOB ဈေးအနေနဲ့ ယခင် သီတင်းပတ်ဈေးအတိုင်းပြောင်းလဲခြင်း မရှိဘဲ FAQ တစ်တန် ကန်ဒေါ်လာ ၇၉၀-၈၁၀ နဲ့ SQ တစ်တန် ကန် ဒေါ်လာ ၉၀၀-၉၂၀ ရှိကြောင်းသိရပါ တယ်။ MIRT(MAPT)

             ပြည်ပဲစင်းငုံဈေးမှာ တစ်တင်းကို ၁၃၂၀၀ ကျပ်နဲ့ ၁၃၅၀၀ ကျပ်တွင် ဈေး အတက်အကျဖြစ်ကာ ဈေးမငြိမ် တာကို တွေ့ရပါတယ်။ ယခုနိုဝင်ဘာလမှာ ပြည်ဈေးကွက်ကို မကွေးတိုင်းဒေသကြီးဘက်မှ ပဲစင်းငုံနေ့စဉ် အဝင်မရှိဘဲ တစ်ပတ်ခြား၊ နှစ်ပတ်ခြား အဝင်အနည်းငယ်ရှိခဲ့ပါတယ်။ နိုဝင်ဘာလအတွင်းမှာမကွေးတိုင်းဒေသ ကြီးမှ အိတ် ၂၄၀၀ ကျော် အဝင်ရှိခဲ့ပြီး၊ ရန်ကုန်ကို အိတ် ၄၅၀ ခန့်သာ တင်ပို့နိုင်ခဲ့ ကြောင်း သိရပါတယ်။ ဒါ့အပြင် ပြည်ဈေးကွက်မှာ ဒေသတွင်း လက်ကျန်ပဲများ ကျန်ရှိနေသေးခြင်း၊ အခြားတိုင်းမှ အဝင်များကျန်ရှိနေခြင်းကြောင့် ပြည်ဈေးကွက် မှာ ပဲစင်းငုံလက်ကျန်များနေကြောင်း သိရပါတယ်။ ပဲစင်းငုံလက်ကျန်များနေသော် လည်း ဈေးကောင်းမရတဲ့အတွက် အရောင်းအဝယ်ပိုင်းမှာတော့ အေးနေခဲ့ပါတယ်။ ဆုမွန်ဆွေ

                   အိန္ဒိယပြည်တွင်းဈေးကွက်တချို့ကို မတ်ပဲဝင်ရောက်မှု ဆက်လက်ရှိနေပြီး ဝယ်လိုအားပါးနေတဲ့အတွက် ယခုတစ်ပတ်မှာလည်း ဈေးဆက်လက်ကျဆင်းနေပါတယ်။ ဒါ့အပြင် ဒေလီဈေးကွက်မှာ မတ်ပဲအိတ် ၂ သိန်း ဝန်းကျင်သိုလှောင်ထားရှိပြီး လှောင်လက်များမှ ထုတ်ရောင်းနေတဲ့အတွက် ဈေးကျဆင်းနေခြင်းဖြစ် တယ်လို့ သိရပါတယ်။ လက်ရှိအနေအထားအရ လာမယ့်ရက်များမှာလည်း မတ်ပဲ ဈေးဆက်လက်ကျဆင်းဖွယ်ရှိတယ်လို့ ခန့်မှန်းကြပါတယ်။ ဈေးကွက်အသီးသီးမှာဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်                              ဒေါ်လာ/ တန်                   ၃၀-၁၁-၁၁         ၂၉-၁၁-၁၁      ၂၈-၁၁-၁၁         ၂၆-၁၁-၁၁မွန်ဘိုင်း          ၆၀၁                   ၆၀၁             ၆၀၅-၆၁၅             ၆၃၂ဒေလီ          ၄၀၄-၅၁၉           ၄၀၄-၅၂၀         ၄၂၃-၅၁၉          ၄၂၁-၅၁၇ချန်နိုင်း         ၆၅၄-၆၅၈          ၆၅၉-၆၆၄             ၆၅၈                 ၆၇၀MIRT(MAPT)

            ပဲခူးတိုင်းဒေသကြီး(အနောက်)အတွင်း မတ်ပဲလျာထားဧကမှာ ၅ သိန်းကျော် ရှိပြီး၊ ပဲ စတင်စိုက်ပျိုးနေပြီဖြစ် ပါတယ်။ ယခုနှစ်မျိုးပဲတစ်တင်းကို ၁၇၀၀၀ ကျပ်ဈေးရှိခဲ့ပြီး၊ ပုံမှန်အရောင်းအဝယ်ဖြစ်တဲ့ ပဲများကို ပြည်ပွဲရုံတွေမှာ တစ်တင်း ၁၃၈၀၀ ကျပ်ဈေး အရောင်းအဝယ်ဖြစ်ခဲ့ပါတယ်။ ကုန်သည်များက လက်ဝယ်ရှိ ပဲလက်ကျန်များကိုသာ ထုတ်ရောင်းကြပြီး၊ တစ်နေ့ အိတ် ၂၅၀-၃၀၀ ခန့်သာ အဝယ်ရှိပါတယ်။ ရန်ကုန် ဝယ်လက်လည်းအနည်းငယ်သာ ရှိတယ်လို့သိရပါတယ်။ ပြည်မှ ရန်ကုန်ဘုရင့်နောင်ကို ပဲစီးဆင်းမှုကတော့ တစ်နေ့ကို အိတ် ၁၉၀၀ ခန့် တင်ပို့တယ်လို့ သိရပါတယ်။ မိမိအေး