ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ အရောင်း အဝယ်အားအကောင်းဆုံးပဲကတော့ ပဲစင်းငုံဖြစ်ပါတယ်။ အိန္ဒိယဈေးကွက်တွေမှာ ပဲအသစ်ဝင်မလာမီ စပ်ကူးမတ်ကူး ကာလအတွက် အဝယ်လိုက်လာလို့ ယခုတစ်ပတ်(အောက်တိုဘာ ၂၈ ရက်မှ နိုဝင်ဘာလ ၃ ရက်)အတွင်းမှာ ပဲစင်းငုံဖြူနီ တန်ချိန် ၄၈၀၀၊ ငုံနီ တန် ၆၄၀၀ ခန့်နဲ့ စုစုပေါင်း တန် ၁၁၀၀၀ ကျော် အရောင်း အဝယ်ဖြစ်ခဲ့တယ်လို့ သိရပါတယ်။ အရောင်းအဝယ်ဖြစ်တဲ့ ပဲစင်းငုံတွေထဲမှာ လင်းခေးစက ဈေးပိုတယ်လို့ သိရပါတယ်။                         အရောင်းအဝယ်အားကောင်းနေတဲ့အတွက် ယခုတစ်ပတ်မှာ ပို့ကုန်ဝင်ငွေ တန်ဖိုးလျော့လို့ အခြားပဲဈေးများ အနည်းငယ်လျော့ကျပေမဲ့ ပဲစင်းငုံ FOB ဈေးကတော့ ငြိမ်နေပါတယ်။ နိုဝင်ဘာလ ၄ ရက်မှာ ပဲစင်းငုံနီ FAQ တစ်တန် ကန်ဒေါ်လာ ၅၆၀-၅၈၀၊ ဖြူနီ တစ်တန် ကန်ဒေါ်လာ ၄၆၀-၄၈၀ နဲ့ ပဲစင်းငုံနီ အဟောင်း တစ်တန် ကန်ဒေါ်လာ ၅၅၀-၅၇၀ အသီးသီးရှိတယ်လို့ သိရပါတယ်။ MIRT-MAPT

               ပြည်ပွဲရုံများသို့ ယခုတစ်ပတ်အတွင်း မတ်ပဲအဝင်မရှိတော့ဘဲ လက်ကျန်များသာ တစ်တင်းကို ၁၈၀၀၀ ကျပ် ဈေးနဲ့ ဈေးငြိမ်အရောင်းအဝယ်ဖြစ်နေတာကို တွေ့ရပါတယ်။ ယခုနှစ် နိုဝင်ဘာလဆန်းပိုင်းမှာ မတ်ပဲဈေး တစ်တင်း ၂၄၅၀၀ ကျပ်ဈေး ရှိခဲ့ပြီး၊ ယခုနှစ်မှာတော့ ယခင်နှစ်ကဈေးကို မမီတာတွေ့ရပါတယ်။ ရန်ကုန်ဝယ်လက် လည်း နည်းနေပြီး၊ လှောင်လက်သမားများသာ ထုတ်ရောင်းနေကြတဲ့အတွက် တစ်နေ့ကိုအိတ် ၃၀၀-၄၀၀ လောက်သာ အရောင်းအဝယ် ဖြစ်တယ်လို့ သိရပါတယ်။ ပြည်မှရန်ကုန်သို့ ပဲတင်ပို့မှုကတော့ တစ်နေ့ကို အိတ် ၁၂၀၀ ခန့်သာ တင်ပို့မှုရှိတယ်လို့ သိရပါတယ်။   မိမိအေး

                မန်းဈေးကွက်တွင်းသို့ ရွှေဘို၊ ကန့်ဘလူ၊ မြစ်ကြီးနားဒေသများအပြင်၊ ရှမ်း ပြည်နယ်(မြောက်ပိုင်း)၊ နောင်ချို ဒေသများမှထွက်ရှိတဲ့ ပြောင်းဖူးစေ့များ လှိုင်လှိုင် ဝင်ရောက်နေပါတယ်။ တရုတ်ဝယ်လိုအားအပြင် ဒေသတွင်း အစာစပ် လုပ်ငန်း များမှလည်း ပုံမှန်ဝယ်ယူမှုရှိနေတာကြောင့် အရောင်းသွက်ကြောင်း သိရပါတယ်။ ယခင်လ မှာတော့ ပြောင်းဖူးစေ့ (ရှမ်း/ဗမာ)တစ်ပိဿာ ၃၄၃ ကျပ်၊ အထွက် တိုးပြောင်း ၃၇၇ ကျပ်၊ CP  ပြောင်း ၃၄၃ ကျပ်ဈေးနဲ့ ရောင်းဝယ်ခဲ့ကြပြီး၊ ယခုလ မှာတော့ ပြောင်းဖူးစေ့(ရှမ်း) တစ်ပိဿာ ၂၆၉ ကျပ်၊ ပြောင်း(ဗမာ) ၂၅၉ ကျပ်၊ အထွက်တိုးပြောင်း ၃၂၁ ကျပ်၊ CP ပြောင်း ၂၇၈ ကျပ်ဖြင့် အရောင်းအဝယ် ဖြစ်ကြောင်း သိရပါတယ်။ ပြောင်းဖူးစေ့အသစ်များ ဝင်ရောက်မှုရှိတာကြောင့် ပြောင်းဖူးဈေးအေးရခြင်းဖြစ်ပေမယ့် တရုတ်သို့ ပြောင်းဖူးစေ့ မျိုးစုံတန်ချိန် ၁၃၀ ခန့် နေ့စဉ်နီးပါးအထွက်ရှိတာကြောင့် ဆက်ပြီးတော့ အရောင်းအဝယ်သွက်ပြီး ဈေးငြိမ်နေဦးမယ်လို့ ကုန်သည်များက ခန့်မှန်းကြပါတယ်။ စိုးအောင်

               မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော်နယ်စပ်ကုန်သွယ်ရေးစခန်းများမှတစ်ဆင့် တစ်ဖက်တရုတ်နိုင်ငံသို့ ကန်ဒေါ်လာ ၂ ဒသမလ ၂၄၇ သန်းတန်ဖိုးရှိ ရော်ဘာအဆင့်စုံ ၅၃၂ တန်ကို အောက်တိုဘာလ ၁၉ ရက်မှ ၂၅ ရက်ထိ ကာလ အတွင်း အပို့ရှိခဲ့ပါတယ်။ ယခင်အပတ်က မူဆယ်နဲ့ မြိတ်နယ်စပ်များက အပို့ရှိခဲ့ပြီး ယခုအပတ်တင်ပို့မှုဟာ တန် ၂၀၀ ပိုမိုခဲ့တယ်လို့ သိရပါတယ်။ ယခုအပတ် နယ်စပ်စခန်းအလိုက် ရော်ဘာအဆင့်လိုက်တင်ပို့မှုများကတော့ မူဆယ်မှ RSS-3  ၂၇၈ တန်၊MSR -20  ၆၉ တန်၊MSR -50 ၆၉ တန်နဲ့ ချင်းရွှေဟော်မှRSS-3  ၁၁၆ တန် အသီးသီးဖြစ်ပါတယ်။ မူဆယ်နယ်စပ်မှ RSS-3  ၂၅၄ တန်နဲ့ MSR -50 ၂၅ တန်MSR -50 ၆၉ တင်ပို့မှုပိုမိုခဲ့ပြီး MSR -20 ၁၃၅ တန် တင်ပို့မှု လျော့နည်းခဲ့ပါတယ်။ မိမိဘက်ရော တစ်ဘက်နိုင်ငံရော်ဘာဈေးများ ကျလျက်ရှိပါတယ်။                                       မိမိဘက်(ကျပ်/တန်)                       တစ်ဘက်နိုင်ငံ(ဒေါ်လာ/တန်)                      ယခု                ယခင်         ပြောင်းလဲမှု   %        ယခု         ယခင်  ပြောင်းလဲမှု   %RSS - 3      ၃၁၈၄၂၀၁      ၃၄၂၅၈၆၀      ၂၄၁၆၅၉     ၇        ၃၉၂၉      ၄၁၅၇      ၂၂၈          ၅RSS - 5       ၂၉၁၅၄၀၂     ၃၃၁၂၃၇၉        ၃၉၆၉၇၈  ၁၂       ၃၇၇၂       ၄၀၀၁    ၂၂၉           ၆MIRT(DOBT)