Background
ပဲစင်းငုံတင်ပို့မှု ယခုတစ်ပတ်ဆက်လက်လျော့ကျ ပင်လယ်ရေကြောင်းက ပဲစင်းငုံတင်ပို့မှုဟာ ဖေဖော်ဝါရီလဆန်းကတည်း ကကျဆင်းခဲ့ရာ ယခုဖေဖော်ဝါရီလ တတိယပတ်မှာလည်း ဆက်လက်လျော့ကျတင်ပို့ခဲ့ပါတယ်။ ဖေဖော်ဝါရီလ ၁၇ ရက်မှ ၂၂ ရက်အတွင်းမှာ တန်ချိန် ၃၂ဝဝ ကျော်သာတင်ပို့နိုင်တာတွေ့ရပါတယ်။ ရန်ကုန်ဘုရင့်နောင်ဈေးကွက် အရောင်း အဝယ်ဖြစ်မှုအနေနဲ့ အိန္ဒိယဝယ်လက်မရှိသလောက်နည်းပြီး ပြည်တွင်း လှောင် လက်တွေသာ အရောင်းအဝယ်ရှိနေတယ်လို့ သိရပါတယ်။ အိန္ဒိယပြည်တွင်း ဈေးကွက်တွေကိုလည်း ပဲအသစ်ဝင်ရောက်မှု များနေတာကြောင့် ပြည်တွင်းပဲဈေး ဆက်တိုက်ကျဆင်းနေတဲ့အတွက် ပြည်ပအဝယ်လည်း ဆိုင်းထားတဲ့သဘောဖြစ်ပါတယ်လို့ ကုန်သည်တစ်ဦးက ဆိုပါတယ်။ ပြည်ပအရောင်းအဝယ်ဖြစ်မှု နည်းသော် လည်း ရန်ကုန် FOB ဈေးမြင့်တက်လာတာကို ယခင်သီတင်းပတ်နဲ့ နှိုင်းယှဉ် ဖော်ပြလိုက်ပါတယ် ဒေါ်လာ/တန် ပဲစင်းငုံနီ ပဲစင်းငုံဖြူနီ၊ အဖြူ အသစ် အဟောင်း အသစ် အဟောင်း ၂၅-၂-၁၁ ၉၄ဝ-၉၆ဝ ၈၇ဝ-၈၉ဝ ၇၆ဝ-၇၈ဝ - ၁၇-၂-၁၁ ၈၉ဝ-၉၁ဝ ၈၂ဝ-၈၄ဝ ၇၁ဝ-၇၃ဝ - MIRT(MAPT)
အုတ်ဖိုဈေးကွက်သို့ မတ်ပဲသစ်များဝင်လာပြီ ပဲခူးတိုင်းဒေသကြီးအနောက်၊ အုတ်ဖိုမြို့နယ်တွင် ၂ဝ၁၁ ခုနှစ် ဖေဖော်ဝါရီဒုတိယပတ်မှစပြီး၊ မြို့နယ်အတွင်း ကျေးရွာအုပ်စုများရှိ တောင်သူများမှ ပေါ်ဦးပေါ်ဖျား မတ်ပဲများကို အဝယ်ဒိုင်များသို့ တစ်တင်းနှစ်တင်းနှုန်းဖြင့် နေ့စဉ် စတင်ရောင်းဝယ်လျက်ရှိကြရာ တစ်နေ့လျှင်တစ်တင်းခွဲအိတ်ဖြင့် အိတ် ၃ဝ မှ ၅ဝ၊ တင်းအရေအတွက်အားဖြင့် ၆ဝ တင်းမှ ၇ဝ တင်းအထိ နေ့စဉ်အရောင်း အဝယ်ဖြစ်လျက်ရှိပြီး၊ မတ်ပဲအသစ်အဟောင်း ၂၂ ပိဿာ တစ်တင်းလျှင် ၂၄၅ဝဝ ကျပ်ဖြင့် အရောင်းအဝယ်ဖြစ်လျက်ရှိပါတယ်။ ရန်ကုန်ဝယ်လက်များလည်း ပုံမှန် အတိုင်းသာရှိပါတယ်။ ယခင်နှစ် မတ်ပဲသစ်ပေါ်ချိန်တွင် ပေါ်ဦးပေါ်ဖျားဈေး ၁၈ဝဝဝ ကျပ်သာရှိပြီး၊ ယခုနှစ်ပေါ်ဦးဈေး ၂၄၅ဝဝ ကျပ် ရရှိကြသဖြင့် တောင်သူများ အကျိုးအမြတ် ပိုမိုရရှိကြပါတယ်။ ရန်ကုန်တင်ပို့နိုင်မှုမှာလည်း ယခုတတိယ ပတ်အတွင်း တစ်တင်းခွဲအိတ်ဖြင့် မတ်ပဲအသစ်အဟောင်း အိတ်ရေ ၂၁ဝဝ ခန့် တင်ပို့နိုင်တယ်လို့သိရပါတယ်။ HO
မတ်ပဲနယ်စပ်မှအပို့ရှိ မူဆယ် ၁ဝ၅ မိုင်ကုန်သွယ်ရေးဇုန်မှ ဖေဖော်ဝါရီလ ၁၆ ရက်မှ ၂၂ ရက်ထိကာလအတွင်း ကန်ဒေါ်လာ ၂ဝ၅ဝဝ တန်ဖိုးရှိ မတ်ပဲတန် ၂ဝ ကျော် တင်ပို့နိုင်ခဲ့ပါတယ်။ ယခင်အပတ်က တင်ပို့နိုင်ခဲ့ခြင်းမရှိသော်လည်း ယခုအပတ် တင်ပို့မှုရှိခဲ့ပါတယ်။ ဖေဖော်ဝါရီလအတွင်း ယခုအပတ်မှာ ပြန်လည်တင်ပို့ခဲ့ တာဖြစ်ပြီး ၂ဝ၁ဝ ဧပြီလ မှ ဇန်နဝါရီလထိ မတ်ပဲ တန်ချိန် ၈၅ဝဝ ကျော်တင်ပို့ ထားပြီးဖြစ်ပါတယ်။ မူဆယ်နဲ့ ရွှေလီမြေပြင်ပေါက်ဈေးများကို ယခင်အပတ် ဈေးနှုန်း များနဲ့ နှိုင်းယှဉ်ဖော်ပြပေးလိုက်ပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %မတ်ပဲ ၉၃၃၆၂၂ ၈၈၂၁၇၂ ၅၁၄၅ဝ ၆ ၁ဝ၃၉ ၁ဝ၁၉ ၂ဝ ၂MIRT (DOBT)
မတ်ပဲတင်ပို့မှု တန် ၅ဝဝဝ ကျော်ကို ပြန်တက်လာ ယခင်သီတင်းပတ်တွေက မတ်ပဲတင်ပို့မှု တန်ချိန် ၄ဝဝဝ အထိ ကျဆင်း ခဲ့ရာမှ ယခုသီတင်းပတ် (ဖေဖော်ဝါရီလ ၁၇-၂၂ ရက်) အတွင်းမှာတော့ တန်ချိန် ၅၃ဝဝ ကို အနည်းငယ်ပြန်တိုးလာခဲ့ပါတယ်။ ယခုလအတွင်း အိန္ဒိယဈေးကွက်တွေ မှာလည်း မတ်ပဲဈေးအေးနေသလို ရန်ကုန်ဘုရင့်နောင်မှာလည်း အိန္ဒိယ ဝယ်လက် အဝယ်ထိုင်းနေတယ်လို့ သိရပါတယ်။ လက်ရှိအရောင်းအဝယ်ဖြစ်နေတဲ့ မတ်ပဲ များက အဟောင်းရော၊ အသစ်ပါ ရောင်းဝယ်နေကြတယ်လို့ ကုန်သည်ကြီး တစ်ဦး က ဆိုပါတယ်။ ပြည်ပအဝယ်အေးပေမဲ့ ပို့ကုန်ဝင်ငွေ တစ်ယူနစ်တန်ဖိုး အပြောင်း အလဲကြောင့် မတ်ပဲ FOB ဈေးက ယခင်သီတင်းပတ်ထက် မြင့်တက်လာတာကို နှိုင်းယှဉ် ဖော်ပြလိုက်ပါတယ် ဒေါ်လာ/တန် မတ်ပဲ(FAQ) မတ်ပဲ(SQ)၂၅-၂-၁၁ ၉၃ဝ-၉၅ဝ ၁ဝ၃ဝ-၁ဝ၅ဝ၁၇-၂-၁၁ ၈၈ဝ-၉ဝဝ ၉၈ဝ-၁ဝဝဝMIRT(MAPT)
ပိုးမွှားပြဿနာကြောင့် အိန္ဒိယရဲ့ ပြောင်းနဲ့ ပဲပုပ် တင်ပို့မှုရပ်ဆိုင်း ဗီယက်နမ်ကိုတင်ပို့တဲ့ ပြောင်း တန် ၅ဝဝဝဝ ကို ပိုးမွှားပြဿနာကြောင့် ဟနွိုင်းကနေ ပြန်လည်ပို့လိုက်ပြီး နောက်ပိုင်းမှာ အိန္ဒိယနိုင်ငံက ပြောင်းနဲ့ ပဲပုပ် ဗီယက်နမ်သို့တင်ပို့မှုကို ရပ်ဆိုင်းခဲ့ကြောင်း သိရပါတယ်။ မကြာသေးမီက အိန္ဒိယ က တင်ပို့ခဲ့တဲ့ ပြောင်းနဲ့ ပဲပုပ်ကုန်စည်တွေထဲမှ အင်းဆက်တွေကို ရှာဖွေတွေ့ရှိတာ ကြောင့် ဗီယက်နမ်က တန်ချိန် ၅ဝဝဝဝ ကို ငြင်းပယ်ခဲ့ပါတယ်။ ဗီယက်နမ်က ပိုးမွှားရှာဖွေစမ်းသပ်တဲ့နည်းစနစ်သစ်ကို ကျင့်သုံးနေကြောင်း သိရပါတယ်။ ယခင်က ဗီယက်နမ်ခွင့်ပြုခဲ့တဲ့ ပိုးသတ်တဲ့နည်းစနစ်နဲ့ မကြာခင်ခွင့်ပြုချက် ရယူဖို့မျှော်လင့်ကြောင်း ကုန်သည်များက ပြောပါတယ်။ တစ်နည်းအားဖြင့် ဗီယက်နမ်က ပိုဈေးကြီးတဲ့ တောင်အမေရိကရဲ့ ရောင်းလိုအားဘက်ကို ဦးလှည့် လိုက်တာကြောင့် ပြည်တွင်းမှာ ဈေးတက်ဖို့ တွန်းအားပေးသလိုဖြစ်နေကြောင်း ကုန်သည်များက ပြောကြားပါတယ်။ ဗီယက်နမ်မှာ ပြောင်းဈေးနှုန်းဟာ တစ်တန်ကို ဒေါ်လာ ၃၃၃-၃၄၉ ဒေါ်လာ ကြားမှာရှိပြီး ယခင်နှစ်ထက် ၂၇ ရာခိုင်နှုန်း ပိုမိုခဲ့ပါတယ်။ သွင်းကုန်တင်သွင်း တာကတော့ လောင်စာဈေးနှုန်းကြောင့်ဖြစ်ကြောင်း သိရပါတယ်။ ဗီယက်နမ်ဟာ ပြောင်းနဲ့ ပဲပုပ်ဝယ်ယူတဲ့ အိန္ဒိယရဲ့ အကြီးဆုံးဝယ်လက်တစ်ခုဖြစ်ကြောင်း သိရပါ တယ်။ Source: commodity online, KZW
် အနည်းငယ်အေးနေတဲ့ မာလာဥဈေးကွက် ပြည်မြို့ရဲ့ အမယ်သစ်ဈေးကွက်မှာ အခုအချိန် မာလာဥတွေ အရောင်း အဝယ်ဖြစ်နေပါတယ်။ အစို ၁ဝ ပိဿာကိုပြုတ်ပြီး နေလှန်းရင် အခြောက် ၁ တစ်ပိဿာခွဲမှ ၂ ပိဿာအထိ ရပါတယ်။ မာလာဥအစိုကို ယခင်လက ၂၅ဝဝ ကျပ်အထိ ဈေးရရှိခဲ့ပေမယ့် အခုအချိန်မှာ ၂ဝဝဝ ကျပ်မှ ၂၂ဝဝ ကျပ်ထိသာ ဈေးရှိတော့ကြောင်း သိရပါတယ်။ အခုအချိန်ဈေးကျနေတာကြောင့် အရောင်း အဝယ်လည်း အနည်းငယ်အေးနေတယ်လို့ သိရပါတယ်။ ယဉ်သိမ့်နွေး
ပြည်ငရုတ်သီးစိမ်း ဈေးကွက် ပဲခူးတိုင်းဒေသကြီး အနောက်ပိုင်း ဟာ ငရုတ်သီးစိမ်း အများဆုံးထွက်ရှိတဲ့ တိုင်းတစ်တိုင်းဖြစ်ပါတယ်။ သဲကုန်းမြို့ နယ်အတွင်းရှိ ပုတီးကုန်း၊ အင်းမ၊ ဝက်ပုတ်နယ်တစ်ဝိုက်မှ အများဆုံးထွက်ရှိ ပြီး၊ ရန်ကုန် (သီရိမင်္ဂလာဈေးသစ်) သို့ လည်း တိုက်ရိုက်တင်ပို့ကြောင်း သိရပါတယ်။ ယခုပြည်ဈေးကွက်တွင် ရောင်းချနေတဲ့ ငရုတ်သီးများမှာ ငရုတ်ရှည်ပွ၊ ငရုတ်ရှည်၊ ငရုတ်ပွကြီး၊ ပီနံသီး၊ ဂျီဆွယ်၊ ငရုတ်ရှည်ချိုပွတို့ ဖြစ်ကြပါတယ်။ ငရုတ်သီးဈေးနှုန်းများမှာ ငရုတ်ရှည်ပွ တစ်ပိဿာလျှင် ကျပ် ၄ဝဝဝ ၊ ငရုတ်ရှည် ကျပ် ၃ဝဝဝ၊ပီနံသီး ကျပ် ၁၅ဝဝဝ ရှိကြောင်း သိရပါတယ်။ ထိုငရုတ်သီး များကို ပြည်မြို့နယ် အနီးတစ်ဝိုက်ရှိ ကျေးရွာများဖြစ်သော မှော်ဇာ၊ ဇီးအုပ် တို့မှလာရောက်ရောင်းချကြပြီး၊ သဲကုန်း မြို့နယ်ရှိ ပုတီးကုန်း၊ အင်းမ၊ ဝက်ပုတ် တို့မှလည်း ပြည်ဈေးကြီးသို့ လာရောက် ရောင်းချကြောင်း သိရပါတယ်။ နေ့စဉ် ပြည်မြို့မှ တောင်ကုတ်သို့ ငရုတ်သီးစိမ်း အိတ် ၂ဝ မှ ၃ဝ အထိ တင်ပို့ကြပြီး၊ တစ်အိတ်လျှင် ပိဿာချိန် ၃၅-၄ဝ အထိ ပါဝင်ကြောင်းသိရပါတယ်။ အိအိခိုင်
အဝယ်ပြန်သွက်လာလို့ အိန္ဒိယနနွင်းဈေးမြင့်တက်လာ အိန္ဒိယနိုင်ငံ နီဇမ်မာဘတ်မှာ အဝင်များသလို အဝယ်သွက်လာတာကြောင့် နနွင်းလက်ငင်းဈေးရော ကြိုပွိုင့်ဈေးပါ မြင့်တက်လာခဲ့ပါတယ်။ ကြိုပွိုင့်အရောင်းအဝယ်သွက်လာတာကြောင့် ဖေဖော်ဝါရီလ ၁၇ ရက်မှာ ၂ ဒသမ ၅၅ ရာခိုင်နှုန်း မြင့်တက်လာခဲ့တယ်လို့ သိရပါတယ်။ အဓိကတော့ ပြည်တွင်းလှောင်လက်များက ဝယ်လိုအားတက်လာတာကြောင့် ဈေးနှုန်း ခိုင်မာနေတာဖြစ်ပါတယ်။ နီဇမ်မာဘတ်ဈေးကွက်ကို ယခင်ရက်များက အိတ် ၅ဝဝဝ ခန့်စီဝင်ရောက်ရာမှ ဖေဖော်ဝါရီလ ၁၆ ရက်မှာ အိတ် ၃ဝဝဝ ဝန်းကျင်ကို လျော့ကျလာခဲ့တယ်လို့ သိရပါတယ်။ ယခုနှစ် နနွင်းထွက်ရှိမှုကို ၇ဝ ကီလိုပါ အိတ်ပေါင်း ၆၉ သိန်း ခန့်မှန်းထားရာ ယခင်နှစ်ထုတ်လုပ်မှု အိတ်ပေါင်း ၄၈ သိန်းထက် ပိုမိုနေပါတယ်။ ယခုနှစ်အတွင်း နနွင်ဈေးက တစ်တန်ကို ရူပီး ၁၁ဝဝဝဝ (ကန်ဒေါ်လာ ၂၄၃၁) ဈေးရှိနေလို့ နနွင်းစိုက်ပိုျးသူ များ အတွက် ဝမ်းမြောက်စရာ ဖြစ်နေပါတယ်။ လာမယ့်ရက်တွေမှာတော့ နနွင်းဝင်ရောက်မှုက ၃ဝ ရာခိုင်နှုန်းခန့် ကျဆင်းလာ နိုင်ပေမဲ့ ဈေးနှုန်းကတော့ မပြောင်းလဲနိုင်ဘူးလို့ ခန့်မှန်းထားပါတယ်။ အကယ်လို့ အိန္ဒိယမြောက်ပိုင်းက အဝယ်ထပ် တက်လာရင်တော့ ဈေးမြင့်တက်နိုင်တယ်လို့ ခန့်မှန်းကြပါတယ်။ အီရော့ နနွင်းကုန်သည်များ ရောင်းချတဲ့ ဈေးဝင်းမှာ နနွင်းလက်ချောင်းဈေး တစ်တန်ကို ရူပီး ၈၆၃၃ဝ-၁၁၁ဝ၅ဝ (ကန်ဒေါ်လာ ၁၉ဝ၈-၂၄၅၅) ရှိပြီး နနွင်းဥဈေးက တစ်တန်ကို ရူပီး ၈၆ဝ၃ဝ-၁ဝ၈၁၄ဝ (ကန်ဒေါ်လာ ၁၉ဝ၂- ၂၃၉ဝ) ဈေးဖြစ်တယ်လို့ သိရပါတယ်။ ယမင်းခင်၊ှSource: business line
ဟိုပုံးနနွင်း ဈေးကွက်ကိုအဝင်လှိုင် နနွင်းအထွက်များပြီး၊ ပစ္စည်းကောင်းတဲ့ ဟိုပုံးနနွင်းခြောက်တွေလည်း ဈေးကွက်မှာ အဝင်များလာပြီဖြစ် ပါတယ်။ ဟိုပုံးတောင်ဖက်ခြမ်းဒေသဖြစ်တဲ့ ပေါက်လင်းနယ်ကနေ အများအပြားဝင်လာတာဖြစ်တယ်လို့ သိရ ပါတယ်။ မနှစ်က ဈေးကောင်းခဲ့လို့ ဒီနှစ်တောင်သူတွေ အစိုက်များတာကြောင့် နနွင်းအထွက်လည်း သိပ်မလျော့ခဲ့ ပါဘူး။ နာမည်ကြီး ဟိုပုံးနနွင်း ကလည်း ဈေးကွက်ကိုအတော်များများ ဝင်လာနေပြီလို့သိရပါတယ်။ ဒါပေမဲ့ ဒီနှစ်နနွင်း ဈေးကွက်က မနှစ်ကလောက် မသွက်ဘူးလို့ ဒေသခံကုန်သည်တွေထံမှသိရပါတယ်။ ဒီတစ်ပတ် ဟိုပုံးဈေးကွက်မှာ နနွင်းပေါက်ဈေးက တစ်ပိဿာ ၂၁ဝဝ ကျပ်ဈေး ရှိပါတယ်။ အောင်ပန်းဈေးကွက်မှာလည်း နနွင်းခြောက်တွေက အရင်တစ်ပတ်ကထက် ပိုပြီးဝင်လာတယ်လို့ သိရပါတယ်။ ချင်းလိုပဲ ပြည်ပဝယ်လိုအား ရပ်နေတာကြောင့် အရောင်းအဝယ်ကလည်း အနည်းငယ်အေးနေ တယ်လို့သိရပါတယ်။ အောင်ပန်းဈေးကွက်မှာ ဒီတစ်ပတ်နနွင်းခြောက်ဈေးက နနွင်းခြောက် (ရိုးရိုး) တစ်ပိဿာ ၂ဝဝဝ ကျပ်၊ ၂၅ဝဝ ကျပ်၊ ဆင်တောင်နနွင်းက ၃ဝဝဝ ကျပ်၊ ၃၅ဝဝ ကျပ်ဈေးရှိပြီး အောင်ပန်းဈေးကွက်မှာတော့ တစ်ပိဿာ ၂၃ဝဝ ကျပ်ဈေးနဲ့ ဈေးငြိမ်နေပါတယ်။ ဧဧခိုင်
ယခုအပတ် စစ်တွေအပြင် မူဆယ်နယ်စပ်မှ တင်ပို့မှုရှိ ဖေဖော်ဝါရီလ ၉ ရက်မှ ၁၅ ရက်ထိ ကာလအတွင်းမှာ ပုံမှန်တင်ပို့နေကျဖြစ်တဲ့ စစ်တွေနယ်စပ် အပြင် မူဆယ်နယ်စပ်မှလည်း ပရဆေးကုန်ကြမ်းအဖြစ်အသုံးပြုရန် ဒေသထွက်နနွင်းများကို တင်ပို့နိုင်ခဲ့ပါတယ်။ မူဆယ်နယ်စပ်မှ ဟိုပုံးဒေသထွက် နနွင်းတက် ၆ ဒသမ ၇၉ တန်နဲ့ စစ်တွေနယ်စပ်မှ ၁ တန်၊ စုစုပေါင်း ၈ တန် နီးပါးတန်ဖိုးအားဖြင့် ၁၄၇ဝဝ ဒေါ်လာဖိုး တင်ပို့ခဲ့တာဖြစ်ပါတယ်။ ၂ဝ၁ဝ-၁၁ ဘဏ္ဍာနှစ် ဧပြီလမှ ဇန်နဝါရီလထိ ကာလအတွင်း နယ်စပ်စခန်း များမှ နနွင်းတက် တန် ၁ဝဝဝ ကျော်တင်ပို့ထားပြီးဖြစ်တယ်လို့ သိရပါတယ်။ MIRT (DOBT)