Background
ရှမ်းနနွင်းလည်း အရောင်းအဝယ် ဖြစ်နေပါတယ်။ အောင်ပန်းဈေးကွက်မှာလည်း နနွင်းအသစ်တွေ ဝင်နေပါ တယ်။ ပြီးခဲ့တဲ့အပတ်က တောင်ပို့လနဲ့ ဆင်တောင် နနွင်းတွေ သာ အနည်းအကျဉ်း ဝင်ရောက်မှုရှိပေမယ့် အခုတစ်ပတ်မှာ တော့ ပင်လောင်းနဲ့ အင်းလေးစတွေလည်း ထပ်ပြီးဝင်လာ တယ်လို့ သိရပါတယ်။ ဟိုပုံးနနွင်း တွေ လည်း အောင်ပန်းဈေး ကွက်ကို ရောက်လာပါတယ်။ ဒီတစ်ပတ်အတွင်းမှာပဲ ဒူဘိုင်း ကို ပင်လယ်ရေကြောင်းကနေ တန် ၁၀၀ တင်ပို့နိုင်ခဲ့တယ်လို့ လည်း သိရပါတယ်။
ဒီတစ်ပတ်တော့ ချင်း(ခြောက်)က Export ရှိတာကြောင့် အတော်လေး အရောင်းအဝယ် သွက်နေတယ်လို့ သိရပါတယ်။ တရုတ်ဝယ်လက်တွေနဲ့ ရန်ကုန် ဝယ်လက်တွေ ဝယ်ယူမှုရှိတာကြောင့် တစ်ပတ်အတွင်း ချင်းခြောက် ပိဿာချိန် တန် ၈၀ အရောင်းအဝယ်ဖြစ်ခဲ့ပါတယ်။ တရုတ်ကို တန် ၇၀ နဲ့ထိုင်းကို ၁၀ တန် တင်ပို့ခဲ့ရတယ်လို့ သိရှိရပါတယ်။ အောင်ပန်းကနေ မန္တလေးအရောက် တစ်ပိဿာ ၁၃၅၀ ကျပ်ဈေးရှိပြီး၊ ကားတင်ခကတော့ တစ်ပိဿာ ၂၅ ကျပ်ဈေးရှိတယ်လို့ သိရပါတယ်။
ပြည်ဈေးကွက်ကို အောင်ပန်းချင်းများ ယခုတစ်ပတ်မှာလည်း ပိဿာ ၃၀ ဝင်အိတ် ၂၅၀ ခန့် အဝင်ပုံမှန် ရှိနေပါတယ်။ အရောင်းအဝယ်အားဖြင့် တစ်နေ့ ပိဿာချိန် ၃၀၀ ခန့် ပုံမှန်အရောင်းအဝယ်ဖြစ်ေ နပြီး၊ ဈေးနှုန်းမှာ လည်း ယခင် အပတ်ဈေးအတိုင်း တစ်ပိဿာကို ချင်း (ရှယ်) ၅၀၀ ကျပ်၊ ၆၀၀ ကျပ်၊ (ဂျွန်) ၄၀၀ ကျပ်၊ ၄၅၀ ကျပ်ရှိပါတယ်။ပြည်ဈေးကွက်မှတစ်ဆင့် ဧရာဝတီနဲ့ ရခိုင်ဘက်ကို စားသုံးမှုအဖြစ် တစ်နေ့ပိဿာချိန် ၃၀၀ ခန့် တင်ပို့မှုရှိကြောင်း သိရပါတယ်။ဝင်းဝင်းခိုင်-ပြည်
ပြည်ပကို ဖေဖော်ဝါရီ ၂၄ ရက်မှ မတ်လ ၂ ရက်အတွင်း ပင်လယ်ရေကြောင်း ကုန်သွယ်မှုလမ်းမှ ချင်း ၅၆ ဒသမ ၃၂ တန်တင်ပို့နိုင်ခဲ့တယ်လို့ သိရပါတယ်။ တင်ပို့ခဲ့တဲ့နိုင်ငံက ဖိလစ်ပိုင်နိုင်ငံဖြစ်ပါတယ်။ ယခင်သီတင်းပတ်မှာ ချင်းတင်ပို့တန် ချိန်ကတစ်ရာ့ကိုးဆယ်နီးပါးရှိခဲ့တာကြောင့် ဒီတစ်ပတ်မှာ နနွင်းတင်ပို့မှုကတန်ချိန် တစ်ရာ့သုံး ဆယ်ကျော်လျော့နည်းခဲ့ပါတယ်။ ရရှိခဲ့တဲ့ဝင်ငွေက ကန်ဒေါ်လာနှစ်သိန်း ကျော်ဖြစ်ပါတယ်။
ပြည်ပဲဈေးကွက်အတွင်း မတ်ပဲ၊ ကုလားပဲ၊ ပဲစင်းငုံ၊ ပဲကြီးစသဖြင့် ပဲမျိုးစုံ သီးနှံများ အရောင်းအဝယ်ဖြစ်လျက် ရှိရာ ထောပတ်ပဲသီးနှံဟာလည်း တစ်ခုအပါ အဝင်ဖြစ်ပါတယ်။ ပြည်ဈေးကွက် သို့ ဖေဖော်ဝါရီနောက်ဆုံးပတ် မှစပြီး၊ ထောပတ်ပဲ သစ်များဝင်ရောက်လာခဲ့ပြီး၊ တစ်တင်း ၁၅၀၀၀ ကျပ်နဲ့ ဈေးဖွင့်ဝယ်ယူခဲ့ကြပါ တယ်။ ထောပတ်ပဲ ဟာ တိုင်းအတွင်း စားသုံးမှု ဖူလုံရုံသာရှိတာကြောင့် အခြားတိုင်းကို တင်ပို့နိုင်ခြင်းမရှိသလို တိုင်းအတွင်း အရောင်း အဝယ်ဖြစ်တဲ့ ပဲများဟာလည်း ဒေသတွင်းမှထွက်ရှိတဲ့ပဲများဖြစ်ပါတယ်။ ရွှေတောင်၊ ကျီးသဲမြို့နယ်များမှ အများဆုံး ဝင်ရောက်ခဲ့ပြီး၊ တစ်ရက်အိတ် ၁၀၀ ကျော် ဝင်ရောက်ခဲ့ပါတယ်။ လှောင်လက် သမားနဲ့ လက်လီသမားများအဝယ်ရှိတဲ့ အတွက် တစ်တင်း ၁၅၀၀၀ ကျပ်နဲ့ ဈေးငြိမ် အရောင်းအဝယ်ဖြစ်လျက်ရှိတယ်လို့သိရပါတယ်။ခင်ဆွေဝင်း-ပြည်
ပြည် ပဲဈေးကွက် မတ်ပဲဈေးမှာ တဖြည်းဖြည်းဈေးမြင့်တက်လာခဲ့ပြီး၊ ပဲတစ် တင်းကို ၁၇၀၀၀ ကျပ်ဈေးမြင့် လာခဲ့တယ်လို့ သိရပါတယ်။ မတ်လရဲ့ ပထမ ပတ်အတွင်း ပဲတစ်တင်းကို ၁၅၀၀၀ ကျပ်ဈေးနဲ့ ရောင်းဝယ်ခဲ့ကြပြီး၊ ယခုတစ်ပတ်မှာ တော့ ပေါင်းတလည်၊ ပေါက်ခေါင်း၊ ပန်းတောင်းဘက်မှ ပဲအဝင်ရှိသော်လည်း တစ်နေ့ကို အိတ် ၁၀၀ - ၂၀၀ ခန့်သာ အဝင်ရှိပြီး၊ ပဲစိုက်တောင်သူများမှ တက်ဈေး စောင့်နေတဲ့အတွက် ပဲရောင်းချသူနည်းနေတယ်လို့ သိရပါတယ်။ ရန်ကုန် ဝယ် လက်ရှိသော်လည်း လှောင်လက်သမားများက အဝယ်ပိုများနေခဲ့ပါတယ်။ ရန်ကုန် ဝယ်လက်မှာ တစ်နေ့ကို အိတ် ၄၀၀ - ၅၀၀ ခန့်အရောင်းအဝယ်ဖြစ်ပြီး၊ ပြည်ဘက်မှ ရန်ကုန်ကို တစ်နေ့ အိတ် ၄၅၀၀ ခန့် တင်ပို့မှုရှိတယ်လို့ သိရပါတယ်။မိမိအေး - ပြည်
ရှမ်းပြည်နယ် (တောင်ပိုင်း) အောင်ပန်းကုန်စည်ဒိုင်မှာ မတ် ဒုတိယ ပတ်အတွင်း ပဲစင်းငုံဈေးကောင်းခဲ့သလို အရောင်းအဝယ်လည်း သွက်ခဲ့တယ်လို့ သိရပါတယ်။ မတ် ပထမပတ်က ပဲစင်း ငုံ တစ်ပိဿာကို ၉၀၀ ကျပ် ဈေးသာ ရှိခဲ့ပြီး၊ ၂၈ တန်ခန့်သာ အရောင်း အဝယ် ဖြစ်ခဲ့ပေမယ့် ဒုတိယပတ်မှာ တော့ ငုံနီတစ်ပိဿာကို ၁၀၅၀ ကျပ် အထိ ဈေးရှိခဲ့ပြီး၊ မတ် ၈ ရက်မှ ၁၄ ရက်အထိ ပဲစင်းငုံ ၃၄၅၀၀ ပိဿာ၊ ၅၆ တန်ခန့် အရောင်းအဝယ်ရှိ ခဲ့တာ ကြောင့်မတ်လပထမပတ်ကထက် နှစ် ဆအရောင်းအဝယ်ဖြစ်ခဲ့ပါတယ်။အစေ့ ထုတ် ပြောင်းကတော့ တစ်ပိဿာကို ၄၁၅ ကျပ်နဲ့ ဈေးအနည်းငယ် ပြန်အေး သွားခဲ့ပေမယ့် မတ် ၈ ရက်မှ ၁၄ ရက် ထိ ၇၁၁၀၀ပိဿာ၊၁၁၆ တန် အရောင်း အဝယ်ဖြစ်ခဲ့တာကြောင့် မတ်လ ပထမပတ်ကထက်ပိုပြီး အရောင်း အဝယ်ဖြစ်ခဲ့တဲ့အပြင် ချင်းခြောက် ကိုလည်း ထိုင်းနဲ့တရုတ်ဝယ်လက်ရှိခဲ့ တာကြောင့် မတ် ဒုတိယပတ်မှာ တန် ၈၀ ခန့် အရောင်းအဝယ်ဖြစ်ခဲ့ကြောင်း အောင်ပန်းကုန်စည်ဒိုင်ရဲ့ ပြောပြချက် အရ သိရပါတယ်။ မင်းအောင် - တောင်ကြီး
မတ်လ ဒုတိယပတ် မုံရွာကုန်စည်ဒိုင် ပဲဈေးကွက်မှာ ပဲစင်းငုံ အဟောင်းFOB ရှိလို့ ဒိုင်အတွင်း တစ်ရက်အိတ် ၁၀၀၀ ခန့်နေ့စဉ် အဝယ်သွက်ခဲ့ပြီး၊ ငုံနီအသစ်ဈေးကွက်မှာ တော့ ပဲဟောင်းပဲသစ်လဲဖို့ ဒေသခံလှောင်လက်တွေ အဝယ်ရှိ ခဲ့တဲ့အတွက် တစ်ရက်အိတ် ၂၀၀၀ ဝန်းကျင်အရောင်းအဝယ် ဖြစ်ခဲ့တယ်လို့ သိရပါတယ်။ ယခုတစ်ပတ် ငုံနီတစ်တင်း ပဲ ဟောင်း ၁၉၀၀၀ ကျပ်၊ပဲသစ် ၂၀၁၀၀ ကျပ်မှ ၂၁၀၀၀ ကျပ် ထိပေါက်ဈေးဖြစ်ပေါ်ခဲ့ပြီး၊ စီးဆင်းမှုအနေနဲ့ မြင်းမူ ဆိပ်ကမ်း ကတစ်ဆင့်ရန်ကုန်ကို ငုံနီအိတ် ၃ သောင်းကျော် တင်ပို့ခဲ့ တယ်လို့ ကုန်စည်ဒိုင်ရပ်ကွက်က ကြားသိရပါတယ်။ ကုလားပဲ မျိုးစုံဈေးကွက်အနေနဲ့ ယခုအပတ်ထဲမှာ နယ်စုံက ကုလားပဲ များ ဒိုင်အဝယ်သွက်လာခဲ့သလို Export အဝယ်မရှိပေမယ့် ဒေသလှောင်လက်ဝယ်လို အားကောင်း လို့ ဈေးအသင့်အတင့် မာနေတယ်လို့ ဆိုပါတယ်။ ယခုတစ်ပတ်မှာ V2 တစ်တင်း ၁၇၂၀၀ ကျပ်မှ ၁၇၇၀၀ ကျပ်၊ 929 တစ်တင်း ၁၇၁၀၀ ကျပ် မှ ၁၇၅၀၀ ကျပ်နဲ့ ထိုင်ဝမ်တစ်တင်း ၁၇၂၀၀ ကျပ်မှ ၁၇၅၀၀ ကျပ်အသီးသီးပေါက်ဈေးဖြစ်ခဲ့ကာ မုံရွာကုန်စည်ဒိုင် ဈေး ကွက်မှာ တစ်ရက်အိတ် ၂၀၀၀ အထက်နေ့စဉ် အရောင်း အဝယ်ဖြစ်ခဲ့တယ်လို့ ကုန်သည်ရပ်ကွက်က ဆိုပါတယ်။
ကယားပြည်နယ်လွိုင်ကော်မြို့ ပဲစင်းငုံဈေးကွက်မှာ မတ်လ ဒုတိယပတ် အတွင်း ပဲစင်းငုံဈေးမာလျက်ရှိပြီး၊ တစ် ပိဿာကို ၁၀၀၀ ကျပ်ဈေးရှိခဲ့တာကြောင့် နေ့စဉ်ပဲစင်းငုံ ပိဿာ ၃၀ ဝင် ၃၀၀ အိတ်မှ ၄၅၀ အိတ်အထိ ဝင်ရောက် လျက်ရှိပြီး၊ အရောင်းအဝယ်သွက်ခဲ့ကြောင်း၊ လွိုင်ကော်မြို့ခံ ပဲကုန်သည်တစ်ဦးထံမှ သိရပါ တယ်။ ကယား ပြည်နယ် မှာ ၂၀၁၂/၂၀၁၃ မိုးသီးနှံ ပဲစင်းငုံစိုက်ဧက တစ်သောင်း ခန့်ရှိပြီး၊ ကယားပြည်နယ်က ပဲစင်းငုံစိုက်ပျိုး သူ တောင်သူအများစုက သီးသန့် စိုက်ခင်းအဖြစ် စိုက်ပျိုးသူအလွန်နည်းပါးပြီး၊ အစေ့ ထုတ်ပြောင်း စိုက်ပျိုးရာမှာ ကြားသီးနှံအဖြစ်သာအများစုကစိုက်ပျိုးခဲ့ကြတာဖြစ်ပါတယ်။ယခုနှစ်အတွင်း ပဲစင်းငုံ စိုက်ခင်းများ မှာ နှင်းခါး ကျရောက်မှုမရှိခဲ့ပေမယ့် ရာသီဥတုအခြေ အနေအရ မိုးရွာ သွန်းမှုနည်းပါးခဲ့တာကြောင့် ပဲစင်းငုံထွက်ရှိ မှု လျော့နည်း ကျဆင်းနိုင်ကြောင်း ဒေသခံတောင်သူအချို့ရဲ့ အဆိုအရ သိရပါတယ်။ MA- တောင်ကြီး
၂၀၁၃ ခုနှစ်၊ မတ်လ ဒုတိယပတ် ပခုက္ကူ ကုန်စည်ဒိုင်မှာ အရောင်းအဝယ် ဖြစ်တဲ့ သီးနှံတွေကတော့ ပဲစင်းငုံနီ၊ ကုလားပဲဝါကြီး၊ ကုလားပဲဖြူကြီး၊ စွန် တာနီ၊ ပဲဇီးကွက်၊ ပဲယင်း(မြစ်ခြေ)၊ နှမ်းဖြူ၊နှမ်းနီ၊ နှမ်းညို၊ ဃဏ ပြောင်း၊ မန် ကျည်းသီးတောင့်၊ မန်ကျည်းဖတ်အစုံ အရောင်းအဝယ် ဖြစ်ပါတယ်။ ပဲစင်းငုံနီ တစ်ပိဿာ ၁၀၁၀ ကျပ်၊ တစ်တင်း ၂၀၂၀၀ ကျပ်ကနေတစ်ပိဿာ ၁၀၇၀ ကျပ်၊ တစ်တင်း ၂၁၄၀၀ ကျပ်ဆိုတော့ ဈေးမြောက်နေတယ်လို့ သုံးသပ်ရမှာ ပါ။ရန်ကုန်အော်ဒါလက်အောက် ဒေသ ခံ လှောင်လက်တွေ အပြိုင်ကျဲ အပြိုင် ဆွဲနေတဲ့သဘော ရှိပါတယ်။အချို့ဒေသ ခံ လှောင်လက်တွေ ၁၇၀၀၀ ကျပ် - ၁၇၅၀၀ ကျပ် တစ်ပတ်လည်ကနေ ၂၁၄၀၀ကျပ် ဆိုတော့သင့်ပြီဆိုပြီး လွှတ် ကြသလို ဆက်တက်မယ်ထင်လို့ ဆက် ဆွဲနေတဲ့သူတွေလည်း ရှိတယ်လို့ ကုန် စည်ရပ်ဝန်း သတင်းတွေအရ သိရပါ တယ်။ ဘယ်လိုပဲပြောရပြောရ တစ်နှစ် တာ အရောင်းအဝယ်ရဲ့ ဇာတ်ရှိန်မြင့် လေ့ရှိတဲ့ ဇွန်၊ဇူလိုင်လထိကတော့ ပဲစင်း ငုံ ဇာတ်လမ်း ဘယ်လမ်းနဲ့သွားမလဲ ဆို တာ စောင့်ကြည့်ရဦးမှာပါ။