မူဆယ် ၁၀၅ မိုင်နယ်စပ်ကုန်သွယ်ရေးစခန်းမှ ဇန်နဝါရီလ ၂၃ ရက်မှ ၂၉ ရက်နေ့ထိကာလအတွင်းမှာ ကန်ဒေါ်လာ သုည ဒသမ ၈၅၈ သန်းတန်ဖိုးရှိ ပရဆေးကုန်ကြမ်း ၃၈၈ တန်ခန့် တင်ပို့ခဲ့ပါတယ်။ ယခင်အပတ်က ၃၆၄ တန်ကျော်သာတင်ပို့ နိုင်ခဲ့တဲ့အတွက် ယခုအပတ်မှာ ၂၄ တန်ကျော်ပိုမိုတင်ပို့နိုင် ခဲ့ပါတယ်။ ယခုအပတ်မှာ ဝဥခြောက်၊ တောဂျူးမြစ်၊ ကြောင် လျှာစေ့နဲ့ ဆီးဆံတို့ပိုမိုတင်ပို့နိုင်ခဲ့ပြီး၊ မိကျောင်းကွမ်းဖတ်စေ့၊ ကြောင်ပန်းစေ့၊ ချဉ်ပေါင်ဖာလာ (အခွံပါ)၊ နေလဲစေ့၊ ကြက်ဆူ စေ့နဲ့ တောချင်းတို့ကတော့ ယခင်အပတ်က ထက်တင်ပို့ မှု လျော့နည်းခဲ့ပါတယ်။ ယခင်အပတ်ကတင်ပို့မှုမရှိတဲ့ ကွမ်းစား ဂမုန်း၊ ချဉ်ပေါင်ဖာလာ (အခွံမပါ) နဲ့ တောင်လုံးကျော် တို့ကိုလည်း ယခုအပတ်မှာ အပို့ရှိခဲ့ပါတယ်။ ယခုအပတ် မြန်မာ-အိန္ဒိယနယ်စပ်ရှိ တမူးနယ်စပ်ကုန်သွယ်ရေး စခန်းမှ ကန်ဒေါ်လာ သုည ဒသမ ၀၀၇ သန်းတန်ဖိုးရှိ ဟင်းရိုင်းဖြူ ၁ တန်ခန့်၊ကန်ဒေါ်လာသုည ဒသမ ၀၀၁သန်းတန်ဖိုးရှိ ဆူး ပန်း ၁ တန်ခန့်၊ ကန်ဒေါ်လာ သုည ဒသမ ၀၀၄ သန်းတန်ဖိုး ရှိ ဇာတိပ္ဖိုလ်သီး ၁ တန်ခန့်နဲ့ ကန်ဒေါ်လာ သုည ဒသမ ၀၀၉ သန်းတန်ဖိုးရှိ ဆောင်းမေခါး ၂ တန်ခန့်ကိုလည်း တင်သွင်းနိုင်ခဲ့ပါတယ်။ နယ်စပ် ကုန်သွယ်ရေး စခန်းမူဆယ် အနေနဲ့ ဇန်နဝါရီတစ်လလုံးမှာတော့ ကန်ဒေါ်လာ ၃ ဒသမ ၅၂၇ သန်းတန်ဖိုးရှိ ပရဆေးကုန်ကြမ်း တန်ချိန် ၁၆၀၉ ကျော် တင်ပို့နိုင်ခဲ့ပြီး တမူးနယ်စပ်ကုန်သွယ်ရေးစခန်းအနေနဲ့ ကန်ဒေါ်လာ သုည ဒသမ ၂၂၁ သန်းတန်ဖိုးရှိ ပရဆေး ကုန်ကြမ်း ၄ တန်ကျော်တင်သွင်းနိုင်ခဲ့ပါတယ်။MIRT (DOBT)

ပါကစ္စတန်၊ ဘင်္ဂလားဒေ့ရှ်၊ အိန္ဒိယ၊ UAE စတဲ့နိုင်ငံတွေက နနွင်းကိုပြန်ပြီး ဝယ်ယူနေတာကြောင့် အရောင်းအဝယ် သွက်နေပါတယ်။ နနွင်းအသစ်တွေကလည်း မဝင်သေးတာ ကြောင့် လက်ကျန်အဟောင်းတွေကို ရောင်းနေပေမယ့် ၂ နှစ်၊ ၃ နှစ်ဆက်တိုက်အရောင်းပါးခဲ့တာကြောင့် လက်ကျန်တွေကတော့ ကုန်ချိန် ၂၀၀၀၀၊ ၃၀၀၀၀ ခန့်ကျန်နေသေး တယ်လို့ သိရပါတယ်။ ယခုလောလောဆယ် မှာတော့ ပင်လောင်းနနွင်းသာ အများဆုံးအရောင်းအဝယ်ဖြစ်နေ ပါတယ်။ တောင်ပို့လတို့ ပင်းတယနနွင်းတို့ကတော့ ဝယ်သူတွေက လိုချင်ပေမယ့် ခြံရှင်တွေ၊ ကုန်သည်တွေ က ဈေးမကိုက်လို့ မရောင်းကြ သေးဘူး လို့လည်း သိရပါတယ်။ ဝယ်လက်တွေ ဝယ်ထားတဲ့ ပစ္စည်းတွေကိုတော့ များများစုပြီးမှသာ တင်ကြပါတယ်။ (၁/၂၀၁၃)လ တစ်လအတွင်း နနွင်းတန်ချိန် ၄၇ တန် ရောင်းချခဲ့တယ်လို့လည်း သိရပါတယ်။ ဒီတစ်ပတ်အောင်ပန်းဈေးကွက်မှာ နနွင်း ပေါက်ဈေးက ပင်လောင်းနနွင်း ဆိုရင် ၅၀၀ ကျပ် - ၆၀၀ ကျပ်၊ တောင်ပို့လ နနွင်း ၇၀၀ ကျပ် - ၈၀၀ ကျပ်နဲ့ ဆင်တောင် နနွင်းက ၁၂၀၀ ကျပ် ၁၃၀၀ ကျပ်ဈေးရှိပါတယ်။    ဧဧခိုင် - တောင်ကြီး

ရှမ်းချင်းတွေလည်း အလားအလာကောင်းနေပါတယ်။ ပြည်ပဝယ်လက်တွေ ဝယ်ယူနေတာကြောင့် ဈေးကလည်း တက်နေပါတယ်။ ချင်း(စို)ဈေးကောင်းရလို့ ချင်းခြောက်တောင် သိပ်မလုပ်ကြတော့တာကြောင့် ချင်းခြောက်ကလည်း အထိုက် အလျောက်ဈေးတက်လာပါတယ်။ပြည်ပတင်ပို့ဖို့အတွက် စစ်တွေလိုင်းရယ်၊ သင်္ဘော လိုင်း ရယ် ဆိုပြီး၊ နှစ်လိုင်းနဲ့ အရောင်းအဝယ်ဖြစ်နေပါတယ်။ ကလော၊ ပင်းတယ၊ အောင်ပန်း၊ နန်းတိုင်း စတဲ့နယ်တွေက ထွက် တဲ့ ချင်း(စို)တွေကတော့ အောင်ပန်း ဈေးကွက်ကို အလုံးအရင်းလိုက်ဝင်နေပါတယ်။ တစ်ရက်ကို ပိဿာချိန် တစ်သောင်း ခန့်အဝင်ရှိနေသလို အထွက်လည်း တစ်ရက်ကို ပိဿာချိန် ၈၀၀၀ မှ ၁၀၀၀၀ ခန့်လည်း ပြန်ရောင်း ထွက်နေတယ်လို့ သိရပါတယ်။ ပြည်ပဝယ်လက်နဲ့ ပြည်တွင်း သုံးဈေးပတ်သမားတွေပါ အဝယ်ရှိနေတယ်လို့လည်း ဆိုပါတယ်။ ချင်း(စို)က တစ် ပိဿာကို ၃၀၀ ကျပ်မှ ၃၈၀ ကျပ်ဈေးရှိပါတယ်။

သီတင်းတစ်ပတ်ဖြစ်တဲ့ ဇန်နဝါရီ ၂၀ ရက်မှ ၂၆ ရက်အတွင်းချင်း ၁၁၂ ဒသမ ၆၄ တန်ကို ပင်လယ်ရေကြောင်းလမ်းမှ ပါကစ္စတန်နိုင်ငံကို တင်ပို့ခဲ့ပါတယ်။ ယခင်သီတင်းပတ်မှာ တင်ပို့ခဲ့တဲ့ တန်ချိန်က တစ်ရာ့လေးဆယ်နီး ပါးရှိခဲ့တာကြောင့် ဒီတစ်ပတ်မှာ ချင်းတင်ပို့မှုက နှစ်ဆယ့်ခြောက်တန်အလျော့နည်းခဲ့တယ်လို့ သိရပါ တယ်။ ကာလတူကာလဖြစ်တဲ့ ၂၀၁၂ ဇန်နဝါရီ ၂၀ ရက်မှ ၂၆ ရက်အတွင်းမှာ ချင်းတင်ပို့မှုမရှိခဲ့တာကြောင့် ဒီနှစ်မှာ ချင်းတင်ပို့မှုပိုခဲ့တယ်လို့ ဆိုရပါမယ်။ ယခု သီတင်းပတ်အတွင်း ချင်းတင်ပို့မှုမှရခဲ့တဲ့ဝင်ငွေက ကန်ဒေါ်လာ သုံးသောင်းကျော် ရှိခဲ့ပါတယ်။                                                                 MIRT (DOT)