Background
မုံရွာကုန်စည်ဒိုင် ဇန်နဝါရီ စတုတ္ထပတ်ပဲဈေးကွက်မှာ ပဲစင်းငုံနီနည်းတူ ကုလားပဲသစ်တွေ စတင်ဝင်ရောက် လာပြီး၊ ပဲဟောင်းဈေးနဲ့သာ ဈေးဖွင့်အရောင်းအဝယ်ဖြစ်ခဲ့တယ်လို့ ပွဲရုံရပ်ကွက်က ဆိုပါတယ်။ ဘုတလင်နယ် ဘက်က 929 ပဲသစ် တစ်ရက်အိတ် ၁၀၀ ခန့် ဝင်လာသလို ပုလဲ၊ ဆားလင်းကြီး နယ်ဘက်က V2 တစ်ရက် အိတ် ၁၅၀ ခန့် စတင်ဝင်ရောက် ခဲ့တယ်လို့ ဆိုပါတယ်။ ကုလားပဲမျိုးစုံအိတ်စပို့ ဝယ်လက်မရှိဘဲ ဒေသခံ စက်သမား၊ ကြာဇံသမားနဲ့ ပဲလက်လီအဝယ်သာ ရှိခဲ့လို့ ဈေးငြိမ်နေလျက်ရှိရာ ထိုင်ဝမ်တစ်တင်း ၁၆၇၀၀ ကျပ်၊ V2 တစ်တင်း ၁၆၀၀၀ ကျပ်၊ 929 တစ်တင်း ၁၆၀၀၀ ကျပ်၊ အသီးသီးဈေးပေါက်ခဲ့ပြီး နေ့စဉ်တစ်ရက်အိတ် ၁၂၀၀ ဝန်း ကျင်အရောင်းအဝယ် ပုံမှန်ရှိခဲ့တယ်လို့ သိရပါတယ်။
ဇန်နဝါရီလ ၉ ရက်မှ ၁၅ ရက်ထိကာလအတွင်းမှာ မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော် နယ်စပ် ကုန်သွယ်ရေးစခန်းများမှ ကန်ဒေါ်လာ ၅ ဒသမ ၀၂၀ သန်းတန်ဖိုးရှိ ရော်ဘာအဆင့်စုံ တန် ၁၈၀၀ ကျော် တင်ပို့ခဲ့ပါတယ်။ ယခင်အပတ်က ရော်ဘာအဆင့်စုံ တန်ချိန် ၁၀၄၀ ကျော်သာ တင်ပို့နိုင်ခဲ့တဲ့အတွက် ယခင်အပတ်က ထက် တန်ချိန် ၇၆၀ ကျော် ပိုမိုတင်ပို့နိုင်ခဲ့တာကို တွေ့ရပါတယ်။ စခန်းအလိုက်တင်ပို့နို င်မှု တွေကတော့ မူဆယ်နယ်စပ်ကုန်သွယ်ရေးစခန်းမှ ကန်ဒေါ်လာ သုည ဒသမ ၀၄၉ သန်းတန်ဖိုးရှိ RSS-1 ၁၆ တန်ကျော်၊ကန်ဒေါ်လာ ၁ ဒသမ ၀၀၁ သန်းတန်ဖိုးရှိ RSS-3 ၃၁၆ ကျော်၊ ကန်ဒေါ်လာ သုည ဒသမ ၆၅၆ သန်းတန်ဖိုးရှိ MSR-20 ၂၃၈ ကျော်၊ ကန်ဒေါ်လာ သုည ဒသမ ၂၀၁ သန်း တန်ဖိုးရှိ MSR-50 ၇၆ တန်ခန့်နဲ့ ချင်းရွှေဟော်နယ်စပ်ကုန်သွယ်ရေးစခန်းမှလည်း ကန်ဒေါ်လာ ၂ ဒသမ ၂၇၆ သန်းတန်ဖိုးရှိ RSS-3 ၈၁၆ တန်ကျော်၊ ကန်ဒေါ်လာ သုည ဒသမ ၈၃၀ သန်းတန်ဖိုးရှိ MSR-20 ၃၀၀ တန်ခန့် အသီးသီး တင်ပို့နိုင်ခဲ့ပါတယ်။ မိမိဘက်နဲ့ တရုတ်နိုင်ငံနယ်စပ်မြေပြင်ပေါက်ဈေးများကို နှိုင်းယှဉ်ကြည့်ရာမှာ RSS-3 ရော်ဘာဈေးကတော့ ယခင် အပတ်က ထက် အနည်းငယ်တက်ပြီးRSS-5 ဈေးကတော့ ပြောင်းလဲမှုမရှိတာ ကိုတွေ့ရပါတယ်။ မိမိဘက်နဲ့ တဖက်နိုင်ငံနယ်စပ် မြေပြင်ပေါက်ဈေးများကို နှိုင်းယှဉ်ဖော်ပြပေးလိုက်ရပါတယ်-
ကန်ဒေါ်လာ ၂ ဒသမ ၆၃၄ သန်းတန်ဖိုးရှိ ရော်ဘာအဆင့်စုံ ၉၅၁ တန်ကျော်ကို တရုတ်၊ စင်္ကာပူနဲ့ မလေးရှားနိုင်ငံများသို့ ဇန်နဝါရီလ ၆ ရက်မှ ၁၂ ရက်ထိကာလအတွင်းမှာ ပင်လယ်ရေကြောင်းမှအပို့ရှိခဲ့ပါတယ်။ ယခင်အပတ်က မလေးရှားနဲ့ တရုတ်နိုင်ငံနှစ်နိုင်ငံသို့သာအပို့ရှိခဲ့ပြီး ယခုအပတ်မှာယခင်အပတ်ကထက် တန် ၃၇၀ အပို့ပိုခဲ့ပါတယ်။ ယခုအပတ်မှာ တရုတ် နိုင်ငံသို့ RSS-3 တန် ၃၀၀၊ စင်္ကာပူသို့ RSS-5 တန် ၂၀၊ မလေးရှားသို့ RSS-3 တန် ၄၁၀၊RSS-5 တန် ၂၀ နဲ့ MSR-20 ၂၀၁ တန်ကျော်အပို့ရှိခဲ့တာဖြစ်ပါတယ်။ ယခုအပတ်နိုင်ငံတကာ ရော်ဘာ FOB ပေါက်ဈေးများမှာ ယခင်အပတ်ထက်ဈေး အနည်းငယ် ကျဆင်းသွားပါတယ်။ မြန်မာနိုင်ငံရော်ဘာ စိုက်ပျိုးထုတ် လုပ်သူများနဲ့ တင်ပို့သူများအသင်းကထုတ်ပြန်တဲ့ FOB ရော်ဘာဈေးတွေကတော့ RSS-1 တစ်တန် လျှင်ဒေါ်လာ ၃၀၀၀-၃၁၀၀၊RSS-3 နဲ့ MSR-20 တစ်တန်လျှင် ဒေါ်လာ ၂၉၀၀-၃၀၀၀၊RSS-5 နဲ့ MSR-50 တစ်တန်လျှင် ဒေါ်လာ ၂၈၀၀-၂၉၀၀၊ MSR-10 တစ်တန်လျှင် ဒေါ်လာ ၂၉၅၀-၃၀၅၀ နဲ့ Crepe Rubber တစ်တန်လျှင် ဒေါ်လာ ၂၇၀၀-၂၈၀၀ အသီးသီးဖြစ်ပါတယ်။ MIRT (DOBT)
မန္တလေးမြို့သကြား၊ သကာရည် လုပ်ငန်းရှင်များ ကထိန်တော် အသင်း (မန္တလေး သကြားကုန်စည်ဒိုင်)မှာ နေ့ စဉ် (ဥပုသ်နေ့မှအပ) သကြား၊ သကာ ရည်များ အရောင်းအဝယ် ပြုလုပ်ရာမှာ ယခု ၂၀၁၃ ခုနှစ် ဇန်နဝါရီ လလယ် သကြား၊ သကာရည် တစ်ပိဿာပေါက် ဈေးများမှာ သကြား A ၈၅၀ ကျပ်၊B ၈၄၀ ကျပ်၊ C ၈၃၀ ကျပ် ဖြင့် လည်း ကောင်း၊ သကာပွက်ရည် ၅၀၀ ကျပ်၊ စက်ကျရည် ၃၀၀ ကျပ်ဖြင့် လည်း ကောင်း အရောင်း အဝယ် ပြုလုပ် ကြောင်းသိရပါတယ်။ မန်းသကြား ဒိုင်မှာ ပွက်ရည်၊ စက်ကျရည်ထက် သကြား (ကုန်ချော) ကိုသာ အဓိက ထား အရောင်းအဝယ်ပြုလုပ်ပါတယ်။ ဒီဇင်ဘာလလယ်မှာ ပွက်ရည်များ စတင်ထွက်ရှိရာ ယခုဇန်နဝါရီလလယ် မှာ လှိုင်လှိုင်ပေါ်လာပြီ ဖြစ်လို့ ပွက်ရည် ဈေးအနည်းငယ် ကျဆင်းသွားသလို ပွက်ရည်ကိုမှီခိုတဲ့ သကြား ဈေးလည်း အနည်းငယ်အေးတာကို တွေ့ ရပါ တယ်။ မန်းသကြားဒိုင်မှာ နေ့စဉ် (၃၀ ပိဿာဝင်အိတ်) သကြားအိတ် ၃၀၀၀ မှ ၅၅၀၀ ခန့်ထိ အရောင်းအဝယ် ဖြစ်ကြောင်း၊ ပြည်ပမှသကြားအိတ်များ အဝင် ရှိသကဲ့သို့ ပြည်တွင်းမှ သကြား များကိုလည်း ပြည်ပသို့တင်ပို့ကြောင်း သကြား၊ သကာရည်ကုန်သည် စက်ပိုင် တစ်ဦးက ပြောပါတယ်။ စိုးအောင်-မန္တလေး
ဇန်နဝါရီ ၉ ရက်မှ ၁၅ ရက်ထိကာလအတွင်းမှာ မြန်မာ-တရုတ်နယ်စပ်ရှိ နယ်စပ်ကုန်သွယ်ရေးစခန်းမှ ကန် ဒေါ်လာ သုည ဒသမ ၈၇၀ သန်းတန်ဖိုးရှိ ပရဆေးကုန်ကြမ်း တန်ချိန် ၄၆၀ ကျော်တင်ပို့ခဲ့ ပါတယ်။ယခင်အပတ်က ပရဆေး ကုန်ကြမ်းတန်ချိန်၃၉၀ ကျော်သာတင်ပို့နိုင်ခဲ့တဲ့အတွက် ယခင် အပတ်ကထက် ၆၉ တန်ကျော် ပိုမိုတင်ပို့နိုင်ခဲ့ပါတယ်။ ယခင် အပတ်ကထက် မိချောင်းကွမ်းဖတ်စေ့၊ ကြောင်ပန်းစေ့၊ တော ဂျူးမြစ်၊ ကြောင်လျာစေ့၊ နေလဲစေ့၊ စကားပန်းပွင့် ခြောက်တို့ ပိုမိုတင်ပို့နိုင်ခဲ့ပြီး ယခင်အပတ်က တင်ပို့မှုမရှိ တဲ့ တောဂျူးမြစ်၊ ကြက်ဆူစေ့နဲ့ တောင်လုံးကျော်တို့ကို ယခုအပတ်မှာ တင်ပို့နိုင် ခဲ့ပါတယ်။ ယခုအပတ် တမူးနယ်စပ် ကုန်သွယ်ရေးစခန်းမှ ပရဆေး ကုန်ကြမ်းတင်သွင်းမှုမရှိဘူးလို့ သိရပါတယ်။ MIRT (DOBT)
နနွင်းတက်သီးသန့်သာ ရောင်းချသောဆိုင်များရဲ့ ဝယ် လိုအားလျော့နည်းနိုင်ဖွယ်ရှိတယ်လို့ ခန့်မှန်းနေကြ ပါတယ်။ ပြည်ပဝယ်လက်များရဲ့ ကုန်အမှာလွှာလည်း လျော့ကျလျက်ရှိ တယ်လို့သိရပါတယ်။ အိန္ဒိယ ဘာသာရေးပွဲတော် "Pongal" နောက်ပိုင်းမှာ နနွင်းတက်ထွက်ရှိမှုများကလည်း လျော့နည်း လျက် ရှိပါတယ်။ ဇန်နဝါရီလတတိယပတ်မှာ Nizamabad ဒိုင်သို့ နနွင်းတက် တန် ၇၀၀၀၀ (၇၀ ကီလိုဂရမ်ပါ နနွင်း တက်အိတ် ၁၀၀၀) ရောက်ရှိလာပြီး ၁၀၀ ကီလိုဂရမ်ကို ရူပီး ၅၇၀၀ (၁ တန် ၅၇၀၀၀ ရူပီး) ဒေါ်လာအားဖြင့် ၁ တန်ကို ၁၀၄၀ ဒေါ်လာဈေးပေါက်လျက်ရှိပါတယ်။ ဒိုင်ဈေးက တနင်္လာနေ့မှာဖွင့်ပြီး သောကြာမှာပိတ်ကာ စနေ၊ တနင်္ဂနွေ အရောင်းအဝယ်နားပါတယ်။ ဇန်နဝါရီလ တတိယပတ်ရဲ့ နနွင်းတက်ဈေးကတော့ ၁ တန်ကို ၅၇၀၀၀ ရူပီးနဲ့ဘဲ ဈေးပိတ် သွားခဲ့ပြီး စတုတ္ထပတ်တနင်္လာနေ့မှသာ ဈေးပြောင်းလဲမှုရှိ နိုင်မှာဖြစ်ကြောင်း အင်တာနက် သတင်းအရ သိရပါတယ်။CMK
ဒီနှစ်မှာ နနွင်းဈေးတွေ နည်းနည်းပြန်ပြီးလှုပ်လာပါတယ်။ မနှစ်ကတော့ နနွင်းဈေးက အောက်ဆုံးအထိ ကျခဲ့ပါတယ်။ ဒီနှစ်တော့ ပြည်ပဝယ်လက်တွေလည်း အနည်းငယ်ပြန်ဝယ်ယူလာတာကြောင့် ဈေးတက်လာပါတယ်။ နနွင်းအသစ်တွေ ကတော့ မဝင်သေးပါဘူး။ ဈေးကောင်းရင်တော့ တောင်သူတွေက စောစောဖော်ကြမှာ ဖြစ်လို့ ၂ လပိုင်း၊ ၃ လပိုင်းလောက်မှာ ဈေးကွက်ကို ဝင်လာနိုင်တယ်လို့လည်းဆိုပါတယ်။ ယခုလောလောဆယ်တော့ ၂၀၁၂ ခုနှစ်ကကျန်နေတဲ့ နနွင်းတွေကိုသာ အရောင်းအဝယ်ပြုလုပ်နေကြတာ ဖြစ်ပါတယ်။ အရောင်းအဝယ်ကလည်း အခုတစ်ပတ်မှာ ပုံမှန်ဖြစ်နေတယ်လို့လည်း သိရပါ တယ်။ ဟိုပုံးနနွင်းကလည်း အောင်ပန်းဈေးကွက်ကို ဝင်နေပြီး အရောင်းအဝယ်လည်းဖြစ်နေပါတယ်။
ယခု ၂၀၁၂-၂၀၁၃ ဘဏ္ဍာနှစ်အတွင်း ဒီဇင်ဘာလကုန်အထိ နနွင်းစုစုပေါင်း တင်ပို့မှုမှာ တန်ချိန် တစ်ထောင့်ခုနှစ်ရာ လေးဆယ်ကျော်ရှိခဲ့တယ်လို့ သိရပါတယ်။ ယခုတစ်ပတ်အတွင်းဖြစ်တဲ့ ဇန်နဝါရီလ ၆ ရက်မှ ၁၂ ရက်အတွင်းမှာ ၃၁ ဒသမ ၅ တန်သာတင်ပို့နိုင်ခဲ့ပါတယ်။ တင်ပို့ခဲ့တဲ့နိုင်ငံက စင်ကာပူနိုင်ငံကို ၁၆ ဒသမ ၅ တန်နဲ့ မလေးရှားနိုင်ငံကို ၁၅ တန် ဖြစ်ပါတယ်။ ယခင်သီတင်းပတ်မှာ တင်ပို့မှုက တန်ချိန် တစ်ရာ့နှစ်ဆယ်ေ ကျာ်ရှိခဲ့တာကြောင့် ဒီတစ်ပတ်မှာ နနွင်းတင်ပို့မှုက တန်ချိန် ရှစ်ဆယ်ကျော်လျော့နည်းခဲ့ပါတယ်။ ယခုတစ်ပတ်အတွင်း နနွင်းတင်ပို့မှု မှရရှိခဲ့တဲ့ ဝင်ငွေက ကန်ဒေါ်လာ တစ်သောင်း လေးထောင်ကျော်ရှိခဲ့ပါတယ်။ MIRT (DOT)
ပြည်ဈေးကွက်အတွင်း မန်ကျည်းမှည့်အသစ်များ အဝင်ရှိပေမယ့် အထွက် မလှိုင်သေးတာကြောင့် အနည်းငယ်သာ အဝင်ရှိတာကို တွေ့ရပါတယ်။ ဇန်နဝါရီလ ပထမပတ်က မန်ကျည်းမှည့်အခွံမပါ၊ အစေ့မပါ တစ်ပိဿာကို ၂၃၀၀ ကျပ်ရှိခဲ့ ပေမယ့် ယခုတတိယပတ်မှာတော့ တစ်ပိဿာ ၂၀၀၀ ကျပ်ဈေးကို ကျဆင်းခဲ့တာ ကို တွေ့ရပါတယ်။ မန်ကျည်းမှည့်အဟောင်းမှာလည်း လက်ကျန်အနည်းငယ်သာ ကျန်ရှိတော့တယ်လို့ သိရပါတယ်။ ဈေးကွက်အတွင်း အဝင်နည်းပြီး၊ ဈေးမြင့်နေ သေးတာကြောင့် လှောင်လက်သမားများရော၊ တစ်နှစ်စာအတွက် ဝယ်ယူစုဆောင်း တဲ့ အိမ်ရှင်မများပါ ဝယ်ယူမှုမရှိသေးတာကြောင့် ဈေးအမြင့်မှာ အရောင်းအဝယ် အေးနေတယ်လို့ သိရပါတယ်။ အိဆွေဇင် - ပြည်
ဒီတစ်ပတ်တော့ ချင်းဈေးလည်းတက်လာပါတယ်။ ပြည်ပတင်ပို့ဖို့အတွက် စစ်တွေဝယ်လက်တွေ ဝယ်ယူ နေတာရယ်၊ ရန်ကုန်ဝယ်လက်တွေကလည်း ပြန်ပြီး ဝယ်ယူနေတာကြောင့် ဈေးတက်လာတယ်လို့ သိရပါတယ်။ ဈေးကောင်းနေသလို အဝင်ကလည်းများနေပါတယ်။ ပြီးခဲ့တဲ့ရက်တွေက စစ်တွေဝယ်လက်တွေက ပိဿာချိန် တစ်သောင်းနှစ်ထောင်ခန့် ဝယ်ယူခဲ့ပါတယ်။ တစ်ပိဿာ ၃၀၀ ကျပ် ကျော်သွား လို့ ဈေးသိပ်မကိုက်တာကြောင့် အဝယ်လည်းခဏရပ်သွားတယ်လို့ သိရပါတယ်။ အဲဒီရက်တွေမှာတစ်ပိဿာ ၃၀၀ ကျပ်၊၃၅၀ ကျပ်ဈေးရှိခဲ့ပေမဲ့ ယခု ရက်ပိုင်းမှာတော့ တစ်ပိဿာ ၂၅၀ ကျပ်၊ ၃၀၀ ကျပ်ဈေးသာရှိပါတော့တယ်။