၂၀၁၂ ခုနှစ်၊ နိုဝင်ဘာလအတွင်း ပခုက္ကူကနေ ရန်ကုန် ကို နှမ်း ၂၀၆၀ အိတ်၊ ပဲတီစိမ်း ၂၂၇၉ အိတ် စွန်တာပြာ ၃၃၈ အိတ်၊ ကုလားပဲဖြူလုံးကြီး ၅၃၉ အိတ် ကုလားပဲဝါ ၃၀၀ အိတ်၊ ပဲယင်း ၂၀၀ အိတ်၊ စားတော်ပဲ ၇၀ အိတ်၊ မန္တလေးကိုနှမ်း ၁၃၃ အိတ်၊ ထောပတ်ပဲ ၆၄ အိတ်၊ ပြောင်း ဖူးစေ့ ၁၃၁ အိတ်၊ စွန်တာပြာ ၇၀ အိတ်အထွက်ရှိတာ တွေ့ ရပါတယ်။ သယ်ယူခနှုန်းထားတွေအနေနဲ့ ရန်ကုန်ကို တစ် ပိဿာ ၃၄ ကျပ်မှ ၄၅ ကျပ်ထိ အမျိုးမျိုးရှိပါတယ်။ မန္တလေး ကို သယ်ယူခတစ်ပိဿာ ၁၄ ကျပ်ပါ။ ဘာကြောင့်ဒီလို ဖြစ် ရလဲဆိုတော့ ကားဂိတ်တွေ အပြောအရ ပခုက္ကူမြို့ကို အကြောင်းအမျိုးမျိုးနဲ့ ပစ္စည်းလာပို့ရင် ပြန်ကြမဲ့ကားတွေဟာ အခွံပဲ  ပြန်ရမယ့်အတူတူ ရမယ့်ပစ္စည်းကို ဖြစ်ပေါ်နေတဲ့ ကုန်သယ်ခထက်လျော့ပြီး၊ လမ်းသင့်သလို တင်သွားကြတဲ့ အတွက် ဖြစ်ရတာပါလို့ သိရပါတယ်။ ကုန်ပစ္စည်းသယ်ယူမှု လျင်မြန်သွက်လက်လာတာကို မုဒိတာပွားစရာဖြစ်ပေမယ့် အခြေချလိုင်းဝင် ထားတဲ့ ကားပိုင်ရှင်တွေအဖို့ မတည်ငြိမ်တဲ့ သယ်ယူခနှုန်းထားကြောင့် စိတ်အနှောင့်အယှက်ဖြစ်ကြရ တယ်လို့ဆိုတာ လည်းကြားသိရပါတယ်။ပခုက္ကူကနေ ရန်ကုန်၊ မန္တလေးကို ကုန်စည်စီးဆင်းမှု ထိုက်သင့်လျှောက်ပတ် စွာရှိ နေပေမယ့် ဒိုင်မှာတော့ အရောင်းအဝယ်ပါးတာကိုလည်း တွေ့ရှိရပါတယ်။

ပြီးခဲ့တဲ့ သီတင်းပတ်နှောင်းပိုင်းမှာ ပြည်တွင်းပဲဈေးကွက် အနည်းငယ် လှုပ်ရှားခဲ့ပြီး ဝယ်လက်ပြန်အေးသွားလို့ ယခုတစ်ပတ် မှာတော့ ပဲဈေးများဆက်ပြီး လျော့လာတာ တွေ့ရပါတယ်။ မတ်ပဲ ဈေးအနေနဲ့ ရန်ကုန် FOB ဈေးကပြီးခဲ့တဲ့ တစ်ပတ်မှာဖြစ်ခဲ့တဲ့ ကန်ဒေါ်လာ ၅၃၀-၅၅၀ နဲ့ ငြိမ်နေပေမဲ့ ပြည်တွင်းအရောင်း အဝယ်ဖြစ်တဲ့ ဈေးကတော့ ပြီးခဲ့တဲ့ တစ်ပတ်ထက် ကျပ်တစ် သောင်း ကျော်ခန့် လျော့ကျခဲ့ပြီး ပဲတီစိမ်းကတော့ ရန်ကုန်  FOB ဈေးဒေါ်လာ ၃၀ ခန့် ကျဆင်းပေမဲ့ ဒိုင်ပေါက်ဈေးကတော့ ကျပ် ၆၉၀၀၀၀ ကျော်မှာ တစ်ပတ်လုံးငြိမ်နေပါတယ်။ အဝယ်မရှိ သလောက်ဖြစ်နေတဲ့ ပဲစင်းငုံကတော့ FOB  ဈေး တစ်တန် ကန် ဒေါ်လာ ၁၀ ခန့်လျော့ကျသလို ပြည်တွင်းဈေးကလည်း ကျပ် တစ်သောင်းကျော် လျော့ကျတာ တွေ့ရပါတယ်။

နိုဝင်ဘာလ ၂၁ ရက်မှ ၂၇ ရက်ထိကာလအတွင်း မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်နဲ့ လွယ်ဂျယ်နယ်စပ် ကုန်သွယ်ရေးစခန်းများမှ ကန်ဒေါ်လာ ၄ ဒသမ ၄၃၉ သန်းတန်ဖိုးရှိ ရော်ဘာအဆင့်စုံ တန် ၁၆၀၀ ကျော်ကို တင်ပို့ခဲ့ပါတယ်။ မြန်မာ-ထိုင်းနယ်စပ်ရှိ မြိတ်နယ်စပ်ကုန်သွယ်ရေးစခန်းမှ ကန်ဒေါ်လာ သုည ဒသမ ၁၇၁ သန်းတန်ဖိုးရှိ RSS -3 တန်ချိန် ၆၀ ကိုသာတင်ပို့နိုင်ခဲ့ပါတယ်။ ယခုအပတ်မှာ မူဆယ်နယ်စပ် ကုန်သွယ်ရေးဇုန်မှ ရော်ဘာအဆင့်စုံ တန် ၁၀၆၈ တန်ကျော်တင်ပို့ခဲ့သဖြင့် ယခင်အပတ်ထက် ၂ ဆနီးပါးပိုမို တင်ပို့နိုင်ခဲ့ပါတယ်။ လွယ်ဂျယ်နယ်စပ်စခန်းမှ ယခင်အပတ်က တင်ပို့နိုင်ခဲ့ခြင်းမရှိသော်လည်း ယခုအပတ်မှာ ကန်ဒေါ်လာ သုည ဒသမ ၀၈၉ သန်းတန်ဖိုးရှိ ရော်ဘာ ၃၂ တန်ကျော်နဲ့ ချင်းရွှေဟော်မှ ကန်ဒေါ်လာ သုည ဒသမ ၈၂၃ သန်းတန်ဖိုးရှိ RSS -3 ၂၉၆ တန်နဲ့ ကန်ဒေါ်လာ သုည ဒသမ ၅၆၀ သန်းတန်ဖိုးရှိ MSR-20 ၂၀၃  တန်ကျော် တင်ပို့ခဲ့တာတွေ့ရပါတယ်။ ယခုအပတ်မိမိဘက်နဲ့ တစ်ဖက်နိုင်ငံရော်ဘာ မြေပြင် ပေါက်ဈေးများ မှာ ပြောင်းလဲမှုမရှိတာကို တွေ့ရှိရပါတယ် - မိမိဘက်(ကျပ်/တန်)              တစ်ဘက်နိုင်ငံ(ဒေါ်လာ/တန်) ယခု           ယခင်       ပြောင်းလဲမှု    %      ယခု      ယခင်    ပြောင်းလဲမှု    %RSS - 3    ၂၅၇၂၈၀၀    ၂၅၇၂၈၀၀            -          -      ၃၀၈၁     ၃၀၈၁            -           -RSS - 5    ၂၅၀၅၈၀၀    ၂၅၀၅၈၀၀            -          -      ၃၀၀၁     ၃၀၀၁            -           -MIRT (DOBT)

မြန်မာ-တရုတ်နယ်စပ်ရှိ နယ်စပ်ကုန်သွယ်ရေးစခန်းမူဆယ်မှ နိုဝင်ဘာလ ၂၁ ရက်မှ ၂၇ ရက်အတွင်း တစ်ဖက် နိုင်ငံသို့ ပြောင်းဖူးစေ့ ၁၄၃၀၅ တန်ကို ကန်ဒေါ်လာ ၄ ဒသမ ၈၁၈ သန်းဖိုးနဲ့ လွယ်ဂျယ်မှ  ၄၁၉ တန်ကျော်၊ တန်ဖိုးကန်ဒေါ်လာသုည ဒသမ ၁၆၀ သန်းဖိုး တင်ပို့နိုင်ခဲ့တယ်လို့ သိရပါတယ်။ နေ့စဉ်ပြောင်းကားစီးေ ရပျမ်းမျှ ၁၀၅ စီး ဝန်းကျင်ရှိတယ်လို့သိရပါတယ်။ နိုဝင်ဘာလတစ်လလုံးတင်ပို့ခဲ့တဲ့ပြောင်း တန်ချိန်ကတော့ ၆၆၄၁၁ တန်ကျော်၊ တန်ဖိုးကန်ဒေါ်လာ ၂၂ ဒသမ ၁၁၂ သန်း ဖြစ်ပါတယ်။ နှစ်ဖက်မြေပြင်ပြောင်းဈေးများ ကို နှိုင်းယှဉ်ဖော်ပြပေး လိုက်ပါတယ်-
မိမိဘက်(ကျပ်/တန်)                    တစ်ဘက်နိုင်ငံ(ဒေါ်လာ/တန်)        ယခု        ယခင်      ပြောင်းလဲမှု    %     ယခု     ယခင်    ပြောင်းလဲမှု    % ၂၆၂၆၃၇    ၂၇၅၆၇၀       ၁၃၀၃၃       ၅     ၃၂၁     ၃၃၇            ၁၆        ၅MIRT (DOBT)