Background
မကွေးဈေးကွက်မှာ ဒီတစ်ပတ် ပဲစင်းငုံနီကို ရန်ကုန်အဆွဲပါး သလို မြို့ခံကုန်သည်တွေကလည်း တက်ဈေးမျှော်ပြီး အရောင်းနည်း တာကြောင့် အရောင်းအဝယ်ဖြစ်မှုပမာဏလျော့သွားတယ်လို့ ဆိုပါ တယ်။ အရောင်းအဝယ်အနေနဲ့ တစ်ပိဿာ ၈၅၀ ကျပ်(တစ်တန်ကို ၅၂၀၅၃၁ ကျပ်)ဈေးနဲ့ တစ်ရက်ကိုအိတ် ၂၀၀ ခန့်သာဖြစ်ခဲ့ကြောင်း သိရပါတယ်။ ပဲတီစိမ်းအနေနဲ့ ဒီရက်ပိုင်းမှာ မန္တလေးအဆွဲပုံမှန်ရှိပြီး ရန်ကုန်အဆွဲပါးသွားတယ်လို့ ပွဲရုံရပ်ကွက်ကဆိုပါတယ်။ အရောင်း အဝယ်အနေနဲ့ တစ်ပိဿာ ၁၁၃၂ ကျပ်(တစ်တန်ကို ၆၉၃၂၂၅ ကျပ်)ဈေးနဲ့ တစ်ရက်ကိုအိတ် ၃၀၀ မှ ၅၀၀ ကြားဖြစ်ခဲ့ကြောင်း သိရပါတယ်။ နှမ်းမျိုးစုံအနေနဲ့ ဈေးကွက်ထဲသို့အဝင်လှိုင်နေသလို ရန်ကုန်-မန္တလေးဝယ်လက်နဲ့ ဒေသတွင်းဆီစက်တွေကလည်း ဝယ် အားသွက်ခဲ့တာကြောင့် ယခင်အပတ်နဲ့စာရင် ဈေးကအမြင့်မှာရှိနေ တယ်လို့ ဆိုပါတယ်။ အရောင်းအဝယ်အနေနဲ့ နှမ်းနီတစ်ပိဿာ ၂၁၆၀ ကျပ်၊ နှမ်းဖြူတစ်ပိဿာ ၂၇၈၀ ကျပ်၊ နှမ်းနက်တစ်ပိဿာ ၂၇၃၅ ကျပ်၊ နှမ်းညိုတစ်ပိဿာ ၁၉၈၀ ကျပ်ဈေးနဲ့ နှမ်းမျိုးစုံတစ် ရက်ကိုအိတ် ၃၀၀၀ မှ ၄၀၀၀ ကြားဖြစ်ခဲ့ကြောင်း သိရပါတယ်။
ရေတွက်ပုံ - ဒေါ်လာ စဉ် နေ့စွဲ CIF (ရန်ကုန်) (၁) ၂-၉-၂၀၁၃ ၈၅၀ (၂) ၃-၉-၂၀၁၃ ၈၄၅ (၃) ၄-၉-၂၀၁၃ ၈၅၀ (၄) ၅-၉-၂၀၁၃ ၈၄၅ (၅) ၆-၉-၂၀၁၃ ၈၄၅Source: ဆီကုန်သည်များအသင်း
ပဲပုပ်သီးနှံပျက်စီးမှုက မျှော်လင့်ထားသလောက်မများကြောင်း၊ အမေရိကန် လယ်ယာစိုက်ပျိုးရေးဌာနက အစီရင်ခံစာထုတ်ပြန်ပြီးနောက် ဈေးနှုန်းကျမယ်လို့ ယုံကြည်မှုရှိလာတဲ့အတွက် မလေးရှား စားအုန်းဆီဈေးဟာ စက်တင်ဘာ ၅ ရက်နေ့ မှာ တတိယမြောက်နေ့အဖြစ် ဆက်တိုက်ကျဆင်းခဲ့ပါတယ်။ အမေရိကန်ပြည်ထောင်စု သီးနှံရပ်ဝန်းမှာ ပဲပုပ်အထွက်ကျဆင်းစေမဲ့ ရာသီ ဥတုဆိုးဝါးမှုမှာ ကြောက်စရာ ကောင်းလောက်အောင်မဖြစ်ခဲ့ကြောင်း၊ သြဂုတ်လ ၄ ရက်က ထုတ်ပြန်သော အစီရင်ခံစာမှာဖော်ပြထားပါတယ်။
စက်တင်ဘာလဆန်း မုံရွာကုန် စည်ဒိုင် ပဲနှမ်းဈေးကွက်မှာတော့ ပဲ မျိုးစုံထက်နှမ်းမျိုးစုံက နယ်အဝင် သွက် သလို မန်းအထွက်လည်းများတဲ့အတွက် ရောင်းအားဝယ်အားကောင်းခဲ့တယ်လို့ ဆိုပါတယ်။ ပေါက်ဈေးအားဖြင့် မေ၊ ဇွန် လတွေလောက် မမြင့်ခဲ့ပေမယ့် ပစ္စည်းအရည်အသွေးနဲ့ ပေါက်ဈေး အလိုက် မန်းဝယ်လက်ကြိုက်ခဲ့လို့ အခု လို ဈေးကွက်သွက်ခြင်း ဖြစ်တယ်လို့ ကုန်သည်တွေက ပြောပါတယ်။
ပြီးခဲ့တဲ့လက မလေးရှားနိုင်ငံမှာ ထုတ်လုပ်မှု ထူးထူးခြားခြားမြင့်တက်ပြီး၊ သိုလှောင်လက်ကျန်မြင့်တက်လာမှာကို စိုးရိမ်မှုရှိလာတဲ့အတွက် စားအုန်းဆီကြို ရောင်းဈေးကွက်မှာ ဈေးနှုန်းကသြဂုတ် ၇ ရက်မှာ ရက်သတ္တပတ်အတွင်း အနိမ့်ဆုံး ကိုရောက်ရှိခဲ့ကြောင်း ရိုက်တာသတင်းမှာ ဖော်ပြထားပါတယ်။
ပြည်ဈေးကွက်ကို မိုးနှမ်းအသစ် များ ဝင်ရောက်လာပြီဖြစ်လို့ နှမ်းဈေး အနည်းငယ် ဈေးကျလာတာတွေ့ ရပါ တယ်။ ပြည်ဈေးကွက်ကို ဝက်ထီးကန်၊ ပေါက်ခေါင်း၊ အောင်လံဘက်မှ တစ် နေ့ကို အိတ် ၁၀၀ ခန့် ဝင်ရောက် လာ ပြီး၊ ဆီစက်သမားများနဲ့ ပွဲရုံများက အဝယ်ရှိပေမယ့် နှမ်းအသစ်ပေါ်တဲ့ ရာသီချိန်ဖြစ်လို့ နှမ်းဈေးမှာ အနည်း ငယ် ကျလာပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးစခန်းမှ ဇူလိုင်လ ၃၁ ရက်မှ သြဂုတ်လ ၆ ရက် အတွင်း ကန်ဒေါ်လာ ၂ ဒသမ ၉၅၉ သန်းတန်ဖိုးရှိတဲ့ နှမ်းရောင်စုံ ၁၅၃၈ တန်နဲ့ကန်ဒေါ်လာ သုည ဒသမ ၃၄၉ သန်းတန်ဖိုးရှိတဲ့ နှမ်းဖြူ (အခွံချွတ်) ၁၇၈ တန်နီးပါးကို တင်ပို့ခဲ့ပါတယ်။
ပို့ကုန်ဝယ်လိုအား ပြန်လည်မြင့်တက်လာတဲ့အတွက် မလေးရှားစားအုန်းဆီ ဈေးက ဇူလိုင် ၃၁ ရက်က ပြန်လည် မြင့်တက်လာကြောင်းနဲ့ ကမ္ဘာ့ဆီထွက်သီးနှံ ရောင်းလိုအား မြင့်တက်မဲ့ အလားအလာကြောင့် ဈေးနှုန်းများကို အထိန်းအကွပ် ဖြစ်စေခဲ့ကြောင်း၊ ဘိဇနက်ရီကော်ဒါ သတင်းမှာ ဖော်ပြထားပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်မှ ဇူလိုင် လ ၂၄ ရက်မှ ၃၀ ရက် တာကာလမှာ ကန်ဒေါ်လာ ၄ ဒသမ ၂၂၈ သန်းတန်ဖိုးရှိ တဲ့ နှမ်းရောင်စုံ ၂၂၄၂ တန်ကျော်ကိုတင်ပို့ခဲ့ပါတယ်။
ကနီ၊ ယင်းမာပင်၊ အရာတော်၊ ဘုတလင်မြို့နယ်များမှ မိုးနှမ်းမတိုင်မီ ထွက်ပေါ်တဲ့ နှမ်း(နှမ်းလျင်)များ မုံရွာ ကုန်စည်ဒိုင်ကို တစ်ရက်ပျမ်းမျှတင်း ၅၀၀ ကျော် ဝင်ရောက်လျက်ရှိပါတယ်။ နှမ်းဈေးကောင်းပြီး အရောင်းအဝယ် သွက်လို့ လှောင်လက်သမားများလည်း ထုတ်ရောင်းကြကြောင်း၊ Export တရုတ်ဝယ်လက်အဆွဲရှိလို့ မုံရွာ ကုန် စည်ဒိုင်မှာအရောင်းအဝယ်အကောင်းဆုံး သီးနှံဖြစ်တဲ့ နှမ်းဖြူ၊ ညို၊ နီ၊ ဝါသီးနှံဖြစ် ပြီး၊