ဒီတစ်ပတ်မှာ နှမ်းပြည်ပတင်ပို့မှုက သိသိသာသာတိုးတက်လာတာ တွေ့ရပါတယ်။ အရင်တစ်ပတ်က တန်ချိန် ၄၅၀ သာရှိခဲ့ရာမှယခုတစ်ပတ်စက်တင်ဘာလ ၁ ရက်နေ့အထိမှာတော့ တန်ချိန် ၁၂၅၀ ခန့်အထိ တိုးတက်လာခဲ့ပါတယ်။ တင်ပို့တဲ့ နိုင်ငံတွေကတော့ဂျပန်၊ ကိုရီးယား၊ မလေးရှား၊ စင်ကာပူ၊ထိုင်းနဲ့ တရုတ်တို့ ဖြစ်ပါတယ်။ ပြည်တွင်းရှိ အချို့ဒေသတွေမှာ မိုးနှမ်း တွေထွက်ရှိလာတာကြောင့် နှမ်းတင်ပို့မှု တက်လာခြင်းဖြစ်ပါတယ်။ သြဂုတ်လတစ်လလုံးတင်ပို့မှုအနေနဲ့ တန်ချိန် ၂၄၀၀ ကျော်ရှိခဲ့ပြီး ဇူလိုင်လအတွင်းမှာ တန်ချိန် ၁၈၀၀ ကျော်သာ ရှိခဲ့တာတွေ့ရပါတယ်။MIRT - MAPT

မြန်မာ-တရုတ်နယ်စပ်ရှိ မူဆယ် ၁၀၅ မိုင်နယ်စပ်ကုန်သွယ်ရေးဇုန်မှ ကန်ဒေါ်လာ ၂ ဒသမ ၇၅၁ သန်းတန်ဖိုးရှိ နှမ်းနက် ၁၂၅၂ တန်ကျော်၊ နှမ်းဖြူ ၇၀၂ တန်ကျော်နဲ့ နှမ်းညို ၁၄ တန်ကျော်ကို သြဂုတ်လ ၂၂ ရက်မှ ၂၈ ရက် ထိ ကာလအတွင်းမှာ တစ်ဖက်နိုင်ငံသို့တင်ပို့ခဲ့ပါတယ်။

ပဲခူးတိုင်းဒေသကြီးမှာ မိုးပဲပုပ်ကို ပေါင်းတည်၊ ပြည်၊ ပေါက်ခေါင်းနဲ့ ပန်းတောင်းမြို့နယ်များမှာသာစိုက်ပျိုးပြီး အခြားမြို့နယ်များမှာတော့ မိုးပဲပုပ်စိုက် ပျိုးမှုနည်းပြီး ဆောင်းပဲပုပ်ကို အဓိက ထားစိုက်ပျိုးကြောင်း သိရပါတယ်။ မိုးပဲပုပ်စိုက်ပျိုးရန် ဧက ၁၈၀၀ ခန့် လျာ ထားခဲ့ရာ ယခုတစ်ပတ်ထိ ဧက ၁၆၀၀ ကျော်စိုက်ပျိုးပြီးပြီလို့ သိရပါတယ်။ ပြည်ဈေးကွက်မှာ ဈေးနှုန်း အနေနဲ့ ကတော့ ယခင်တစ်ပတ်ထက် ဈေး ကောင်းနေပါတယ်။ ယခင်အပတ်များ က ပိဿာ ၂၀ တစ်တင်းကို ၁၆၅၀၀ ကျပ်ဖြင့် ဈေးငြိမ်နေခဲ့ရာမှ ယခုတစ် ပတ်မှာတော့ တစ်တင်း ကို ၂၀၀၀၀ ကျပ်ထိ ဈေးရနေတာကိုတွေ့ရပါတယ်။ အရောင်းအဝယ်အနေနဲ့ ကတော့ ပစ္စည်း အဝင်နည်းနေ တာကြောင့် လက် ကျန်နည်းပြီး အရောင်းမရှိ ဖြစ်နေပါ တယ်။ ဆုမွန်ဆွေ

ပင်လယ်ရေကြောင်းက နှမ်းလက်ကျန်များ တင်ပို့မှုမှာ ဆက်လက်လျော့လာပါ တယ်။ ပြီးခဲ့တဲ့တစ်ပတ်မှာ တန် ၃၁၀ ရှိရာမှ ယခုတစ်ပတ်( သြဂုတ်လ ၁၃ မှ ၁၇ ရက်) အတွင်းမှာတော့ တန်ချိန် ၁၅၀ ကျော်သာ တင်ပို့မှု ရှိလာတာတွေ့ရပါ တယ်။ ဒီတစ်ပတ်တင်ပို့တဲ့ နိုင်ငံတွေကတော့ ကိုရီးယားနဲ့ ထိုင်းကို ဖြစ်ပါတယ်။ မိုးနှမ်း အချို့ထွက်ပေမဲ့ ပြည်တွင်းနှမ်းဈေးက ပြည်ပတင်ပို့သူများအတွက် တွက်ချေ မကိုက်တဲ့အတွက် လက်ကျန်နှမ်းများ သာ တင်ပို့မှုရှိကြောင်း သိရပါတယ်။ မြေပဲ ဆန်တင်ပို့မှုမှာ ၁၂ တန်သာ ရှိကြောင်း သိရပါတယ်။              MIRT - MAPT