အမြင့်ဝိုင်းထက် အနိမ့်ဝိုင်းမှာ အလုပ်ဖြစ်နေသည့် ကားဈေးကွက်                   ယခုလအတွင်း ကားဈေးကွက် သည်လည်း ထူးထူးခြားခြားပြောင်းလဲ ကောင်းမွန်လာသည့် အခြေအနေ၏ မတွေ့ရဘဲ ကဲျကဲျနှင့် နည်းနည်းသာ အလုပ်ဖြစ်နေသည်ကိုတွေ့ရပြီး ဟံသာဝတီကားဝိုင်းတွင် သြင်္ကန်ကာလပြီး နောက်ပိုင်း အရောင်းအဝယ်ဖြစ်မှု အခြေအနေမှာ အားရစရာမကောင်းလှဘဲ ကားနှစ်စီးသာ အရောင်းအဝယ် ဖြစ်ခဲ့ကြောင်း ကားပွဲစားတစ်ဦး၏ ပြောပြချက်အရ သိရသည်။                   သို့သော် အနိမ့်ပိုင်းဖြစ်သည့် ကျောက်မြောင်းကားဈေးကွက်တွင်မူ အရောင်းအဝယ်ဖြစ်မှု ယခင်ထက် ပိုမို များပြားခဲ့သည်ဟုသိရသည်။ အောက်ဝိုင်းမှ ကားပွဲစားတစ်ဦးဖြစ်သူ ကိုခင်မောင်သိန်းက ''ဈေးကွက်က အရင်က လောက် မကောင်းတော့တာ အမှန်ပါပဲ။ ဒါပေမယ့် သြင်္ကန်ပြီးနောက်ပိုင်း အနိမ့်ကားတွေ အရောင်းအဝယ်ဖြစ် ပါတယ်။ အခုဒီလထဲမှာတင် နှစ်စီး၊ သုံးစီးထွက်သွားပြီ''ဟု ပြောပြသွားခဲ့ သည်။                    လက်ရှိအချိန်တွင် အမြင့်ကားများထက် အနိမ့်ကားများမှာ အရောင်း အဝယ်ဖြစ်လျက်ရှိနေပြီး အငှားလိုက်မှု များနေသေးကြောင်းလည်း သိရသည်။ စီအန်ဂျီ တပ်ဆင်ထားသည့် ကားများ မှာမူ အရောင်းအဝယ်မျက်နှာပန်းလှ၍ ဈေးအရာလည်း အဆင်ပြေနေကြောင်း သိရသည်။ မင်းချို

မန္တလေးမြို့တွင်း ယာဉ်လိုင်းများ ငါးနှစ်အတွင်း ပြေးဆွဲယာဉ်ထက်ဝက်လျော့နည်း                  မန္တလေးမြို့တွင်း ပြေးဆွဲလျက်ရှိသည့် ယာဉ်လိုင်းများမှာ ငါးနှစ်တာကာလအတွင်း ယာဉ်လိုင်းပြေးဆွဲနှုန်း ထက်ဝက် ကျော်လျော့နည်းသွားကြောင်း သိရပါတယ်။ ခြင်္သေ့ဦးခရီးသည် သယ်ယူပို့ဆောင်ရေးလုပ်ငန်းကော်မတီ ဥက္ကဋ္ဌက''မန္တလေးမှာ ငါးနှစ်တာကာလအတွင်း ဆိုင်ကယ်စီး သူတိုးလာပြီး ကားအဝင်လည်းများလာခဲ့တယ်။ အိမ်ကားတွေကလည်း နားလည်မှုနဲ့ဂိတ်ထိုးပြီး ပြေးဆွဲနေတဲ့အတွက် မြို့တွင်း ယာဉ်လိုင်း လျော့နည်းလာရတယ်။ အသင်းဝင်ကားတချို့လည်း တစ်သင်းနဲ့တစ်သင်း ယာဉ်ပြောင်းရင် ကော်မတီမသိရဘူး။ နားလည်မှုနဲ့ ပြောင်းနေကျတော့ ယာဉ်လိုင်းနည်းလာတယ်။ ကျောင်းပို့ ကျောင်းကြိုကားတွေလည်းများလာတော့ မူလပြေးဆွဲ နေတဲ့ ယာဉ်လိုင်းထက် လျော့နည်းလာတယ်။ ကိုယ်ပိုင်ယာဉ်တွေများလာတဲ့ သဘောပေါ့။ ကျွန်တော့်အသင်းမှာ အရင်က မော်တော်ယာဉ်အစီး ၃ဝ လောက်ပြေးဆွဲခဲ့တာ။ ငါးနှစ်တာကာလအတွင်း ဒီနှစ်မှာ ၁၁ စီးလောက်ပဲ ပြေးဆွဲမှုရှိတော့တယ်'' လို့ ပြောပါတယ်။                 မန္တလေးတိုင်းဒေသကြီး မော်တော်ယာဉ်ထိန်းသိမ်းရေးကော်မတီ(မြို့တွင်း) မော်တော်ယာဉ်လိုင်းတွင် အသင်း ၄၃ သင်းရှိပြီး မော်တော်ယာဉ်အစီး ၄၅ဝ နဲ့ ၅ဝဝ စီးကြား နေ့စဉ်ပြေးဆွဲလျက်ရှိကြောင်း သိရပါတယ်။                           ဇူးဇူး

မန္တလေးမြေကွက်များ မြို့တွင်းထက် မြို့သစ်မြေဈေးပို၍ မြင့်တက်လာ         မန္တလေးမြေကွက်များမှာ ဈေးနှုန်းဆက်တိုက်မြင့်တက်လျက်ရှိရာ မြို့တွင်း မြေကွက်များထက် မြို့သစ်မြေဈေးမှာ ပို၍မြင့်တက်လာကြောင်း သိရပါတယ်။ ဝါရင့်မြေအကိုျးဆောင်တစ်ဦးက ''သြင်္ကန်ကာလပြီးနောက်ပိုင်းမှာ မြေကွက် အတော်များများ အရောင်းအဝယ်ဖြစ်တယ်။ မြို့တွင်းရော မြို့သစ်ပါအရောင်း အဝယ်ဖြစ်ပေမယ့် မြို့တွင်းပိုင်းက အရောင်းအဝယ်လုပ်ဖို့ ရွေးချယ်စရာ မြေနည်း တဲ့အတွက် မြို့သစ်ပိုင်းမှာပိုပြီး အရောင်းအဝယ်ဖြစ်တယ်။ အရောင်းအဝယ်သွက်တော့ ဈေးကလည်းလိုက်တက်လာတယ်။ မြေလက်ထဲရှိတဲ့သူတိုင်း ပြန်ရောင်းရင် မြတ်နေတယ်။ ၂ဝ၁ဝ နှစ်ကုန်ပိုင်းကတည်းက အရောင်းအဝယ်ဖြစ်နေတော့ ဆင့်ကဲ ဆင့်ကဲ ဈေးဆက်မြင့်လာတယ်။ မြေရောင်းပြီးပြန်ဝယ်တဲ့အခါ မလိုက်နိုင်လို့ ပြန်ရောင်းတဲ့သူနည်းလာတယ်။ ဝယ်လိုအားက များနေပြီး စီးပွားရေးအဆင်ပြေလာ တော့ ဝယ်တဲ့သူများလာတယ်'' လို့ ပြောပါတယ်။                   မန္တလေးမြေကွက်များမှာ ၂ဝ၁ဝ နှစ်ကုန်ပိုင်းမှစ၍ အရောင်းအဝယ်ဖြစ် လျက်ရှိပြီး တဖြည်းဖြည်း ဈေးနှုန်းမြင့်တက်လာခဲ့ရာ ယခုလတွင် ဈေးနှုန်း ၅ဝ ရာခိုင်နှုန်းနီးပါးမြင့်တက်လာကြောင်း၊ ဈေးမြင့်တက်သော်လည်း ဝယ်ရောင်းသမား များသာမက မန္တလေးမြို့နဲ့အနီးရှိ စီးပွားရေးလုပ်ငန်းရှင် အများဆုံးလာရောက် ဝယ်ယူမှုရှိလာကြောင်း၊ နေရာအကွက်အကွင်းကောင်းပြီး ဈေး၊ ကျောင်းနဲ့ နီးတဲ့ နေရာများမှာ ပို၍လူကြိုက်များကြောင်း သိရပါတယ်။    ဇူးဇူး 

မန်းမြို့တွင်းအရောင်းအဝယ်ဖြစ်နေတဲ့ ဆောက်လုပ်ရေး ပစ္စည်းများ                   မိုးရာသီအစပျိုးပေမဲ့ ဆောက်လုပ်ရေးလုပ်ငန်းများ အရှိန်ကောင်းနေဆဲ ဖြစ်လို့ အုတ်၊ ထုံး၊ ကျောက်၊ သဲလုပ်ငန်း ရှင်များ အရောင်းအဝယ် ကောင်းနေကြောင်း သိရပါတယ်။ ဧရာဝတီ မြစ်သဲတစ်ကျင်း ကျပ် ၃ဝဝဝ နဲ့ ကား တစ်စီး ၄ ကျင်းပါ ကျပ် ၁၂ဝဝဝ နှုန်းဖြင့် မြို့တွင်းအရောက်ပို့ပေးကြောင်း သိရပါတယ်။                    ကျောက်ကြီး ၆-၉ လက်မ တစ်ကျင်း ကျပ် ၇ဝဝဝ ၊ ၈ဝဝဝ ကျပ်နှုန်း၊ ၂-၄ လက်မ တစ်ကျင်း ၈ဝဝဝ ကျပ်၊ ၉ဝဝဝ နှုန်းနှင့်စက်ခွဲ ၁-၂ လက်မ တစ်ကျင်း ၂၂ဝဝဝ ကျပ်နှုန်း၊ ချစ်ပင်ရှူး တစ်ကျင်း ကျပ် ၂၅ဝဝဝ၊ ၂၇ဝဝဝ နှုန်းများဖြင့် လတ်တလော အရောင်းအဝယ်ဖြစ်နေပြီး ၎င်းဈေးနှုန်းများသည် မြို့တွင်းအရောက်ပို့ ဈေးနှုန်းများဖြစ် ကြောင်းလည်း သိရပါတယ်။ ထုံးအိတ် တစ်အိတ် မြို့တွင်းအရောက် အိတ်ကြီး ကျပ် ၂၃ဝဝ - ၂၅ဝဝ ၊ အိတ်သေး ကျပ် ၂ဝဝဝ - ၂၁ဝဝ နှုန်း၊ အုတ်ဈေးမှာ မိုးရာသီဖြစ် တဲ့အတွက် ပထမတန်းစားအုတ် ယခင် ၆၈ ကျပ်-၇ဝ ကျပ်မှ မိုးရွာပြီးနောက် ပိုင်း ကျပ် ၉ဝ - ၁ဝဝ အထိ ဈေးရှိ ကြောင်းနဲ့ ဘိလပ်မြေတစ်အိတ် စက်ရုံဈေး AAA တစ်အိတ် ၅ဝဝဝ ကျပ်၊ မြန်မာဆင်တစ်အိတ် ကျပ် ၄၈ဝဝ ဖြစ်ပြီး အရောက်ပို့ AAA တစ်အိတ်ကို ကျပ် ၅၄ဝဝ၊ မြန်မာဆင် တစ်အိတ် ကျပ် ၅၂ဝဝ နှုန်း အသီးသီးအရောင်း အဝယ်ဖြစ်နေကြောင်း လုပ်ငန်းရှင် တစ်ဦးထံမှ သိရပါတယ်။    ခင်မြင့်မြင့်သန်း