Background
တရုတ်နိုင်ငံတစ်ဝန်း ပြည်ပနို့မှုန့် ရောင်းအားကောင်း တရုတ်နိုင်ငံမှာ ပြည်ပကတင်သွင်းတဲ့ နို့မှုန့်များအား ယုံကြည်စိတ်ချစွာ အသုံးပြုလာကြပြီဖြစ်လို့ တရုတ်နိုင်ငံ တစ်ဝန်းနို့မှုန့် ရောင်းအားကောင်းပြီး အကိုျးအမြတ်ကြီးမားစွာ ရရှိနေလျက်ရှိကြောင်း ယူနန်ရှင်ရှိပေါင် သတင်းစာမှာ ဖော်ပြထားပါတယ်။ ၂ဝ၁ဝ ပြည့်နှစ် နိုဝင်ဘာလအတွင်း ပြည်ပမှ နို့မှုန့်တင်သွင်းမှုတန်ချိန် ၃ ဒသမ ဝ၇၆ သိန်းနဲ့ စံချိန်ချိုးလိုက်နိုင်ခဲ့ပါတယ်။ ၂ဝဝ၈ ခုနှစ် မယ်လမင်းအဆိပ်သင့်မှုမဖြစ်ပေါ်မီ တရုတ်ပြည်တွင်းနို့မှုန့် ထုတ်လုပ်ထွက်ရှိမှုမှာ ဈေးကွက်မှာ ၆ဝ ရာခိုင်နှုန်း ရှိခဲ့ပါတယ်။၂ဝ၁ဝ ပြည့်နှစ်မှာ တရုတ်နိုင်ငံတွင်း ထုတ်လုပ်သော နို့မှုန့်နဲ့ပြည်ပက တင်သွင်းတဲ့နို့မှုန့်ပမာဏ တူညီသော်လည်း ၂ဝ၁၁ ခုနှစ်မှာ ပြည်ပမှ နို့မှုန့်တင်သွင်းမှုဟာ ၅ဝရာခိုင်နှုန်းကျော်သွားနိုင်ပြီး ပြည်တွင်းနို့မှုန့်မှာ ဈေးကွက်၌ ရာခိုင်နှုန်း ၄ဝ ဝန်းကျင်ရှိနိုင်တယ်လို့ ခန့်မှန်းနေကြပါတယ်။ တရုတ်ပြည်တွင်းနို့မှုန့် တစ်ပုံးရဲ့တန်ဖိုးမှာ ယွမ် ၄ဝ သာရှိပြီး ခိုင်မာတဲ့ နို့မှုန့်ဈေးကွက်တစ်ရပ်ရရှိနိုင်ရန်မှာ မသမာသူ စီးပွားရေးလုပ်ငန်းရှင်အချို့က အများပြည်သူနဲ့ ကလေးများရဲ့ကျန်းမာရေးကို ဂရုမစိုက်ဘဲ ကိုယ်ကိုျးမှာ အမြတ်ကြီးစား ခေါင်းပုံဖြတ်လိုတဲ့အတွက် မယ်လမင်းဓာတုဆေးများ ရောစပ်ထုတ်လုပ်မှုကြောင့် ရရှိနေတဲ့ နို့မှုန့်ဈေးကွက် ခိုင်မာစွာရပ်တည် နိုင်ရေး ပြိုလဲပျက်စီးဆုံးရှုံးကာ ပြည်တွင်းဖြစ်နို့မှုန့်ဈေးကွက် ပျောက်ကွယ်သွားရတာဖြစ်တယ်လို့ သုံးသပ်လျက်ရှိပါတယ်။ ဖေကြိုင်၊ ှSource: ယူနန်ရှင်ရှိပေါင်
ခရစ္စမတ် မတိုင်မီ ဝက်(အရှင်) တင်ပို့မှုများလာ ရိဒ်နယ်စပ်ကုန်သွယ်ရေးစခန်းနှင့် ဆက်စပ်လျက်ရှိတဲ့ တစ်ဖက်နိုင်ငံ မီဇိုရမ်ပြည်နယ်တွင် နေထိုင်ကြသော မီဇို လူမျိုးအများစုသည် ဝက်သားကို ပိုမိုကြိုက်နှစ်သက်ပြီး မြန်မာ နိုင်ငံဘက်မှ တင်ပို့သောဝက်မှာ အသားနှင့်အဆီ ခွဲခြား၍ စားသုံးရ လွယ်ကူတဲ့အတွက် ၎င်းးတို့ဒေသမွေးဝက်များထက် ပိုမိုကြိုက်နှစ်သက်ကြကြောင်း သိရပါတယ်။ ရိဒ်စခန်းမှ ဝက်အရှင် (Pig Alive) တင်ပို့မှုအနေဖြင့် အောက်တိုဘာလ တွင် ၁၆ ဒသမ ၅ တန်၊ တန်ဖိုးကျပ် ၂၂ ဒသမ ၆ဝ၁ သန်း၊ နိုဝင်ဘာလတွင် တန်ချိန်ပေါင်း ၂၄ ဒသမ ၅ တန်၊ တန်ဖိုး ကျပ် ၃၄ ဒသမ ၃၅၉၁ သန်းနှင့် ခရစ္စမတ်ကာလမတိုင်မီ ဒီဇင်ဘာလအလယ်အထိ တန်ချိန် ၂၂တန်ကျော်၊ တန်ဖိုးကျပ် ၃ဝ ဒသမ ၅၁၇ သန်းဖိုးတင်ပို့ထားနိုင်ကြောင်း သိရပါတယ်။ ဘဏ္ဍာနှစ်အလိုက် ဝက်အရှင် တင်ပို့နိုင်မှုများကို အသိပေးလိုက်ရပါတယ်။ မင်းဇော် တန်ချိန် တန်ဖိုး(ကျပ်)၂ဝဝ၇-၂ဝဝ၈ ၉၃၃၄၆ ၁၂၅ဝ၈၃၆၄ဝ၂ဝဝ၈-၂ဝဝ၉ ၃၄၁၉၇ဝ ၄ဝ၈၆၂၆၇၅ဝ၂ဝဝ၉-၂ဝ၁ဝ ၄၉၇၉၄၇ ၆၈၂၁၈၇၃၉ဝ၂ဝ၁ဝ-၂ဝ၁၁ ဒီဇင်ဘာ ထိ ၂၄၄၄၁၉ ၃၃၄၈၄၄ဝ၃ဝ
မြန်မာ့ပို့ကုန်ပစ္စည်းများ နယ်စပ်မှတင်ပို့မှု မြန်မာ-တရုတ်နိုင်ငံသို့ လယ်ယာထွက်ကုန်ပစ္စည်းများ၊ ရေထွက်ပစ္စည်းများ၊ သစ်တော ထွက်ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ်ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ယွမ်)ပဲတီစိမ်း တန် ၁၁၂၆၃၄၈ ၈၉၈ဝပြောင်းဖူးစေ့ တန် ၂၃၉၅၄၂ ၁၈၆ဝနံှစားပြောင်း တန် ၂၆၁၃၄၉ ၂ဝဝဝ မြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက် အိန္ဒိယနိုင်ငံသို့ ဝက်အရှင်၊ ပလတ်စတစ်၊ ကွမ်းသီးတို့ တင်ပို့လျက်ရှိရာ အဆိုပါပို့ကုန်အချို့ရဲ့ ရိဒ်ပေါက်ဈေးနဲ့ တစ်ဖက်နိုင်ငံ မီဇိုရမ်ပေါက်ဈေးတွေကတော့ အောက်ပါ အတိုင်း ဖြစ်ပါတယ် ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ရူပီး)ဝက်အရှင် ကီလို ၂ဝဝဝ ၉၈ပလတ်စတစ် ပါကင် ၁၅ဝဝဝ ၇၃ဝကွမ်းသီး တန် ၈၉၂၅ဝဝ ၅၄ဝ၄ဝ ကေသွယ် မြန်မာ-ဘင်္ဂလားဒေ့ရှ် နယ်စပ် စစ်တွေနယ်စပ်စခန်းမှ တစ်ဖက် ဘင်္ဂလား ဒေ့ရှ်နိုင်ငံသို့ ငါးနီတူခြောက်၊ ကလေးစီးဖိနပ်၊ ကတ္တီပါပိတ်စတို့ တင်ပို့လျက် ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ် ပေါက်ဈေးတွေကတော့ အောက်ပါအတိုင်းပဲဖြစ်ပါတယ် ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (တာကာ)ငါးနီတူခြောက် တန် ၁၉၅ဝဝဝဝ ၁၇၂၉၈ဝကလေးစီး ဖိနပ် ရံ ၂၇၈ ၂၂ကတ္တီပါပိတ်စ မီတာ ၁၆၇၆ ၁၄၅ မြတ်မြတ်ထွန်း
ရေလွှမ်းမိုးဒဏ်ခံ ကွင်းစလန် နာလန်ထူဖို့ နှစ်နှစ်ကြာမည် ရေလွှမ်းမိုးဒဏ်ခံ ကွင်းစလန်ဒေသ ပြန်လည်နာလန်ထူဖို့အတွက် ယခုအချိန်မှစပြီး နောက်နှစ်နှစ်ကြာတဲ့အထိ အချိန်ယူရမယ်လို့ သြစတြေးလျ ပြည်ထောင်စုဘဏ္ဍာရေးဝန်ကြီးဝိန်းဆွမ်းက ဇန်နဝါရီ ၁၅ ရက်နေ့ ကပြောပါတယ်။ စီးပွားရေးအခြေခံ အဆောက်အဦတွေ သတ္တုတူးဖော်ရေးကို အဓိကစီးပွားရေးလုပ်ငန်းတွေ ပျက်စီးသလို ကွင်းစလန်ရဲ့ ၇၅ ရာခိုင်နှုန်းရှိအိမ်တွေနဲ့ စီးပွားရေးလုပ်ငန်းတွေ ထိခိုက်မှုကြောင့် ဒေါ်လာ ဘီလီယံများစွာ ဆုံးရှုံးတယ်လို့ ဆိုပါတယ်။ Source.globaltimes.com
တရုတ်နိုင်ငံက ငွေစက္ကူကို လုံလုံလောက်လောက်ထုတ်မည် ငွေထုတ်ချေးတဲ့ လုပ်ငန်း အလျင်အမြန်ကြီးထွားလာမှုနဲ့ နိုင်ငံအတွင်း သို့ နိုင်ငံခြားငွေကြေးများ လှိမ့်ဝင်လာမှုတွေကြောင့် တရုတ်နိုင်ငံဟာ ငွေကြေးရိုက်နှိပ်ထုတ်ဝေရာမှာ ကမ္ဘာ့အကြီးဆုံးနိုင်ငံတစ်ခုဖြစ်လာပါတယ်။ ဒါပေမယ့် ယွမ်ငွေလိုအပ်ချက်ကို ပြည့်မီအောင်ဖြည့်ဆည်းမပေးနိုင်သေးဘူး လို့ ဗဟိုဘဏ်အရာရှိတွေက ပြောပါတယ်။ ဇန်နဝါရီ ၁၁ ရက်နေ့က ဗဟိုဘဏ်ဝက်ဘ်ဆိုက်မှာလွှင့်တင်ထားတဲ့ ဒုတိယ ဗဟိုဘဏ်အုပ်ချုပ်ရေးမှူး မာဒီလွန်ရဲ့မှတ်ချက်ကို ကြည့်ရင် ယွမ် ငွေကြေးရဲ့ တန်ဖိုးထိန်းသိမ်းဖို့နဲ့ နိုင်ငံအတွင်းကို ဝင်လာတဲ့ငွေကြေး စီးဝင်မှု ပမာဏကိုလျှော့ချဖို့ကြိုးပမ်းရာမှာ တရုတ်နိုင်ငံအစိုးရက ရင်ဆိုင် နေရတဲ့ စိန်ခေါ်မှုတွေကိုတွေ့မြင်နိုင်ပါတယ်။ ငွေစက္ကူရိုက်နှိပ်ဖို့အတွက် တရုတ်နိုင်ငံကလူပေါင်း ၃ဝဝဝ ကျော်ကို ခန့်ထားပြီး ဝယ်လိုအားနဲ့ကိုက်ညီအောင် လုံလောက်တဲ့ယွမ်ငွေစက္ကူကို ထုတ်လုပ်နိုင်ဖို့ အတွက် အချိန်ပိုလုပ်ခွင့်တွေပေးပြီးဆွဲဆောင်နေပါတယ်။ ဒီလိုအပ်ချက် က တစ်နှစ်ကို ၂ဝ ရာခိုင်နှုန်းတိုးနေတယ်လို့ မာကပြောပါတယ်။ ဒါပေမယ့်လုံလောက်မှုမရှိသေးဘူးလို့ ပြောပါတယ်။ ငွေစက္ကူ ထုတ်လုပ်မှုကြီးထွားနေတာကိုဖြိုခွင်းဖို့လည်း ဆောင်ရွက်နေတယ်လို့ ပြောပါ တယ်။ တရုတ်နိုင်ငံဟာ နိုဝင်ဘာလကုန်ထိ ယွမ်ငွေကြေးတန်ဖိုး ယွမ် ၄ ဒသမ ၂၃ ထရီလီယံ (ဒေါ်လာ ဘီလီယံ ၄၆ဝ) ရှိပါတယ်။ ၂ဝဝ၅ ခုနှစ်က ရရှိခဲ့တဲ့ ယွမ် ၂ ဒသမ ၄ ထရီလီယံနဲ့နှိုင်းယှဉ်ရင် ၈ဝ ရာခိုင်နှုန်းတိုး လာပါ တယ်။ ဒီအထဲမှာ ဘဏ်အပ်ငွေတွေမပါသေးပါဘူး။ ငွေကြေးဖြန့်ဖြူးမှုတိုးခဲျ့လာတာက တရုတ်ပို့ကုန်တွေ ဝယ်လိုအား မြင့်တက်လာချိန်၊ ပြည်ပတိုက်ရိုက် ရင်းနှီးမြှုပ်နံှမှုနဲ့ အစိုးရ အသုံးစရိတ် မြှင့်တင်မှုနဲ့ ဘဏ္ဍာရေးအကျပ်အတည်းကာလ ဘဏ်ထုတ်ချေးငွေ တိုးမြင့် လာမှုတို့နဲ့ တိုက်ဆိုင်နေပါတယ်။ တရုတ်နိုင်ငံထဲကိုစီးဝင်လာတဲ့ နိုင်ငံခြားငွေတွေကို တရုတ်ဗဟိုဘဏ်က ထိန်းသိမ်းပြီး ယွမ်ငွေနဲ့လဲလှယ်ပေးတဲ့အတွက် အာဏာပိုင်တွေက ပြည်တွင်း ငွေကြေးတန်ဖိုးကို ထိန်းခုျပ်နိုင်ခဲ့ပါတယ်။Source:AFP
အာဆီယံ ဈေးကွက် ခြေသွက်သွက်ဝင်နိုင်မယ့်လမ်းကို တရုတ်နိုင်ငံရှာဖွေ အာရှတိုက်ကြီး တစ်ခုလုံးရဲ့ ဈေးကွက်ကို ဖြန့်ကျက်နိုင်ဖို့အတွက် အာဆီယံဒေသ ဟာ တရုတ်နိုင်ငံရဲ့ အဓိက ခြေကုတ်စခန်းတစ်ခု ဖြစ်ပါတယ်။ မကြာသေးမီက တရုတ်ရင်းနှီးမြှုပ်နံှ သူတွေ ကြေညာခဲ့တဲ့ ထိုင်းနိုင်ငံရှိ ဒေါ်လာ ၁ ဒသမ ၅ ဘီလီယံ သုံးစွဲ ဆောက်လုပ်မယ့် လက်ကား ကုန်သွယ်ရေးဗဟိုဌာနလည်း တစ်ခုအပါ အဝင်ဖြစ်ပါတယ်။ လူဦးရေ စုစုပေါင်း သန်း ၅၈ဝ ရှိတဲ့ အာဆီယံဒေသတွေကို တစ်ဆင့်ပြန်လည် တင်ပို့ မယ့် ဗဟိုဌာနတစ်ခုအဖြစ် ဘန်ကောက်ကို သုံးသွားဖို့ တရုတ်မှာ အစီအစဉ်ရှိပါတယ်။ တရုတ်နိုင်ငံဟာ ၂ဝ၁ဝ ပြည့်၊ ဇန်နဝါရီ ၁ ရက်စပြီး တရုတ်-အာဆီယံလွတ်လပ်တဲ့ ကုန်သွယ်မှု ဒေသ ထူထောင်ခဲ့ပြီးဖြစ်ပါတယ်။ အမေရိကန် ပြည်ထောင်စုနဲ့ ဥရောပမှာ စီးပွားရေး ဆုတ် ကပ်နဲ့ ေြွကးမြီအကျပ်အတည်း ဖြစ်ပြီးနောက်ပိုင်း သူ့နိုင်ငံကထုတ်တဲ့စက်မှုထုတ်ကုန် တစ်ပုံတစ်ပင် ကြီးကို သုံးစွဲမယ့် ဈေးကွက်သစ်ကြီးကို တရုတ် နိုင်ငံက ရှာဖွေခဲ့ပါတယ်။ ဒါကြောင့်လည်း အာဆီယံ ဒေသကိုထိုးဖောက်ဖို့ကြိုးပမ်းခဲ့တာဖြစ်ပါတယ်။ ထိုင်းနိုင်ငံရှိ ကုန်သွယ်မှု ဗဟိုဌာနက တစ်ဆင့် အာဆီယံဒေသကိုတင်ပို့မယ့် ကုန်တွေထဲ မှာ အဝတ်အထည်၊ လက်ဝတ်ရတနာ၊ မော်တော်ကား အစိတ်အပိုင်း၊ အစားအစာနဲ့ ကလေး ကစားစရာပစ္စည်းတွေ ဖြစ်ပါတယ်။ ကုန်သွယ်မှု ဗဟိုဌာနရဲ့အကျယ်က စတုရန်းမီတာ ၇ဝဝဝဝ ရှိပြီး ဘောလုံးကွင်း ၁ဝဝ စာလောက် ကျယ်ဝန်းပါ တယ်။ အာဆီယံဒေသရှိ နိုင်ငံအများအပြားနဲ့ ဆက်သွယ်နိုင်မယ့် အမြန်ရထားလမ်း ဆောက်လုပ်ရေးအစီအမံကို တရုတ်နိုင်ငံက စောစော ပိုင်းမှာ ကြေညာခဲ့ပါတယ်။ တရုတ်နိုင်ငံ တောင်ပိုင်း ယူနန်ပြည်နယ်က ၎င်းရထားက လာအို၊ ထိုင်း၊ မြန်မာ၊ ဗီယက်နမ်၊ ကမ္ဘောဒီးယား၊ မလေးရှားနဲ့ စင်္ကာပူကို ဆက်သွယ်ပြေးဆွဲပေးမှာဖြစ်ပါတယ်။ ဒီရထားလမ်း ရဲ့ ပထမအဆင့်ကို လာအိုနိုင်ငံမှာ ယခုနှစ် အတွင်း စတင်ဆောက်လုပ်မှာဖြစ်ပြီး ဘတ်ဘီလီယံ ၆ဝဝ ကုန်ကျမယ်လို့ ခန့်မှန်း ထား ပါတယ်။ ရထားလမ်းဒုတိယအဆင့်ကို ထိုင်းနိုင်ငံ မှာ ဖောက်လုပ်မှာဖြစ်ပြီး နောင်ခိုင်နဲ့ ဘန်ကောက် ကို ဆက်သွယ်ပေးမှာ ဖြစ်ပါတယ်။ လောင်ကိုင်ဘန်ကောက်လမ်း ပိုင်းက ထိုင်း-လာအိုနယ်စပ်မှာ လာအိုလမ်းပိုင်းနဲ့ ချိတ်ဆက် ပေးမှာဖြစ်ပါတယ်။ ဘန်ကောက်က တစ်ဆင့် မလေးရှားနဲ့ စင်ကာပူ အထိ ဆက်သွားမှာဖြစ်ပါတယ်။ လာအိုတောင် ပိုင်းကနေ နောက်ထပ်ပြီး ကမ္ဘောဒီးယားနဲ့ လာအိုကို ဖောက်လုပ်ပါမယ်။ အမြန်ရထားရဲ့ အခြားလမ်းပိုင်းတစ်ခုကတော့ တရုတ် တောင် ပိုင်းနဲ့ မြန်မာနိုင်ငံကိုဆက်သွယ်ပြီး မြန်မာ တောင်ပိုင်းဒေသရှိ မြို့ကြီးများကို ချိတ်ဆက်မယ့် လမ်းဖြစ်ပါတယ်။ Source : chinapost.com
တရုတ်နိုင်ငံက တရုတ်ရိုးရာ ဆေးသုတေသန ဖွံ့ဖြိုးရေးလုပ်ငန်းကို မြှင့်တင်မည် တရုတ်နိုင်ငံက တရုတ်ရိုးရာဆေးရဲ့ ရိုးရာ အမွေအနှစ်ကို ထိန်းသိမ်းရင်း တီထွင်ပြောင်းလဲမှုတွေကို ပြုလုပ် သွားနိုင်ဖို့ ၂ဝ၁၁ ခုနှစ်မှာ တရုတ် ရိုးရာဆေး TCM ရဲ့ သုတေသနနဲ့ ဖွံ့ဖြိုးရေးလုပ်ငန်းတွေကို အဆင့် တိုး မြှင့်သွား မယ်လို့ အဆင့်မြင့်ကျန်းမာရေးအရာရှိတစ်ဦးက ပြောပါတယ်။ တရုတ်ရိုးရာဆေးဘက်ဆိုင်ရာ အမျိုးသားအဆင့် နှစ်ပတ်လည် အစည်း အဝေး မှာ တရုတ်ကျန်းမာရေးဒုတိယဝန်ကြီး Wang Guoqiang က ဇန်နဝါရီ ၁၃ ရက်နေ့က ပြောကြားပါတယ်။ ရိုးရာအမွေခံထိန်းသိမ်းရေးအတွက် တရုတ် ရှေးဟောင်းရိုးရာ ဆေးကျမ်းများအတွက် ဒေတာဘေ့စ်ထူထောင် ဖို့၊ အခြေခံသီအိုရီတွေကို လေ့လာဖို့နဲ့ TCM အရင်းအမြစ်တွေကို အထွေထွေလေ့လာစူးစမ်းမှုတွေ ပြုလုပ်ဖို့ Wang က ပြောပါတယ်။ တရုတ်နိုင်ငံက TCM အတွက် ၂ဝဝ၉ ခုနှစ်က ဝမ် ၁ဝ ဒသမ၉ ဘီလီယံ သုံးခဲ့ရာမှာ ၂ဝဝ၅ ခုနှစ်ကထက် ၁၆၅ ရာခိုင်နှုန်း ကျော်လွန်သုံးစွဲခဲ့ တာ ဖြစ်ပါတယ်။ ၂ဝဝ၅ ခုနှစ်မှ ၂ဝဝ၉ ခုနှစ်အတွင်း TCM ဆေးရုံအရေ အတွက် ၉ ဒသမ ၆ ရာခိုင်နှုန်းတိုးလာပြီး ဆေးရုံဦးရေ ၃၂၉ ခုတည် ဆောက်ခဲ့ပါတယ်။ အမျိုးသား ကျန်းမာရေးစောင့်ရှောက်မှုစနစ်ကို ပြုပြင် ပြောင်းလဲရေးတွေ ဆက်တိုက်ပြုလုပ်နေချိန်မှာ တရုတ်နိုင်ငံက တရုတ်ရိုးရာ ဆေးတိုးတက်ရေးကို တိုးမြှင့်ဆောင်ရွက်သွားမယ်လို့ Wang က ပြောပါတယ်။ တရုတ်ရိုးရာဆေးပညာမှာ အပ်စိုက်ကုသမှု၊ ဓာတ်စာ၊ ပရဆေးနဲ့ အာဟာရပေးကုသမှု၊ ကိုယ်ကာယ လှုပ်ရှားမှုနဲ့ နှိပ်နယ်ကုသမှုတွေပါဝင်ပါ တယ်။ ကုလသမဂ္ဂ ပညာရေး၊ သိပ္ပံပညာနဲ့ ယဉ်ကျေးမှုအဖွဲရဲ့ နိုဝင်ဘာလ ထုတ် Intangible Cultural Heritage of Humanity မှတ်တမ်းမှာ တရုတ်အပ်စိုက်ကုသမှုနဲ့ မီးတို့ကုသမှု(moxibustion) ကိုကြည့်ခြင်း အားဖြင့် တရုတ်ရိုးရာ ဆေးပညာကို အပြည်ပြည်ဆိုင်ရာက တစ်စတစ်စ လက်ခံလာပြီလို့ ယူဆနိုင်ပါတယ်။ ှSource : chinadaily.com
အာဆီယံက ကိုယ်ပိုင် အင်တာနက်အိပ်ချိန်း ထူထောင်မည် ၂ဝ၁၅ ခုနှစ်မှ အရှေ့တောင် အာရှနိုင်ငံတွေက သူတို့ရဲ့ ကိုယ်ပိုင် အင်တာနက် အိပ်ချိန်းကို ထူထောင်တော့မှာ ဖြစ်ပါတယ်။ ဒီလိုထူထောင်နိုင်မယ်ဆိုရင် အာဆီယံ အဖွဲ့တွင်း အင်တာနက် ချိတ်ဆက်တာကို လွယ်ကူ ချောမွေ့စေမှာ ဖြစ်တဲ့အပြင် ကုန်ကျစရိတ် ကိုလည်း လျှော့ချနိုင်တော့မှာဖြစ်ပါတယ်။ ဒီ ဆောင်ရွက်မှုက ဇန်နဝါရီ ၁၄ရက်က မလေးရှား နိုင်ငံကွာလာလမ်ပူမြို့မှာ စတင်ခဲ့တဲ့ အာဆီယံ အိုင်စီတီမဟာစီမံကိန်းရဲ့ အစိတ်အပိုင်းတစ်ခု ဖြစ်ပါတယ်။ အိုင်စီတီ မဟာစီမံကိန်းအရ အဓိက မဟာဗျူဟာတွေကို အဖွဲ့ဝင်နိုင်ငံတွေရဲ့ လူမှု စီးပွားရေးပေါင်းစည်းမှု မြှင့်တင်ရေးနဲ့ အာဆီယံ ဒေသမှာ မှီတင်းနေထိုင်သူ ၆ဝဝ ခန့်ရဲ့နေထိုင်မှု ဘဝ မြင့်တက်ဖို့အတွက် ရည်မှန်းချမှတ် ထားပါတယ်။ ပါဝင်တဲ့ အစီအမံတွေကတော့ နည်းပညာနဲ့ အခြေခံအဆောက်အအုံ၊ လူသားအရင်း အမြစ် ဖွံ့ဖြိုးရေးနဲ့ အဖွဲ့ဝင်နိုင်ငံများအချင်းချင်း ဒစ်ဂျစ်တယ်နည်းပညာနဲ့ ပေါင်းကူးနိုင်ဖို့အတွက် နိုင်ငံတိုင်းတတ်နိုင်တဲ့ ချဉ်းကပ်မှုမျိုးကို ရနိုင်ဖို့ ဖြစ်ပါတယ်။ ဒေသတွင်းမှာရှိတဲ့ အချက်အချာမြို့ ကြီးတွေကို ချိတ်ဆက်ပေးမဲ့ အာဆီယံဘရော့ ဘင် ထူထောင်ဖို့ ဝန်ကြီးတွေက သဘောတူညီ ကြပါတယ်။ ဒီဘရော့ဘင်အရ ဆက်သွယ်မှု ထူးထူးခြားခြားကောင်းမွန်ဖို့အတွက် အာဆီယံ ကိုယ်ပိုင်အင်တာနက်အိပ်ချိန်းထူထောင်ဖို့လည်း ပါဝင်ပါတယ်။ အိပ်ချိန်းသစ်နဲ့ ပတ်သက်တဲ့ အသေး စိတ် အချက်အလက်တွေကို ပြုစုနေသလို မလေး ရှားနဲ့ စင်ကာပူတို့ ကလည်း roaming charges တွေကို Voice call အတွက် ၃ဝ ရာခိုင်နှုန်း အချက်အလက်ဝန်ဆောင်မှုအတွက် ၅ဝ ရာခိုင်နှုန်း လျှော့ပေးမှာ ဖြစ်ပါတယ်။ အာဆီယံ ဆွေးနွေးဖက်နိုင်ငံတွေဖြစ်တဲ့အတွက် တရုတ်၊ တောင်ကိုရီးယားတို့ ကလည်း အာဆီယံ ရဲ့ အိုင်စီတီ မဟာစီမံကိန်းကို ထောက်ခံ အားပေးပါတယ်။ Sourec:CNA
အာရှ ပစိဖိတ်ဒေသနေစွမ်းအင် လုပ်ငန်းကို အိန္ဒိယ က ဦးဆောင် လျှပ်စစ်စွမ်းအင် လိုအပ်ချက် လျင်မြန်စွာ ကြီးထွားနေခြင်းနဲ့ ရေရှည်စီးပွားရေးဖွံ့ဖြိုးအောင် ဆောင်ရွက်ရန် အိန္ဒိယအစိုးရရဲ့ ခိုင်မာတဲ့ သံန္နိဌာန်ချမှတ်ချက်တို့ကြောင့် အာရှပစိဖိတ်ဒေသမှာ နေစွမ်းအင် ဖော်ထုတ် အသုံးချတဲ့လုပ်ငန်းမှာ အိန္ဒိယနိုင်ငံက အရေးပါတဲ့အခန်းကဏ္ဍက ပါဝင် လာတယ်လို့ အာရှဖွံ့ဖြိုးရေးဘဏ် (အေဒီဘီ)ရဲ့ တောင်အာရှဒေသ ဆိုင်ရာ ညွှန်ကြားရေးမှူးခုျပ်မှ ဇန်နဝါရီ ၁၄ ရက်က ပြောကြားပါတယ်။ အပြည်ပြည်ဆိုင်ရာနဲ့အမျိုးသားရေးအဆင့်နှစ်ခုစလုံးမှာ အိန္ဒိယ အစိုးရက ထောက်ပံ့မှုပေးတဲ့အတွက် နေစွမ်းအင်စီမံကိန်းတွေ ဖွံ့ဖြိုးတိုးတက် လာပြီး နေစွမ်းအင်ဖွံ့ဖြိုးတိုးတက်ရေးမှာ အိန္ဒိယနိုင်ငံက ရှေ့တန်းနေရာ ရောက်ရှိလာတယ်လို့ အိန္ဒိယနိုင်ငံ၊ ဂူဂျာရတ်ပြည်နယ်မှာ ကျင်းပတဲ့ အစည်း အဝေးတစ်ခုမှာ ညွှန်ကြားရေးမှူးချုပ် အိပ်ချ်စူလ်တန်ရာမန်က ပြောကြား ခဲ့ပါတယ်။ ချာရန်ကာနေစွမ်းအင်ဇုန် တည်ထောင်ဖို့အတွက် ဂူဂျာရတ် အစိုးရ အဖွဲ့က မြေဧရိယာဟက်တာ ၂၅ဝဝ သတ်မှတ်ထားပေးပြီးဖြစ် ကြောင်းနဲ့ ဒီစီမံကိန်းပြီးဆုံးရင် ကမ္ဘာပေါ်မှာ အကြီးဆုံးနေစွမ်းအင် စီမံကိန်း တစ်ခုဖြစ်လာမှာ ဖြစ်ကြောင်းပြောကြားပါတယ်။ ချာရန်ကာက ထုတ်လုပ်မဲ့ လျှပ်စစ်စွမ်းအား မဂ္ဂါဝပ် ၅ဝဝ ကို အမျိုးသား လျှပ်စစ်ကွန်ရက်နဲ့ပေါင်း ဆည်းဖို့ အဆိုပြုထားတဲ့ ချေးငွေဒေါ်လာ သန်း ၁ဝဝ ကို အေဒီဘီက ပေးသွားမှာ ဖြစ်ပါတယ်။ ၂ဝ၁၃ ခုနှစ်မှာ အာရှပစိဖိတ်ဒေသနေစွမ်းအင်ထုတ်လုပ်မှုကို ခြောက်ဆတိုးမြှင့်ပြီး၊ မဂ္ဂါဝပ် ၃ဝဝဝ ထုတ်လုပ်နိုင်ဖို့အတွက် အေဒီဘီက ရည်မှန်းချက်ချမှတ်ထားပါတယ်။ ဒီရည်မှန်းချက်ကို အကောင်အထည်ဖော် နိုင်ဖို့အတွက် အာရှနေစွမ်းအင်ကနဦးအစီအစဉ် (AEIA)ကို ၂ဝ၁ဝ ပြည့်နှစ် မေလက အေဒီဘီက ချမှတ်ထား ပြီးဖြစ်ပါတယ်။ ယခုနှစ်ကုန်မှာ ဒေသတစ်ခုလုံးရဲ့ နေစွမ်းအင်ထုတ်လုပ်မှုစွမ်းရည်ကို မဂ္ဂါဝပ် ၁ဝဝဝ အထိ တိုးမြှင့်သွားမှာဖြစ်ပါတယ်။ AEIA အစီအစဉ်ထဲမှာ အသိပညာပလက်ဖောင်းထူထောင်ရေး၊ အာရှနေစွမ်းအင်ဖိုရမ်ကျင်းပရေးနဲ့ နေစွမ်းအင်ဖွံ့ဖြိုးမှုတိုးမြှင့်ရေးစတဲ့ အစီအစဉ် တွေ ပါဝင်ပါတယ်။ Source : asahi.com
ထိုင်းနိုင်ငံတွင် သကြားပါဝင်သည့် ကုန်ပစ္စည်းများအပေါ် အခွန်တင်းကြပ်ရန်စဉ်းစား ထိုင်းအကောက်ခွန်ဌာနဟာ ယခင်က ဆေးရွက်ကြီးနဲ့ အဖျော်ယမကာများအပေါ် သွင်းကုန်ခွန်ကောက် ခံလျက် ရှိရာမှာ ယခုအခါ ပထမဆုံးအကြိမ်အဖြစ် သကြားကိုပါ အဆိုပါပစ္စည်းများနဲ့နှုန်းထားတူကောက်ခံရန် စဉ်းစားလျက်ရှိကြောင်း အကောက်ခွန်ဌာနမှ သိရှိရပါတယ်။ အခွန်နှုန်းမြှင့်ကောက်ခံမှုဟာ အဖျော်ယမကာအများအပြားထုတ်လုပ်တဲ့ ပြည်တွင်းထုတ်လုပ်သူများကို ထိခိုက်လာ စေနိုင်တယ်လို့ မျှော်မှန်းလျက်ရှိပါတယ်။ လောလောဆယ် အကောက်ခွန်ဌာနဟာ ဘီယာပေါ် ၆ဝ ရာခိုင်နှုန်း၊အရက်ဖြူ အပေါ်၅ဝ ရာခိုင်နှုန်းနဲ့ ဆေးရွက်ကြီးအပေါ် ၈၅ ရာခိုင်နှုန်းနဲ့ ကောက်ခံနေတယ်လို့သိရပါတယ်။ မြင့်ကျော်၊Source: Bangkok Post