ပြည်တွင်းနယ်စပ်စီးပွားရေးရာ

နယ်စပ်မှ ပရဆေး ပိုမိုတင်ပို့                   မူဆယ် (၁ဝ၅) မိုင် ကုန်သွယ်ရေးဇုန်မှ ဇူလိုင်လ ၆ ရက်မှ ၁၂ ရက်ထိ ကာလအတွင်း ကန်ဒေါ်လာ ဝ ဒသမ ၄၈၅ သန်းတန်ဖိုးရှိ ကွမ်းစားဂမုန်း ၄၂ တန်ခန့်၊ စကားပန်း ပွင့်ခြောက် ၁၃ တန်ကျော်၊ တောဂျူးမြစ် ၃ တန်ကျော်၊ နနွင်းခေါင်း ၃၄ တန်ခန့်၊ နနွင်းတက်ရှမ်းစ တန် ၁ဝဝ ကျော်၊ မိကျောင်းကွမ်းဖတ်စေ့ တန် ၃ဝ၊ ကျောက်ဂျင်း ၉ တန်ကျော်၊ တောဂျင်း ၇ တန်ကျော်၊ ရွေးရွက် ၁၇ တန်ခန့်၊ ရှားစေး ၃၈ တန်ခန့်၊ မာလာဥ ၁၁ တန်ကျော်၊ မုတ်ခါး ၉ တန်ခန့်၊ မာလာဥခေါင်း ၄ တန်ကျော်၊ အုံတုံခေါက် ၁၇ တန်၊ ဒရင်ကောက်မြစ် ၁ဝ တန်ကျော်နဲ့ တောင်လုံးကျော် ၆ တန်ခွဲ စုစုပေါင်း ပရဆေးကုန်ကြမ်း ၃၅၇ တန်ခန့် တင်ပို့မှုရှိခဲ့ပါတယ်။ ယခင်အပတ်ကထက် ၁၆၈ တန် ပိုမို တင်ပို့နိုင်ခဲ့ပါတယ်။                     တမူးနယ်စပ်မှ ပရဆေးကုန်ကြမ်းတင်ပို့နိုင်မှုကတော့ ကန်ဒေါ်လာ ၂ဝဝဝ တန်ဖိုးရှိ တောင်လုံးကျော် ၃တန်ခွဲနဲ့ ချဉ်ပေါင်ဖာလာ ဝ ဒသမ ၃ တန် တင်သွင်းမှုရှိခဲ့ပါတယ်။ MIRT (DOBT)

ဧရာဝဏ် ဆန်စပါးအထူးပြုကုမ္ပဏီမှ တောင်သူများနဲ့ လယ်ယာကုန်ထုတ်အသင်းများရဲ့ ဒါရိုက်တာများသို့ မိုးစပါး စိုက်ပျိုးစရိတ်နဲ့ သွင်းအားစုများ ပေးအပ်ပြီ                      ဧရာဝတီတိုင်းဒေသကြီး ဟင်္သာတခရိုင် လေးမျက်နှာမြို့နယ်တွင် ဧရာဝဏ် ဆန်စပါးအထူးပြုကုမ္ပဏီမှ မိုးစပါးအတွက် စိုက်ပျိုးစရိတ်နဲ့ သွင်း အားစုများကို လယ်ယာကုန်ထုတ်အသင်းများရှိ ဒါရိုက်တာများနဲ့ တောင်သူ များသို့ ဇူလိုင် ၁၃ရက်က ပေးအပ်ခဲ့ရာ ကျေးရွာအုပ်စု ၁၃ အုပ်စု၊ စိုက်ဧက ၁၆ဝဝ ဧက၊ တောင်သူ ၉၄ ဦးအတွက် စိုက်ပျိုးစရိတ်ငွေ ကျပ်သိန်း ၁၆ဝဝ နဲ့ ယူရီးယာမြေသြဇာအိတ် ၂၈ဝဝ ကို ထုတ်ပေးခဲ့ကြောင်း သိရှိရပါတယ်။ အဆိုပါအခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ စီမံကိန်း နှင့် စီးပွားရေးဝန်ကြီးဌာန ဝန်ကြီး ဦးလှခိုင်၊ စည်ပင်သာယာရေးဝန်ကြီးဌာန ဝန်ကြီး ဦးကျော်ဝင်းနိုင်၊ ခရိုင်မြို့နယ်များမှ ဌာနဆိုင်ရာ အကြီးအကဲများ၊ ဧရာဝဏ်ဆန်စပါးအထူးပြုကုမ္ပဏီမှ နယ်မြေခံဒါရိုက်တာ ဦးမြတ်စိုး၊ ဒေါ်ဝေဝေစိုးနဲ့ တာဝန်ရှိပုဂ္ဂိုလ်များ၊ လယ်ယာကုန်ထုတ်အသင်းများမှ ဒါရိုက်တာနှင့် တောသူများတက်ရောက်ကြကြောင်း သိရပါတယ်။ဇော်လင်းအောင် 

နယ်စပ်မှာ ရော်ဘာ အပို့ကျလျက်ရှိ               မြန်မာတရုတ်နယ်စပ်ကုန်သွယ်ရေးစခန်းများရှိ မူဆယ် (၁ဝ၅) မိုင်ကုန်သွယ်ရေးဇုန်နဲ့ချင်းရွှေဟော် နယ်စပ်ကုန်သွယ်ရေး စခန်းများမှ ရော်ဘာအဆင့်စုံ ၂၃၂ တန်ကို ဇွန်လ ၂၉ ရက်မှ ဇူလိုင်လ ၅ ရက်အထိ ကာလအတွင်း တင်ပို့နိုင်ခဲ့ပါတယ်။ ပြီးခဲ့တဲ့ အပတ်က ရော်ဘာအဆင့်စုံ တန် ၉ဝဝ ကျော် တင်ပို့ခဲ့တာမို့ ယခုအပတ်မှာ ၆၆၈ တန် လျော့နည်းတင်ပို့ခဲ့ပါတယ်။ ရော်ဘာအဆင့်လိုက် တင်ပို့နိုင်မှုကတော့ ကန်ဒေါ်လာ ဝ ဒသမ ၈ သန်းတန်ဖိုးရှိ RSS-3  ၁၇၄ တန်၊ ကန်ဒေါ်လာ ဝ ဒသမ ၁၂၆ သန်းတန်ဖိုးရှိ RSS-5 ၂၈ တန်နဲ့ ကန်ဒေါ်လာဝ ဒသမ ၁၃၆ သန်းတန်ဖိုးရှိ MSR-50 တန် ၃၁ တင်ပို့ခဲ့တာ ဖြစ်ပါတယ်။ ရော်ဘာဈေးများ ကျလျက်ရှိတာကလည်း တင်ပို့မှုကိုလျော့နည်းစေလျက်ရှိပါတယ်။ မိမိဘက်နဲ့ တစ်ဘက် နိုင်ငံ ရော်ဘာမြေပြင်ပေါက်ဈေးများကို နှိုင်းယှဉ် ဖော်ပြပေးလိုက်ရပါတယ် ်မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်)               ယခု               ယခင်        ပြောင်းလဲမှု     %       ယခု       ယခင်   ပြောင်းလဲမှု    %RSS-3     ၃၄၈၆၂၃၂      ၃၆ဝ၉၂၁ဝ    ၁၂၂၉၇၈     ၃ .၅     ၄၄၈ဝ     ၄၄၈၇        ၇           ဝ .၂RSS-5     ၃၃ဝ၁၃ဝ၆      ၃၄၂၁၈၆၁    ၁၂ဝ၅၅၅     ၃ .၇     ၄၄ဝ၃     ၄၄၁ဝ        ၇           ဝ .၂                                                                          MIRT (DOBT)  

ပရဆေးကုန်သွယ်မှု ပုံမှန်                  မူဆယ် ၁ဝ၅ မိုင်၊ ကုန်သွယ်ရေးဇုန်မှ ဇွန်လ ၂၉ ရက်မှ ဇူလိုင် ၅ ရက်ထိ ကာလအတွင်း ကန်ဒေါ်လာ ဝ ဒသမ ၂၉၆ သန်း တန်ဖိုးရှိ ပရဆေး ၁၈၉ တန်ကျော် တင်ပို့ခဲ့ပါ တယ်။ ယခင်အပတ်ကထက် ၁၂၆ တန်ကျော် တင်ပို့မှုလျော့ နည်းခဲ့ပါတယ်။ ယခုအပတ်မှာ တင်ပို့ခဲ့တဲ့ ပရဆေးကုန်ကြမ်း ၉ မျိုးရှိပြီး ၎င်းတို့မှာ မာလာဥခေါင်း ၁ဝ တန်ကျော်၊ ဒရင် ကောက်မြစ် ၄ တန်၊ အုံတုံခေါက် ၁၂ တန်ကျော်၊ ကွမ်းစား ဂမုန်း ၄၈ တန်ကျော်၊ စကားပန်းပွင့်ခြောက် ၁ တန်ခွဲခန့်၊ ရှမ်းစနနွင်းတက် တန် ၇ဝ ကျော်၊ မိချောင်းကွမ်းဖတ်စေ့ ၃၁ တန်ကျော်၊ တောင်လုံးကျော် ၆ တန်နီးပါးနဲ့ ရွေးရွက် ၄ ဒသမ ၈ တန် တင်ပို့ခဲ့တာဖြစ်ပါတယ်။ယခုအပတ်မှာ ယခင်အပတ်က တင်ပို့နိုင်ခဲ့တဲ့ မုတ်ခါး၊ မာလာဥ၊ ရှားစေး၊ ချဉ်ပေါင်ဖာလာ၊ ငရုတ်ကောင်း၊ တောဂျူးမြစ်၊ ကျောက်ဂျင်း၊ တောဂျင်း၊ ကြောင်ပန်းစေ့၊ ကြောင်လျှာစေ့၊ ဖန်ခါးသီး ခြောက်နဲ့ တောဂျူးမြစ်တင်ပို့မှု မရှိခဲ့ပါဘူး။ မြန်မာ-အိန္ဒိယ နယ်စပ်ရှိ တမူးနယ်စပ်စခန်းမှ ကန်ဒေါ်လာ ၂၇ဝဝ တန်ဖိုးရှိ တောင်လုံးကျော် ၂ ဒသမ ၇ တန်နဲ့ ဖာလာ ဝ ဒသမ ၃ တန် တင်ပို့မှုရှိခဲ့ပါတယ်။ MIRT (DOBT)

ပုစွန်ထွက်ရာသီမှ ပိုမိုတင်ပို့နိုင်ရေး ကုမ္ပဏီလုပ်ငန်းရှင်များ ကြိုးပမ်းဆောင်ရွက်ရန်လို                   မောင်တောနယ်စပ်ကုန်သွယ်ရေးစခန်းမှ ရေငန်ပုစွန်နဲ့ ငါးခြောက်တို့ကို အဓိကထားတင်ပို့လျက် ရှိရာ ဇွန်လ အတွင်းမှာကန်ဒေါ်လာ ဝ ဒသမ ၂၉၉ သန်းတန်ဖိုးရှိ ရေငန် ပုစွန် တန် ၅ဝ ကျော်၊ ကန်ဒေါ်လာ ဝ ဒသမ ဝ၃၉ သန်း တန်ဖိုးရှိ ငါးခြောက်မိုျးစုံ ၅၇ တန်ကျော်တင်ပို့နိုင်ခဲ့ပါတယ်။ မိုးတွင်းကာလမှာတော့ ငါးခြောက်ပို့ကုန်အနည်းငယ်သာရှိပြီး ရာသီကုန်ဖြစ်တဲ့ ရေငန်ပုစွန်မှာလည်း ရာသီဥတု၊ လမ်းပန်း ဆက်သွယ်ရေး အခြေအနေပေါ် မူတည်ပြီး စစ်တွေမှ လာမှ သာ အပို့ရှိတာဖြစ်ပါတယ်။ လာမဲ့ ဇူလိုင်လ ပုစွန်ထွက်ရာသီ မှာ ကုမ္ပဏီလုပ်ငန်းရှင်များ ပုစွန်ပိုမိုတင်ပို့နိုင်ရေး ဝိုင်းဝန်း ကြိုးပမ်းဆောင်ရွက်သွားရန် မောင်တော ငါးလုပ်ငန်းဦးစီးဌာန စစ်ဆေးရေးအရာရှိက မောင်တောနယ်စပ်ကုန်သည် အသင်း မှာ ပြုလုပ်တဲ့ ကုန်သွယ်မှုမြှင့်တင်ရေး အစည်းအဝေးမှာ ရေလုပ်ငန်းရှင်များကို တိုက်တွန်းပြောကြားခဲ့တယ်လို့ သိရပါ တယ်။                ခရိုင်ငါးဦးစီး မန်နေဂျာကလည်း မောင်တောဒေသဟာ ရေငန်ပုစွန်အများဆုံးထွက်သောဒေသ ဖြစ်ကြောင်း၊ မောင် တော မြောက်ပိုင်းဒေသမှာ ဧပြီ၊မေ၊ ဇွန်လများမှာ ရေငန်ပုစွန် ထွက်ရှိတဲ့ကာလဖြစ်ပြီး တောင်ပိုင်းဒေသဟာ ဇူလိုင်လ နောက်ပိုင်းမှာ ရေငန်ပုစွန်ထွက်ရှိမှာ ဖြစ်တယ်လို့ ပြောပါတယ်။ ဇွန်လမှာ တင်ပို့ခဲ့တဲ့ ရေငန်ပုစွန်တန် ၅ဝ ကျော်မှာ ခရိုင်ပြင်ပမှ ပုစွန် ၄၇ တန်ကျော်ပါဝင်ပြီး မောင်တောမှ တင်ပို့မှုမှာ ၄ တန်သာရှိတဲ့အတွက် ငါးခူရဒေသမှ ထွက်ရှိတဲ့ ရေငန်ပုစွန်များ တင်ပို့နိုင်ရေးအတွက် သက်ဆိုင်ရာဌာနများနဲ့ ကုမ္ပဏီလုပ်ငန်းရှင်များ ညှိနှိုင်းဆောင်ရွက်ရန်နဲ့ ငါးလုပ်ငန်း ဦးစီးဌာနကလည်း လိုအပ်သည်များကို အချိန်မရွေး ကူညီ ပေးမယ်လို့ ခရိုင်ငါးဦးစီး မန်နေဂျာကလည်း ပြောကြားခဲ့ တယ်လို့ သိရပါတယ်။         Source: မောင်တောMIRT(DOBT)