ပြည်တွင်းနယ်စပ်စီးပွားရေးရာ

ကျောက်ဆည် နွေစပါးများ စတင်ပေါ် ပြီ                မန္တလေးတိုင်းဒေသကြီး ကျောက်ဆည်ခရိုင်အနေဖြင့် နွေစပါး ၆၂၈၂၇ ဧက စိုက်ပိုျးနိုင်ခဲ့ပါတယ်။ ဇွန်လဆန်းမှစ၍ နွေစပါးများ စတင်ရိတ်သိမ်းနေကြပါပြီ။ နွေစပါးကို သက်ငယ် မျိုးစပါးဖြစ်တဲ့ ရွှေသွယ်ရင်၊ ဆင်းသွယ်လတ်၊ ဆင်းသုခ၊ မနောသုခ စပါးများကို စိုက်ပျိုးကြပါတယ်။ ယခုနှစ်မှာ မိုးရွာ သွန်းမှု အားကောင်းသောကြောင့် စပါးအထွက်နှုန်းလည်း ကောင်းကြပါတယ်။ တစ်ဧကကို ၈ဝ တင်းမှ ၉၅ တင်းအထိ ထွက်ရှိကြပါတယ်။                   ယခုနှစ် စပါးဈေးကွက်မှာ စပါးတင်း ၁ဝဝ ကို ကျပ် ၃၅ဝဝဝဝ ဈေးနှုန်းနဲ့ ဆန် ၂၄ ပြည် တစ်အိတ် ကျပ် ၁၅ဝဝဝ ဈေးနှုန်းဖြင့် အရောင်းအဝယ်သွက်လျက် ရှိပါတယ်။ ယခင်နှစ် နွေစပါးဈေးကွက်မှာ စပါးတင်း ၁ဝဝ ကို ၃၂ဝဝဝဝ ကျပ်ဈေးနှုန်းနဲ့ ဆန် ၂၄ ပြည်တစ်အိတ်ကို ၁၂ဝဝဝ ကျပ်ဈေးနှုန်းဖြင့် ဈေးကွက်စခဲ့ပေါတယ်။ ယခုနှစ်မှာ တောင်သူ များအနေဖြင့် စပါးအရည်အသွေးကောင်း၍ အထွက်နှုန်း ကောင်းပြီး ဈေးကောင်းရရှိလျက်ရှိကြောင်းသိရပါတယ်။ ဝင်းမာ

မူဆယ်နယ်စပ်မှ သစ်သီးဝလံတင်ပို့မှု အခြေအနေ                 မြန်မာ တရုတ်နယ်စပ်ရှိ မူဆယ်နယ်စပ်ကုန်သွယ်ရေးမှ တစ်ဆင့် ရာသီသီးနံှ ဖရဲသီး၊ သခွားမွှေးနဲ့ သရက်သီးများကို တစ်ဘက်နိုင်ငံသို့ တင်ပို့လျက်ရှိရာ ၂ဝ၁၁ ခုနှစ် မေလအတွင်း ဖရဲသီးတန်ချိန် ၉၁၇၅ ကျော်ကို ကား ၄ဝ၆ စီး၊ သခွားမွှေး ၅၇၂ တန်ကိုကား ၇၅ စီးနဲ့ သရက်သီး တန်ချိန် ၁၆၅၄၁ ကို ကားအစီး ၂၂၁၁ နဲ့ တင်ပို့နိုင်ခဲ့တယ်လို့ နယ်စပ်ကုန်သည် အသင်းမှ သတင်းရရှိပါတယ်။    မောင်မောင်အောင်

နယ်စပ်မှ သစ်သီးဝလံကုန်သွယ်မှု                ဇွန်လ ၁ ရက်မှ ၇ ရက်ထိကာလအတွင်း မူဆယ်နဲ့ မောင် တောနယ်စပ်မှ သရက်သီး တင်ပို့မှုမှာ တန် ၅ဝ၉ဝ ကျော်၊ တန်ဖိုး အားဖြင့် ၁ ဒသမ ၆၂၆ သန်းဖိုးဖြစ်ပါတယ်။ သရက်သီးအပြင် မူဆယ်နယ်စပ်မှ ကန်ဒေါ်လာ ဝ ဒသမ ၂ဝ၉ သန်းတန်ဖိုးရှိ သရက်ပြားခြောက် ၂၃၇ တန်ခန့် တင်ပို့ခဲ့ပါတယ်။ မူဆယ်မှာ အိတ်စွပ် သရက်သီးတစ်ဖာယွမ် ၆ဝ ဝန်းကျင်ထိဈေးရသော် လည်းအိတ် မစွပ်ပါက ယွမ် ၂ဝ မှ ၂၅ ခန့်သာ ဈေးရပါတယ်။ ကန်ပိုက်တီး နယ်စပ်မှ ကျပ် ၄ဝ၇၉ သန်းတန်ဖိုးရှိ တစ်သျှုး ငှက်ပျော ၄ဝ၇၉ တန် တင်ပို့နိုင်ခဲ့ပါတယ်။ သွင်းကုန်အနေနဲ့ မူဆယ်နယ်စပ်မှ ကန်ဒေါ်လာ ၃ဝ၅၅၅ တန်ဖိုးရှိ ပန်းသီး ၈၉ တန် ကျော် တင်သွင်းမှု ရှိခဲ့ပါတယ်။ MIRT (DOBT)

ဇွန်လ ပထမအပတ်အတွင်း ပရဆေးကုန်ကြမ်းကုန်သွယ်မှု                  မူဆယ်နယ်စပ်မှ ဇွန်လ ၁ ရက်မှ ၇ ရက်ထိ ကာလ အတွင်း ကွမ်းစားဂမုန်း ၁ဝ တန်ကျော်၊ မိကျောင်းကွမ်း ဖတ်စေ့ ၂၇ တန်ခွဲ၊ နနွင်းတက် တန် ၉ဝ ကျော်၊ နနွင်းခေါင်း ၂၁ တန်၊ မာလာဥ ၆ တန်ခွဲ၊ မာလာဥခေါင်း ၂၂ တန်ခန့်၊ တောဂျင်း ၃ တန်၊ ဒရင်ကောက်မြစ်တန်ဝက်၊ အုံတုံခေါက် ၄၅ တန်ခွဲ၊ ကြောင်ပန်းစေ့ ၄၂ တန်ခွဲ၊ ကြောင်လျာစေ့ ၈တန်ခွဲ၊ တောင်လုံးကျော် ၂ တန်ခန့်၊ ရွေးရွက် ၅၄ တန်ကျော်၊  စကာပန်းပွင့်ခြောက် ၂ တန်ကျော်၊ ဖန်းခါးသီးခြောက် ၆ တန်ခွဲ၊ ပီလောပီနံဥမှုန့် ၁၇ တန်နဲ့ တောဂျူးမြစ် ၂ တန်ကျော် စုစုပေါင်း ၃၆၃ တန်၊ ကန်ဒေါ်လာ ဝ ဒသမ ၆၅၅ သန်းဖိုး တင်ပို့နိုင်ခဲ့ပါတယ်။ ပြီးခဲ့တဲ့ အပတ်ကထက် တန်ချိန်အားဖြင့် ၄၄ သန်းတင်ပို့မှုလျော့နည်းခဲ့ပေမဲ့ တန်ဖိုးအားဖြင့် ကန်ဒေါ်လာ ဝ ဒသမ ဝ၃၉ သန်းဖိုး ပိုမို ရရှိခဲ့ပါတယ်။ ယခုအပတ်မှာ ယခင်အပတ်ကထက် နနွင်း တက်၊ နနွင်းခေါင်း၊ မိကျောင်းကွမ်းဖတ်စေ့၊ မာလာဥခေါင်း၊ အုံတုံခေါက်၊ ကြောင်ပန်းစေ့၊ ကြောင်လျာစေ့၊ တောင်လုံး ကျော်၊ ရွေးရွက်တို့ ပိုမိုတင်ပို့ခဲ့ပြီး ယခင်အပတ်က တင်ပို့ခဲ့ခြင်း မရှိတဲ့ ဖန်ခါးသီးခြောက်၊ ပီလောပီနံဥမှုန့်နဲ့ တောဂျုးမြစ် များယခုအပတ်မှာ တင်ပို့မှုရှိခဲ့ပါတယ်။                   ကွမ်းစားဂမုန်း၊ မာလာ ဥ၊ တောဂျင်း၊ ဒရင်ကောက်မြစ်နဲ့ စကားပန်းပွင့်ခြောက် တင်ပို့မှုမှာမူ ယခင်အပတ်တင်ပို့မှုထက် လျော့နည်းတင်ပို့ခဲ့ပါ တယ်။ တမူးနယ်စပ်မှ ဇီယာ၊ မင်သော်၊ ရှိန်းခို၊ ဇာတိပ္ဖိုလ်သီးနဲ့ တောင်လုံးကျော် ၁၇ ဒသမ ၆၇ တန်၊ တန်ဖိုးအားဖြင့် ကန်ဒေါ်လာ ဝ ဒသမ ဝ၅၃ သန်းဖိုး တင်သွင်းမှုရှိခဲ့ပြီး ယခင် အပတ်က တောင်လုံးကျော် ၄ တန်ခွဲသာ တင်သွင်းမှုရှိခဲ့တဲ့ အတွက် ယခုအပတ် ပရဆေးကုန်ကြမ်း အမယ်စုံ တင်သွင်းမှု ရှိခဲ့ပါတယ်။         MIRT (DOBT)

နယ်စပ်မှ သစ်သီးဝလံကုန်သွယ်မှု                    သရက်သီးရာသီချိန်ဖြစ်လို့ နယ်စပ်သစ်သီးဝလံ ကုန်သွယ်မှုမှာ ထိပ်ဆုံးကရောက်နေတဲ့ သီးနံှက သရက်သီး ဖြစ်ပါတယ်။ မေလ ၂၅ ရက်မှ ၃၁ ရက်ထိ ကာလအတွင်း မူဆယ်နယ်စပ်မှ ကန်ဒေါ်လာ ၁ ဒသမ ၆၅၅ သန်းတန်ဖိုးရှိ ရွှေဟင်္သာ ၂၆၂၁ တန်ကျော်၊ စိန်တလုံး ၅၃၃ တန်နဲ့ အကြမ်းသီး ၁၉၂၇ တန် တင်ပို့ခဲ့သလို မောင်တောနယ်စပ်မှ လည်း ကန်ဒေါ်လာ ဝ ဒသမ ဝ၁၄ သန်းတန်ဖိုးရှိ သရက်သီး (အကြမ်းသီး) ၆၂ တန်ကျော် တင်ပို့နိုင်ခဲ့ပါတယ်။ ယခုအပတ်မှာ သရက်သီးအပြင် ကန်ဒေါ်လာ ဝ ဒသမ ၂၂၄ သန်းတန်ဖိုးရှိ သရက်ပြားခြောက် ၂၆၂ တန်ကျော် တင်ပို့မှုရှိခဲ့ပါတယ်။ ယခင်အပတ်ကထက် သရက်သီး တန် ၁၂၈ဝ နီးပါး ယခုအပတ်မှာ တင်ပို့မှု ပိုမိုခဲ့ပါတယ်။ သရက်သီးအပြင် ရာသီချိန်ကုန်နေပြီဖြစ်တဲ့ ဖရဲသီး ၅၁ တန်၊ ကန်ဒေါ်လာ ဝ ဒသမ ဝဝ၈ သန်းဖိုးလည်း မူဆယ်မှ တင်ပို့နိုင်ခဲ့ပါတယ်။ ကန်ပိုက်တီးနယ်စပ်မှ ကန်ဒေါ်လာ ဝ ဒသမ ၅ဝ၃ သန်းတန်ဖိုးရှိ တစ်သျှူးငှက်ပျော ၄၁၆၉ တန်လည်း တင်ပို့နိုင်ခဲ့ပါတယ်။ ယခင်အပတ်ကထက် တန် ၂ဝဝဝ နီးပါး ပိုမိုတင်ပို့နိုင်ခဲ့ပါတယ်။ ယခုအပတ်နယ်စပ်မှ သစ်သီးဝလံ ကန်ဒေါ်လာ ၂ ဒသမ ၁၈ သန်းဖိုး တင်ပို့ နိုင်ခဲ့ပါတယ်။ သွင်းကုန်အနေနဲ့ မူဆယ်နယ်စပ်မှ ကန် ဒေါ်လာ ဝ ဒသမ ဝ၁၁ သန်း တန်ဖိုးရှိ ပန်းသီး ၃၃ တန် ကျော် တင်သွင်းမှုရှိခဲ့ပါတယ်။ ယခင်အပတ်ကထက် တန် ၁ဝဝ ကျော် တင်သွင်းမှုလျော့နည်းခဲ့ပါတယ်။ MIRT (DOBT)