ဟင်္သာတပဲဈေးကွက်သို့ မတ်ပဲအသစ်များ အဝင်လှိုင်လာပြီး ကုန်စည်ဒိုင်မှာ တစ်ရက် အိတ် ၃၀၀၀ ခန့် အရောင်းအဝယ်ဖြစ်နေပါတယ်။ မတ်ပဲဈေးနှုန်းမှာ ယခင်အပတ်က တစ်တင်း ၁၃၅၀၀ ကျပ်နဲ့ အရောင်းအဝယ်ဖြစ်ခဲ့ပြီး၊ ယခု တစ်ပတ်မှာ တစ်တင်း ၁၁၇၀၀ ကျပ်နဲ့ ဈေးအေး အရောင်းအဝယ်ဖြစ်ခဲ့ပါတယ်။ ရန်ကုန် ဘုရင့်နောင်ဈေးကွက်သို့ နေ့စဉ်ပျမ်းမျှအိတ် ၁၅၀၀ ခန့် တင်ပို့နိုင်ကြောင်း သိရပါတယ်။  အေးအေးခိုင်

    အိန္ဒိယပြည်တွင်းဈေးကွက်အများစုမှာ ယခုတစ်ပတ် မတ်ပဲဈေးအနည်းငယ် လျော့ကျပါတယ်။ ဝယ်လက်များက ဈေးအမြင့်မှာ ဝယ်ယူမှုနည်းခြင်းနဲ့ တင်သွင်း မတ်ပဲကို ဈေးသက်သက်သာသာနဲ့ ရရှိတဲ့အတွက် ဝယ်လိုအားနည်းနေပါတယ်။

    ယခုတစ်ပတ် (ဖေဖော်ဝါရီလ ၂၇-မတ်လ ၁ ရက်) အတွင်း ပင်လယ်ရေ ကြောင်းကမတ်ပဲတင်ပို့မှုမှာ တန်ချိန် ၅၂၀၀ ကျော်သာရှိလို့ ယခင်တစ်ပတ် တင်ပို့ တဲ့ တန်ချိန် ၉၀၀၀ ထက်လျော့ကျခဲ့ပါတယ်။ ၂၀၁၂ ဖေဖော်ဝါရီ လ တစ်လလုံး တင်ပို့မှုကို လေ့လာကြည့်ရင် တန်ချိန် ၃၅၀၀၀ ခန့်ရှိပြီး ဝင်ငွေမှာ ကန်ဒေါ်လာ ၂၀ သန်းကျော်ရရှိခဲ့လို့ဇန်နဝါရီလတင်ပို့ခဲ့တဲ့ တန်ချိန် ၂၈၀၀၀ ခန့်ထက်ပိုမို တင်ပို့ နိုင်ကြောင်း သိရပါတယ်။

၂၀၁၅ မှာ ကမ္ဘာ့တာယာဝယ်လိုအား ၄ ဒသမ ၇ ရာခိုင်နှုန်း မြင့်တက်ပြီး ၃ ဒသမ ၃ ဘီလီယံကို ရောက်ရှိနိုင်ကြောင်း သိရပါတယ်။ တာယာဈေးကွက်တွေမှာ  တန်ဖိုးအားဖြင့် နှစ်စဉ် ၆ ဒသမ ၅ ရာခိုင်နှုန်း မြင့်တက်ပြီး ဝင်ငွေဒေါ်လာ ၂၂၀ ဘီလီယံခန့်ပိုမိုရရှိနိုင်ကြောင်း သိရပါတယ်။ ၂၀၁၅ မှာ အကြီးဆုံး မော်တာ်ကားတာယာဈေးကွက်တွေ အရှိန်အဟုန်နဲ့ တိုး တက်လာတာကို တွေ့မြင်ကြရတော့မှာ ဖြစ်ပါတယ်။ စက်ဘီး၊ မော်တော်ဆိုင်ကယ်နဲ့ အခြားယာဉ်များရဲ့ တာယာလုပ်ငန်းများ လည်း ပိုမိုအားကောင်းလာနိုင်ကြောင်း သိရပါတယ်။