Background
ပြည်ပကို ပင်လယ်ရေကြောင်းကုန်သွယ်မှုလမ်းမှ ဇွန်လ နောက်ဆုံး သီတင်းပတ်အတွင်းမှာ နနွင်းတင်ပို့မှုပျောက်ခဲ့ပါ တယ်။ ဇွန်လအတွင်း နနွင်းတင်ပို့ခဲ့တဲ့ နိုင်ငံတွေမှာ စင်ကာပူ နိုင်ငံ၊ ပါကစ္စတန်၊ မလေးရှား၊ အိန္ဒိယ၊ ယူကရိန်းနဲ့ ဖိလစ်ပိုင် နိုင်ငံတို့ဖြစ်ပါတယ်။
ပြည်ပကို ပင်လယ်ရေကြောင်းလမ်းမှ ဇွန်လနောက်ဆုံးသီတင်းပတ်အတွင်းမှာ မန်ကျည်း ၆၈ တန်တင်ပို့ခဲ့တယ်လို့ သိရပါတယ်။ ဒီတစ်ပတ်မှာ ပါကစ္စတန်နိုင်ငံကို ၂၅ တန်၊ အိန္ဒိယနိုင်ငံကို ၂၅ တန်၊ စင်ကာပူနိုင်ငံကို ၁၈ တန်တင်ပို့ခဲ့တယ်လို့ သိရပါတယ်။
ရှမ်းပြည်နယ်တောင်ပိုင်းမှာချင်းအဓိကစိုက်ပျိုးတဲ့ ကလော၊ အောင်ပန်း၊ ဟဲဟိုး၊ ပင်းတယစတဲ့ မြို့နယ်တွေ မှာလည်း ချင်း(ဥမ)တွေ ဖော်နေကြပါပြီ။ ပြီးခဲ့တဲ့ အပတ် ကတော့ ချင်းကို Export အတွက်မဟုတ် ဘဲ၊ လှောင် လက်တွေကသာ ဝယ်ယူမှုရှိခဲ့ တာကြောင့် အရောင်းအဝယ်ကလည်း ခပ်သွက်သွက်တော့ အရောင်းအ ဝယ် ဖြစ်ပါတယ်။ဒီတစ်ပတ်မှာလည်း ပြည်တွင်းသုံးအပြင် စစ်တွေ၊ တမူးက ဝယ်လက် တွေက အိန္ဒိယကို ပို့ဖို့အတွက် ဝယ်ယူမှုရှိလာတာကြောင့် ပိုပြီး အရောင်းအဝယ် သွက်လာပါတယ်။
အောင်ပန်းနဲ့ တောင်ကြီးဈေးကွက်မှ ချင်းများ၊ ချင်း(ဥမ)များဟာ ယခုတစ်ပတ် ပြည်ဈေးကွက်ကို ယခင်အပတ်အတိုင်း ပိဿာ ၃၀ ဝင်အိတ် ၂၅၀ ခန့် အဝင်ရှိပြီး၊ အခြားတိုင်းဖြစ်တဲ့ ဧရာဝတီနဲ့ ရခိုင်ပြည်နယ်ကို ပိဿာချိန် ၂၅၀၀ ခန့်ကို ဈေးကွက် မှတစ်ဆင့်တင်ပို့ခဲ့ပါတယ်။ ပြည်ဈေးကွက်ပွဲရုံများမှာ တစ်ရက်ကို ပိဿာချိန် ၈၀၀ ခန့်နဲ့ ပုံမှန်အရောင်းအဝယ်ဖြစ်လျက် ဈေးနှုန်းများမှာ တစ်ပိဿာကို ချင်း(ရှယ်) ၁၀၀၀ ကျပ်၊(ဂျွန်) ၉၀၀ ကျပ်၊ ချင်း(ဥမ) (ရှယ်) ၈၀၀ ကျပ်၊ (ဂျွန်) ၆၅၀ ကျပ်တို့ နဲ့ အသီးသီးရောင်းဝယ်လျက်ရှိပြီး၊ ယခင်အပတ်ဈေးအတိုင်း မပြောင်းလဲဘဲ ဈေးငြိမ် နေတာ တွေ့ရပါတယ်။ ဝင်းဝင်းခိုင် - ပြည်
ယခုရက်ပိုင်းအတွင်း အိန္ဒိယ မွန်ဘိုင်း ဈေးကွက်တွင် မြန်မာမတ်ပဲကို ပဲခွဲစက်နှင့် ကုန်သည်များ အဝယ် လိုက်မလာ၍ ဈေးငြိမ်နေပြီး ပဲစင်းငုံ နီမှာ အဝယ်မရှိ၍ ဈေးကျဆင်းနေ ကြောင်း သိရပါတယ်။ ဇွန်လ ၂၆ ရက်နေ့အထိ မိုးပဲမျိုးစုံ ဟက်တာ ၁၀ ဒသမ ၅ သိန်းစိုက်ပျိုး နိုင်ခဲ့ပါ တယ်။ ယခုနှစ် မိုးရာသီ ပထမ ၅ ပတ်မှာ မုတ်သုန်မိုးပျမ်းမျှထက် ၂၇ ရာခိုင်နှုန်း ပိုရွာသွန်းခဲ့ပြီး လက်ရှိ အခြေအနေမှာတော့အိန္ဒိယမြောက်ပိုင်း မှာ မုတ်သုန်အား ပြန်လျော့သွားခဲ့ တယ်လို့ သိရပါတယ်။
မုံရွာကုန်စည်ဒိုင် ဇူလိုင်လ ပထမပတ်ပဲဈေးကွက်မှာ ဒေသသုံးနဲ့ ကုန်သည်ဝယ်လက်အတွက် ကုလားပဲ၊ ပဲစင်းငုံနီ၊ ပဲကြီး၊မတ်ပဲတို့ အရောင်းအဝယ်အေးခဲ့ပြီး၊ Export ဝယ်လက် အတွက် စိမ်းကြီး၊ ပဲပုတ်နဲ့ စွန်တာနီတို့ အနည်းငယ် အရောင်း အဝယ်သွက်ခဲ့ပါတယ်။ ကုလားပဲဈေးကွက်အနေနဲ့ ဒေသတွင်း ကုန်သည်တွေ မှာ ပဲလက်ကျန်ရှိသေးသလို Export ဝယ်လိုအား မရှိဘဲ ဒေသခံလက်လီသမားတွေနဲ့ ကြာဇံစက်သမား၊ ခွဲစက်သမား တွေသာ အဝယ်ရှိ လို့ ဈေးဆက် လက်အေးနေရာ ယခုတစ် ပတ်အတွင်း ကုလားပဲရိုးရိုးတစ်တင်း ၁၆၅၀၀ ကျပ်၊ ထိုင်ဝမ် တစ်တင်း ၁၇၀၀၀ ကျပ်၊ 929 တစ်တင်း ၁၇၀၀၀ ကျပ်နဲ့ V2 တစ်တင်း ၁၇၂၀၀ ကျပ်ထိ အသီးသီးကျဈေးဖြစ်ခဲ့ပါ တယ်။
ထိုင်းဟင်းလျာတွေကို ကြည့်လိုက်ရင် အစပ်မပါတာရှားတယ်။ အဓိကဟင်းကလဲ စပ်တာပဲ။ ဟင်းရန် ကလဲ စပ်တာဘဲ၊ ဟင်းချိုဆို ပေမယ့် အစပ်ပါတာဘဲ။ မြန်မာ့ဟင်းလျာထက် အပူအစပ်အသုံး ပိုများတယ်။ သူတို့ ဒေသ ထွက် ငရုတ်လဲရှိမှာဖြစ်ပေမယ့် မေလလယ် ကလွိုင်ကော်မှာပြုလုပ်ခဲ့တဲ့မယ်ဟောင်ဆောင်နဲ့ ကယားဒေသ ထွက် ကုန်ဆွေးနွေးပွဲမှာ ကယားဘက်က ထွက်တဲ့ ငရုတ်စစ်စစ်ကို ထွက် သမျှ ဝယ်ချင်တဲ့ အကြောင်းဆွေးနွေးခဲ့ ကြတယ်။
မြန်မာ-တရုတ်နယ်စပ်ရှိ မူဆယ်ကူးသန်းရောင်းဝယ်ရေး စခန်းများမှ ၂၀၁၃ ခုနှစ် ဇွန် ၁၉ ရက်မှ ၂၅ ရက်အတွင်း ကန်ဒေါ်လာ သုည ဒသမ ၃၈၈၄ သန်းတန်ဖိုးရှိ ကြက်သွန်နီ တန် ၁၀၀၀ နီးပါးတင်ပို့နိုင်ခဲ့ပါတယ်။ ယခင်အပတ် နဲ့နှိုင်းယှဉ် ပါ က ၇၄ တန်ကျော် ပိုမိုတင်ပို့နိုင်ခဲ့တာကိုတွေ့ရပါတယ်။
ဒီနှစ်မှာ ရှမ်းနနွင်းက ချင်းလောက်အရောင်းမသွက်ပေ မယ့် ပုံမှန်တော့ အရောင်းအဝယ်ဖြစ်နေပါတယ်။ ပြည်ပ ဝယ် လိုအား သိပ်မကောင်းပေမယ့် မနှစ်ကထက်တော့ ဖြုန်းအား ကောင်းနေတယ်လို့ သိရပါတယ်။ လက်ကျန် နနွင်းတွေက လည်း သောင်းဂဏန်းခန့် ကျန်နေသေးတယ်လို့ ဆိုပါတယ်။ လောလောဆယ်တော့ပြည်တွင်း ဝယ်လက်တွေကဘဲ ဝယ်ယူ မှု ရှိနေပါတယ်။ ဒါပေမယ့် စစ်တွေဝယ်လက်တွေကလည်း ချင်းလိုပဲ ဝယ်ယူ နေကြပါ တယ်။ အများဆုံး ဝယ်ယူနေတာ ကတော့ ရန်ကုန်၊ မုံရွာ စစ်တွေ ဝယ်လက်တွေလို့ သိရပါ တယ်။
ပြည်ပကို ပင်လယ်ရေကြောင်းကုန်သွယ်မှုလမ်းမှ ဇွန်လ ၁၆ ရက်မှ ၂၂ ရက်နေ့တာကာလအတွင်း နနွင်း ၈၈ တန်ကို တင်ပို့ခဲ့ပါတယ်။ ဒီတစ်ပတ်မှာ ပါကစ္စတန်နိုင်ငံကို တန် ၆၀ နဲ့ မလေးရှားနိုင်ငံကို ၂၈ တန်တင်ပို့ခဲ့တယ်လို့ သိရပါတယ်။ ယခင်တစ်ပတ်နနွင်းတင်ပို့မှုမှာ တန် လေးရာကျော်ရှိခဲ့တာ ကြောင့် ဒီတစ်ပတ်မှာ နနွင်းတင်ပို့မှုလျော့ခဲ့တယ်လို့ ဆိုရပါ မယ်။ FOB ဈေးက ယခင်တစ် ပတ်ကန်ဒေါ်လာ လေးရာ့ ကိုးဆယ်ကျော်ရရှိခဲ့ပေမဲ့ ဒီတစ်ပတ်မှာ FOB ဈေး တစ်တန် ကို ကန်ဒေါ်လာ လေးရာ့လေးဆယ်ဝန်းကျင်သာ ရရှိခဲ့တယ် လို့ သိရပါတယ်။ MIRT (DOT)