Background
ပဲအထွက်တိုးမှာဖြစ်လို့ ၂ဝ၁ဝ-၁၁ ပဲတင်သွင်းမှုကို အိန္ဒိယလျှော့ချနိုင် ကနေဒါ၊ အမေရိကန်နဲ့ အခြားနိုင်ငံတွေက ပဲတင်ပို့သူများဟာ အာရှပဲမျိုးစုံဈေးကွက်၊ အထူးသဖြင့် အိန္ဒိယရဲ့ပဲထုတ်လုပ်မှုပမာဏကို မျက်ခြေမပြတ်စောင့်ကြည့်နေကြရပါတယ်။ ယခု ၂ဝ၁ဝ-၂ဝ၁၁ ခုနှစ် ကနေဒါ စကက်တက်ချဝမ်ဒေသကတော့ မိုးများခဲ့တာကြောင့် ပဲအထွက်လျော့ကျဖွယ်ရှိပေမဲ့ အမေရိကန်ကတော့ ယခင်ရာသီ လက်ကျန်သိုလှောင်မှုများ ရှိနေသေးသလို ပဲအမြောက်အမြား ရိတ်သိမ်းမှုလည်းပြီးပြီဖြစ်လို့ ဈေးကွက်ရရှိရေး ရှာဖွေနေချိန်မှာ အိန္ဒိယပဲမျိုးစုံကလည်း အထွက်မြင့်တက်ဖွယ်ရှိနေပါတယ်။ ကမ္ဘာမှာ ပဲအမြောက်အမြားတင်သွင်းရတဲ့ အိန္ဒိယက အထွက်များမှာဖြစ်လို့ ကမ္ဘာမှာ ပဲပြတ်လပ်မယ့် အခြေအနေ မရှိဘူးလို့ ဆိုပါတယ်။ ဒါကြောင့် အခြားအကြောင်းရာတွေ ဖြစ်မလာဘူးဆိုရင် ပဲဈေးနှုန်း မြင့်တက်နိုင်မှာမဟုတ်ဘူးလို့ခန့်မှန်းထားပါတယ်။ လက်ရှိမိုးရာသီ ပဲမျိုးစုံစိုက်ပျိုးမှုဟာ မနှစ်ကနဲ့နှိုင်းယှဉ်ရင် ဟက်တာ ၂ဝ သိန်း ပိုမိုမြင့်တက်လာလို့ဒီ ၂ဝ၁ဝ မိုးပဲအထွက်က စံချိန်တင်နိုင်လောက်တယ်လို့ ဆိုပါတယ်။ အဓိကမိုးပဲတွေဖြစ်တဲ့ ပဲစင်းငုံ၊ မတ်ပဲနဲ့ ပဲတီစိမ်းများရဲ့ စိုက်ဧရိယာတွေ သိသိသာသာ ပိုလာခဲ့ပြီး အထူးသဖြင့်ပဲစင်းငုံ တစ်မျိုးထဲမှာပဲ စုစုပေါင်းပဲစိုက်ပျိုးမှုရဲ့ ထက်ဝက်ကျော် စိုက်ပိုျးထားရှိတယ်လို့ ဆိုပါတယ်။ စိုက်ပျိုးရေးဝန်ကြီးဌာနရဲ့စာရင်းများအရ ယခုနှစ်မိုးစိုက်ဧရိယာ ဟက်တာ ၁၁ဝ သိန်းရှိလို့ ယခင်နှစ် စိုက်ပိုျးမှု ဟက်တာ ၉ဝ သိန်းထက် ပိုမိုခဲ့ပါတယ်။အိန္ဒိယရဲ့ အချို့ဒေသတွေမှာ မိုးရက်ရှည်ရွာသွန်းမှုကြောင့် သီးနံှများပျက်စီးခဲ့ရတယ်ဆိုပေမဲ့ ပျက်စီးတဲ့ ပမာဏများများ စားစားမဟုတ်လို့ ပဲအထွက်တိုးမယ့် ခန့်မှန်းချက်ကို ထိခိုက်မှာမဟုတ်ဘူးလို့ ဆိုပါတယ်။ ပဲအထွက်နှုန်းမှာတစ်ဟက်တာ ကို ပျမ်းမျှကီလို ၅ဝဝ သာရှိပေမဲ့ စိုက်ဧရိယာ သိသိသာသာတိုးတက်တာကြောင့် မိုးပဲအထွက်ဟာ တန်ချိန်တစ်သန်း နီးပါးပို မယ်လို့ ခန့်မှန်းကြပါတယ်။ လက်ရှိအချိန်ထိ မိုးရွာနေလို့လာမယ့် ဆောင်းရာသီမှာ အစိုဓါတ် ကောင်းကောင်းရမှာ ဖြစ်တာကြောင့် ဆောင်းပဲအတွက် အခွင့်အရေးကောင်းနေပါတယ်။ အိန္ဒိယရဲ့ ဆောင်းသီးနံှရာသီဟာ အောက်တိုဘာ၊ နိုဝင်ဘာလများမှာ စတင်လေ့ရှိပြီး ဖေဖော်ဝါရီနဲ့ မတ်လများမှာ ရိတ်သိမ်းလေ့ရှိကာ ဆောင်းပဲထွက်ရှိမှုဟာ စုစုပေါင်း ပဲထုတ် လုပ်မှု ရဲ့ ၆ဝ ရာခိုင်နှုန်း ရှိပါတယ်။ပဲဈေးနှုန်းဦီးတည်ရာ အိန္ဒိယပြည်တွင်းဈေးကွက်များမှာ လက်ရှိဖြစ်နေတဲ့ ပဲအထွက်တိုးမယ့် ခန့်မှန်းချက်တွေကြောင့် ဈေးနှုန်းများကျဆင်းလျက်ရှိပါတယ်။ မနှစ်ကလို ပြည်ပပဲတင်သွင်းမှုအပေါ် မှီခိုနေခြင်းမှ လျော့ပါးလာပြီး ပြည်တွင်းပဲကို တိုးတက်စားသုံးလာနိုင်မယ့် အခြေအနေဖြစ်လာပေမဲ့ ပြည်တွင်း စားသုံးဖူလုံမှုအတွက်တော့ ပြည်ပပဲကို ဝယ်ယူတင်သွင်း နေရအုံးမှာဖြစ်ပါတယ်။ လယ်ယာထွက်ကုန်များ အထွက်တိုးမယ့် အခြေအနေကြောင့် ကျေးလက်နေပြည်သူများကို ဝင်ငွေတိုး လာစေပြီးစားသုံးမှုမြင့်တက်လာကာ ဈေးနှုန်းသက်သက်သာသာနဲ့ ဝယ်ယူနိုင်မှုလည်း မြင့်မားလာမှာဖြစ်ပါ တယ်။ ၂ဝဝ၉-၂ဝ၁ဝက ပြည်ပပဲမျိုးစုံတန်ချိန် ၃ ဒသမ ၅ သန်းခန့် တင်သွင်းခဲ့ရတဲ့ အိန္ဒိယဟာ ယခုနှစ်မှာတော့ အဲဒီပမာဏလောက် တင်သွင်းဖို့ မလိုအပ်တော့တာကိုတော့ ပြည်ပပဲတင်သွင်းသူများ သတိထားရတော့မှာ ဖြစ်ပါတယ်။ ဈေးနှုန်းအနေနဲ့လည်း အဓိကကျလာပြီဖြစ်လို့ အိန္ဒိယကို ပဲတင်ပို့လိုသူတွေအနေနဲ့ ရောင်းဈေးကမ်းလှမ်း ရာမှာစားသုံးသူစားသုံးနိုင်တဲ့ သင့်တင့်မျှတတဲ့ ဈေးနှုန်းသတ်မှတ်ရမှာဖြစ်ပါတယ်။ ဒါ့အပြင် ကနေဒါနိုင်ငံမှာရာသီဥတုဆိုးရွားနေလို့ပဲထုတ်လုပ်မှုက ပုံမှန်ထက်လျော့ကျဖွယ်ရှိတဲ့အချက်ကိုလည်း လေ့လာဖို့ လိုအပ်မှာ ဖြစ်ပါတယ်။ အမေရိကန်စားတော်ပဲကအရည်အသွေးမြင့်မားလာခြင်းမရှိပေမဲ့ ယင်းအရည်အသွေးနိမ့်ပဲများ အိန္ဒိယဈေးကွက်ကို ဝင်ရောက်လာဖွယ်ရှိပါတယ်။ကနေဒါနဲ့ အမေရိကန်ရောင်းလက်များက အိန္ဒိယ ပဲဈေးကွက်ကို ယှဉ်ပြိုင်ဝင်ရောက်မှုတွေရှိလို့ ကနေဒါပဲအထွက်နှုန်းကျဆင်း တဲ့တိုင် ကမ္ဘာ့ပဲဈေးကွက်ဟာ ဈေးနှုန်းအကျဘက်ကို ဦးတည်နေတယ်လို့ ကောက်ချက်ချနိုင်မှာဖြစ်ပါတယ်။ယမင်းရွှေစင်၊ှSources: hindubusinessline
ဝယ်လိုအားရှိပေမဲ့ လက်ကျန်နည်းလာတဲ့ ပြည်ထောပတ်ပဲ ပြည်ဈေးကွက်တွင် အခြားပဲများမှာ လက်ကျန်အသင့် အတင့် ရှိခဲ့ကြသော်လည်း ထောပတ်ပဲကတော့ လက်ကျန် မရှိသလောက် ဖြစ်နေပါပြီ။ လက်ကျန်နည်းခဲ့ပေမဲ့ ဈေးနှုန်းမှာ အတက်အကျမရှိဘဲ စက်တင်ဘာ လဆန်းမှစပြီး တစ်တင်းကို ၂၆၅ဝဝ ကျပ်ဖြင့်ဈေးငြိမ်အရောင်းအဝယ်ဖြစ်ခဲ့ကြပါတယ်။ ထောပတ်ပဲမှာဝယ်လိုအားရှိပေမယ့် လက်ကျန်နည်းခဲ့လို့ လက်လီ သမားများနဲ့သာ အရောင်းအဝယ် ဖြစ်ခဲ့ကြတဲ့အတွက် တစ်ရက်ကို အိတ် ၁၅ ၊ ၂ဝ ခန့်သာ ရောင်းဝယ်ခဲ့ကြကြောင်း သိရပါတယ်။ ခင်ဆွေဝင်း
လက်ကျန်နည်းပေမဲ့ မြေထောက်ပဲတင်ပို့နေဆဲ ပြည်တွင်းဈေးကွက်များမှာ မြေထောက်ပဲ လက်ကျန်နည်းလာပြီဖြစ်ပေမဲ့ယခုတစ်ပတ်မှာ တန်ချိန် ၂ဝဝ ကျော် တင်ပို့မှု ရှိနေသေးတာတွေ့ရပါတယ်။ ဒီတစ်ပတ် (စက်တင်ဘာ ၁၆ ရက်မှ ၂၂ ရက်ထိ) တင်ပို့တဲ့ နိုင်ငံတွေကတော့ထိုင်း၊ အိန္ဒိယနဲ့ ရှရှားတို့ဖြစ်ပါတယ်။ လက်ရှိ ၂ဝ၁ဝ-၂ဝ၁၁ ဘဏ္ဍာနှစ်ရဲ့ စက်တင်ဘာလ ၁၇ ရက်အထိ စုစုပေါင်းတင်ပို့မှုအနေနဲ့ တန်ချိန် ၅ဝဝဝ ကျော်ရှိပြီး ယခင်၂ဝဝ၉-၂ဝ၁ဝ ဘဏ္ဍာနှစ်ရဲ့ ကာလတူ တင်ပို့မှုမှာ တန်ချိန် ၇ဝဝဝ ကျော်ရှိလို့ယခုနှစ်မှာ တန်ချိန် ၂ဝဝဝ ခန့် လျော့ကျတင်ပို့တာတွေ့ရှိရပါတယ်။ပြည်ပအဝယ်ရှိပေမဲ့ ယခင်နှစ်က ရာသီဥတုအခြေအနေအရ အထွက်လျော့ကျတာကြောင့် တင်ပို့မှုလျော့နည်းရခြင်းဖြစ်တယ်လို့ ကုန်သည်များက သုံးသပ်ကြပါတယ်။ ရန်ကုန် FOB ဈေးအနေနဲ့ ယခင်တစ်ပတ်က မြေထောက်ပဲ FAQတစ်တန်ကို ကန်ဒေါ်လာ ၆၇ဝ-၆၈ဝ ရှိရာမှ ယခုတစ်ပတ် စက်တင်ဘာလ ၂၃ရက်နေ့မှာတော့ ကန်ဒေါ်လာ ၆၉၅-၇၁၅ ကို တိုးလာတာတွေ့ရပါတယ်။ အိန္ဒိယမွန်ဘိုင်းဈေးအနေနဲ့ ယခင်တစ်ပတ်ဈေးအတိုင်း ပြောင်းလဲခြင်းမရှိဘဲ polished တစ်တန်ကို ကန်ဒေါ်လာ ၇၇၉၊ unpolished တစ်တန်ကို ကန်ဒေါ်လာ ၇၅၇ ဖြစ်ကြောင်း သိရပါတယ်။ MIRT - MAPT
နယ်စပ်က ပဲယင်းကို နည်းနည်းနဲ့ မှန်မှန် တင်ပို့နေ မြန်မာအန္ဒိယနယ်စပ်ရှိ တမူးနယ်စပ်ကုန်သွယ်ရေးမှတစ်ဆင့် ပဲယင်း၈ ဒသမ ၆ တန်၊ တန်ဖိုးအားဖြင့် ကန်ဒေါ်လာ ၅၉ဝဝ ဖိုးတင်ပို့နိုင်ခဲ့ပါတယ်။ဧပြီလမှ သြဂုတ်လထိ နယ်စပ်မှ ပဲယင်းတင်ပို့နိုင်မှုဟာ ၂၃၂၄ တန်ရှိပြီ ဖြစ်ပါတယ်။စက်တင်ဘာလ ပထမပတ်မှာလည်း ပဲယင်း ၁၉ တန်ခွဲ တင်ပို့ထားပြီး ဖြစ်ပါတယ်။စက်တင်ဘာလ ဒုတိယပတ်မှာ တင်ပို့ခဲ့ခြင်းမရှိဘဲ ယခု အပတ်မှာ တင်ပို့မှုရှိတာတွေ့ရပါတယ်။ မိမိဘက်မှာ မြေပြင်ပေါက်ဈေး ၆၉၂၃ဝ၇ ကျပ်ရှိပြီး တစ်ဘက်နိုင်ငံပေါက်ဈေးကတော့ ဒေါ်လာ ၇ဝဝ ဝန်းကျင်ခန့်ရှိပါတယ်။ MIRT (DOBT)
ယခင်နှစ်ကာလတူနီးပါး ပဲယင်းအတင်ရှိ ပင်လယ်ရေကြောင်းကနေ ပဲယင်းတင်ပို့မှုအနေနဲ့ စက်တင်ဘာလ ၁၆ရက်မှ ၂၂ ရက်အတွင်း တန်ချိန် ၅ဝ ခန့်သာ ဖိလစ်ပိုင်ကို တင်ပို့မှု ရှိပေမဲ့ ယခင်နဲ့ယခု ဘဏ္ဍာနှစ်ကာလတူ တင်ပို့မှုကတော့ ပမာဏတူညီလုနီးပါး ရှိတာတွေ့ရပါတယ်။ ၂ဝဝ၉-၂ဝ၁ဝ ဘဏ္ဍာနှစ်ရဲ့ စက်တင်ဘာလ ၁၇ ရက်အထိ တင်ပို့မှုမှာတန်ချိန် ၃၄ဝဝ ကျော်တာတွေ့ရှိရပါတယ်။ ရန်ကုန် FOBဈေးအနေနဲ့ FAQတစ်တန်ကို ကန်ဒေါ်လာ ၆၆ဝ-၆၈ဝ ရှိတယ်လို့ သိရပါတယ်။MIRT - MAPT
ပဲလွန်းဖြူလည်း ဆက်လက်တင်ပို့နေဆဲပါ အခြားပဲ အမိုျးအစားတွေထဲမှာ ပင်လယ်ရေကြောင်းက တင်ပို့မှုအားကောင်းတဲ့ ပဲလွန်းဖြူဟာ ယခုတစ်ပတ် (စက်တင်ဘာလ ၁၆ ရက်မှ ၂၂ ရက်)အတွင်း မှာလည်း တန်ချိန် ၃ဝဝ ခန့်နဲ့ ဆက်လက် တင်ပို့နေတာ တွေ့ရပါတယ်။တင်ပို့တဲ့ နိုင်ငံများကတော့ အင်ဒိုနီးရှား၊ ကိုရီးယား၊ စင်ကာပူ၊ ထိုင်းနဲ့ ယူအေအီးနိုင်ငံများ ဖြစ်ပါတယ်။ လက်ရှိဘဏ္ဍာနှစ် ၂ဝ၁ဝ-၂ဝ၁၁ အတွင်း စက်တင်ဘာလ၁၇ ရက်အထိ တင်ပို့မှုကို လေ့လာမယ် ဆိုရင် တန်ချိန် ၁၅ဝဝဝ ကျော်ရှိတာကိုတွေ့ရပါတယ်။ ဒါပေမဲ့ ၂ဝဝ၉-၂ဝ၁ဝ ဘဏ္ဍာနှစ်ရဲ့ ကာလတူတင်ပို့မှု တန်ချိန်၂၁ဝဝဝ ကျော်နဲ့ နှိုင်းယှဉ်ရင်တော့ တင်ပို့မှု လျော့ကျတာတွေ့ရပါတယ်။ ရန်ကုန် FOB ဈေးအနေနဲ့ ပြောင်းလဲခြင်းမရှိဘဲ FAQ တစ်တန်ကိုကန်ဒေါ်လာ ၇၈ဝ-၇၉ဝ၊ SQ တစ်တန်ကို ကန်ဒေါ်လာ ၈၉ဝ-၉ဝဝ ဖြစ်ပြီး၊အိန္ဒိယမွန်ဘိုင်းဈေးကွက်မှာ ပဲလွန်းဖြူ (ပဲခူး) တစ်တန်ကို ကန်ဒေါ်လာ ၁ဝ၆၅ရှိတာ တွေ့ရပါတယ်။ MIRT - MAPT
လက်ငင်းအဝယ်ရှိလာလို့ အိန္ဒိယကုလားပဲ ဈေးမြင့်လာ အိန္ဒိယမိုးရာသီ ပဲစိုက်ဧရိယာဟက်တာ သိန်း ၂ဝ ခန့်ကို တိုးတက်စိုက်ပျိုးနိုင်လို့ စံချိန်တင်ထွက်ရှိမယ့် အခြေအနေ တွေကြောင့် ပြည်တွင်းဈေးကွက်တွေမှာ ယခင်ရက်တွေက ပဲမိုျးစုံဈေးနှုန်းကျဆင်းခဲ့ပါတယ်။ ဒါပေမဲ့ စက်တင်ဘာလ ၂၂ ရက်နေ့မှာတော့ လက်ငင်းအဝယ်မြင့်တက်မယ့်အလားအလာကြောင့်ကုလားပဲကြိုပွိုင့်ဈေး တစ်တန်ကို ရူပီး ၁၃ဝ (ကန်ဒေါ်လာ ၂ ဒသမ ၈) မြင့်တက်ပြီးရူပီး ၂ဝ၉၅ဝ (ကန်ဒေါ်လာ ၄၆၂) ဈေးနဲ့ အရောင်းအဝယ် ဖြစ်ခဲ့တယ်လို့ သိရပါတယ်။ လက်ထပ်ပွဲများနဲ့ ဘာသာရေးပွဲတော်များအတွက် ဝယ်လိုအား ကောင်းမယ့်အခြေအနေများအပြင် အဓိကစိုက်ပျိုးတဲ့ ရာဂျက်စသန်နဲ့ ဂူဂျာရက်က ပဲဝင်ရောက်မှု အကန့်အသတ်သာရှိခြင်းက ကြိုပွိုင့်ဈေး အမြင့်ဘက်ကို ဦးတည်စေပါတယ်။ ကာလရှည်မှာတော့ အခြားပဲအသစ်ဈေးများ ကျဆင်းခြင်းနဲ့ ပဲအဓိကစိုက်ပျိုးတဲ့ဒေသတွေမှာ ကုလားပဲစိုက်ပျိုးမှု တိုးတက်မယ့် အခြေအနေ တွေရှိခြင်းတို့ကြောင့် ဈေးလျော့ကျနိုင်တယ်လို့ ခန့်မှန်းကြပါတယ်။ယမင်းခင်၊Sources: PTI
အသစ်ဝင်လာလို့တစ်လအတွင်း အိန္ဒိယပဲတီစိမ်းဈေး ကန်ဒေါ်လာ ၁ဝဝ ကျော်လျော့ကျ အိန္ဒိယပြည်တွင်းဈေးကွက်တွေကို အဓိကပဲစိုက်တဲ့ ရာဂျက်စသန်ဘက်က ပဲတီစိမ်းအသစ်တွေ ဝင်ရောက်မှုတိုးလာလို့ သြဂုတ်လ ၂၃ ရက်မှ စက်တင်ဘာလ ၂၃ ရက်အတွင်း တစ်တန်ကို ကန်ဒေါ်လာ ၁ဝဝ ကျော်ခန့် လျော့ကျလာတာတွေ့ရပါတယ်။ ဒါပေမဲ့ အချို့ဒေသတွေမှာ မိုးအဆက်မပြတ်ရွာသွန်းနေလို့ ပဲရိတ်သိမ်းမှုနှေးကွေးနေသလို ဝင်ရောက် လာတဲ့ပဲအသစ်များမှာလည်း အရည်အသွေးပျက်စီးမှုဖြစ်နေတယ်လို့ သိရပါတယ်။ ဒါကြောင့် ခုရက်ပိုင်းမှာတော့ ဈေးဆက်မကျဘဲငြိမ်နေတာ တွေ့ရပါတယ်။ တစ်လအတွင်း ပဲတီရွှေဝါဈေးနှုန်းများနှိုင်းယှဉ်ဖော်ပြလိုက်ပါတယ်။ ဒေါ်လာ/တန် မွန်ဘိုင်း ချန်နိုင်း၂၃-၉-၁ဝ ၈၉၉-၉ဝ၃ ၉၆၅-၉၇၆၂၃-၈-၁ဝ ၁၁၈ဝ-၁၂ဝ၁ ၁ဝ၅၁MIRT (MAPT)
ပဲတီစိမ်း ယခင်ဘဏ္ဍာနှစ်နီးပါး တင်ပို့နိုင် အိန္ဒိယမှာ ပဲတီစိမ်းအသစ်တွေ ပေါ်လာပြီဖြစ်လို့ လတ်တလောဈေးကွက်ထဲမှာ အိန္ဒိယဝယ်လက် အဝယ်ထိုင်းပေမဲ့တရုတ်ဘက်က အဆွဲရှိနေလို့ စုစုပေါင်းတင်ပို့မှုကို ကြည့်မယ်ဆိုရင်တော့ ယခင်ဘဏ္ဍာနှစ် ကာလတူ ပမာဏနီးပါး အတင်ရှိတာတွေ့ရပါတယ်။ ယခင် ၂ဝဝ၉-၂ဝ၁ဝ ဘဏ္ဍာနှစ်စမှ စက်တင်ဘာလ ၁၇ ရက်အထိ ပဲတီစိမ်းပြည်ပတင်ပို့မှုဟာ တန်ချိန်၁၂၈ဝဝဝ ခန့်ရှိသလို လက်ရှိ ၂ဝ၁ဝ-၂ဝ၁၁ ဘဏ္ဍာနှစ်အတွင်း ကာလတူတင်ပို့မှုကလည်း တန်ချိန် ၁၂၂ဝဝဝ ကျော်ထိအမီလိုက်နေတာ တွေ့ရပါတယ်။ ယခုလအတွင်း ပါကစ္စတန်ဘက်ကလည်း ပဲတီစိမ်းဝယ်လိုမှုတွေရှိတယ်လို့ သိရပါတယ်။ဒါပေမဲ့ လက်ရှိကုန်သည်တွေ ရောင်းလိုတဲ့ဈေးနဲ့ အဝယ်နည်းတယ်လို့ သိရပါတယ်။ ရန်ကုန် FOB ဈေးကတော့ ယခင်တစ်ပတ်လိုဘဲ စက်တင်ဘာလ ၂၃ ရက်မှာလည်း အညာ ( FAQ) တစ်တန်ကို ကန်ဒေါ်လာ ၈၈ဝ-၈၉ဝ၊ ပခုက္ကူ (FAQ) တစ်တန်ကို ကန်ဒေါ်လာ ၁ဝ၆ဝ-၁ဝ၇ဝ ရှိပြီး ပဲတီစိမ်းရွှေဝါအသေး တစ်တန်ကို ကန်ဒေါ်လာ ၁၁၈ဝ-၁၂ဝဝ ဈေးရှိတယ်လို့သိရပါတယ်။MIRT - MAPT
ဝယ်လိုအားနည်းလို့ အိန္ဒိယမတ်ပဲဈေးလျော့လာ အိန္ဒိယပြည်တွင်ဈေးကွက်မှာ ဒေသပဲခွဲစက်များမှ ဝယ်လိုအား ကျဆင်းတာကြောင့် လက်ကားဈေးကွက် များမှာ မတ်ပဲဈေးတစ်တန်ကို ရူပီး ၂ဝဝ(ကန်ဒေါ်လာ ၄ ဒသမ ၄ ) ခန့်လျော့ကျခဲ့ပါတယ်။ ပဲအဓိကထုတ်လုပ်တဲ့ ဒေသတွေက ပဲဝင်ရောက်မှု တိုးတက်လာခဲ့ပေမဲ့ ဝယ်လိုအားမရှိခြင်းကြောင့် မတ်ပဲတစ် တန်ကို ရူပီး ၅၃၈ဝဝ-၅၉၃ဝဝ (ကန်ဒေါ်လာ ၁၁၈၇-၁၃ဝ၉) ဖြစ်ခဲ့တယ်လို့သိရပါတယ်။ လှောင်လက်များမှာလည်း လက်ကျန် အလုံအလောက် ရှိနေလို့ဝယ်လို အားနည်းနေခြင်းက ဈေးနှုန်းကို ပိုမိုကျဆင်းစေပါတယ်။ ယမင်းခင်၊Sources: PTI