Background
ပဲထုတ်လုပ်မှုကျဆင်းပြီး ဝယ်လိုအားမြင့်တက်နေတာ ကြောင့် အိန္ဒိယဈေးကွက်မှာ ပဲမျိုးစုံဈေးနှုန်းက အလွန် အမင်းမြင့်တက်လာခဲ့ပါတယ်။ ဈေးနှုန်းမြင့်တက်မှုကို လျော့ ကျစေဖို့ အိန္ဒိယစိုက်ပျိုးရေးသုတေသနကောင်စီ (ICAR)မှ နည်းပညာများ သရုပ်ပြခြင်းများဖြင့် နိုင်ငံအတွင်း ပဲစိုက်ပျိုးမှု မြှင့်တင်ရေး ဆောင်ရွက်လျက်ရှိနေ ပါတယ်။ အိန္ဒိယနိုင်ငံဟာ နှစ်စဉ်ပဲမျိုးစုံတန်ချိန် ၂၁ သန်းခန့်စားသုံးပါတယ်။ နိုင်ငံရဲ့ ပဲထုတ်လုပ်မှုက တန်ချိန် ၁၈ သန်းဝန်းကျင် ရှိလို့ လိုအပ်ချက် ပြည့်မီဖို့ တန်ချိန် ၃ သန်း ဝန်းကျင် တင်သွင်းနေရတာဖြစ်ပါ တယ်။
အိန္ဒိယနိုင်ငံ ပဲစိုက်ပျိုးတဲ့ပြည်နယ်တော်တော်များများမှာ မိုးသည်းထန်နေပြီး၊ မဒ္ဒရာပရာဒေ့ရှ်မှာ မိုးကြီးလာလို့ အချို့မြေနိမ့် ပိုင်းတွေမှာ ရေလွှမ်းမိုးတဲ့ အခြေအနေရှိလာပါတယ်။ မိုးရွာသွန်းမှု တိုးတက်လာပေမယ့် သြဂုတ် ၁၆ ရက်အထိ တစ်နိုင်ငံလုံး မိုးပဲ စိုက်ပျိုးမှုကတော့ ဟတ်တာ ၈၅ ဒသမ ၃၂ သိန်းသာရှိသေးလို့ ယခင်နှစ် ကာလတူစိုက်ပျိုးမှု ဟတ်တာ ၉၇ ဒသမ ၃၈ သိန်းနဲ့ ယှဉ်ရင် ဟတ်တာ ၁၂ ဒသမ ၀၆ သိန်းလျော့ကျနေသေး တယ်လို့ သိရပါတယ်။
မြန်မာ-တရုတ်နယ်စပ်ရှိ မူဆယ်မှ တစ်ပတ်ကျော်တစ်ပတ်ခြား ရော်ဘာများကို တင်ပို့လျက်ရှိနေ တဲ့ကာလတစ်လ ကျော်လာပြီဖြစ်ပါတယ်။ ယခင်အပတ်ကအပို့မရှိခဲ့တဲ့ မူဆယ်နယ်စပ်မှ ယခုအပတ်မှာ MSR-20 ၁၀၅ တန်၊ တန်ဖိုးအားဖြင့် ကန်ဒေါ်လာ သုည ဒသမ ၂၉၉ သန်းဖိုး အပို့ရှိလာပါတယ်။ ကျန်တရုတ်နယ်စပ်စခန်းဖြစ်တဲ့ ချင်းရွှေဟော်မှလည်း ကန်ဒေါ်လာ သုည ဒသမ ၁၆၃ သန်းတန်ဖိုးရှိ RSS-3 ၅၉ တန်ခန့် အပို့ရှိတဲ့အတွက် ယခုအပတ်မှာရော်ဘာအဆင့်စုံ ၁၆၄ တန်၊ နယ်စပ်မှအပို့ရှိတာဖြစ်ပါတယ်။ မူဆယ်ရဲ့ မြေပြင်ရော်ဘာပေါက်ဈေး ကတော့ ယခင်အတိုင်းပြောင်းလဲမှုမရှိတာ တွေ့ရပါတယ်-
အမေရိကမှာ နှစ် ၅၀ ကျော်အတွင်း အပြင်းထန်ဆုံး မိုးခေါင်တဲ့အတွက် ပြောင်းဈေးက စံချိန်တင် မြင့်တက်လျက်ရှိပြီး၊ ကမ္ဘာ့စားနပ်ရိက္ခာ အကျပ် အတည်း စိုးရိမ်မှုတွေဖြစ်စေတာကြောင့် တရုတ်နိုင်ငံက ပြည်တွင်း ဈေးနှုန်း လျော့ကျဖို့နဲ့ တင်သွင်းမှုလျှော့ချဖို့ နိုင်ငံတော်အရန်သိုလှောင်မှုထဲက ဆန်နဲ့ ပြောင်းများ ထုတ်ရောင်းတော့မယ်လို့ သိရပါတယ်။ ယခုထုတ်ရောင်းမယ့် အစီအစဉ်ကြေညာမှုဟာ ယခင်နှစ် စက်တင်ဘာမှာ ပြောင်းတန်ချိန် ၃ ဒသမ ၇ သန်းရောင်းချမယ်လို့ပြောပြီး နောက်ပိုင်း ပထမအကြိမ် ဖြစ်ပါတယ်။
အိန္ဒိယနိုင်ငံမှာ ကြက်သွန်နီရရှိမှု လျော့ကျနိုင်ပြီး၊ ကြက် သွန်အသစ်ဝင်ရောက်မှုလည်း နောက်ကျနိုင်တဲ့ အတွက် ဈေးနှုန်းမြင့်တက်လာဖွယ်ရှိနေပါတယ်။ နိုင်ငံတော်ဟင်းသီး ဟင်းရွက်သုတေသနနဲ့ဖွံ့ဖြိုးရေးအဖွဲ့(NHRDF) မှ စုဆောင်း ရရှိတဲ့ စာရင်းတွေအရ နိုင်ငံရဲ့ မိုးကြက်သွန်နီထွက်ရှိမှုဟာ မနှစ်ကနဲ့ယှဉ်ရင် ၃၀ - ၄၀ ရာခိုင်နှုန်းခန့် နည်းနိုင်တယ်လို့ သိရပါတယ်။ စိုက်ပျိုးမှုက ဇူလိုင်လ နောင်းပိုင်းမှ စတင်ရတာ မို့ ရိတ်သိမ်းချိန်ဟာလည်း တစ်လလောက် နှောင့်နှေးမယ်လို့ ဆိုပါတယ်။ ဈေးကွက် ဝင်ရောက်မှုကတော့ ၄ လတစ်ကြိမ်ပြီး ဆုံးချိန် အောက်တိုဘာလ ကုန်မှသာ ဝင်မယ်လို့ ဆိုပါတယ်။ ပုံမှန်အားဖြင့် စက်တင်ဘာလကုန်မှာ ကြက်သွန်နီသစ်ဝင် ရောက်လေ့ ရှိပါတယ်။
အိန္ဒိယ နနွင်းလက်ငင်းဈေးကွက်တွေမှာ နိုင်ငံမြောက် ပိုင်းမှ မှာယူမှုအသစ်မရှိလို့ လက်ငင်းဈေးတစ်တန် ရူပီး ၂၀၀၀ (ကန်ဒေါ်လာ ၃၆) ခန့် ကျဆင်းခဲ့ပေမဲ့ ကြိုပွိုင့်ဈေးမှာတော့ ၁ ဒသမ ၂၆ ရာခိုင်နှုန်း ပြန်တက်လာပါတယ်။ အီရော့နနွင်း ဈေးကွက်ကို သြဂုတ်လ ၁၅ရက်က နနွင်းအိတ် ၁၁၀၀၀ ဝင်ရောက်ခဲ့တဲ့အနက် ၆၀ ရာခိုင်နှုန်းရောင်းချခဲ့ကြောင်း၊ လှောင်လက်များမှာလုံလောက်တဲ့ သိုလှောင်မှုတွေရှိနေလို့ အိတ် ၃၅၀၀ ကျော်သာ ဝယ်ယူခဲ့တယ်လို့သိရပါတယ်။ လှောင်လက်များမှာ ဈေးတက်လာရင် ထုတ်ရောင်းတော့မှာ ဖြစ်တယ်လို့ ကုန်သည်များက ဆိုပါတယ်။
ပြီးခဲ့တဲ့ ဘဏ္ဍာနှစ်အတွင်း အိန္ဒိယက ပဲတင်သွင်းမှုဟာ တန်ချိန် ၃ ဒသမ ၃၁ သန်း တန်ဖိုးအားဖြင့် ကန်ဒေါ်လာ ၁၈၂၁ ဒသမ ၉၅ သန်း (ရူပီး ကုဋေ ၁၀၁၄၉ ဒသမ ၅)ဖိုးရှိခဲ့လို့ ပြီးခဲ့တဲ့ နှစ်ထက် ၂၃ ရာခိုင်နှုန်း ပိုမိုတင်သွင်းခဲ့ပါတယ်။ ၂၀၁၀-၁၁ ဘဏ္ဍာနှစ်မှာ ပဲမျိုးစုံတန်ချိန် ၂ ဒသမ ၆၉ သန်း၊ တန်ဖိုးအားဖြင့် ကန်ဒေါ်လာ ၁၅၆၅ ဒသမ ၄၄ သန်း(ရူပီး ၈၇၂၅ ကုဋေ)ဖိုး တင်သွင်းခဲ့ကြောင်း၊ စားနပ်ရိက္ခာ ဝန်ကြီး ကေဗွီသောမတ်စ်မှ ပြောကြားပါတယ်။
အိန္ဒိယနိုင်ငံ အချို့ဒေသတွေမှာ မိုးခေါင်နေတဲ့အခြေ အနေကြောင့် လယ်ယာထွက်ကုန်ထုတ်လုပ်မှုကို ထိခိုက်နိုင်ပြီး အဓိက ကုန်စည်တွေရဲ့ဈေးနှုန်းအပေါ် ရိုက်ခတ်လိမ့်မယ်လို့ စားနပ်ရိက္ခာ ဝန်ကြီး၊ ကေဗွီသောမတ်စ် မှ ပြောကြားပါတယ်။ အိန္ဒိယမိုးလေဝသ ဌာန (IMD) ရဲ့ ထုတ်ပြန်ချက်အရ ဇွန် ၁ ရက်နဲ့ သြဂုတ် ၅ ရက်အတွင်း မိုးရွာသွန်းမှုဟာ ပုံမှန် အောက် ၁၇ ရာခိုင်နှုန်း လျော့ကျနေပါတယ်။ ကာနာတာ ကာ၊ ရာဂျက်စသန်၊ ဂူဂျာရက်နဲ့ မဟာရပ်ရှတရာတို့ဟာ မိုး ခေါင်ခြင်းနဲ့ ရင်ဆိုင်နေရပါတယ်။
အိန္ဒိယအစိုးရ စိုက်ပျိုးရေးဝန်ကြီးဌာနမှ ပဲမျိုးစုံအတွက် အနိမ့်ဆုံးထောက်ပံ့ဈေးနှုန်း(MSP) ကို နောက်ဆုံး ပြင်ဆင် သတ်မှတ်ခဲ့ပါတယ်။ ၂၀၁၂-၁၃ အတွက် ပဲစင်းငုံနဲ့ ပဲတီစိမ်း တို့ရဲ့MSP ဈေးနှုန်းမှာ တစ်တန် ရူပီး ၃၈၄၀၀ (ကန် ဒေါ်လာ ၆၉၂)နဲ့ ရူပီး ၄၄၀၀၀ (ကန်ဒေါ်လာ ၇၉၂)အဖြစ် သတ်မှတ် ခဲ့ပါတယ်။ အဲဒီဈေးနှုန်းများ ဟာ လယ်ယာထွက်ကုန် ကုန်ကျ စရိတ်နဲ့ဈေးနှုန်းကော်မရှင် (ဃဗဃဏ)မှ အကြံပြုခဲ့တဲ့ ဈေးနှုန်း ထက်လျော့ကျကြောင်း သိရပါတယ်။
ယခုသီတင်းပတ် အိန္ဒိယအချို့ဒေသတွေမှာ မိုးရွာသွန်းမှု တိုးတက်လာပြီး အချို့ပြည်နယ်တွေမှာ မိုးသည်းထန်ခဲ့ပါ တယ်။ ဒါပေမဲ့လည်း အချို့ဒေသတွေမှာတော့ မိုးရွာသွန်းမှုက ပုံမှန်အောက် လျော့နည်းနေ ဆဲ ဖြစ်ပါတယ်။ သြဂုတ်လ ဒုတိယပတ် ပဲစိုက်ပျိုးမှုမှာတော့ ယခင်တစ်ပတ်ထက် တိုး တက်လာပေမဲ့ ပုံမှန်နှစ် ကာလတူ ထက်တော့ လျော့နည်းနေ ဆဲရှိပါတယ်။ အိန္ဒိယစိုက်ပျိုးရေးဝန်ကြီးဌာနရဲ့ သြဂုတ်လ ၉ ရက်နေ့အထိ မိုးပဲစိုက်ပျိုးမှု စာရင်းကိုကြည့်ရင် ဟက်တာ ၇၄ ဒသမ ၄၈ သိန်း စိုက်ပျိုးထားပြီးဖြစ်လို့ ပြီးခဲ့တဲ့ ၂၀၁၁ ခုနှစ် ကာလတူ စိုက်ပျိုးမှုဟက်တာ ၈၉ ဒသမ ၃ သိန်းထက် နည်းလာသလို ပုံမှန်စိုက်ပျိုးမှုဟက်တာ ၉၂ ဒသမ ၈၁ သိန်းထက်လည်း လျော့ကျနေပါတယ်။