Background
ရှမ်းနနွင်းဈေးမှာ ဈေးအေးနေပေမယ့် ဒီတစ်ပတ်မှာတော့ ဈေးအနည်းငယ်ပြန်တက်လာပါတယ်။ တရုတ်ဘက်က အဆွဲရှိတဲ့အတွက် ဈေးတက်လာတယ်လို့လည်း သိရပါတယ်။ ဟိုပုံးနနွင်းဈေးကွက်မှာ တစ်ပိဿာ ကို ၉၀၀ ကျပ်ရှိပါတယ်။ မူဆယ်ဘက်က အဆွဲရှိလို့ ပိဿာချိန် တစ်သောင်းခွဲနှစ်သောင်းခန့် အရောင်းအဝယ်ဖြစ် ခဲ့တယ်လို့ သိရပါတယ်။ အောင်ပန်း ဈေးကွက်မှာတော့ နနွင်းအဝင်နည်းနေသေးပါတယ်။ အောင်ပန်းနနွင်းဈေးမှာ တစ်ပိဿာကို ၆၀၀ ကျပ်မှ ၈၀၀ ကျပ်ဈေး ရှိနေပါတယ်။ လက်လီအနည်းငယ်သာ အရောင်းအဝယ်ဖြစ်နေတယ်လို့လည်း သိရပါတယ်။ ဆင်တောင်နနွင်းကတော့ တစ် ပိဿာကို ၁၀၀၀ ကျပ်ဈေးရှိတယ်လို့ သိရပါတယ်။ SYH
အိန္ဒိယရဲ့ချင်းတင်ပို့မှုဟာယခုဘဏ္ဍာနှစ်အတွက် ပြည်ထောင်စု စီးပွားကူးသန်း ဝန်ကြီးဌာနနဲ့ ဟင်းခတ် အမွှေးအကြိုင်အဖွဲ့ရဲ့ ၉ လအတွင်း တင်ပို့ဖို့ ရည်မှန်းချက် ထက်ကျော်လွန်နေပြီလို့သိရပါတယ်။ နိုင်ငံတကာ ဈေးထက်လျော့ပြီး၊ တစ်တန် ကန်ဒေါ် လာ ၅၀၀ ဝန်းကျင်သာရှိလို့ အိန္ဒိယချင်းကို ဝယ်လိုအား မြင့်တက်နေတယ်လို့ ကုန်သည် များက ဆိုပါတယ်။
အိန္ဒိယပြည်တွင်းဈေးကွက်တွေမှာ ကြိုပွိုင့်ဈေးမြင့်တက်ခြင်းနဲ့အတူ လက်ငင်း ဈေးလည်းတိုးလာပါတယ်။ပွဲတော်နီးကပ်လာလို့ ပဲဝင်ရောက်မှုကျဆင်းတာကြောင့် လည်း ဈေးမြင့်လာခြင်းဖြစ်ကြောင်း သိရပါတယ်။ ကုလားပဲအထွက်လျော့ကျခြင်း ကြောင့်လှောင်လက်များကဝယ်ယူမှုရှိကြောင်း သိရပါတယ်။
ကုလားပဲရိုးရိုးကို ပါကစ္စတန်ဝယ်လက်အကြိုက်တွေ့နေလို့ ယခုတစ်ပတ် ရောင်းဝယ်အားကောင်းကြောင်း သိရပါတယ်။ ကုလားပဲဖြူလုံးကြီးကိုလည်း ပုံမှန် ဝယ်ယူမှုရှိလို့ ယခုတစ်ပတ် မတ်လ ၃ ရက်မှ ၉ ရက်အတွင်း FOB ဈေးကွက်မှာ ကုလားပဲဖြူလုံးကြီးနဲ့ ကုလားပဲခွဲခြမ်းစုစုပေါင်း တန် ၉၀၀၀ နီးပါး အရောင်းအဝယ် စာချုပ်နိုင်ခဲ့ကြောင်း သိရပါတယ်။
ပါကစ္စတန်နိုင်ငံတွင် အအေးပိုခြင်းကြောင့် ယခုနှစ် ပဲမျိုးစုံထုတ်လုပ်မှုမှာ ရည်မှန်းချက်အောက် လျော့ကျနိုင်ပြီး၊ ပဲဈေးမှာ လည်း သိသိသာသာ တိုးနိုင်ကြောင်း စိုက်ပျိုးရေးကျွမ်းကျင်သူများမှ ပြောကြားပါတယ်။ ရာသီဥတုအေးခြင်းက ကုလားပဲ၊ မတ်ပဲနဲ့ ပဲတီစိမ်းသီးနှံကိုဆိုးဝါးစွာ ထိခိုက်ခဲ့တာကြောင့်ပဲမျိုးစုံပျမ်းမျှထုတ်လုပ်မှုကလည်း ကြီးမားစွာ
အိန္ဒိယပြည်တွင်းဈေးကွက်တွေမှာ ပဲတီရွှေဝါဈေးက ယခုတစ်ပတ်လည်း ငြိမ်သက်နေပါတယ်။ ပြည်တွင်းပဲတီစိမ်း အထွက် ပိုတဲ့အတွက် လက်ကျန်များ ကျန်ရှိနေပေမဲ့ အရည်အသွေးနိမ့်များကြောင်း သိရပါတယ်။ အရည်အသွေးကောင်းတဲ့ ပဲတီစိမ်း၊ ပဲတီရွှေဝါများကို ပြည်ပမှ တင်သွင်းဝယ်ယူလျက်ရှိရာ အရည်အသွေးအလိုက် ဈေးကွာခြားရောင်းဝယ်လျက်ရှိကြောင်း သိရပါ တယ်။
အိန္ဒိယပြည်တွင်းဈေးကွက်တွေကို ဒေသတွင်းနဲ့ ပြည်ပက ပဲအဝင်ပုံမှန်ရှိပြီး ဝယ်လိုအား နည်းတာကြောင့် ဈေးအနည်းငယ်အေးပါတယ်။ လွန်ခဲ့တဲ့ ၃-၄ ရက် အတွင်း ပဲဝင်ရောက်မှုနည်းပြီး ပဲခွဲစက်များမှ ဝယ်ယူမှု တက်လာတာကြောင့် ပဲစင်းငုံ ဈေးမြင့်ခဲ့ပါတယ်။
အိန္ဒိယပြည်တွင်းဈေးကွက်အများစုမှာ ယခုတစ်ပတ် မတ်ပဲဈေးအနည်းငယ် လျော့ကျပါတယ်။ ဝယ်လက်များက ဈေးအမြင့်မှာ ဝယ်ယူမှုနည်းခြင်းနဲ့ တင်သွင်း မတ်ပဲကို ဈေးသက်သက်သာသာနဲ့ ရရှိတဲ့အတွက် ဝယ်လိုအားနည်းနေပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ မတ်ပဲ အရောင်းအဝယ်ဖြစ်မှုကယခင်တစ်ပတ်တွေထက်ပိုမိုလာခဲ့ပါတယ်။ ယခင်တစ်ပတ် ကတန်ချိန် ၁၅၀၀၀ခန့်ရှိခဲ့ရာမှယခုတစ်ပတ်(မတ်လ ၃-၉ ရက်)အတွင်းမှာ တန် ချိန် ၂၁၀၀၀ ကျော်အထိ FOB အရောင်းအဝယ်ဖြစ်ခဲ့ကြောင်း သိရပါတယ်။
၂၀၁၂-၂၀၁၃ ဒုတိယရာသီအတွက် ကမ္ဘာ့သကြားရောင်းချမှုက ဝယ်လိုအားထက်ကျော်လွန်နိုင်တာကြောင့် နှစ်ကုန်ပိုင်းမှာ သကြားကြမ်းဈေးဟာ တစ်ပေါင်ကို ကန်ဒေါ်လာ ၂၀ ဆင့် (တစ်တန်ကန်ဒေါ်လာ ၄၄၁) အောက်ကို ကျဆင်းနိုင်တယ်လို့ F.O Licht Gmbh မှ ခန့်မှန်းထားပါတယ်။ ဈေးနိမ့်ကျခြင်းကြောင့် တင်သွင်းသူများ က များစွာပြန်လည်သိုလှောင်ထားနိုင်တယ် လို့လည်း ဆိုပါတယ်။