Background
အိန္ဒိယ ကုလားပဲဈေး ခိုင်မာနေ အိန္ဒိယပြည်တွင်းဈေးကွက်တွေမှာ လက်ကျန်ပဲဟောင်းနည်းလာပြီဖြစ်ပြီး ဝယ်လိုအားရှိနေတာကြောင့် ကုလားပဲဈေးခိုင်မာနေပါတယ်။ နိုင်ငံတကာ အခြေ အနေကတော့ အမေရိကန်နဲ့ ကနေဒါကုလားပဲထုတ်လုပ်မှု ကလည်း ယခင်နှစ်တွေ ထက် လျော့ကျဖွယ်ရှိတဲ့အပြင် စက်တင်ဘာလ ဒုတိယပတ်မှာ တရားဝင်ခန့်မှန်း မယ့် ကုလားပဲထုတ်လုပ်မှုကလည်း ကျဆင်းဖွယ်ရှိခြင်းက ဈေးနှုန်းကို အထောက် အပံ့ဖြစ်စေပါတယ်။ ကာလတိုအတွင်း ကုလားပဲဈေး ဆက်လက်ခိုင်မာဖွယ် ရှိတယ် လို့ ခန့်မှန်းကြပါတယ်။ ဈေးကွက်တွေမှာဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြ လိုက်ပါတယ် ဒေါ်လာ/ တန် ၃ဝ-၈-၁၁ ၂၉-၈-၁၁ ၂၇-၈-၁၁ ၂၆-၈-၁၁မွန်ဘိုင်း - ၆၁ဝ-၆၂၁ ၆ဝ၇-၆၁၈ ၅၉၇(တန်ဇန်းနီးယား)ဒေလီ ၆၈၄-၆၉ဝ ၆၈၇-၆၉၂ ၆၈၃-၆၉၄ ၆၈၄-၆၈၉ကန်ပါ ၇၂၈ ၇ဝ၉ - ၇ဝ၁MIRT(MAPT)
အိန္ဒိယ ပဲတီစိမ်းဈေးမြင့်တက် အိန္ဒိယပြည်တွင်းဈေးကွက်များအတွင်း သြဂုတ်လကုန်သီတင်းပတ်မှာ ပဲတီစိမ်းဈေးမြင့်တက်နေပါတယ်။ ယခင်နှစ်နဲ့ နှိုင်းယှဉ်ရင် စိုက်ဧရိယာကျဆင်းပြီး ပဲရင့်မှည့်၊ ရိတ်သိမ်းချိန်မိုးရွာသွန်းမှုတွေကြောင့် အထွက်ကျဆင်းပြီး အရည် အသွေး ပျက်ဖွယ်ရှိတယ်လို့ ခန့်မှန်းကြပါတယ်။ မဟာရပ်ရှတရာ အချို့ဒေသတွေက ပဲအသစ်တွေ စတင်ဝင်ရောက်လာပြီဖြစ်ပေမဲ့ အစိုဓါတ်များပြီး အရောင်ပျက်ပဲ ပါဝင်မှုများတယ်လို့ သိရပါတယ်။ စက်တင်ဘာလ ၃ ရက်နောက်ပိုင်း အိန္ဒိယကျွန်းဆွယ်မှာ ရာသီဥတုခြောက်သွေ့မယ်ခန့်မှန်းလို့ ရာသီဥတုခြောက်သွေ့ပါက သီးနံှရိတ်သိမ်းရာ မှာ အဆင်ပြေပြီး အစိုဓါတ်ပါဝင်မှုလျော့ကျ နိုင်တယ်လို့ ခန့်မှန်းပါတယ်။ ကာလတိုအတွင်း ဈေးနှုန်းခိုင်မာဖွယ်ရှိတယ် ခန့်မှန်းထားပါတယ်။ ဈေးကွက်ပေါက်ဈေးများ နှိုင်းယှဉ်ဖော်ပြလိုက်ပါတယ် ဒေါ်လာ/ တန် ၃ဝ-၈-၁၁ ၂၉-၈-၁၁ ၂၇-၈-၁၁ ၂၆-၈-၁၁မွန်ဘိုင်း (ကင်ညာ) ၉၅၆-၉၈၇ ၁ဝဝ၃-၁ဝ၂၅ ၉၉၇-၁ဝ၁၉ ၉၉၈ဒေလီ ၇၆၁-၈ဝ၄ ၇၆၃-၈ဝ၇ ၇၅၉-၈ဝ၂ ၇၇၁-၈ဝ၃အာကိုလာ ၈၂၆-၁ဝ၄၃ - ၇၅၉-၁ဝ၄၁ ၇၆ဝ-၁ဝ၄၂MIRT(MAPT)
အိန္ဒိယ PEC မှ ပဲမျိုးစုံ တန် ၈ဝဝဝ ဝယ်ယူဖို့ တင်ဒါခေါ် အိန္ဒိယနိုင်ငံပိုင် အေဂျင်စီဖြစ်တဲ့ PEC ဟာ စက်တင်ဘာလမှ အောက် တိုဘာလ ၁၅ ရက်အတွင်း ပို့ရမယ့် ပဲမျိုးစုံတန်ချိန် ၈ဝဝဝ ဝယ်ယူဖို့ တင်ဒါခေါ်ယူထားပါတယ်။ ဝယ်ယူ မယ့် ပဲတွေကတော့ မြန်မာမတ်ပဲ FAQ တန်ချိန် ၂ဝဝဝ ကိုမွန်ဘိုင်း ဆိပ်ကမ်းကို ပို့ရမှာဖြစ်ပြီး၊ မြန်မာ မတ်ပဲ SQ တန် ၂ဝဝဝ ကိုတော့ ချန်နိုင်း ဆိပ်ကမ်းကို ပို့ရမှာဖြစ်ပါတယ်။ ဒါ့အပြင် သြစတြေးလျ ဒေစီကုလားပဲ တန် ၂ဝဝဝ နဲ့ တန်ဇန်းနီးယားဒေစီ ကုလားပဲ တန် ၂ဝဝဝ တို့ကိုလည်း မွန်ဘိုင်းဆိပ်ကမ်းကို ပို့ရမယ်လို့ သိရ ပါတယ်။ ယင်းတင်ဒါကို စက်တင်ဘာလ ၁ ရက်နေ့မှာ ပိတ်မှာဖြစ်ပါ တယ်။ ယမင်းခင် Source:PEC Website
အိန္ဒိယပဲစင်းငုံ မြင့်တက်ပြီးနောက် ပြန်ငြိမ်လာ အိန္ဒိယပြည်တွင်းဈေးကွက်များမှာ သြဂုတ်လနောက်ဆုံးသီတင်းပတ် အစ ပိုင်းမှာ ပဲစင်းငုံဈေးမြင့်တက်ခဲ့ပြီး သီတင်းပတ်နှောင်းပိုင်းမှာတော့ ပြန်ငြိမ်လာတာ တွေ့ရပါတယ်။ ဈေးကွက်တွေမှာ ပြည်ပက တင်သွင်းပဲရောင်းချမှု လုံလောက်ခြင်းနဲ့ ပြည်တွင်းပဲရောင်းချမှု ပိုမိုလာခြင်းတို့က ဈေးနှုန်းမြင့်တက်မှုကို ထိန်းချုပ်ထား ပါတယ်။ ဒါပေမဲ့ ပဲစင်းငုံ စိုက်ဧရိယာ ကျဆင်းခြင်းနဲ့ လာမယ့်သီတင်းပတ်များမှာ ဝယ်လိုအားကောင်းလာဖွယ်ရှိခြင်းကတော့ ဈေးနှုန်းကို အထောက်အပံ့ဖြစ်စေနိုင် တယ်လို့ ခန့်မှန်းကြပါတယ်။ လက်ရှိရာသီဥတုက ပဲစင်းငုံအတွက် ကောင်းမွန်တဲ့ အနေအထားရှိ နေပြီး အခုချိန်ထိတော့ ပိုးကျရောက်တဲ့ သတင်းမကြားရသေးဘူးလို့ ဆိုပါတယ်။ကာလတိုအတွင်း မှာတော့လက်ရှိ ဈေးဝန်းကျင်မှာအတက်အကျ ရှိနေ ဦးမယ်လို့ ခန့်မှန်းကြပါတယ်။ ဈေးကွက်တွေမှာဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ်။ ဒေါ်လာ/ တန် ၃ဝ-၈-၁၁ ၂၉-၈-၁၁ ၂၇-၈-၁၁ ၂၆-၈-၁၁မွန်ဘိုင်း ၆၄၆ ၆၅၄-၆၅၉ ၆၆၇ ၆၄၁ဒေလီ ၆၇၈-၆၇၉ ၆၉၅-၆၉၈ ၆၉၉-၇ဝ၅ ၆၈ဝ-၆၈၂ချန်နိုင်း ၆၅၂ ၆၅၄ ၆၃၉ ၆၃ဝMIRT(MAPT)
သြဂုတ်လကုန် သီတင်းပတ် အိန္ဒိယမတ်ပဲဈေး ခိုင်မာနေ အိန္ဒိယပြည်တွင်း ဈေးကွက်တွေမှာ သြဂုတ်လကုန်သီတင်းပတ်အတွင်း မတ်ပဲ ဈေး ခိုင်မာနေပါတယ်။ အဓိကပဲစိုက်တဲ့ အင်ဒရာပရာဒေ့ရှ်နဲ့ ကာနာတာကာတို့မှာ ပဲစိုက်ဧရိယာ သိသိသာသာ လျော့ကျနေခြင်းအပြင် နိုင်ငံရဲ့ အလယ်ပိုင်းနဲ့ တောင် ပိုင်းမှာ မိုးရွာသွန်းနေခြင်းတို့ကြောင့် ပဲရိတ်သိမ်းမှုနှောင့်နှေးနေပါတယ်။ အစိုဓာတ် များနေတာကြောင့် ရင့်မှည့်သီးနံှများ ပိုးကျရောက်မှုဖြစ်ပွားနိုင်သလို အရည်အသွေး ပျက်စီးမှုလည်း ရှိလာနိုင်တယ်လို့ ခန့်မှန်းကြပါတယ်။ ယခုရက်ပိုင်းအတွင်း ဈေး ခိုင်မာနိုင်တယ်လို့ ခန့်မှန်းကြပါတယ်။ တစ်ပတ်အတွင်းဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ် ဒေါ်လာ/ တန် ၃ဝ-၈-၁၁ ၂၉-၈-၁၁ ၂၇-၈-၁၁ ၂၆-၈-၁၁မွန်ဘိုင်း ၈၂၆ ၈၃၉-၈၄၅ ၈၄ဝ-၈၄၅ ၈၁၄ဒေလီ ၈၄၂-၈၈၅ ၈၅ဝ-၈၉၄ ၈၅၆-၉ဝဝ ၈၃၆-၈၇၉ချန်နိုင်း ၈၅၈ ၈၆၁ ၈၅၁ ၈၃ဝMIRT(MAPT)
ပြောင်းတင်သွင်းမှုလေ့လာဖို့ တရုတ်အရာရှိများ တောင်အာဖရိကကို သွားရောက် ပြောင်းအများဆုံး ထုတ်လုပ်တဲ့နိုင်ငံက ပြောင်းဝယ်ယူရေးစုံစမ်းဖို့ တရုတ် အရာရှိများဟာ တောင်အာဖရိကကို သွားရောက်ခဲ့တယ်လို့သိရပါတယ်။ တင်သွင်းဖို့ မစဉ်းစားမီ ပိုးကျရောက်မှုအန္တရာယ်ကိုလေ့လာဖို့ လွန်ခဲ့တဲ့လက ရောက်ရှိခဲ့ တယ်လို့ တောင်အာဖရိကအခြေစိုက် ကောက်ပဲသီးနံှအဖွဲ့မှ စီးပွားရေးပညာရှင် Barrett Schoemar က ပြောကြားပါတယ်။ ကမ္ဘာမှာ ဒုတိယပြောင်းအများဆုံးထုတ်လုပ်တဲ့ တရုတ်နိုင်ငံဟာ မြင့်တက်နေ တဲ့ပြည်တွင်းဝယ်လိုအား ကို ပြည့်မီ ဖို့ ၂ဝ၁၁-၁၂ ဈေးကွက်ရာသီအတွင်း ပြောင်းအဝါ တန် ၂ သန်းခန့် တင်သွင်းဖို့ လိုအပ်နိုင်တယ်လို့ Schoeman ကဆိုပါတယ်။ ဈေးကွက်သစ်များ ပိုမိုရရှိဖို့ တောင်သူတွေကို တွန်းအာပေးလျက်ရှိပါတယ်။ ယခင် နှစ်က တရုတ်၊ အီဂျစ်နဲ့ တူနီးရှားတို့ကို တင်ပို့ဖို့ကြိုးစားခဲ့တယ်လို့ တောင်အာဖရိက စိုက်ပိုျးရေးဝန်ကြီး Tina Joemat-Petterson ကဆိုပါတယ်။ ယခုရာသီမှာ တောင်အာဖရိက ပြောင်းအဖြူနဲ့အဝါ တန် ၂ သန်းခန့် တင်ပို့ နိုင်မယ်လို့ ဆိုပါတယ်။ ဧပြီလ ၂၉ ရက်နေ့အထိ လွန်ခဲ့တဲ့ရာသီအတွင်း တန်ချိန် ၂ ဒသမ ဝ၇ သန်းကျော် ရောင်းချခဲ့ပြီး၊ ဝယ်လက်များ ကတော့ ဂျပန်၊ စပိန်၊ အီတလီ၊တရုတ်(တိုင်ပေ)နဲ့ဆိုမာလီယာတို့ဖြစ်ပါတယ်။အဓိကထုတ်လုပ်တဲ့ ပြောင်းဖြူကို လူအများစားသုံးပြီး၊ ပြောင်းဝါတန်ချိန် ၁ ဒသမ ဝ၂ သန်းကို တင်ပို့ခဲ့တယ် လို့သိရပါတယ်။ တရုတ်နိုင်ငံအနေနဲ့ ထုတ်လုပ်မှုထက် ဝယ်လိုအားက မြန်ဆန်စွာတိုးတက်နေ တာကြောင့် ၅ နှစ်အတွင်း တရုတ်နိုင်ငံရဲ့ ပြောင်းတင်သွင်းမှုဟာ နှစ်စဉ်တန်ချိန် ၁ဝ သန်းကျော်ထိ ကြီးထွားနိုင်တယ်လို့ တောင်တရုတ်ကောက်ပဲ သီးနံှကုန် သွယ်ရေး စင်တာမှ သုတေသနပညာရှင် Zheng Wenhui က ပြောကြားပါတယ်။ သြဂုတ် ၁၉ ရက် ဂျိုဟန်နက်စ်ဘတ် ရဲ့ တောင်အာဖရိက ကြိုပွိုင့်ဈေးကွက်မှာ ဒီဇင်ဘာလ ပို့ရမယ့် ပြောင်းဖြူဈေးဟာ တစ်တန်ကို ကန်ဒေါ်လာ ၃ဝ၅ ဒသမ ၇၇ ရှိခဲ့လို့ ယခင်နှစ်ဈေးထက် နှစ်ဆကျော်မြင့်တက်ခဲ့တယ်လို့ သိရပါတယ်။ စက်တင်ဘာလ ပို့ရမယ့် ပြောင်းဝါဈေးကလည်း လွန်ခဲ့တဲ့ ၁၂ လထက် ၆၂ ရာခိုင်နှုန်းမြင့်တက်ပြီး တစ်တန်ကို ကန်ဒေါ်လာ ၃ဝ၁ ဈေးနဲ့ရောင်းချခဲ့တယ်လို့ သိရပါတယ်။ ယမင်းခင်၊Source: Bloomberg News
ထိုင်းရော်ဘာ အရောင်းကျခြင်းနှင့် စီးပွားရေးကျဆင်းခြင်းက ရော်ဘာဈေးကွက်အားဖိအားပေးနိုင် ဥရောပြွေကးမြီပြဿနာနဲ့ ရေနံစိမ်း ဈေးနှုန်းကျဆင်းခြင်းကြောင့် ကမ္ဘာ့အကြီးဆုံးရော်ဘာတင်ပို့သူ ဖြစ်တဲ့ ထိုင်းနိုင်ငံရဲ့ ရောင်းအားကျဆင်းမှာကိုစိုးရိမ်နေကြောင်းသိရပါတယ်။ ဇန်နဝါရီလအတွက် စာချုပ်ဈေးနှုန်းက သုည ဒသမ ၄ ရာခိုင်နှုန်း ကျဆင်းပြီး တစ်တန်ကို ၄၇ဝ၇ ဒေါ်လာ သာရှိကြောင်းသိရပါတယ်။ ရော်ဘာရဲ့ အခြေအနေ က ရေနံဈေးကျ တဲ့အတိုင်း ပြောင်းလဲနိုင်ကြောင်း ဖိလစ်ပိုင်ဒီအက်စ်ဖျူးချားကုမ္ပဏီရဲ့ သုတေသီက ပြောကြားခဲ့ ပါတယ်။ ဥရောပြွေကးမြီ အကျပ်အတည်းနဲ့ ကမ္ဘာ့စီးပွားရေးကျဆင်းခြင်းက ဆက်လက် စိုးရိမ်ဖွယ်ဖြစ်ပြီးရော်ဘာ ဈေးကွက်ကို ဖိအားပေးနိုင်ကြောင်း ဘန်ကောက်အခြေစိုက် ဒီအက်စ်ဖျူးချားကုမ္ပဏီရဲ့ သုတေသီက ပြောကြားခဲ့ပါတယ်။ ဇူလိုင်လမှာ ဂျပန်ရဲ့ ပို့ကုန်ကထင်ထား တာထက် ကျဆင်းခဲ့ပြီး ငွေကြေး အားကောင်းလာခြင်းက ပြည်ပရောင်းလိုအားအပေါ်ဖိအားရှိကြောင်း သိရပါတယ်။ ယခင်နှစ်ထက် ဇူလိုင်လမှာ ပို့ကုန် ၃ဒသမ ၃ ရာခိုင်နှုန်း ကျဆင်းခဲ့ကြောင်းသိရပါတယ်။ စီးပွားရေးပညာရှင်များရဲ့ ကွင်းဆင်းလေ့လာချက် အရ ဇွန်လ မှာ ပို့ကုန် ၁ ဒသမ ၆ ရာခိုင်နှုန်းကျဆင်းခဲ့ပြီးနောက် ၂ ဒသမ ၆ ရာခိုင်နှုန်းအထိဆက်လက် ကျဆင်းခဲ့ကြောင်း သိရပါတယ်။ ထိုင်းနိုင်ငံတောင်ပိုင်းမှာ မိုး ၆ဝ ရာခိုင်နှုန်းရွာသွန်းပြီး ရော်ဘာအစေးထွက် ထိခိုက်တာကြောင့် အရောင်း ကျနေ ကြောင်း ရော်ဘာသုတေသနဌာနရဲ့ ဝက်ဘ်ဆိုဒ်မှာဖော်ပြထားပါတယ်။ ထိုင်းတောင်ပိုင်း ကနေ ရော်ဘာ ရောင်းလိုအားရဲ့ ၈ဝ ရာခိုင်နှုန်း ကို ထုတ်လုပ်ကြောင်းသိရပါတယ်။ ရှန်ဟိုင်းကုန်စည်ဒိုင်မှာတော့ ဇန်နဝါရီလ အတွက် ဈေးနှုန်းက ၁ ရာခိုင်နှုန်းကျဆင်းပြီး တစ်တန်ကို ၅၂၈၃ ဒေါ်လာရှိကြောင်း သတင်းရရှိပါတယ်။ KZW,Source: bloombery.com
ကမ္ဘာ့ရော်ဘာစိမ်းဈေးနှုန်းများ သြဂုတ်လတွင်လည်း တစ်တန်လျင် ၅ဝဝဝ အောက် နှုန်းထားဖြင့်သာ ဆက်လက်အရောင်းအဝယ်ဖြစ်နေ ဇွန်လမှစပြီး တစ်တန်ကို ပျမ်းမျှကန်ဒေါ်လာ ၅ဝဝဝ အောက် ရောက်ရှိသွားတဲ့ ကမ္ဘာ့ရော်ဘာစိမ်း ဈေးနှုန်းတွေက သြဂုတ်လမှာလည်း တစ်တန်ကို ၅ဝဝဝ အောက် နှုန်းထားနဲ့ သာ ဆက်လက် အရောင်းအဝယ် ဖြစ်နေတယ်။ ကမ္ဘာ့ရေနံစိမ်းဈေးနှုန်းတွေ အားနည်းလာခြင်း ၊ ကမ္ဘာ့စီးပွားရေး အားနည်း လာခြင်းကြောင့် တာယာနဲ့ လက်အိတ်တွေ ထုတ်လုပ်ဖို့ လိုအပ်တဲ့ ရော်ဘာဝယ် လိုအား လျော့ကျမယ် ခန့်မှန်းခြင်း၊ ရော်ဘာဝယ်လိုအားအများဆုံး တရုတ်နိုင်ငံရဲ့ ၂ဝ၁၂ ခုနှစ်အတွက်ဖွံ့ဖြိုးတိုးတက်မှုနှုန်းကို ၉ ရာခိုင်နှုန်းမှ ၈ ဒသမ ၇ ရာခိုင်နှုန်းထိလျော့ချ ခန့်မှန်းကြခြင်း ၊ ယခုနှစ်မှာလည်း တရုတ် နိုင်ငံရဲ့ စီးပွားရေးကျယ်ပြန့်မှုမှာ ၈ ဒသမ ၉ ရာခိုင်နှုန်း သာရှိရာ ယခင်ခန့်မှန်းထားတဲ့နှုန်း ၉ ဒသမ ၁ ရာခိုင်နှုန်းထက် လျော့ကျသွားခြင်းတို့ကြောင့် ရော်ဘာဈေးနှုန်းတွေ အားနည်းနေခြင်းဖြစ်တယ်။ ဒါကြောင့် ယခင်အပတ် သြဂုတ်လ ၁၅ ရက်နေ့က တစ်တန်ကို ၄၆၆၅ ဒသမ ၅ဝ ဒေါ်လာရှိနေတဲ့ ထိုင်း RSS-5 က သြဂုတ်လ ၂၂ ရက်နေ့မှာ တစ်တန်ကို ၄၆ဝ၃ ဒသမ ၅ဝ ဒေါ်လာအထိ ၆၂ ဒေါ်လာ ဈေးကျလာတယ်။ သြဂုတ် လဆန်းပိုင်း ဈေးနှုန်းဖြစ်တဲ့ တစ်တန်ကို ၄၈၇၇ ဒသမ ၅ဝ ဒေါ်လာနဲ့ ယှဉ်ရင် ၂၇၄ ဒေါ်လာ ဈေးကျသွားတယ်။ လက်ရှိ ရော်ဘာဈေး ကျဆင်းနေသော်လည်း ထိုင်းနိုင်ငံတောင်ပိုင်း မိုးရွာသွန်းနေရာ ရော်ဘာစေးထုတ်လုပ်မှုကို လျော့ကျစေမှာဖြစ်ပြီး ဈေးနှုန်းကျဆင်းမှု အနည်းငယ်သာဖြစ်နိုင်ကြောင်း ခန့်မှန်းကြတယ်။ ပပ၊Source:bloomberg.com , rubberboard.org.in
အိန္ဒိယတောင်သူများပဲမျိုးစုံ နံှစားသီးနံှများအစား တွက်ခြေကိုက်တဲ့ ဝါ၊ ပဲပုပ်၊ ကြက်ဆူကြားသီးနံှများ ပြောင်းလဲစိုက်ပျိုးလာ ၂ဝ၁၁ ခုနှစ်မှာ အိန္ဒိယတောင်သူတွေဟာ ပဲ၊ နံှစားသီးနံှများလျော့စိုက်ခဲ့ပြီး စီးပွားဖြစ်တွက်ခြေကိုက်တဲ့ ဝါ၊ ပဲပုပ်၊ ကြက်ဆူကြားစတဲ့ သီးနံှတွေကို ပိုစိုက်ပျိုး လာကြပါတယ်။ တစ်နိုင်ငံလုံးခြုံကြည့်ရင် ပဲမျိုးစုံနဲ့ နံှစားသီးနံှ စိုက်ဧရိယာတွေ ကျဆင်းနေပြီး ဒီနှစ်မုတ်သုံမိုး ကောင်းကောင်းရခဲ့တဲ့ အနောက်ဘန်ဂေါ၊ ဘီဟာနဲ့ ဂျဟာခန်း ပြည်နယ်တွေမှာပါ စပါးစိုက်ဧရိယာတွေ ကျဆင်းခဲ့တာကို တွေ့ရပါတယ်။ ၂ဝ၁၁ ခုနှစ် သြဂုတ် ၁၉ ရက် ရရှိတဲ့သတင်းအရ မိုးပဲစိုက်ပျိုးမှု အခြေ အနေနဲ့ ပြည်နယ်အလိုက်သီးနံှပြောင်းလဲစိုက်ပျိုးမှု အခြေအနေတွေကို ဖော်ပြ လိုက်ပါတယ် -