Background
ယခုတစ်ပတ် ပြည်ပဲဈေးကွက်အတွင်း ပဲတီစိမ်းအဟောင်းလက်ကျန်များ ဆက် လက် အရောင်းအဝယ်ဖြစ်နေခဲ့ ပါတယ်။ ဈေးနှုန်းကတော့ ယခင်အပတ်အတိုင်း တစ်တင်း ၁၅၅၀ဝ ကျပ်နဲ့သာ ဈေးငြိမ်လျက်ရှိ ပါတယ်။ ရန်ကုန်ဝယ်လက် အဝယ် ရှိပြီး၊ တစ်ခါတစ်ရံမှာ အိတ် ၄၀ဝ ကျော်ထိ အဝယ်လိုက်ကာ ဒေသတွင်း ဝယ်လက် သမားများ အဝယ်အေးနေခဲ့ပါတယ်။ ယခင်နှစ်က ဇွန်လကုန်တွင် ပဲသစ်များ စတင်ဝင်ရောက်ခဲ့ပြီး၊ အဖွင့်ဈေးမှာ တစ်တင်း ၁၅၀ဝ၀ ကျပ်နဲ့ ဈေးဖွင့်ဝယ်ယူခဲ့ ကြတာကို တွေ့ရပါတယ်။ခင်ဆွေဝင်း
ဇွန် ၆ ရက်မှ ၁၂ ရက်ထိကာလအတွင်းမှာ မူဆယ် ၁၀၅ မိုင်နယ်စပ်ကုန်သွယ် ရေးစခန်းမှ ကန်ဒေါ်လာ ၂ ဒသမ ၃၆၉ သန်းတန်ဖိုးရှိ ပဲတီစိမ်း တန် ၃၅၃၀ ခန့် တင်ပို့ခဲ့ပါတယ်။ ယခင်အပတ်ကထက် တန် ၄၀ဝ ကျော် အပို့ ပိုပါတယ်။ ယခု အပတ်မှာ တစ်ဘက်နိုင်ငံမြေပြင်ဈေး ပြောင်းလဲမှုမရှိသော်လည်း မိမိဘက် မြေပြင် ဈေးကျလျက်ရှိပါတယ်-
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်မှာ ပဲတီစိမ်းကို အရောင်း အဝယ်ပါးနေတာတွေ့ရပါတယ်။ ယခင်လပိုင်းက တရုတ်ဘက်က ဆွဲအားကောင်း ခဲ့လို့ အရောင်းအဝယ်များခဲ့ပေမဲ့ ယခုတစ်ပတ်မှာတော့ တရုတ် ဝယ်လက်မရှိသလို အိန္ဒိယဘက်ကလည်း အနည်းအကျဉ်းသာ အဝယ်ရှိတယ်လို့ သိရပါတယ်။ အရည် အသွေးကောင်းတဲ့ ပဲတီရွှေဝါများသာ အဝယ်ရှိလို့ ယခုတစ်ပတ် (ဇွန်လ ၈-၁၄ ရက်) အတွင်း တန် ၁၅၀ဝ ခန့်သာ အရောင်းအဝယ်ဖြစ်ကြောင်း သိရပါတယ်။
ပင်လယ်ရေကြောင်းက ပဲတီစိမ်းတင်ပို့မှုမှာ ယခင်သီတင်းပတ်တွေထက် လျော့ နည်းလာနေပါတယ်။ ယခင်တစ်ပတ်က တန်ချိန် ၈၀ဝ၀ ကျော်တင်ပို့မှုရှိခဲ့ရာမှ ယခုတစ်ပတ် (ဇွန် ၄-၈ ရက်) အတွင်းမှာ တန်ချိန် ၅၇၀ဝ ခန့်သာတင်ပို့နိုင်ခဲ့တာ တွေ့ရပါတယ်။ အိန္ဒိယ၊ ဗီယက်နမ်၊ စင်ကာပူစတဲ့ နိုင်ငံတွေကို ပမာဏအနည်း ငယ်စီတင်ပို့တာဖြစ်ပါတယ်။
ပြည်ပဲဈေးကွက်မှာ ပဲလွန်းဖြူ လက်ကျန် နည်းနေပြီး၊ ပဲဈေးမှာ ယခင် တစ်ပတ်က တစ်တင်း ၁၆၅၀ဝ ကျပ်မှ ယခု တစ်ပတ် ၁၆၀ဝ၀ ကျပ်ထိ ဈေး လျှော့လာခဲ့တာကို တွေ့ရပါတယ်။ ပဲလွန်းဖြူ လက်လီသမားသာ နေ့တိုင်း အဝယ်ရှိပြီး၊ တစ်နေ့ ၁၄-၁၅ အိတ်ခန့် သာ အရောင်းအဝယ်ဖြစ်တယ်လို့ သိရပါတယ်။မိမိအေး
ဈေးကွက်တွေမှာ လက်ကျန်နည်း လာပြီဖြစ်တဲ့ ပဲလွန်းဖြူဟာ ယခု တစ် ပတ်မှာ တင်ပို့မှုရော၊ ရောင်းဝယ်မှုပါ လျော့ကျလာပါတယ်။ ယခင်တစ်ပတ် က ပင်လယ်ရေကြောင်းက ပဲလွန်းဖြူ တန်ချိန် ၁၆၀ဝ ခန့်ထိ တင်ပို့ခဲ့ပြီး ယခုတစ်ပတ် (ဇွန်လ ၄-၈) အတွင်းမှာ တန်ချိန် ၇၀ဝ သာ တင်ပို့နိုင်တာ တွေ့ရ ပါတယ်။ ၂၀၁၂-၁၃ ဘဏ္ဍာနှစ် ဇွန် ၈ ရက်အထိ စုစုပေါင်း ပဲလွန်းဖြူ တင်ပို့ မှုမှာ တန်ချိန် ၁၂၀ဝ၀ ကျော်ရှိပြီး ကန် ဒေါ်လာ ၉ သန်း နီးပါးရရှိထားရာ ယခင်နှစ် ကာလတူ တင်ပို့မှု တန်ချိန် ၉၀ဝ၀ ကျော်မှ ရရှိတဲ့ ဝင်ငွေကန်ဒေါ် လာ ၈ သန်းကျော်ထက် ပမာဏရော ဝင်ငွေပါ ပိုမိုတာ တွေ့ရပါတယ်။
ပြည်ဈေးကွက်ရှိ ပဲစင်းငုံဈေးမှာ ပိဿာ ၂၀ တစ်တင်းကို ၁၄၄၀ဝ ကျပ်ဈေး ရှိပါတယ်။ ယခုဇွန်လလယ်မှာ တော့ မကွေးတိုင်းဒေသကြီး အောင်လံမြို့နယ်မှ ပဲစင်းငုံအဝင်ရှိနေကြောင်း သိရပါတယ်။ တခြားတိုင်းမှ အဝင်ရှိနေသော်လည်း ရန်ကုန်ဝယ်လက်များ နေ့တိုင်းအဝယ်မရှိကြောင်းကိုလည်း သိရပါတယ်။ အဝယ် လိုက်တဲ့ရက်များမှာတော့ တစ်ရက်ကို အိတ် ၄၀ဝ မှ ၅၀ဝ ထိ အဝယ်ရှိနေပါတယ်။ ပဲခူးတိုင်းဒေသကြီး ပြည်မြို့နယ်မှာ မိုးသီးနှံဖြစ်တဲ့ ပဲစင်းငုံစိုက်ပျိုးဖို့အတွက် တချို့ မှာ မြေပြင်နေသလို တချို့မှာလည်း စတင်စိုက်ပျိုးနေပြီဖြစ်ကြောင်း သိရပါတယ်။ ဆုမွန်ဆွေ
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ပဲစင်းငုံက အရောင်းအဝယ်အသွက်ဆုံးပဲ ဖြစ်နေပါတယ်။ ယခင်တစ်ပတ်က တန်ချိန် ၁၂၀၀၀ နီးပါးအရောင်းအဝယ်ဖြစ်ခဲ့ပြီး ယခုတစ်ပတ် (ဇွန်လ ၈-၁၄ ရက်) အတွင်းမှာတော့ တန်ချိန် ၂၇၅၀၀ ကျော်အထိအရောင်းအဝယ်စာချုပ်ခဲ့ကြောင်းသိရပါတယ်။
ပင်လယ်ရေကြောင်းက ပဲမျိုးစုံတင်ပို့မှုမှာ ယခုလအတွင်း ပဲစင်းငုံတင်ပို့မှုပိုမို နေရာယူလာတာ တွေ့ရပါတယ်။ ယခုတစ်ပတ် (ဇွန်လ ၄-၈) အတွင်း ပဲစင်းငုံ တန်ချိန် ၁၂၀၀၀ ခန့်တင်ပို့နိုင်ခဲ့ပြီး ယခင်သီတင်းပတ်များမှာ တန် တစ်သောင်း အောက်သာ တင်ပို့နိုင်ခဲ့တာ တွေ့ရပါတယ်။ အိန္ဒိယဝယ်လက်တွေ အဝယ်ပြန်စိပ် လာခဲ့တဲ့အတွက် တင်ပို့မှု ပိုမိုလာသလို လက်ရှိအလားအလာအရ လာမယ့်သီတင်း ပတ်တွေမှာလည်း ပိုမိုတင်ပို့နိုင်မယ်လို့ ခန့်မှန်းရပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ မတ်ပဲ ရောင်းဝယ်မှုက ယခင်သီတင်းပတ်တွေလိုပဲ ပုံမှန်ရှိနေပါတယ်။ ဇွန် ၈ ရက်မှ ၁၄ ရက်အထိ တစ်ပတ်အတွင်း တန်ချိန် ၁၅၀၀၀ အရောင်းအဝယ်ဖြစ်ခဲ့တဲ့အနက် မတ်ပဲ FAQ သာ အများဆုံးအရောင်းအဝယ်ဖြစ်တာတွေ့ရပါတယ်။