Background
မေ ၆ ရက်မှ ၁၂ ရက် တာကာလအတွင်း မန်ကျည်း ၁၀၇၈ တန်ကို ပင်လယ်ရေကြောင်းလမ်းမှ ပြည်ပနိုင်ငံများသို့ တင်ပို့ခဲ့ပါတယ်။ ဒီတစ်ပတ်မှာ တင်ပို့ နိုင်ခဲ့တဲ့ နိုင်ငံနဲ့ တန်ချိန်တွေက အိန္ဒိယနိုင်ငံကို တန် ၂၀၀၊ အင်ဒိုနီးရှားနိုင်ငံကို ၃၄၉ တန်၊ မလေးရှားနိုင်ငံကို ၁၇၁ တန်နဲ့ စင်ကာပူနိုင်ငံကို ၃၅၈ တန်အသီးသီး တင်ပို့ခဲ့ပါတယ်။ ယခင်တစ်ပတ်မန်ကျည်းတင်ပို့မှုက တန်ချိန် ငါးရာကျော်ရှိခဲ့ ပါတယ်။ ယခင် FOB ဈေးတစ်တန်ကို ကန်ဒေါ်လာ ၄၆၀ ကျော်ရရှိခဲ့တဲ့ မန်ကျည်း ကဒီတစ်ပတ်မှာ ကန်ဒေါ်လာ ၄၉၀ ကျော်ရရှိခဲ့ပါတယ်။ MIRT (DOT)
အောင်ပန်းဈေးကွက်မှာတော့ ချင်း (စို) က အဝင်များနေပါတယ်။ တီကျစ်၊ နောင်တရားစတဲ့နယ်တွေက ချင်းတွေအဝင်များ လာပြီး၊ တစ်ရက်ပိဿာချိန် ၁၀၀၀၊ ၂၀၀၀ ခန့် ဝင်ရောက်မှုရှိတယ်လို့သိရပါတယ်။ ဒီတစ်လမှာ ချင်းထိုးသမားေ တွက လည်း အော်ဒါနည်းတာကြောင့် ယခင်လလောက်တောင် အရောင်းမသွက်ဘဲ၊ ခပ်အေးအေးသာ ရောင်းနေရတယ် လို့လည်း ဆိုပါတယ်။
ယခုတစ်ပတ် ပြည်ချင်းဈေးကွက်မှာ အရောင်းအဝယ်အေးနေပြီး၊ အဝင်မှာ အောင်ပန်းဖက်မှ ပိဿာ ၃၀ ဝင်အိတ် ၂၀၀ ခန့် ပုံမှန်ဝင်ရောက်မှုရှိနေပါတယ်။ ဈေးနှုန်းမှာ တစ်ပိဿာကို ချင်း(ရှယ်) ၇၀၀ ကျပ်၊ ဂျွန် ၅၅၀ ကျပ်နဲ့ ပုံမှန်ဈေးရှိပြီး၊ ဈေးကွက်အတွင်း ပိဿာချိန် ၂၀၀ ခန့် အရောင်းအဝယ်ရှိနေပါတယ်။ ဈေးကွက်က တစ်ဆင့် ဧရာဝတီတိုင်းဒေသကြီး၊ ရခိုင်ပြည်နယ်တို့ကို စားသုံးမှုအဖြစ်ပိဿာချိန် ၁၈၀ ခန့်တင်ပို့မှုရှိတယ်လို့ သိရပါတယ်။ဝင်းဝင်းခိုင်
မုံရွာကုန်စည်ဒိုင် မေလလယ်ကုလားပဲဈေးကွက်မှာ ပစ္စည်းလက်ကျန်လျော့ နည်းလာတဲ့အတွက် ရောင်းလိုအားနည်းနေကာ ဝယ်လိုအားကတော့ ဆက်လက် ကောင်းမွန်နေဆဲဖြစ်လို့ ဈေးမာနေတယ်လို့ သိရပါတယ်။ ယခုတစ်ပတ်အတွင်း ဖြစ်ပေါ်ခဲ့တဲ့ ကုလားပဲမျိုးစုံ တစ်တင်းပေါက်ဈေး အနိမ့်အမြင့်နဲ့ အရောင်းအဝယ် ဖြစ်မှုအခြေအနေကို လေ့လာကြည့်တဲ့အခါ V2 အနေနဲ့ အမြင့်ဆုံး ၁၉၅၀၀ ကျပ်ထိ ပေါက်ခဲ့ပြီး၊ အနိမ့်ဆုံး ၁၉၂၀၀ ကျပ်သာ ဖြစ်ခဲ့ကာ ရန်ကုန်ဝယ်လက်တွေ တစ်လ နီးပါးနေ့စဉ် ပုံမှန်အဝယ်ရှိတဲ့အတွက် တစ်ရက်အိတ် ၁၅၀၀ ဝန်းကျင်အရောင်း အဝယ်ဖြစ်ခဲ့တယ်လို့ သိရပါတယ်။
ပင်လယ်ရေကြောင်းက ကုလားပဲရိုးရိုး၊ ကုလားပဲဖြူလုံးကြီး ပြည်ပတင်ပို့မှုမှာ ယခင်တစ်ပတ်ထက်သိသိသာသာပိုလာ ခဲ့ပါတယ်။ယခင်တစ်ပတ်က တန်ချိန် ၂၄၀၀ ကျော်သာရှိရာမှ ယခုတစ်ပတ်မှာ တန်ချိန် ၆၅၀၀ ကျော်အထိ တင်ပို့နိုင်ခဲ့ကြောင်း သိရပါတယ်။
ယခုဘဏ္ဍာနှစ်ဧပြီလမှာ ကန်ဒေါ်လာ သုညဒသမ ၈၇၈ သန်းတန်ဖိုးရှိ ပဲတီစိမ်း ၁၁၆၅ တန်ကျော် တင်ပို့နိုင်ခဲ့ရာ အနီးစပ်ဆုံး ကာလထက် တန် ၁၂၀ ကျော် အပို့ပိုခဲ့ပါတယ်။ တစ်ဖက်နိုင်ငံမှာ ပဲတီစိမ်းဝယ်လိုအား ကောင်းမွန်လျက်ရှိပြီး တစ်တန်ကို ယွမ် ၅၀၀၀ မှ ၅၅၀၀ ထိ ဈေးပေါက်နေတယ်လို့ သိရပါတယ်။
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်မှာ အခြားပဲများ ရောင်းဝယ်မှုအားလျော့ကျပေမဲ့ ပဲတီစိမ်း၊ ပဲတီရွှေဝါ ကတော့ ယခင်တစ်ပတ် ပမာဏလိုဘဲ အရောင်းအဝယ်ဖြစ်တာတွေ့ရပါတယ်။ မေလ ၁၂ ရက်မှ ၁၇ ရက်အတွင်း ပဲတီစိမ်း၊ ပဲတီရွှေဝါ စုစုပေါင်း တန်ချိန် ၉၅၀၀ ခန့်အရောင်းအဝယ်ဖြစ်ခဲ့တယ်လို့ သိရပါတယ်။
ယခုတစ်ပတ်မှာ ပြည်ပဲလွန်းဖြူ ဈေးကွက်ကို ပဲအဝင် နည်းလာခဲ့ပြီး၊ ပဲတစ်တင်းကို ၁၂၀၀၀ ကျပ်ရှိတယ်လို့ သိရပါတယ်။ ယခင်အပတ်များက ပဲတစ်တင်းကို ၁၂၅၀၀ ကျပ်နဲ့ ဈေးငြိမ် နေခဲ့ရာမှ ယခုတစ်ပတ်မှာတော့ ဈေး လျော့ လာခဲ့ပါတယ်။ ရန်ကုန်ဝယ် လက်နည်းပြီး၊ လက်လီသမားများသာ အဝယ်ရှိတယ်လို့ သိရပါတယ်။ တစ်နေ့ ၁၀- ၁၅ အိတ်ခန့် အရောင်းအဝယ် ဖြစ်တယ်လို့ သိရပါတယ်။မိမိအေး
ဈေးကွက်တွေမှာ ပဲလွန်းဖြူ အရောင်းအဝယ် လျော့ပေမဲ့ ပင်လယ် ရေကြောင်းတင်ပို့မှုက ယခုတစ်ပတ် လည်း ပုံမှန်ရှိနေပါတယ်။ မေလ ၇ ရက်မှ ၁၁ ရက်အထိ တစ်ပတ်အတွင်း ဗီယက်နမ်၊ ထိုင်း၊ စင်ကာပူ၊ မလေးရှား၊ ကိုရီးယား၊ အိန္ဒိယနဲ့ ပြင်သစ်ကို တန် ၁၃၀၀ ခန့် တင်ပို့ခဲ့ပါတယ်။
မုံရွာကုန်စည်ဒိုင် မေလ လဝက်ပဲဈေးကွက်မှာ ပဲစင်းငုံနီဟာ တစ်တင်း ၁၃၅၀၀ ကျပ်နဲ့ ၁၃၇၀၀ ကျပ်ကြား ဈေးငြိမ်ခဲ့ပြီး၊ ရန်ကုန်ဝယ်လက်အနည်းငယ်သာရှိလို့ ဈေးကွက်ဆက်လက်ရှင်သန်လျက်ရှိပါတယ်။