Background
တရုတ်ပြည်မှာ နှစ်သစ်ကူးပွဲတော်ချိန် ရောက်ပြီဖြစ်လို့ ၂၀၁၄ ခုနှစ် ဇန်နဝါရီ လနောက်ဆုံးပတ်မှာတော့ ကန်ဒေါ်လာ ၆ ဒသမ ၉၂၂ သန်းတန်ဖိုးရှိတဲ့ ပြောင်း တန်ချိန် ၂၄၁၂၄ တန်သာတင်ပို့နိုင်ခဲ့ပါတယ်။ ယခင်အပတ်က မူဆယ် ၊ လွယ်ဂျယ်၊ ချင်းရွှေဟော်နဲ့ ကန်ပိုက်တီးစခန်းစုံကပြောင်းဖူးစေ့ ၂၆၀၈၇ တန်ခွဲတင်ပို့ခဲ့လို့ ယခု အပတ်ပြောင်းတင်ပို့မှု ၁၉၆၃ တန်ခွဲလျော့နည်းသွားခဲ့တာတွေ့ရပါတယ်။ ယခု အပတ် စခန်းအလိုက်တင်ပို့ခဲ့တဲ့ ပြောင်းတန်ချိန်တွေကတော့ မူဆယ်မှ ၁၆၇၆၆ တန်နဲ့ချင်းရွှေဟော်မှ ၇၃၅၈ တန်ဖြစ်ပါတယ်။၂၀၁၄ခုနှစ် ဇန်နဝါရီလမှာ စခန်းစုံမှပြောင်းတန်ချိန် ၁ သိန်း ၂ သောင်းနီးပါးတင်ပို့နိုင်ခဲ့တယ်လို့သိရပါတယ်။ မူဆယ် ကုန်စည်ဒိုင်မှာလည်း ယခင်အပတ်က ပြောင်းတစ်တန် ၂၈၉၈၈၇ ကျပ်ရှိရာ မှ ယခုအပတ်မှတော့ ၂၈၈၄၈၆ ကျပ်သို့ဈေးအနည်းငယ်ကျဆင်းသွားခဲ့ပါတယ်။ နှစ်ကူးကာလဖြစ်တာမို့ ဝယ်လိုအားသိသိသာသာ အေးသွားတာကြောင့် အထွက် နှုန်းများစွာရရှိထားပေမဲ့ တောင်သူတွေ အဝယ်မလိုက်ဖြစ်နေကာ ပြောင်းများကို မိမိတို့ လယ်ယာမြေ၊ အိမ်များတွင် (စပါးကျီများကဲ့သို့) ပြောင်းဖူးကျီများ ပြုလုပ် သိုလှောင်ထားနေရကြောင်း လင်းခေးမှ အစေ့ထုတ်ပြောင်းတောင်သူအများစုက ပြောပါတယ်။မော်မော်အောင်၊MIRT (DCCA)
ယခုတစ်ပတ် ပြည်ချင်းဈေးကွက် ချင်းဈေးမှာ တစ်ပိဿာကို (ရှယ်) ၁၅၀၀ ကျပ်၊ (ဂျွန်) ၁၂၀၀ ကျပ်တို့နဲ့ အသီးသီး ရောင်းဝယ်လျက်ရှိပြီး၊ ယခင်နှစ်ကာလတူ အချိန်နဲ့ နှိုင်းယှဉ်ပါက ဈေးကောင်းရလျက်ရှိနေပါတယ်။ ယခုတစ်ပတ် တောင်ကြီး၊ အောင်ပန်းဘက်မှချင်းများ ပိဿာချိန် ၃၀ ဝင် အိတ် ၁၅၀ ခန့် ပုံမှန်အဝင်ရှိနေပါ တယ်။ ပြည်ချင်းပွဲရုံများမှတစ်ဆင့် ဧရာဝတီတိုင်းဒေသကြီး၊ ရခိုင်ပြည်နယ်ဘက်ကို စားသုံးမှုအဖြစ် တစ်နေ့ကို ပိဿာချိန် ၃၀၀ ခန့် အရောင်းအဝယ် ဖြစ်ပြီး၊ ယခင် ကာလများထက် အရောင်းအဝယ်ပါးကြောင်း သိရပါတယ်။ဝင်းဝင်းခိုင် - ပြည်
သီတင်းတစ်ပတ်ဖြစ်တဲ့ ဇန်နဝါရီလ ၁၂ ရက်မှ ၁၈ ရက်နေ့တာကာလအတွင်း မန်ကျည်း ၄၈ ဒသမ ၇ တန်ကို ပင်လယ်ရေကြောင်းကုန်သွယ်မှုလမ်းမှ တင်ပို့ခဲ့ပါ တယ်။ တင်ပို့ခဲ့တဲ့နိုင်ငံမှာ စင်ကာပူနိုင်ငံဖြစ်ပါတယ်။ ဒီဇင်ဘာတတိယပတ်မှစပြီး တင်ပို့မှုပျောက်ခဲ့တဲ့မန်ကျည်းမှာ ဒီတစ်ပတ်မှ ပြန်လည်တင်ပို့နိုင်ခဲ့ခြင်းဖြစ်ပါတယ်။ မန်ကျည်းတင်ပို့မှုမှ ကန်ဒေါ်လာ တစ်သောင်းသုံးထောင်ကျော်ဝင်ငွေရရှိခဲ့တယ်လို့ သိရပါတယ်။ MIRT (DOT)
ဇန်နဝါရီ တတိယပတ်အတွင်း ပြည် ပဲဈေးကွက်မှာ မတ်ပဲသစ်များ ဝင် ရောက်မှုများခဲ့တဲ့အတွက် တစ်ရက် အိတ် ၁၅၀ ကျော်ထိ ဝင်ရောက်ခဲ့ပါ တယ်။ ပန်းတောင်းမြို့နယ် အပြင် ကံမမြို့နယ်ဖက်မှလည်း ဝင်ရောက် လာခြင်းဖြစ်ပါတယ်။ ပဲဝင်ရောက်မှုများ လာလို့ ဈေးနှုန်းမှာလည်း ဈေးမြင့်တက် လာခြင်း မရှိဘဲ ယခင်တစ်ပတ်နဲ့ သိပ် ကွာခြားမှု မရှိတဲ့အတွက် တစ်တင်း ၁၈၉၀၀ ကျပ်၊ ၁၉၀၀၀ ကျပ်ဖြင့် ရန်ကုန်ဝယ်လက်မှ ဝယ်ယူနေကြသလို ပဲဟောင်းကိုလည်း တစ်တင်း ၁၈၂၀၀ ကျပ်ဖြင့် ဝယ်ယူခဲ့ကြပါတယ်။ တစ်ရက် ကို အဟောင်းအသစ် ၂ မျိုးပေါင်း အိတ် ၁၅၀ ကျော် အရောင်းအဝယ်ဖြစ် ခဲ့ ကြပါတယ်။ ခင်ဆွေဝင်း-ပြည်
ကုန်ကြမ်းပေါ်စက သကြားဈေး ထိုးကျသွားသော်လည်း ယခုတစ်ပတ်မှာ စက်ပိုင်များမှ ကုန်ကြမ်းဈေး ပေးဝယ်နေခြင်း ကြောင့် သကြားဈေးထပ်ပြီး၊ မကျဆင်းဘဲ ဈေးပြန်လိုက်လာ ကြောင်း သိရပါတယ်။
မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်နဲ့ကန်ပိုက်တီးစခန်းများမှ ၂၀၁၃ ခုနှစ် ဒီဇင်ဘာလ နောက်ဆုံးပတ်မှာ ကန်ဒေါ်လာ ၁၁ ဒသမ ၂၆၂ သန်းတန်ဖိုး ရှိတဲ့ ပြောင်းဖူးစေ့တန်ချိန် ၃၉၂၇၄ တန်တင်ပို့ခဲ့ပါတယ်။ စခန်းအလိုက်တင်ပို့ခဲ့တဲ့ တန်ချိန်တွေကတော့ မူဆယ်မှ ၂၆၄၈၉ တန်ကျော်၊ ချင်းရွှေဟော်မှ ၁၂၇၇၃ တန်နဲ့ ကန်ပိုက်တီးမှ ၁၂ တန်အသီးသီးဖြစ်ပါတယ်။
သီတင်းတစ်ပတ်ဖြစ်တဲ့ ဒီဇင်ဘာ ၂၁ ရက်မှ ၂၈ ရက်နေ့တာကာလအတွင်း ပင်လယ်ရေကြောင်းကုန်သွယ်မှုလမ်းမှ ချင်း ၄၃၄ ဒသမ ၈၀ တန်ကိုတင်ပို့ခဲ့တယ် လို့ သိရပါတယ်။ ဒီတစ်ပတ်မှာ အိန္ဒိယနိုင်ငံကို ၁၂၉ ဒသမ ၆ တန်၊ အာရပ်စော် ဘွားများပြည်ထောင်စုနိုင်ငံကို ၁၀၅ ဒသမ ၆ တန်နဲ့ ပါကစ္စတန်နိုင်ငံကို ၁၉၉ ဒသမ ၆ တန်အသီးသီးတင်ပို့ခဲ့တယ်လို့ ဒီတစ်ပတ်မှာ ပါကစ္စတန်နိုင်ငံကို အများ ဆုံးတင်ပို့နိုင်ခဲ့ပါတယ်။ ယခင်သီတင်းပတ်မှာ တန်ချိန် တစ်ရာကျော်သာတင်ပို့နိုင် ခဲ့တာကြောင့် ဒီတစ်ပတ်မှာ တန်ချိန် သုံးရာကျော်ပိုမိုတင်ပို့နိုင်ခဲ့ပါတယ်။ ယခင် တစ်ပတ်ထက် ဒီတစ်ပတ်မှာ ချင်းတင်ပို့မှုအားကောင်းခဲ့ပါတယ်။ ချင်းတင်ပို့မှုမှ ကန်ဒေါ်လာ နှစ်သိန်းလေးသောင်းလေးထောင်ကျော် ဝင်ငွေရရှိခဲ့တယ်လို့ သိရပါ တယ်။ MIRT (DOT)
၂၀၁၃ ခုနှစ် ဒီဇင်ဘာလအတွင်း မြန်မာနိုင်ငံမှ တရုတ်နိုင်ငံသို့ တင်ပို့ခဲ့တဲ့ ပို့ကုန် ကုန်စည်တွေကတော့ ပြောင်းဖူးစေ့ ၃၉၇၇စီး ၁၂၈၀၂၈ တန်ကျော်၊နှမ်းဖြူ ၁၀၁ စီး ၂၇၇၃ တန်ကျော်၊ နှမ်းညို ၁၂၄ စီး ၃၃၁၁ တန်၊ နှမ်းနက် အစီး (၁၄၀) ၃၆၃၉ တန်ခွဲ၊ ရော်ဘာ ၃၃၇ စီး ၇၆၅၀ တန်၊ ပဲတီစိမ်း ၁၅၅ စီး ၄၁၃၃ တန်၊ ပဲလွန်းဖြူ ၂၂ စီး ၃၇၇ တန်ကျော်၊ ပဲကြီး ၆ စီး ၁၀၁ တန်ကျော်၊ မြေပဲဆန် ၅၈ စီး ၁၁၇၀ တန်၊ ဆန်ကွဲ ၃၃၂ စီး ၇၈၅၀ တန်ခွဲ၊
မုံရွာကုန်စည်ဒိုင် ၂၀၁၄ ခုနှစ်၊ ဇန် နဝါရီလ ပထမပတ် နှစ်ဆန်းပဲ ဈေး ကွက်မှာတရုတ် Export အတွက် ပဲတီ စိမ်း အဝယ်သွက်ခဲ့တယ်လို့ သိရပါ တယ်။ ချောင်းဦး၊ ကနီ၊ ယင်းမာပင်၊ ဘုတလင်၊ မြောင်နဲ့၊ ဂန့်ဂေါနယ်တွေက ပါ ပဲအဝင်စုံခဲ့ကာ စိမ်းကြီးတစ်နေ့ အိတ် ၃၀၀ ကျော်နဲ့ စိမ်းသေးတစ်ရက် အိတ် ၁၀၀၀ ခန့် အရောင်းအဝယ်ဖြစ် လျက် ရှိတယ်လို့ ဒိုင်ရပ်ကွက်ကဆိုပါ တယ်။ ယခုတစ်ပတ်အတွင်း စိမ်းကြီး တစ်တင်း ၂၉၂၀၀ ကျပ်နဲ့ စိမ်းသေး တစ်တင်း၂၆၅၀၀ကျပ်အသီးသီး အမြင့် ဆုံးပေါက်ဈေးဖြစ်ခဲ့တာ တွေ့ရပါတယ်။
တရုတ်နိုင်ငံက အဝယ်များတာ ကြောင့် ပဲခူးတိုင်းဒေသကြီး တောင်ငူ ခရိုင်အတွင်းရှိ မြို့နယ်များမှထွက်ရှိတဲ့ ပဲတီစိမ်းဈေးတွေမြင့်တက်လာခဲ့တယ် လို့ တောင်ငူမြို့ခံ ပဲကုန်သည်ကြီးများ ထံမှသိရပါတယ်။