ခရမ်း ပဲတီရွှေဝါ အဝင်လှိုင်နေသလို ဈေးကောင်းရနေ                ရန်ကုန်တိုင်းဒေသကြီးတောင်ပိုင်းခရိုင်၊ သန်လျင်၊ ကျောက်တန်း၊ သုံးခွ၊ ခရမ်းမြို့နယ်များတွင် ၂ဝ၁ဝ-၂ဝ၁၁ ခုနှစ် ဆောင်းပဲတီရွှေဝါများ ဖေဖော်ဝါရီလဆန်းမှစလို့ မြို့ပေါ်ပဲဈေးကွက်များကို စတင်ဝင်ရောက်ခဲ့ပြီး ပိဿာ ၂ဝ တစ်တင်းကို ၃၉ဝဝဝ ကျပ်နဲ့ ဈေးဖွင့်ခဲ့တယ်လို့ သိရပါတယ်။                 ဖေဖော်ဝါရီလ ပထမပတ်အတွင်းမှာ ပဲတီ ရွှေဝါဈေး ပြန်အေးခဲ့လို့ ပိဿာ ၂ဝ တစ်တင်းကို ၃၆ဝဝဝ ကျပ်ထိပြန်ဆင်းခဲ့ပါသေးတယ်။ မြို့ပေါ်ပဲဈေးကွက်ကို ကိုျက်ခေါက်ဘုရားပွဲအမီ အလုံးအရင်းနဲ့ ပဲတီရွှေဝါများ ဝင်ရောက် လာလို့ ပဲတီရွှေဝါဈေး ထပ်ဆင်းမယ်ထင်ခဲ့ပေမဲ့ တရုတ်ဝယ် လက်တွေနဲ့ အခြား အိတ်စပိုတာတွေ အဆွဲများလို့ ပဲတီရွှေဝါ ဈေးဟာ ဖေဖော်ဝါရီ ဒုတိယပတ်မှာ တစ်ရိပ်ရိပ်ပြန်တက်ခဲ့ပြီး ပိဿာ ၂ဝ တစ်တင်း ၄၁ဝဝဝ ကျပ်ထိ ဖြစ်ခဲ့ပါတယ်။ ဒီနှစ်  မှာ ပဲတီရွှေဝါတစ်ဧက ကုန်ကျစရိတ်မှာ ၁ သိန်းခွဲဝန်းကျင် လောက်သာ ကုန်ကျခဲ့ပြီး မနှစ်ကထက် အနည်းငယ်သာ ပိုခဲ့ပါတယ်။ အကျိုးအမြတ်က ဒီနှစ်အထွက်နှုန်းလည်း ပို၊ ပဲဈေးလဲရလို့ တစ်ဧက ၅ သိန်းကျော်လောက်ရရှိခဲ့ပါတယ်လို့ ပဲစိုက်တောင်သူ တချို့ထံမှ သိရပါတယ်။ ဝယ်လက်စုံတဲ့ ခရမ်း၊ သုံးခွမြို့နယ်တွေမှာ ယခုရက်ပိုင်း တစ်မြို့နယ်မှာ နေ့စဉ် ပဲပိဿာ ၃ဝ ဝင် တစ် တင်းခွဲအိတ် ၅ဝဝဝ အိတ်ဝန်းကျင် အရောင်းအဝယ်ဖြစ်နေ ပါတယ်။ ရွှေပြည်သာ၊ လှိုင်သာယာ၊ ရွှေလင်ပန်း၊ ဘုရင့်နောင်၊ မန္တလေးမြို့များသို့ တင်ပို့လျက်ရှိကြောင်း ခရမ်း၊ သုံးခွ၊ ပဲတီရွှေဝါ၊ ဝယ်ယူနေသော ပဲအဝယ်ဒိုင်များမှ သတင်းရရှိပါ တယ်။ PTAC-1 ရန်ကုန်

ပြည်ဈေးကွက်သို့ ပဲကြီးအသစ်များဝင်ရောက်                 ယခုတစ်ပတ် ပြည်ဈေးကွက်သို့ ပဲကြီးအသစ်များ စတင်ဝင်ရောက်လာပြီ ဖြစ်ပါတယ်။ ပန်းတောင်း ဥသျှစ်ပင်၊ ဝက်ထီးကန်ဖက်မှအဝင်ရှိပြီး၊ တစ်ရက်လျှင် အိတ် ၄ဝ-၅ဝ အထိ အဝင်ရှိလာခဲ့ပါတယ်။ ပဲကြီးအသစ်မှာ အဖွင့်ဈေး အနေဖြင့် ပဲကြီးတစ်တင်း ၂၆၅ဝဝ ကျပ်ဖြင့် ဈေးဖွင့်ဝယ်ယူခဲ့ကြပြီး၊ အဟောင်းလက်ကျန်ပဲများ ကတော့ တစ်တင်း ၂၈ဝဝဝ ကျပ်ဖြင့် ဈေးငြိမ်နေခဲ့ပါတယ်။ အရောင်းအဝယ်ဖြစ်မှု အနေဖြင့် ပဲကြီးအသစ်များမှာ အဝင်ရှိသလောက် အရောင်းအဝယ်ဖြစ်ခဲ့ပြီး၊ ပဲကြီး လက်ကျန်အဟောင်းကတော့ တစ်ရက်လျှင် အိတ် ၁၅ဝ ခန့် ပုံမှန်အရောင်း အဝယ် ဖြစ်ကြောင်းသိရပါတယ်။                                                          အိရေ့ွှစင် 

ပဲယင်း (ချင်းပဲ)            ယခုအပတ် ဖေဖော်ဝါရီ ၉ ရက်မှ ၁၅ ရက်ထိ ကာလအတွင်းမှာ မြန်မာ-အိန္ဒိယနယ်စပ်ရှိ တမူးနယ်စပ်မှ တစ်ဆင့် ကျပ် ၂ ဒသမ ဝဝ၂ သန်းတန်ဖိုးရှိ ချင်းပဲ ၃ ဒသမ ၈ တန် တင်ပို့နိုင်ခဲ့ပါတယ်။ ဇန်နဝါရီလအတွင်းမှာ ၁ဝ တန်နဲ့ ၂ဝ၁ဝ-၁၁ ဘဏ္ဍာနှစ် ဧပြီလမှ ဇန်နဝါရီလကုန်ထိ ပဲယင်း တန်ချိန် ၂၄ဝဝ ကျော် နယ်စပ်မှ တင်ပို့ထားပြီးဖြစ်ပါတယ်။ MIRT (DOBT) 

ထောပတ်ပဲ တန် ၁၆ဝ ခန့် တင်ပို့မှုရှိ                ပင်လယ်ရေကြောင်းကနေ ထောပတ်ပဲတင်ပို့မှုအနေနဲ့ ယခင်သီတင်း ပတ်က တန်ချိန် ၁၇ဝ ရှိခဲ့ပြီး ယခုသီတင်းပတ် (ဖေဖော်ဝါရီ ၁ဝ-၁၆ ရက်) မှာ လည်း တန်ချိန် ၁၆ဝ တင်ပို့နိုင်ခဲ့ပါတယ်။ တင်ပို့တဲ့ နိုင်ငံတွေကတော့ ဖိလစ်ပိုင်၊ ဂျပန်နဲ့ ကိုရီးယားဖြစ်ပါတယ်။ ဈေးကွက်တွေကို ထောပတ်ပဲ ဝင်ရောက်မှု တိုးတက် လာပြီ ဖြစ်သလို ပြည်ပကိုလည်း တိုးတက်တင်ပို့လာနေတာတွေ့ရပါတယ်။ ရန်ကုန် FOB  ဈေးအနေနဲ့ ဖေဖော်ဝါရီလ ၁၇ ရက်နေ့မှာ တစ်တန်ကို ကန်ဒေါ်လာ ၉ဝဝ-၉၂ဝ ရှိကြောင်း သိရပါတယ်။            MIRT - MAPT