တာယာထုတ်လုပ်သူများအတွက် အလားအလာကောင်းဖွယ်မရှိ        ရော်ဘာအသုံးစရိတ်တွေ မြင့်တက်ခြင်းကပြည်တွင်း တာယာထုတ်လုပ်သူများကို ဖိအားပေး နေပြီး လွန်ခဲ့တဲ့ တစ်နှစ်ခန့်လောက်ကတည်းက ၎င်းတို့ အမြတ်များကျဆင်းနေတာကိုတွေ့ရပါတယ်။Wuxi Boton ခါးပတ်ကုမ္ပဏီက ၂ဝ၁ဝ မှာ အသားတင် အမြတ် ယွမ် ၄၄ ဒသမ ၁၉ သန်း (ဒေါ်လာ ၆ ဒသမ ၇ သန်း) သာရရှိခဲ့ပြီး လွန်ခဲ့တဲ့ နှစ်အလားတူ ကာလထက် ၈ ဒသမ ၅၁ ရာခိုင်နှုန်း ကျဆင်းခဲ့ပါတယ်။ဒီလိုအမြတ်ငွေကျဆင်းရတာ ဟာ လွန်ခဲ့တဲ့နှစ်က ရော်ဘာဈေးနှုန်းတွေ တက်တာ ကြောင့်လို့ သိရပါတယ်။ ရှန်ဟိုင်းကုန်စည်ဒိုင်မှာ ၂ဝ၁၁ မေလ အတွက် ရော်ဘာဈေးနှုန်းက တစ်တန်ကို ၄၃၅ဝဝ ယွမ် (၆၅၉၈ ဒေါ်လာရှိပြီး) ယခင်နှစ်ဇွန်လက ယွမ် ၂ဝဝဝဝ ဝန်းကျင် (၃ဝ၃၃ ဒေါ်လာ) သာရှိခဲ့ကြောင်း သိရပါတယ်။ ပြည်တွင်းက ရော်ဘာလုပ်ငန်းကြီးများကလည်း လွန်ခဲ့တဲ့ နှစ်ထက်ပိုပြီး အမြတ်ငွေကျဆင်းမယ်လို့ ခန့်မှန်း ထားကြောင်း သိရပါတယ်။ဟီနန်ပြည်နယ် အခြေစိုက်အဓိကတာယာထုတ်လုပ်ရေးဖြစ်တဲ့ Aeolus  တာယာကုမ္ပဏီက ၂ဝ၁ဝ မှာ ၎င်းတို့ရဲ့ အသားတင်အမြတ်က ယခင်နှစ်အမြတ်ရဲ့ ၅ဝ ရာခိုင်နှုန်းဝန်းကျင်ဒေါ်လာ (၄၇ ဒသမ ဝ၃ သန်း) ရှိကြောင်း ကြေညာခဲ့ပါတယ်။ အခြားတာယာထုတ်လုပ်ရေးဖြစ်တဲ့ Guizhore ကတော့ ၂ဝ၁ဝ မှာ ၎င်းတို့ရဲ့ အမြတ်ငွေ ၅ဝ ရာခိုင်နှုန်းမှ ၇ဝ ရာခိုင်နှုန်းအထိ ကျဆင်းပြီး ဒေါ်လာ (၁၆ ဒသမ ၈၄ - ၂၇ ဒသမ ၃ဝ) သန်းသာရှိကြောင်း ပြောကြားခဲ့ပါတယ်။ ယခုလက်ရှိမှာ ရော်ဘာ ဈေးနှုန်းက ဆက်တက်နေဦးမှာ ဖြစ်ပြီး ရောင်းလိုအား အကျပ်အတည်းကြောင့် ပြည်တွင်းတာယာထုတ်လုပ်ရေးများအား ဆက်လက်ထိခိုက်နေဦးမယ်လို့ စက်မှုလုပ်ငန်း သုတေသီများကပြောကြားပါတယ်။                 ယခုနှစ်လယ်လောက်မှာတော့ ရော်ဘာအစေးထွက်ရာသီစတင်တော့မှာမို့ ရော်ဘာဈေးနှုန်းသင့်တင့်မှုရှိလာနိုင်ပြီး ရောင်းလိုအားလည်း တိုးလာနိုင်ပါတယ်။ ဒါ့ကြောင့်မို့ ယခုနှစ်ရဲ့ ဒုတိယနှစ်ဝက်မှာ ပြန်လည် နာလန်ထူလာနိုင်ကြောင်း တိုင်ဂျင်အခြေစိုက် သုတေသီတစ်ဦးက ပြောကြားပါတယ်။ကားရောင်းချရနှုန်းတွေ အားကောင်းပြီး တာယာ ထုတ်လုပ် ရေးတွေရဲ့ ဝယ်လိုအားကိုမမီနိုင်တာကြောင့် ရော်ဘာရဲ့ရောင်းလိုအား တိုးတက်မှုကို မမြင်ကြောင်း ဘေဂျင် အခြေစိုက် သုတေသီတစ်ဦးကသုံးသပ်ပြန်ပါတယ်။ပြည်တွင်းရော်ဘာထုတ်လုပ်ရေးများကလည်း ရာသီဥတုဒဏ်မှကာကွယ်ရေး ကူညီပေးဖို့ အစိုးရက တောင်းဆိုထားကြောင်း ရော်ဘာအသင်းရဲ့Website  မှာ ဖော်ပြထားပါတယ်။ KZW, Source: global time

ရော်ဘာတင်ပို့မှု နှစ်ဆတက်               ဖေဖော်ဝါရီ ၇ ရက်မှ ၁၃ ရက်ထိ ကာလအတွင်းပင်လယ်ရေကြောင်းမှ ရော်ဘာတန်ချိန် ၆၂၂ တန် တန်ဖိုးကန်ဒေါ်လာ ၂ ဒသမ ၄၂၉ သန်းဖိုးတင်ပို့ခဲ့ပါတယ်။ ယခင်အပတ်က ရော်ဘာ ၃၁၆ တန် တင်ပို့ခဲ့တာ ကြောင့် ယခုရက်သတ္တပတ်မှာ နှစ်ဆတိုးတက်တင်ပို့နိုင်ခဲ့ပါတယ်။ တင်ပို့တဲ့နိုင်ငံများကတော့ စင်္ကာပူကိုMSR-20  ၂ဝ၁ တန်၊ တရုတ်ကို MSR-20  တန် ၂ဝဝ၊ မလေးရှားကိုRSS-5  တန် ၁၈ဝ၊RSS-3 ၄၁ တန် အသီးသီးဖြစ်ကြောင်း သိရပါတယ်။ အထွက်နှုန်းကျတဲ့ရာသီဖြစ်ပြီး ရော်ဘာရောင်းလိုအားပြတ်လပ် နေတာကြောင့် ဈေးမြင့်နေပေမဲ့ အဝယ်လိုက်နေတာ ဖြစ်ကြောင်း သိရပါတယ်။ ပင်လယ်ရေကြောင်းကနေ တင်ပို့တဲ့ ဈေးနှုန်းတွေကတော့ RSS-3 တစ်တန်ကို ၅၄ဝဝ ဒေါ်လာ၊ RSS-5 တစ်တန်ကို ၅၃ဝဝ ဒေါ်လာနဲ့MSR-20  တစ်တန်ကို ၅၄ဝဝ ဒေါ်လာအသီးသီးဖြစ်ကြောင်း သတင်းရရှိပါတယ်။ KZW 

ခရမ်း ပဲတီရွှေဝါ အဝင်လှိုင်နေသလို ဈေးကောင်းရနေ                ရန်ကုန်တိုင်းဒေသကြီးတောင်ပိုင်းခရိုင်၊ သန်လျင်၊ ကျောက်တန်း၊ သုံးခွ၊ ခရမ်းမြို့နယ်များတွင် ၂ဝ၁ဝ-၂ဝ၁၁ ခုနှစ် ဆောင်းပဲတီရွှေဝါများ ဖေဖော်ဝါရီလဆန်းမှစလို့ မြို့ပေါ်ပဲဈေးကွက်များကို စတင်ဝင်ရောက်ခဲ့ပြီး ပိဿာ ၂ဝ တစ်တင်းကို ၃၉ဝဝဝ ကျပ်နဲ့ ဈေးဖွင့်ခဲ့တယ်လို့ သိရပါတယ်။                 ဖေဖော်ဝါရီလ ပထမပတ်အတွင်းမှာ ပဲတီ ရွှေဝါဈေး ပြန်အေးခဲ့လို့ ပိဿာ ၂ဝ တစ်တင်းကို ၃၆ဝဝဝ ကျပ်ထိပြန်ဆင်းခဲ့ပါသေးတယ်။ မြို့ပေါ်ပဲဈေးကွက်ကို ကိုျက်ခေါက်ဘုရားပွဲအမီ အလုံးအရင်းနဲ့ ပဲတီရွှေဝါများ ဝင်ရောက် လာလို့ ပဲတီရွှေဝါဈေး ထပ်ဆင်းမယ်ထင်ခဲ့ပေမဲ့ တရုတ်ဝယ် လက်တွေနဲ့ အခြား အိတ်စပိုတာတွေ အဆွဲများလို့ ပဲတီရွှေဝါ ဈေးဟာ ဖေဖော်ဝါရီ ဒုတိယပတ်မှာ တစ်ရိပ်ရိပ်ပြန်တက်ခဲ့ပြီး ပိဿာ ၂ဝ တစ်တင်း ၄၁ဝဝဝ ကျပ်ထိ ဖြစ်ခဲ့ပါတယ်။ ဒီနှစ်  မှာ ပဲတီရွှေဝါတစ်ဧက ကုန်ကျစရိတ်မှာ ၁ သိန်းခွဲဝန်းကျင် လောက်သာ ကုန်ကျခဲ့ပြီး မနှစ်ကထက် အနည်းငယ်သာ ပိုခဲ့ပါတယ်။ အကျိုးအမြတ်က ဒီနှစ်အထွက်နှုန်းလည်း ပို၊ ပဲဈေးလဲရလို့ တစ်ဧက ၅ သိန်းကျော်လောက်ရရှိခဲ့ပါတယ်လို့ ပဲစိုက်တောင်သူ တချို့ထံမှ သိရပါတယ်။ ဝယ်လက်စုံတဲ့ ခရမ်း၊ သုံးခွမြို့နယ်တွေမှာ ယခုရက်ပိုင်း တစ်မြို့နယ်မှာ နေ့စဉ် ပဲပိဿာ ၃ဝ ဝင် တစ် တင်းခွဲအိတ် ၅ဝဝဝ အိတ်ဝန်းကျင် အရောင်းအဝယ်ဖြစ်နေ ပါတယ်။ ရွှေပြည်သာ၊ လှိုင်သာယာ၊ ရွှေလင်ပန်း၊ ဘုရင့်နောင်၊ မန္တလေးမြို့များသို့ တင်ပို့လျက်ရှိကြောင်း ခရမ်း၊ သုံးခွ၊ ပဲတီရွှေဝါ၊ ဝယ်ယူနေသော ပဲအဝယ်ဒိုင်များမှ သတင်းရရှိပါ တယ်။ PTAC-1 ရန်ကုန်

ပြည်ဈေးကွက်သို့ ပဲကြီးအသစ်များဝင်ရောက်                 ယခုတစ်ပတ် ပြည်ဈေးကွက်သို့ ပဲကြီးအသစ်များ စတင်ဝင်ရောက်လာပြီ ဖြစ်ပါတယ်။ ပန်းတောင်း ဥသျှစ်ပင်၊ ဝက်ထီးကန်ဖက်မှအဝင်ရှိပြီး၊ တစ်ရက်လျှင် အိတ် ၄ဝ-၅ဝ အထိ အဝင်ရှိလာခဲ့ပါတယ်။ ပဲကြီးအသစ်မှာ အဖွင့်ဈေး အနေဖြင့် ပဲကြီးတစ်တင်း ၂၆၅ဝဝ ကျပ်ဖြင့် ဈေးဖွင့်ဝယ်ယူခဲ့ကြပြီး၊ အဟောင်းလက်ကျန်ပဲများ ကတော့ တစ်တင်း ၂၈ဝဝဝ ကျပ်ဖြင့် ဈေးငြိမ်နေခဲ့ပါတယ်။ အရောင်းအဝယ်ဖြစ်မှု အနေဖြင့် ပဲကြီးအသစ်များမှာ အဝင်ရှိသလောက် အရောင်းအဝယ်ဖြစ်ခဲ့ပြီး၊ ပဲကြီး လက်ကျန်အဟောင်းကတော့ တစ်ရက်လျှင် အိတ် ၁၅ဝ ခန့် ပုံမှန်အရောင်း အဝယ် ဖြစ်ကြောင်းသိရပါတယ်။                                                          အိရေ့ွှစင်