မန္တလေးမြို့ပေါ်ရှိ ကုန်သည်ပွဲစား များမှ မတ်ပဲကို မန္တလေးတိုင်းဒေသကြီး အတွင်းရှိ လယ်ဝေး၊ ပျဉ်းမနား၊ တပ် ကုန်း၊ စဉ့်ကူး၊ မတ္တရာ၊ သပိတ်ကျင်းနဲ့ စစ်ကိုင်းတိုင်းဒေသကြီးရှိ ချောင်းဦး၊ မုံရွာစတဲ့ ဒေသများမှ အဓိက ဝယ်ယူ ရရှိ ပြီး၊ နှစ်စဉ် မတ်ပဲတန်ချိန် ၇၀၀၀ ကျော်ဝယ်ယူသိုလှောင်ဖြန့်ဖြူးရောင်းဝယ် လျက်ရှိကြောင်း သိရပါတယ်။

ယခင်က(ဧပြီ) ပထမအပတ်မှာ မတ်ပဲတစ်ပိဿာ ၈၁၇ ကျပ်(တစ်တန် ၅၀၀၃၂၃ ကျပ်)နဲ့ နေ့စဉ် သုံးတင်း ဝင်အိတ် ၈၀၀ ခန့်(၇၈ ဒသမ ၃၈၁ တန်ခန့်) အရောင်းအဝယ်ဖြစ်ခဲ့ပြီး၊ ယခုလ(မေလ) ပထမအပတ်မှာ မတ်ပဲ တစ်ပိဿာ ၈၃၃ ကျပ်(တစ်တန် ၅၁၀၁၂၁ ကျပ်)နဲ့ နေ့စဉ် သုံးတင်း ဝင်အိတ် ၅၀၀ ခန့်သာ (၄၈ ဒသမ ၉၈၈ တန်ခန့်) အရောင်းအဝယ်ဖြစ်လို့ ဈေးမာပေမယ့်အရောင်းအဝယ် အနည်းငယ် အေးကြောင်းသိရပါတယ်။ ဒေသတွင်းပဲခွဲ စက်များနဲ့ ရန်ကုန် ဝယ်လက်များမှ ဝယ်လိုအားပုံမှန်ရှိ ပေမယ့် အရောင်းအဝယ် သွက်လက်မှု မရှိကြောင်း သိရပါ တယ်။ မတ်ပဲအဓိက စိုက်ပျိုးတဲ့ မန္တလေးတိုင်းဒေသကြီး အတွင်းရှိ စဉ့်ကူးမြို့နယ်နဲ့ သပိတ် ကျင်းမြို့ နယ်ဖြစ်ပြီး ၊ တောင်သူများထံမှ မတ်ပဲလက်ကျန်အနည်းငယ်သာရှိသဖြင့် အရောင်းအဝယ်ပါးကြောင်း၊ ရာသီဥတု ဖောက်ပြန်ခြင်း၊ သဘာဝဘေးအန္တရာယ် (ငလျင်လှုပ်ခြင်း)ကြောင့် သီးနှံ အထွက် နှုန်းများစွာ ထိခိုက်ကြောင်း၊ ယခုအချိန် အထိ တစ်ပတ်ကို နှစ်ကြိမ်၊ သုံးကြိမ်ခန့် ပြင်းအားအနည်းငယ်ရှိတဲ့ ငလျင်လှုပ် ခတ်မှု ရှိနေသေးကြောင်း၊ ဒေသခံ တောင်သူ တစ်ဦးက ပြောကြားပါ တယ်။ အခြားဒေသခံတောင်သူ တစ်ဦး မှ မိမိတို့ မှန်းချက်နဲ့ မတ်ပဲ အထွက်နှုန်း မကိုက်လို့ အချိန်၊ လုပ်အားခနဲ့ရရှိမယ့် အခွင့်အရေး(မတ်ပဲဈေးအမြင့်မှာရှိသဖြင့် ငွေကြေးဆုံးရှုံးမှု) ဆုံးရှုံးနစ်နာ ရကြောင်း ပြောကြားပါတယ်။ ပြည်ပ(အိန္ဒိယ)အဆွဲမရှိပေမယ့် ရန်ကုန်ဝယ်လက်နဲ့ ဒေသတွင်း ပဲခွဲစက် တွေရဲ့ ပုံမှန်အဆွဲရှိတာကြောင့် မတ်ပဲ ဈေး ရုတ်တရက်ပြုတ်မကျဘဲ ဈေးငြိမ်နဲ့ အရောင်းအဝယ်ပုံမှန်ရှိနိုင်ကြောင်း ကုန်သည်ပွဲစားကြီး တစ်ဦးမှ သုံးသပ် ပြောကြားပါတယ်။စိုးအောင် - မန္တလေး
 

ဧပြီလကုန်နဲ့မေလဆန်း မုံရွာကုန်စည်ဒိုင်ပဲဈေးကွက်မှာ ကုလားပဲအုပ်စုဈေးအနည်းငယ်အေးခဲ့ပြီး၊ ပဲစင်းငုံနီ ကတော့ ဈေးအနည်းငယ်ပြန်မာလာပါတယ်။Export အတွက် ဝယ် လက် ကွက်ကောက်ရှိတဲ့ မြေထောက်ပဲနဲ့ ပုဂံပဲမှာ ပစ္စည်း လက်ကျန်နဲ့ ဝယ်လိုအားထိန်းနေကြလို့ ဈေးငြိမ်နေခဲ့ပါတယ်။ ပဲပုပ်စေ့လည်း ပြီးခဲ့တဲ့ ဧပြီပေါက်ဈေးထက် တစ်တင်း ၂၀၀၀ ကျပ်ထိ ဈေးကျလာခဲ့ပါတယ်။

ယခုတစ်ပတ်အတွင်း ပဲတစ်မျိုးချင်း ဈေးကွက်အနေနဲ့ ကုလားပဲအုပ်စုမှာ ဒေသတွင်းစက်သမား၊ ကြာဇံ သမားနဲ့ ပဲကြော်ဖို ပဲလက်လီအဝယ် ပုံမှန်သာရှိခဲ့လို့  ကုလားပဲ ရိုးရိုး တစ်တင်း ၁၇၈၀၀ ကျပ်မှ ၁၈၀၀၀ ကျပ်၊ ထိုင်ဝမ်တစ် တင်း ၁၈၀၀၀ ကျပ်မှ ၁၈၄၀၀ ကျပ်၊ V2 တစ်တင်း ၁၈၃၀၀ ကျပ်မှ ၁၈၈၀၀ ကျပ်နဲ့ 929 တစ်တင်း ၁၈၁၀၀ ကျပ်မှ ၁၈၈၀၀ ကျပ် အသီးသီးပေါက်ဈေးဖြစ်ပေါ်ခဲ့ပြီး၊ အရောင်းအဝယ်အား ဖြင့် တစ်ပတ်အတွင်း တင်း ၂၀၀၀ ခန့်ရှိတယ် လို့ ကုန်စည်ဒိုင် ရပ်ကွက်ကသိရပါတယ်။ ယခုတစ်ပတ်မှာ ငုံနီဈေး အနည်းငယ်မာလာခဲ့ရာ တစ် တင်း၂၀၅၀၀ ကျပ်မှ ၂၀၈၀၀ ကျပ်ထိဈေးပေါက်ခဲ့ပြီး၊ ရန်ကုန် ဝယ်လက်အနည်းငယ်နဲ့ ဒေသခံကုန်သည်အချို့ ဝယ်ယူမှုရှိလို့ မုံရွာ ကုန်စည်ဒိုင်မှာ တစ်ပတ်အတွင်း အိတ် ၁၀၀၀ မှ ၁၅၀၀ ကြား အရောင်းအဝယ်ဖြစ်ခဲ့တယ်လို့ ကုန်သည်ရပ်ကွက်က ဆိုပါတယ်။ စိမ်းကြီးဈေးကွက်အနေနဲ့ ဝယ်လက်ရှိတဲ့အတွက် ပစ္စည်းဝင်တဲ့ရက်မှာ ဈေးတင်ရောင်းခဲ့ကြလို့ ဒီတစ်ပတ် အတွင်း တစ်တင်း ၂၃၀၀၀ ကျပ်မှ ၂၅၀၀၀ ကျပ်ထိ ပေါက် ဈေး ဖြစ်ပေါ်ခဲ့တာတွေ့ရပါတယ်။ Export  နဲ့ ပြည်တွင်းသုံးပဲတွေဖြစ်ကြတဲ့ ထောပတ်ပဲနဲ့ စွန်တာနီလည်း ဒီရက်ပတ်မှာ တစ်တင်း ၁၅၅၀၀ ကျပ် ဝန်းကျင်မှာ အသီးသီးငြိမ်နေခဲ့ပြီး၊ တစ်ပတ်အတွင်း ပဲတစ်မျိုး ချင်းအလိုက် အိတ် ၁၀၀၀ ခန့် အရောင်း အဝယ်ဖြစ်ခဲ့တယ် လို့ဆိုပါတယ်။ ယခုတစ်ပတ်မှာ ပဲပုပ်ဈေးပြန်အေးခဲ့ရာ တစ် တင်း ၁၉၀၀၀ ကျပ်နဲ့ အနည်းငယ် အရောင်းအဝယ်ဖြစ်ခဲ့ပါ တယ်။ Export ဝယ်လိုအားရှိတဲ့ ပုဂံပဲလည်း ယခုတစ်ပတ်မှာ တစ်တင်း ၂၂၅၀၀ ကျပ်ဈေးနဲ့ ငြိမ်နေသလို ပဲကြီးဈေးလည်း တစ်တင်း ၂၉၅၀၀ ကျပ်နဲ့ ၃၁၅၀၀ ကျပ်ဈေးမှာတန့်နေပြီး၊ ပစ္စည်းလက်ကျန်ပေါ် မူတည်ကာ ဝယ်လက်အဝယ်အတိုး အလျော့ ရှိခဲ့တယ်လို့ ဈေးကွက်ကသိရပါတယ်။ထွန်းလှိုင်-မုံရွာ
 

ပင်လယ်ရေကြောင်း ကုန်သွယ်မှုမှ သြင်္ကန်မတိုင်မီကာလ မတ်လ၃၁ ရက်မှ ဧပြီလ ၆ ရက်အတွင်းမှာ မလေးရှား နိုင်ငံသို့ ကန်ဒေါ်လာ ၂ဒသမ၂၀၂ သန်းတန်ဖိုးရှိ ရော်ဘာအဆင့်စုံ ၈၂၄ တန်ကျော်ကို တင်ပို့ခဲ့ပါတယ်။ မလေး ရှားနိုင်ငံအပြင် ပါကစ္စတန်နိုင်ငံကိုလည်း  Rubber Smoke Sheet 16  ခုတင်ပို့နိုင်ခဲ့ပါတယ်။ ဧပြီလ ၇ ရက်မှ ၁၃ ရက်ထိ ကာလအတွင်းမှာ တော့ ကန်ဒေါ်လာ ၁ဒသမ ၃၄၃ သန်း တန်ဘိုးရှိ ရော်ဘာ ၅၉၉ တန်ကျော်ကို တင်ပို့ခဲ့ ပါတယ်။ တင်ပို့တဲ့နိုင်ငံတွေကတော့ မလေးရှားနိုင်ငံသို့ RSS-3 ၂၉၁ တန်၊တရုတ်နိုင်ငံသို့ MSR-20  တန်၄၀ ကျော် နဲ့စင်္ကာပူနိုင်ငံသို့ MSR-20   ၂၆၈ တန်နီးပါး တင်ပို့နိုင်ခဲ့ပါတယ်။

ယခုအပတ်ရော်ဘာနိုင်ငံတကာပေါက်ဈေးမှာယခင်အပတ်ဈေးနဲ့နှိုင်းယှဉ်ကြည့်ပါက တစ်တန်လျှင် ဒေါ်လာ ၂၀၀ ကျော် ကျဆင်းသွားကြောင်း သိရပါတယ်။ မြန်မာနိုင်ငံရော်ဘာစိုက်ပျိုးထုတ်လုပ်သူများအသင်းက ထုတ်ပြန် ထားတဲ့ ရော်ဘာဈေးများ ကတော့  RSS-1 တစ်တန်လျှင် ဒေါ်လာ၂၄၀၀-၂၅၀၀၊RSS-3 နှင့် MSR-20  တစ်တန် လျှင် ဒေါ်လာ၂၃၀၀-၂၄၀၀၊ RSS-5 နှင့် MSR-50  တစ်တန်လျှင်ဒေါ်လာ၂၂၀၀-၂၃၀၀၊ MSR-10  တစ်တန် လျှင် ဒေါ်လာ၂၃၅၀-၂၄၅၀၊ Creep Rubber တစ်တန်လျှင် ဒေါ်လာ၂၁၀၀-၂၂၀၀ ဖြစ်ကြောင်း သိရှိရပါတယ်။            ယဉ်ယဉ်အေး၊ (MIRT)
 

မြန်မာ-တရုတ်နယ်စပ်နဲ့ မြန်မာ-ထိုင်းနယ်စပ်ရှိ ကူးသန်း ရောင်းဝယ်ရေးစခန်းများမှ ဧပြီလ ၁၇ ရက်မှ ၂၃ ရက်တာ ကာလအတွင်း ကန်ဒေါ်လာ ၁ ဒသမ ၈၆၄ သန်းတန်ဖိုးရှိ ရော်ဘာအဆင့်စုံ ၆၄၅ တန်ကျော် တင်ပို့ခဲ့ပါတယ်။ ယခင် အပတ်က ၁၂၅၉ တန်ကျော်တင်ပို့နိုင်ခဲ့လို့ ယခုအပတ်မှာ ၆၁၃ တန်ကျော် တင်ပို့မှုလျော့နည်းခဲ့ပါတယ်။ စခန်းအသီး သီးအလိုက် တင်ပို့နိုင်မှုတွေကတော့ မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်မှ ကန်ဒေါ်လာ သုည ဒသမ ၁၆၂ သန်းတန်ဖိုးရှိ  ရော်ဘာRSS-3  ၅၄ တန်ကျော်၊ ကန်ဒေါ်လာ သုည ဒသမ ၀၂၉ သန်းတန်ဖိုးရှိ  ရော်ဘာMSR-20 ၁၀ တန်ခန့်၊ ကန်ဒေါ်လာ သုည ဒသမ ၁၀၂ သန်းတန်ဖိုးရှိ  ရော်ဘာ MSR-50  ၃၇ တန်ခန့်၊ ချင်းရွှေဟော်ကူးသန်းရောင်းဝယ်ရေးစခန်းမှ ကန်ဒေါ်လာ ၁ ဒသမ ၁၄၃ သန်းတန်ဖိုးရှိ  ရော်ဘာ RSS-3 ၃၉၄ တန်ခန့်၊ မြန်မာ-ထိုင်းနယ်စပ်ရှိ မြိတ်ကူးသန်း ရောင်းဝယ်ရေး စခန်းမှ ကန်ဒေါ်လာ သုည ဒသမ ၂၈၅ သန်းတန်ဖိုးရှိ  ရော်ဘာRSS-3 တန် ၁၀၀ ခန့်၊ ကန်ဒေါ်လာ သုည ဒသမ ၁၄၃ သန်းတန်ဖိုးရှိ  ရော်ဘာMSR-20 တန် ၅၀ ခန့် အသီးသီး တင်ပို့နိုင်ခဲ့ပါတယ်။ ယခုအပတ်မိမိဘက်မှာရော တစ်ဖက်နိုင်ငံမှာပါ RSS-3 နဲ့ RSS-5 ရော်ဘာဈေးများ ကျဆင်းလျက်ရှိပါတယ်။ မိမိဘက်နဲ့တစ်ဖက်နိုင်ငံ မြေပြင် ပေါက်ဈေး များကို နှိုင်း ယှဉ် ဖော်ပြပေးလိုက်ရပါတယ် -

 
မိမိဘက်(ကျပ်/တန်)                      တစ်ဘက်နိုင်ငံ(ဒေါ်လာ/တန်)    ယခု          ယခင်       ပြောင်းလဲမှု    %      ယခု      ယခင်    ပြောင်းလဲမှု    %RSS-3   ၂၀၈၃၆၈၉    ၂၃၄၄၃၄၁    ၂၆၀၆၅၂      ၁၃    ၂၃၆၂    ၂၆၆၅         ၃၀၃        ၁၃RSS-5    ၁၉၂၆၂၈၈    ၂၂၀၇၅၀၀    ၂၈၁၂၁၂     ၁၅    ၂၁၈၆    ၂၅၀၄         ၃၁၉        ၁၅MIRT (DCCA)