မန္တလေးသီရိမာလာဈေးသို့ မွေးမြူရေးငါးတစ်ရက်ကို ပိဿာချိန် ၅ဝဝဝ ဝန်းကျင် နေ့စဉ်ဝင်ရောက်                  မန္တလေးမြို့၊ သီရိမာလာဈေး ငါးဒိုင်များသို့ မန္တလေးမြို့ (ကန်တော်ကြီးငါးကန်)နှင့် မတ္တရာငါးကန်များမှ မွေးမြူရေး ငါးပိဿာချိန် ၅ဝဝဝ ဝန်းကျင်နေ့စဉ်ဝင်ရောက်ကြောင်း သိရ ပါတယ်။                   မွေးမြူရေးငါးအမျိုးအစားများမှာ ငါးကြင်း၊ ငါးတန်၊ တီလားဗီးယားငါးများအဝင်များပြီး အစာစရိတ်လျော့၍ ဈေးနှုန်းကျဆင်းလျက်ရှိကြောင်း သိရပါတယ်။ ဝေယံထွန်းမွေးမြူရေးငါးဒိုင်မှ ' ဒီတစ်ပတ်မှာ ငါးကြင်း အဝင်များနေတယ်။ တစ်နေ့ကို အချိန် ၂ဝဝဝ လောက်ဝင် ရောက်မှုရှိတယ်။ ငါးဈေးကျနေတော့ အရောင်းအဝယ် ကောင်းတယ်။ ဒီတစ်ပတ်အတွင်းမှာ ငါးဈေးနှုန်းက တစ်ပိဿာကို ၄ဝဝ ကျပ်လောက်ကျလာတယ်။ မန္တလေး  မွေးငါးထဲမှာ တီလားဗီးယားကို မြို့ပေါ်က အကင်ဆိုင်တွေက အဝယ်များတယ်။ မန္တလေးဈေးကွက်သာမက ရှမ်းပြည် မြောက်ပိုင်း လားရှိုး၊ မူဆယ်၊ ကျောက်မဲ၊ သီပေါ၊ ရှမ်းပြည် နယ်တောင်ပိုင်းတောင်ကြီး၊ ဖယ်ခုံမြို့နယ်တစ်ဝိုက်ကို ငါးကြင်း၊ ငါးတန်ပို့ရတယ်'' လို့ ပြောပါတယ်။                   ဇူလိုင် ၅ ရက်နေ့က ငါးကြင်းတစ်ပိဿာ ၂ဝဝဝ ကျပ်- ၂၁ဝဝ ကျပ်-၂၂ဝဝ ကျပ်၊ ငါးတန် တစ်ပိဿာ ၁၈ဝဝ ကျပ်- ၁၉ဝဝ ကျပ်၊ တီလားဗီးယားတစ်ပိဿာ ၂ဝဝဝ ကျပ်-၂၁ဝဝ ကျပ်-၂၂ဝဝ ကျပ်ဈေးရှိ၍ ငါးအမိုျးအစားပေါ် မူတည်ပြီး ဈေးကွာခြားကြောင်း သိရပါတယ်။ ဇူးဇူး

ပြည်တွင်းဈေးကွက်တွင် ဖြစ်ပေါ်နေသော ငါးမြစ်ချင်းဈေးနှုန်းများ              ဗဟိုစံပြငါးဈေး၊ အဏ္ဏဝါလွှမ်း၊ သုံးပွင့်ဆိုင်၊ ငွေဇာပုလဲနဲ့ ငွေပင်လယ်ကုမ္ပဏီများရဲ့ ဇူလိုင်လ ၆ ရက်နေ့ လေလံဈေးများကို အခြေခံပြီး ထုတ်လုပ်မှု ကုန်ကျစရိတ် (Cost Of Production ) တွက်ချက်ထားသော ငါးမြစ်ချင်းအကောင်လိုက် (Whole)  ဈေးနှုန်းနဲ့ ဗိုက်ခွဲကျောခွဲအူထုတ်ပြီး အသားတင်ကျန်ရှိသော (Gutted) ထုတ်လုပ်မှု ကုန်ကျစရိတ်တွက်ချက်ထားသော ဈေးနှုန်းများကို ဖော်ပြပေးလိုက်ရပါတယ်။ ငါးမြစ်ချင်း ၁ ကီလိုဂရမ်အောက်နဲ့ ၁ ကီလိုဂရမ်မှ ၂ ကီလိုဂရမ်ထိ ဈေးများအား ၅ ဒေါ်လာစီ မြင့်တက်လျက်ရှိပြီး ကျန်အရွယ်အစားများ ဈေးနှုန်းပြောင်းလဲမှု မရှိဘဲ တည်ငြိမ်လျက်ရှိပါတယ်။ ပြည်တွင်းဈေးကွက်တွင် ဖြစ်ပေါ်နေသော ငါးမြစ်ချင်းဈေးနှုန်းများအရွယ်အစား                         Whole                                        Gutted                         ယခု   ယခင်    ပြောင်းလဲမှု    %         ယခု         ယခင်      ပြောင်းလဲမှု      %1 Kg down      ၁၄၅၅    ၁၄၅ဝ          ၅          ဝ .၄       ၁၆၅၅   ၁၆၅ဝ              ၅            ဝ .၃1-2 Kg            ၁၆၉ဝ   ၁၆၈၅          ၅           ဝ .၃       ၁၈၉ဝ  ၁၈၈၅                ၅            ဝ .၃2-3 Kg            ၁၈၃ဝ    ၁၈၃ဝ          -           -           ၂ဝ၃ဝ    ၂ဝ၃ဝ               -               -3-5 Kg            ၁၉၄ဝ    ၁၉၄ဝ          -           -           ၂၁၄ဝ    ၂၁၄ဝ               -               -5-7 Kg          ၂ဝ၄ဝ     ၂ဝ၄ဝ           -           -           ၂၂၄ဝ    ၂၂၄ဝ               -                -7-8 Kg           ၂ဝ၄ဝ   ၂ဝ၄ဝ            -           -          ၂၂၄ဝ    ၂၂၄ဝ                -                -8 Kg Up         ၂ဝ၄ဝ   ၂ဝ၄ဝ            -           -          ၂၂၄ဝ     ၂၂၄ဝ                -                -             ဇွန်လစတုတ္တပတ်မှာWhole  ရော Gutted  များ အရွယ်အစား အားလုံး ၃ ဒေါ်လာမှ ၇ ဒေါ်လာ ရာခိုင်နှုန်းအားဖြင့် ဝ ဒသမ ၂ မှ ဝ ဒသမ ၅ ရာခိုင်နှုန်းထိ လျော့ကျလျက်ရှိပါတယ်။               ဇူလိုင်လ ပထမပတ်မှာတော့ ၁ ကီလိုဂရမ်အောက်နဲ့ ၁-၂ ကီလိုဂရမ်အရွယ်အစားWhole နဲ့ Gutted  ဈေးများမှာ ၅ ဒေါ်လာရာခိုင်နှုန်းအားဖြင့် ဝ ဒသမ ၃ ရာခိုင်နှုန်းမှ ဝ ဒသမ ၄ ရာခိုင်နှုန်းထိ မြင့်တက်လျက်ရှိပါတယ်။ MIRT(DOBT)

ရေထွက်ကုန် တင်ပို့မှု              ဗဟိုစံပြငါးဈေး၊ အဏ္ဏဝါလွှမ်း၊ သုံးပွင့်ဆိုင်၊ ငွေဇာပုလဲနဲ့ ငွေပင်လယ်ကုမ္ပဏီများရဲ့ ဇွန်လ နောက်ဆုံးပတ် လေလံ ဈေးများအခြေခံပြီး ကုန်ကျစရိတ် တွက်ချက်ထားတဲ့ ငါးမြစ်ချင်း အကောင်လိုက် (Whole) ဈေးနှုန်းနဲ့ ဗိုက်ခွဲ၊ ကျောခွဲ၊ အူထုတ် (Gutted)  ဈေးနှုန်းများကို ဖော်ပြပေးလိုက်ပါတယ်။ ငါးမြစ်ချင်း ၁ ကီလိုဂရမ်အောက် အကောင်လိုက် (Whole)  နဲ့ ကျောခွဲအူထုတ် (Gutted) ဈေးဟာ ယခုအပတ်မှာ ၃ ဒေါ်လာမှ ၈ ဒေါ်လာထိ ဈေးကျလျက်ရှိပါတယ်ရေ ထွက်ကုန် တင်ပို့မှုအရွယ်အစား                       Whole                          Gutted                   ယခု       ယခင်     ပြောင်းလဲမှု      %      ယခု       ယခင်      ပြောင်းလဲမှု     %1 Kg down   ၁၄၅ဝ   ၁၄၅၅          ၅              ဝ .၃    ၁၆၅ဝ    ၁၆၅၅         ၅             ဝ .၃1 - 2 Kg       ၁၆၈၅  ၁၆၉၃           ၈              ဝ .၅    ၁၈၈၅    ၁၈၉၃         ၈             ဝ .၄1 - 2 Kg       ၁၈၃ဝ  ၁၈၃၇           ၇              ဝ .၄    ၂ဝ၃၃    ၂ဝ၃ဝ         ၃             ဝ .၂3 - 5 Kg       ၁၉၄ဝ  ၁၉၄ဝ           -                -        ၁၉၄ဝ     ၁၉၄ဝ         -               -5 - 7 Kg       ၂ဝ၄ဝ  ၂ဝ၄ဝ           -                -       ၂၂၄ဝ      ၂၂၄ဝ         -               -7 - 8 Kg       ၂ဝ၄ဝ  ၂ဝ၄ဝ           -                -       ၂၂၄ဝ      ၂၂၄ဝ         -               -8 Kg Up       ၂ဝ၄ဝ  ၂ဝ၄ဝ           -                -       ၂၂၄ဝ      ၂၂၄ဝ         -               -                                                                                               MIRT (DOBT)               ဇွန်လ တတိယပတ်မှာ Rohu ငါးမြစ်ချင်းWhole နဲ့ Gutted ၁ ကီလိုဂရမ်အောက် အရွယ် ဈေးများဟာ ၅ ဒေါ်လာ ရာခိုင်နှုန်းအားဖြင့် ဝ ဒသမ ၃ ရာခိုင်နှုန်း မြင့်တက်မှုရှိခဲ့ပြီး 1-2 Kg မှ 8 kg upဈေးများကတော့ ၂၇ မှ ၃ဝ ဒေါ်လာ ရာခိုင်နှုန်းအားဖြင့် ၁ ဒသမ ၃ ရာခိုင်နှုန်းမှ ၁ ဒသမ ၆ ရာခိုင်နှုန်းထိ ဒုတိယပတ်ထက် လျော့ကျမှုရှိခဲ့ပါတယ်။ ဇွန်လ စတုတ္တပတ်မှာတော့Whole ရော Gutted များပါ အရွယ်အစားအားလုံး ၃ ဒေါ်လာမှ ၇ ဒေါ်လာရာခိုင်နှုန်း အားဖြင့် ဝ ဒသမ ၂ ရာခိုင်နှုန်းမှ ဝ ဒသမ ၅ ရာခိုင်နှုန်းထိ လျော့ကျလျက်ရှိတာတွေ့ရပါတယ်။   DOBT (MIRT)

မန္တလေးမြို့တော်သို့ ငါးဝင်ရောက်မှုများပြားပြီး စားသုံးမှု ပိုမိုများလာ                  ရန်ကုန်မှ ငါးများ ပြည်တွင်းဈေးကွက်သို့ ပိုမိုကျယ်ပြန့်စွာ ရောင်းချလျက်ရှိပြီးမန္တလေးမြို့တော်ဟာ အထက်မြန်မာ ပြည်ဈေးကွက်ဖြန့်တဲ့ ဗဟိုအချက်အချာ နေရာဖြစ်ပြီး မန်းမှ တစ်ဆင့် ပြင်ဦးလွင်၊ ကျောက်မဲ၊ သီပေါ၊ မြစ်ကြီးနားလိုင်းများ သို့ ထပ်ဆင့်တင်ပို့လျက်ရှိပါတယ်။ ရန်ကုန် ငါးများကို ကားလမ်းမှ ကုန်ပိဿာချိန် ၂ဝဝဝဝ ကျော်ခန့်နဲ့ ရထားလမ်းမှ ပိဿာချိန် ၅ဝဝဝ-၆ဝဝဝ ခန့်နေ့စဉ်ဝင်ရောက်လျက်ရှိပြီး ငါးအမျိုးအစားများအနေဖြင့် ငါးမြစ်ချင်း၊ ငါးကြင်းဖြူ၊ ငါး အုံတုံ၊ ငါးမုတ်နဲ့ ပုစွန်များ ဝင်ရောက်ကြောင်း သိရပါတယ်။ ရထားဖြင့်လာတဲ့ ငါးများကို မန်းမြို့ပေါ်မှ ကိုယ်စားလှယ်က နယ်များသို့ ရထားဖြင့် ဆက်လက်ဖြန့်ပြီး ကားနဲ့လာတဲ့ငါး တွေကို မန်းမြို့တွင်း ညနေ ၃ နာရီမှ စဖြန့်ပြီး ည ၉ နာရီမှာ အဝေးတင်ဖြန့်ကြောင်းသိရပါတယ်။ မန်းမြို့ငါးမွေးမြူရေးကန်များနဲ့ အမရပူရ တောင်သမန်အင်း၊ မတ္တရာမြို့နယ်တို့က လာတဲ့ ငါးများဖြစ်တဲ့ ရွှေဝါငါးကြင်း၊ ငါးခေါင်းပွ၊ ငါးတန်၊ ငါးမြစ် ချင်း၊ တီလားဗီယားငါးများလည်း ပိဿာချိန် ၆ဝဝဝ- ၇ဝဝဝခန့်ဝင်ရောက်ကြောင်း သိရပါတယ်။ မန်းမြို့ပေါ်ရှိဈေး ၄ဝ ဖြန့်ဝေမှုအရ မြို့နေလူထု စားသုံးမှု ပိဿာ ၈ဝဝဝ- ၁ဝဝဝဝ ခန့်ရှိပြီး အခုလတ်တလောဈေးကွက်တွင် ကြက်ငှက်တုပ်ကွေး၊ ဝက်နားရွက်ပြာ သတင်းများကြောင့် ငါးဝင်ရောက် မှု များပြားသည့်အတွက် စားသုံးမှု ပိုမိုများလာတဲ့အပြင် လက်လီပြန်ရောင်းတဲ့ ငါးသည်များမှ ငါးအတုံးလေးများ ခုတ်ပြီး ၁ဝ ကျပ်သား အထုတ်သေးများ တစ်ပိုင်တစ်နိုင် ရောင်းချပေးတဲ့အတွက် ဝယ်ယူမှု ပိုမိုများပြားလာကြောင်း သိရပါတယ်။ ရောင်းချနေတဲ့ ဈေးနှုန်းတွေကတော့ ရန်ကုန် ငါးကြင်းဖြူ တစ်ပိဿာ ၃၅ဝဝ ကျပ်-၄ဝဝဝ ကျပ်၊ ငါးအုံတုံ၊ ငါး မြစ်ချင်း၊ ငါးမုတ်တွေကတော့ တစ်ပိဿာ ၁၇ဝဝ ကျပ်- ၁၈ဝဝ ကျပ်-၂၁ဝဝ ကျပ်ရှိကြောင်း သိရပြီး မန်းမြို့ငါးများ ကတော့ လတ်ဆတ်မှုပေါ်မူတည်ပြီး ဈေးရကြောင်း သိရပါတယ်။ ခင်မြင့်မြင့်သန်း