Background
ဒီတစ်ပတ်လည်း ပင်လယ်ရေကြောင်းက အပို့မရှိ သြဂုတ်လ နောက်ဆုံးပတ် ၂၃ ရက်နေ့ကနေ ၂၉ ရက်နေ့ကာလ အတွင်းမန်ကျည်းအပို့က ယခင်သီတင်းပတ်လိုပဲ တင်ပို့တာမရှိပါဘူး။ ပုံမှန်ဝယ်လက်ကြီး ဖြစ်တဲ့ အိန္ဒိယဘက်ကိုရော အခြားဝယ်လက် တွေဖြစ်တဲ့ အာရပ်စော်ဘွားများ ပြည် ထောင်စုနဲ့ စင်ကာပူနိုင်ငံတွေကိုလည်းပို့တာမရှိပါဘူး။လက်ကျန်နည်းသွားတဲ့ သဘောလို့ ကုန်သည်များက ဆိုပါတယ်။
ပစ္စည်းကောင်းရင်ဈေးကောင်းတဲ့ ရှမ်းနနွင်း ရှမ်းနနွင်းကိုလည်း ပစ္စည်းအရည်အသွေးပေါ်မူတည်ပြီး၊ အရောင်း အဝယ် ပြုလုပ်ကြတယ်လို့သိရပါတယ်။ ပင်လောင်းနယ်က လှောင်လက်သမားတွေ ဆီမှာသာ ပစ္စည်းလက်ကျန်ရှိတော့တယ်လို့လည်း နနွင်းတက်ပွဲရုံ တွေကသိရ ပါတယ်။ အောင်ပန်းဈေးကွက်ကိုတော့ ပင်လောင်းနယ်က လှောင်လက်တွေဆီက လက်ကျန် နနွင်းတွေသာ ပုံမှန်ဝင်နေပါတယ်။ ပြီးခဲ့တဲ့အပတ်တွေက နနွင်းခေါင်း တွေသာ ပြည်တွင်းသုံးအဖြစ် အရောင်း အဝယ်ဖြစ်ခဲ့ပါတယ်။ ဒီတစ်ပတ်မှာ ပြည်ပ ဝယ်လိုအားတွေ အဝယ်ပြန်လိုက်တာကြောင့် နနွင်းတက်ကိုလည်း ပစ္စည်း ကောင်း ရင် တစ်ပိဿာကို ၃၂ဝဝ ကျပ်၊ ၃၃ဝဝ ကျပ်ဈေးနဲ့ ဝယ်ယူနေပါ တယ်။ ပစ္စည်း ညံ့ရင်တော့ တစ်ပိဿာ ၂၅ဝဝ ကျပ်မှ ၃ဝဝဝ ကျပ်ဈေးရှိပါတယ်။ ပြည်တွင်း သုံးအနေနဲ့ ပရဆေးအဖြစ် ပြုလုပ်တဲ့ နနွင်းခါးကတော့ တစ်ပိဿာ ၁၁ဝဝ ကျပ်၊ ၁၃ဝဝ ကျပ်၊ နနွင်းခေါင်းကတော့ တစ်ပိဿာ ၂၂ဝဝ ကျပ်ဈေး ရှိပါတယ်။ တောင်ကြီးဈေး ကွက်မှာ နနွင်းတက်တစ်ပိဿာ ၂၈ဝဝ ကျပ်မှ ၃၃ဝဝ ကျပ်ဈေးရှိတယ်လို့ နနွင်းပွဲရုံတွေကသိရပါတယ်။ ဧဧခိုင်
နနွင်းဈေးနှုန်း အားနည်းသွားနိုင် ခန့်မှန်းကြ အိန္ဒိယပြည်တွင်း နနွင်းတက်ဝယ်လိုအားနည်းပြီး ဈေးကွက်ဈေးနှုန်း အားနည်းသွားကြောင်း သိရပါတယ်။ ဒါ့ပြင် အစ္စလာမ်ဥပုသ်ရာသီကြောင့် ဆော်ဒီ အာရေးဗီးယား ၊ ယူအေအီးနဲ့ အခြား အနောက်အာရှနိုင်ငံများမှ ဝယ်လို အား ကောင်းနေကြောင်း ၊ နနွင်းအသစ်များကလည်း ၂ဝ၁၁ ခုနှစ် ၊ ဖေဖော်ဝါရီ – မတ်လ လောက်မှသာ ဈေးကွက်အတွင်း ဝင်ရောက်မည်ဖြစ်ရာ နနွင်း လှောင် လက်များက သိုလှောင်လျက်ရှိပါတယ်။ စက်တင်ဘာကြိုပွိုင့်နနွင်းဈေးနှုန်းမှာ တစ်ကွမ်တယ်လ်ကို ၁၃၃၇ဝ ရူပီး (တစ်တန်လျှင် ကန်ဒေါ်လာ ၂၈၅၃ ဒေါ်လာ) ဖြစ်တယ်လို့ သိရပါတယ်။ သြဂုတ် လ ၁၁ ရက်နေ့ထိ စာရင်းအရ နနွင်းစိုက်ဧရိယာဟက်တာပေါင်း ၆ဝ၆၈ဝ ရှိရာ အရင်နှစ်ကထက် ၈၃ ရာခိုင်နှုန်း တိုးလာတယ်လို့ အန်ဒရာပရာဒက်ရှ် လယ်ယာ စိုက်ပိုျးရေးဌာနက ပြောကြားပါတယ်။ နနွင်းဈေးနှုန်း နည်းသွားနိုင်ကြောင်း ခန့်မှန်း ကြပါတယ်။ှSource:commodityonline.com,ပပ
နနွင်းတက် သြဂုတ်လ ၂၅ ရက်မှ ၃၁ ရက်ထိကာလအတွင်း စစ်တွေနယ်စပ်မှ နနွင်းတက် ၆ တန်၊ တန်ဖိုးကန် ဒေါ်လာ ၉၆ဝဝ ဖိုး တင်ပို့နိုင် ခဲ့ပါတယ်။ ယခင်အပတ်က မူဆယ်နဲ့ စစ်တွေမှ ၃၆ တန် တင်ပို့နိုင်ခဲ့ပြီး ယခုအပတ်မှာ တော့ စစ်တွေနယ်စပ်မှသာ တင်ပို့ခဲ့ခြင်း ဖြစ်ပါတယ်။ မိမိဘက်မှာ ၁၄ဝ၇၆ဝဝ ကျပ် ဈေးပေါက်ပြီး တစ်ဘက်နိုင်ငံမှ ၁၂၃၇ဝဝ တာကာ ပေါက်လျက်ရှိပါတယ်။ ယခင်အပတ် အတိုင်း ဈေးပြောင်းလဲမှု မရှိဘူးလို့သိရပါတယ်။ တင်တင်ထွန်း (MIRT)
နနွင်း အပို့တုံံ့ဆိုင်း နနွင်းနဲ့ချင်းက ပြည်ပဝယ်လက်အဆွဲနဲ့ ပြည်တွင်းအဝယ်အဆွဲကြားမှာ အပို့ နှေးနေပါတယ်။ ဒီ်သြဂုတ်လ နောက်ဆုံးပတ် အတွင်း နနွင်းတစ်တန် အက်ဖ်အိုဘီ ဈေး ကန်ဒေါ်လာ ၁၄ဝဝ ကနေ ၁၅ဝဝ ဝန်းကျင်နဲ့ အဓိကတင်ပို့နေတဲ့ အိန္ဒိယ-မလေးရှား၊ အာရပ်စော်ဘွားသည့် နိုင်ငံများရဲ့ အဝယ်ကဲျသွားတာကြောင့် အပို့ လည်းပါးပါးပဲ ပို့နေပြီးဒီသီတင်းပတ်မှာတော့အဝင်မရှိတာတွေ့ ရပါတယ်။ MIRT (DOT)
ပြည်ဈေးကွက်သို့ ဝင်ရောက်လာသောတောင်ကြီးချင်း ပဲခူးတိုင်းဒေသကြီး (အနောက်ပိုင်း) တွင် ချင်းကို ဧကအနည်းငယ်သာ စိုက်ပိုျးနိုင်ပြီး၊ တိုင်းအတွင်း စားသုံးဖူလုံခြင်းမရှိတာကြောင့် တောင်ကြီးမှအပတ်စဉ် အနည်းဆုံးကား ၂ စီးဝင်ရောက်ပါတယ်။ တစ်စီးလျှင် အိတ် ၇ဝဝ ခန့်ပါဝင်ကြောင်း သိရပါတယ်။ ပြည်ဈေး ကွက်တွင် ချင်းတစ်ပိဿာလျှင် ၁၂ဝဝ-၁၄ဝဝ ကျပ်ဖြင့် အရောင်းအဝယ်ဖြစ်ကြောင်း သိရပါတယ်။ ဆုမွန်ဆွေ
ပြည်တွင်းပုံမှန် ပြည်ပ အပို့နည်း ပြည်တွင်းမှာ ချင်းအထွက်ပုံမှန်အရောင်းအဝယ်ပုံမှန်ရှိနေပေမဲ့ ပြည်ပ ဈေးကွက်ကို ချင်းခြောက်တင်ပို့နိုင်မှုက ဒီသြဂုတ်လ ၂၃ ရက်နေ့ကနေ ၂၉ ရက်နေ့တာ ကာလအတွင်းအပို့မရှိခဲ့ပါဘူး။ ချင်းတင်ပို့မှုကလည်း ဒီသြဂုတ် လအတွင်း ခပ်ဆိုင်းဆိုင်းဖြစ်ခဲ့ပြီး အပို့ကဝယ်လက်ရဲ့အားပျော့မှုလက်ကျန် အခြေ အနေနဲ့ ချိန်ပြီး ပြည်တွင်းသုံးဘက်ကိုလှည့်ပြီး သွားနေတယ်လို့သိရပါတယ်။ MIRT (DOT)
လွယ်ဂျယ်မြို့ရှိ ပုဂ္ဂလိက စက်သုံးဆီအရောင်းဆိုင် လွယ်ဂျယ်မြို့ရှိ ပုဂ္ဂလိက စက်သုံးဆီ အရောင်းဆိုင်တွင် ဝန်ထမ်း (၄) ဦး ခန့်ထားလျက်ရှိပြီး လစာနှုန်းမှာ တစ်ဦးလျင် ကျပ် ၈ဝဝဝဝ-၉ဝဝဝဝ ရရှိပါတယ်။ ဓါတ်ဆီတစ်နေ့ရောင်း အား ဂါလံ ၅ဝ-၇၅ နှင့် ဒီဇယ်ဂါလံ ၅ဝ-၁ဝဝ ကြားရှိပါ တယ်။ မိမိဘက် ဓါတ်ဆီ တစ်ဂါလံ ၃၈၅ဝ ကျပ်နှင့် ဒီဇယ် တစ်ဂါလံ ၃၆၅ဝ ကျပ်ဈေး ရှိပြီး တစ်ဖက်နိုင်ငံ ပေါက်ဈေးမှာ ဓါတ်ဆီ တစ်ဂါလံ ၂၄ ဒဿမ ၅ ယွမ် ၃ ဒဿမ ၆ ဒေါ်လာနှင့် ဒီဇယ်တစ် ဂါလံ ၂၄ ယွမ် ၃ ဒဿမ ၅ ဒေါ်လာ ရောင်းချလျက်ရှိကြောင်းသတင်း ရရှိခဲ့ပါတယ်။ Source: နကသ၊နီနီအေး
ပုံမှန်ဈေးနဲ့ အရောင်းအဝယ်ဖြစ်နေတဲ့ မုံရွာဗွီတူးဈေးကွက် မုံရွာပဲဈေးကွက်မှာ အရောင်းအဝယ်ဖြစ်နေတဲ့ ပဲများအားလုံးဈေး ကျ ဆင်းပြီး အရောင်းအဝယ်ပါးနေတဲ့ အချိန်မှာ ဈေးပုံမှန်၊ အရောင်းအဝယ်မှန်နေတဲ့ ပဲကတော့ ဗွီတူးကုလားပဲပါ။ ဒေသတွင်းပဲခွဲစက်နဲ့ ကြာဇံစက်များရဲ့ နေ့စဉ် ဝယ်လိုအား ရှိနေသလို မန္တလေးဝယ်လက်မှလည်း ပုံမှန်အဝယ်ရှိနေတဲ့အတွက်လို့ သိရပါတယ်။ ဗွီတူးဈေးဟာ သြဂုတ်လ တစ်လလုံး (အမြင့်) တစ်တင်း ၂ဝ၄ဝဝ ကျပ်၊ အနိမ့် ၁၉၃ဝဝ ကျပ်သာ အပြောင်းအလဲရှိခဲ့ပြီး နေ့စဉ်ပုံမှန် ၅ဝဝ အိတ်မှ ၇ဝဝ အိတ်ခန့် အရောင်းအဝယ်ဖြစ်ခဲ့ကြောင်း သိရပါတယ်။ ပြည်ပဝယ်လက်မရှိသော်လည်း ဒေသတွင်း၊ မန္တလေးပုံမှန်ဝယ်လက်ရှိနေ တဲ့ အတွက် ဗွီတူးဈေးကတော့ ကျဆင်းနိုင်ဖွယ် မရှိနိုင်ဘဲ အရောင်းအဝယ်အနေ နဲ့ ပုံမှန်ဖြစ်နိုင်ကြောင်း ကုန်သည်များက ခန့်မှန်းကြပါတယ်။ အောင်မင်း
ပြည်ဈေးကွက်တွင် ကုလားပဲဈေးအနည်းငယ်ကျ ပြည်ဈေးကွက်ရဲ့ ကုလားပဲဈေးဟာ သြဂုတ်လနောက်ဆုံးပတ်က ၂ဝ၅ဝဝ ကျပ်ဖြင့် အရောင်းအဝယ်ရှိခဲ့ပြီး၊ ယခုစက်တင်ဘာ ပထမပတ်မှာ ၂ဝ၂ဝဝ ကျပ်ဖြင့် ဈေးအနည်းငယ်ကျလာပါတယ် ခွဲစက်သမားများ အဝယ်နည်းပြီး ရောင်း အားကျလာတဲ့အတွက် ဈေးကျခဲ့ခြင်းဖြစ်ပါတယ်။ ရန်ကုန်သို့ ကုလားပဲအိတ် ၁ဝဝဝ ခန့် ရောင်းချခဲ့ရပေမဲ့ ဈေးမှာမြင့်တက်ခြင်းမရှိပဲ ဈေးကျနေပါတယ်။ တိုင်းတွင်းမှာ လည်း တစ်နေ့အိတ် ၈ဝ ခန့်သာ ရောင်းချမှုရှိခဲ့ကြောင်း သိရပါတယ်။ လွင်လွင်ဆန်း