တရုတ်နိုင်ငံ စွမ်းအားသစ်အတွက် အခက်တွေ့                   တရုတ်နိုင်ငံမှာ ပြောင်းမှထုတ်လုပ်တဲ့ အီသနောလောင်စာဟာ မော်တော် ယာဉ်များမှ ဓာတ်ငွေ့ထုတ်လွှတ်ခြင်းကို လျော့ကျ စေပေမဲ့ထုတ်လုပ်မှု စရိတ်မြင့်မား ခြင်းနဲ့ လူဦးရေများပြားခြင်းက အီသနော ထုတ်လုပ်မှုကို အဟန့်အတားဖြစ်စေ ကြောင်း   သိရပါတယ်။မော်တော်ယာဉ်တွေက ဓာတ်ငွေ့ထုတ်လွှတ်မှုကို ဟန့်တားဖို့ အတွက် ၂ဝဝ၄ ခုနှစ်ကတည်းက အီသနောထုတ်လုပ်တဲ့ အထူးစီမံကိန်းတွေချမှတ် ဆောင်ရွက်နေပြီး အစဉ်အလာအရ သုံးစွဲတဲ့ လောင်စာဆီနဲ့ စွမ်းအင်အသစ်တွေ ဖွံ့ဖြိုးတိုးတက်မှုပေါ်မှာ မူတည်ကြောင်းသိရပါတယ်။ အီသနောတစ်တန်ထုတ်ဖို့ အတွက် ပြောင်း (၃) တန်လိုအပ်ပြီး ကုန်ကျစရိတ် ယွမ် ၈ဝဝဝ (ဒေါ်လာ ၁၇ဝ) လောက်တဲ့အတွက် လောင်စာဆီရဲ့ ကုန်ကျစရိတ်ကပိုပြီး သက်သာကြောင်း စင်ဒါ ကုမ္ပဏီရဲ့ သုတေသီက ပြောကြားခဲ့ပါတယ်။ ဒါ့အပြင် ပြောင်းကနေ အီသနော အဖြစ် ပြောင်းလဲခြင်းဟာ တရုတ်ရဲ့ အစားအစာလုံခြုံရေးကို အထူးသဖြင့် သဘာဝ ဘေးအန္တရာယ် ကြောင့်သီးနံှအထွက်နှုန်း ထိခိုက်နေတဲ့အတွက် ခြိမ်းခြောက် နေကြောင်း ရှင်းယန် စိုက်ပိုျးရေးတက္ကသိုလ်မှ ပါမောက္ခရဲ့ အစီရင်ခံစာမှာ ဖော်ပြ ထားတာတွေ့ရပါတယ်။ မိုးခေါင်ခြင်းနဲ့ ရေလံျှခြင်း တို့ မြင့်တက်နေပြီး သီးနံှ ဝယ်လိုအားနဲ့သိုလှောင်မှု အကြပ်အတည်းတွေ ကြုံတွေ့နေရ ပေမယ့်  တရုတ် အနေနဲ့ အီသနောထုတ်လုပ်ရေးကို ခွင့်ပြုသင့်တယ်လို့ 0x158င်းကဆက်လက် ပြော ကြားခဲ့ပါတယ်။ ကမ္ဘာ့လူဦးရေရဲ့ ၂ဝ ရာခိုင်နှုန်း၊ ကမ္ဘာ့စိုက်ပိုျးဧရိယာရဲ့ ၇ ရာခိုင် နှုန်းရှိတဲ့ တရုတ်နိုင်ငံဟာ လူဦးရေ ၁ ဒဿ ၃ ဘီလီယံရဲ့ အစားအစာ အတွက် သောကရောက်နေရပြီး စက်မှုလုပ်ငန်းထွန်းကားမှုနဲ့ မြို့ပြစနစ်ထွန်းကားမှု က စိုက်ပိုျးဧရိယာတွေကို တစ်ဖြည်းဖြည်း ဝါးမိုျနေ ကြောင်းသိရပါတယ်။ တရုတ်နိုင်ငံ ရဲ့ ပြောင်းထွက်ရှိမှု (၂) ဆ ဖြစ်လာတဲ့အချိန်မှာတော့ အီသနောဟာ ကြီးမားတဲ့ ထုတ်လုပ်ရေး ဖြစ်လာလိမ့်မယ်လို့ ပါမောက္ခပြောခဲ့ပါတယ်။ တရုတ်ရဲ့ အကြီးဆုံး ပုဂ္ဂလိကလောင်စာစက်ရုံအသင်းနဲ့ အမိုျးသားစီးပွားရေးဖွံ့ဖြိုးတိုးတက် မှုနဲ့ ပြုပြင်ပြောင်းလဲရေး ကော်မရှင် (NDRC) တို့ အီသနောစီမံကိန်း ရပ်ဆိုင်းရန်အ တွက် အငြင်းပွားပြီးနောက်ပိုင်း ပါမောက္ခက အထက်ပါအတိုင်း သုံးသပ်ခဲ့တာ ဖြစ်ပါတယ်။ တစ်ဖက်က အခိုျ့ဒေသမှာ သီးနံှအထွက်နှုန်းကျဆင်းနေပြီး အခြား တစ်ဖက်က  အီသနော ထုတ်လုပ်တဲ့ ကုမ္ပဏီတွေရဲ့ဝယ်လိုအားကြောင့် ပြောင်းဈေး နှုန်း မြင့်တက်လျက် ရှိတယ်လို့ ၎င်းက ဆက်လက်ပြောကြား ခဲ့ပါတယ်။ အီသနော စက်ရုံများမှာ သီးနံှမဟုတ်တဲ့ ကုန်ကြမ်းသုံးပြီး ထုတ်လုပ်ဖို့ကတော့ တရုတ်ရဲ့ စွမ်းအင်သစ်ဖွံ့ဖြိုးရေးကဏ္ဍမှာ ပုစ္ဆာတစ်ပုဒ်ဖြစ်နေပါတယ်။ တရုတ်နိုင်ငံဟာ ကမ္ဘာ့ပြောင်းထုတ်လုပ်မှုနဲ့ သုံးစွဲမှုအများဆုံးနိုင်ငံဖြစ်ပြီး နှစ်စဉ် ထုတ်လုပ်မှုနဲ့ သုံးစွဲမှု တန်ချိန် သန်း (၁၅ဝ) ကျော်ရှိကြောင်း သတင်းရရှိပါတယ်။                                                                                                                            Sources:Sity news.com,KZW

စစ်ကိုင်းတိုင်းမှာ မိုးပဲပုပ် ၈၂ ရာခိုင်နှုန်းကျော်စိုက်ပျိူးပြီး    ၂ဝ၁ဝ-၂ဝ၁၁ ခုနှစ် စစ်ကိုင်းတိုင်း မိုးပဲပုပ်စိုက်ပိုျးရန် လျာထားဧက ၂၅၅၉ အနက် ၂၁ဝ၄ ဧကစိုက်ပြီးလို့ ၈၂ ရာခိုင်နှုန်းကျော်စိုက်ပိုျးပြီး ဖြစ်ပါတယ်။ ကလေး၊ ခန္တီး၊ ဟုမ္မလင်း၊ ကန့်ဘလူ၊ ရေဦး၊ တန့်ဆည်၊ ကောလင်းမြို့နယ် များမှာ စိုက်ပိုျးကြပြီး ယခုအရောင်း အဝယ် ပြုလုပ်နေတာကတော့ ယခင်နှစ်ထွက်ရှိတဲ့ ပဲပုပ်မှ တောင်သူကုန်သည်များလက်ဝယ်လက်ကျန် အနည်းငယ်ကိုသာ အရောင်းအဝယ်ပြုလုပ် နေကြခြင်း ဖြစ်ပါတယ်။ ရေဦးနဲ့ တန့်ဆည်မြို့နယ်များမှ ပဲပုပ်များ မုံရွာ မြို့သို့ဝင်ရောက်ခဲ့ပြီး ၂ဝ၁ဝ ခု သြဂုတ် လမှာ တစ်ပိဿာ ၇၇၈ ကျပ်မှ ၈၃၃ ကျပ်အတွင်းသာ ဈေးပေါက်ကြောင်း သိရပါတယ်။ ယခင်နှစ်ကာလတူ ဈေးမှာလည်း ၈ဝ၆ ကျပ်မှ ၈၃၃ ကျပ် အတွင်းသာ ဈေးဖြစ်ပေါ်ခဲ့ကြောင်း သိရပါတယ်။ ၂ဝ၁ဝခုနှစ်သြဂုတ်လအတွင်း မုံရွာမှ မန္တလေးသို့ တစ်တင်းခွဲဝင် ပဲပုပ်၂၅၂ အိတ်စီးထွက်ခဲ့ပြီး မုံရွာ ကုန်စည်ဒိုင်မှာနေ့စဉ် ပျမ်းမျှတင်း ၁ဝဝ ခန့် အရောင်းအဝယ်ဖြစ်ကြောင်း သိရ ပါတယ်။                                                                                                                             သန်းသန်းတင်

မန်းဈေးကွက်သို့ မိုးမြေပဲဆံအသစ်များ ဆက်လက်ဝင်ရောက်    မန်းဈေးကွက်အတွင်းသို့ မကွေးတိုင်းအတွင်းမှထွက်ရှိတဲ့ မြေပဲဆံများ ဝင်ရောက်သလို လှောင်လက် များကလည်း ထုတ်ရောင်း နေပါတယ်။ စက်တင်ဘာလအတွင်း မိုးမြေပဲဆံများ ဈေးကွက်အတွင်း လှိုင်လှိုင်ဝင်ရောက်လာတော့ မှာဖြစ်တဲ့ အတွက် ပစ္စည်း အဟောင်းလက်ကျန်သမားများမှ ထုတ်ရောင်းနေသော် လည်း ပဲဆီဈေးအေးနေတဲ့အတွက် ဆီစက်သမားများမှ ဝယ်လိုအားနည်းကာ ဈေးအေးနေပါတယ်။     အသစ်ဝင်ရောက်လာတဲ့ မြေပဲဆီဆံက တစ်ပိဿာကို ၁၇၈ဝ ကျပ်၊ ၁၈ဝဝ ကျပ်ဝန်းကျင်ရှိပြီး၊ မြေပဲဆံ အဟောင်းတွေက ရှမ်းဆီဆံက ၁၉၃ဝ ကျပ်၊ အညာဆီဆံက ၁၉၂ဝ ကျပ်နဲ့ ရောင်းဝယ်နေပါတယ်။ မြေပဲဆီတစ်ပိဿာ ၃၅ဝဝ ကျပ်မှ ၃၇ဝဝ ကျပ်၊ မြေပဲဖတ်ကတော့ ၉ဝဝ ကျပ်မှ ၉၁ဝ ကျပ်ဈေးရှိပြီး၊ ဈေးကွက်အတွင်းသို့ မိုးမြေပဲဆံ အသစ်များ ဝင်ရောက်လာသော်လည်း ယခုပေါက်ဈေးနဲ့ သိပ်ကွာဟမှု မရှိနိုင်ကြောင်း သိရပါတယ်။                                                                                                                             ကျော်ကျော်မိုး

ဈေးအနည်းငယ်ကျပေမဲ့ အရောင်းအဝယ်ဖြစ်တဲ့ ပြည်မိုးနှမ်း    ပြည်ဈေးကွက်တွင် မိုးနှမ်းအသစ်များကို ပေါင်းတလည်၊ ပေါက်ခေါင်း၊ ရွှေတောင်၊ နတ်တလင်းနဲ့ ပြည်မြို့အနီး တစ်ဝိုက်ရှိ ကျေးရွာများမှနေ့စဉ်အိတ် ၅ဝဝ-၆ဝဝ ခန့်အထိ ဝင်ရောက်လာသဖြင့် ယခင်အပတ်ထက်စာရင် ဝင်ရောက်မှုမှာ ထက်ဝက် နီးပါးတက်လာခဲ့ပါတယ်။ မိုးနှမ်းအသစ်များအဆက်မပြတ် ထွက်ပေါ်လာ တာကြောင့် ပြည်နှမ်းဈေးကွက်တွင် နှမ်းဈေးအနည်းငယ် ကျဆင်းလာခဲ့ပါတယ်။ မိုးနှမ်းနက် (၄၅) ပိဿာ တစ်အိတ်ကို ၈၆ဝဝဝ ကျပ်နဲ့ မိုးနှမ်းနီ (၄၅ ) ပိဿာ တစ်အိတ်ကို ၆၅၅ဝဝ ကျပ်ဖြင့် ယခင်အပတ်ထက်စာရင် ဈေးအနည်းငယ် ကျသွားကြောင်း သိရပါတယ်။ ဈေးအနည်းငယ် ကျပေမဲ့ တစ်နေ့ကို နှမ်းအိတ် ၅ဝဝ ခန့် အရောင်းအဝယ်ဖြစ်လျက်ရှိပါတယ်။                                                                                                                                 ဝေဝေမင်း