Background
နှမ်းသစ်ပေါ်လို့ နှမ်းနဲ့နှမ်းဆီဈေးကျ စစ်ကိုင်းတိုင်းဒေသကြီးအတွင်း မိုးနှမ်းအသစ်များလှိုင်လှိုင်ပေါ်ထွက်ပြီးမုံရွာဈေးကွက်အတွင်း ဝင်ရောက် လာပြီဖြစ်လို့ နှမ်းဈေးအနည်းငယ်အေးလာတယ်လို့ သိရပါတယ်။ ရေဦး၊ တန့်ဆည်၊ ဘုတလင်၊ ကနီ၊ ယင်းမာပင်၊ ပုလဲ၊ ဆားလင်းကြီး၊ ချောင်းဦး၊ အရာတော်၊ မြောင်၊ ကလေး၊ တမူးမြို့နယ်များမှ နှမ်းသစ်များမုံရွာမြို့သို့ နေ့စဉ်ပျမ်းမျှတင်း ၅ဝဝ ခန့်ဝင်ရောက်လာ ပါတယ်။ ၂ဝဝ၉ ခုနှစ်သြဂုတ်လမှာ နှမ်းတစ်ပိဿာ အနိမ့်အမြင့်ဈေးမှာ နှမ်းညို ၁၃၃၃ ကျပ်-၁၅၆၇ကျပ်၊ နှမ်းနီ ၁၄၆၇ ကျပ် -၁၅၁၃ ကျပ်၊ နှမ်းဝါ ၁၄ဝဝ ကျပ်-၁၅၆၇ ကျပ်၊ နှမ်းဖြူ၁၆၃၃ ကျပ်-၁၈၆၇ ကျပ်၊ ယခု ၂ဝ၁ဝ ခုနှစ် စက်တင်ဘာလ ၁၄ ရက်အတွင်းနှမ်းညို ၁၂၃၃ ကျပ်-၁၃၃၃ ကျပ်၊ နှမ်းနီ ၁၄၁၃ ကျပ်-၁၄၃၃ ကျပ်၊ နှမ်းဝါ ၁၃၆၇ ကျပ် -၁၄ဝဝ ကျပ်၊ နှမ်းဖြူ ၁၆ဝဝ ကျပ်-၁၇ဝဝ ကျပ်ဈေးအသီးသီးနဲ့အရောင်းအဝယ်ပြုလုပ်ခဲ့ကြပါတယ်။ ယခုလမှာ ဈေးအနည်းငယ် ကျသွားသော်လည်း အရောင်းအဝယ်သွက်လျက်ရှိပြီး မုံရွာကုန်စည်ဒိုင်မှာ နေ့စဉ်ပျမ်းမျှတင်း၁၈ဝဝ ခန့် အရောင်းအဝယ်ဖြစ်ပါတယ်။ ယခုလ စက်တင်ဘာလ ပထမပတ်နဲ့ဒုတိယပတ် အတွင်းမုံရွာမှ မန္တလေးသို့ တင်း ၁၈ဝဝ ကျော်စီးထွက်ခဲ့ပါတယ်။နှမ်းဆီ ဈေးနှုန်း အနေနဲ့ မုံရွာမြို့မှာ သြဂုတ်လက တစ်ပိဿာ လက်ကားဈေးနှုန်း၂၆၅ဝ ကျပ်-၂၇ဝဝ ကျပ်မှ ယခုစက်တင်ဘာလမှာ ၂၄ဝဝ ကျပ်-၂၆ဝဝ ကျပ်သို့ကျသွားကြောင်း သိရပါတယ်။သန်းသန်းတင်
နှမ်းတင်ပို့မှု တိုးတက်လာ ယခုတစ်ပတ် (စက်တင်ဘာလ ၆ ရက်မှ ၁၂ ရက်) အတွင်း ပင်လယ်ရေကြောင်းကနေ နှမ်းစံချိန်တင် တိုးတက်တင်ပို့ လာတာတွေ့ရပါတယ်။ ယခင်သီတင်းပတ်များက အများဆုံးတန် ၅ဝဝ-၆ဝဝ ထိရှိခဲ့ပေမဲ့ ယခုတစ်ပတ်မှာ တန်ချိန် ၁ဝဝဝ တင်ပို့လာခဲ့ပါတယ်။ တင်ပို့တဲ့ နိုင်ငံတွေကတော့ ဂျပန်၊ ကိုရီးယားနဲ့မလေးရှားဖြစ်ပြီး ပမာဏ များတာကတော့ ဂျပန်နိုင်ငံကို ဖြစ်ပါတယ်။ ရန်ကုန် FOB ဈေးအနေနဲ့ ယခင်သီတင်းပတ်အတိုင်း နှမ်းဖြူတစ်တန်ကို ကန်ဒေါ်လာ၁၃ဝဝ-၁၃၅ဝ၊ နှမ်းနက်တစ်တန်ကို ကန်ဒေါ်လာ ၁၃၅ဝ-၁၄၅ဝ နဲ့ သိပ္ပွံနှမ်းနက်တစ်တန်ကို ကန်ဒေါ်လာ ၁၇ဝဝ-၁၈ဝဝ အသီးသီးဖြစ်ကြောင်းသိရပါတယ်။MIRT - MAPT
လက်လီထက် လက်ကား ဝယ်ယူသူများတဲ့ ပြည်ပဲပုပ် ပြည်ဈေးကွက်ရဲ့ စက်တင်ဘာ ဒုတိ ယပတ် ပဲပုပ်ဈေးမှာ ပိဿာ ၂ဝ တစ်တင်းကို လက်ကား ၁၆ဝဝဝ ကျပ်၊လက်လီ ၁၆၅ဝဝကျပ်နဲ့ယခင် တစ် ပတ် ဈေးအတိုင်း အပြောင်းအလဲမရှိ အရောင်းအဝယ်ဖြစ်ကြောင်း သိရ ပါတယ်။ လက်လီထက် လက်ကား ဝယ်ယူသူများပြီး တစ်ရက်ကို အိတ် ၁ဝဝ ကျော်အရောင်းအဝယ် ဖြစ် ကြောင်းသိရှိရပါတယ်။ အရောင်းအ ဝယ် ဖြစ်သော်လည်း ရေသွင်းစိုက်ပိုျး တဲ့ မိုးပဲပုပ်အသစ်များ ဈေးကွက်တွင်း ဝင်ရောက်မှုရှိလာတဲ့အတွက် ဈေးငြိမ် နေခြင်းဖြစ်ကြောင်း သိရပါတယ်။ ဆုမွန်ဆွေ
မိုးမြေပဲဆီဆံဈေးခပ်အေးအေး မန်းဈေးကွက်အတွင်းသို့ မြေပဲဆီဆံအသစ်များ တဖြည်းဖြည်းနဲ့ လှိုင်လှိုင်ဝင်ရောက်လာပါတယ်။ အသစ်ဝင်ရောက်မှုရှိလာပေမဲ့ လည်း မြေပဲဆီဆံ ဈေးကွက်ဟာ ဆီစက်လုပ်ငန်းရှင်များမှ လိုဝယ်အဆင့်သာ ရှိနေတဲ့အတွက် ဈေး တဖြည်းဖြည်းအေးလာခဲ့ပါတယ်။ အသစ်ဝင်လာတဲ့ မကွေးဆီဆံက တစ်ပိဿာ ၁၃ဝဝ ကျပ်-၁၄၅ဝ ကျပ်၊ ကျောက်ပန်းတောင်း S1ဆီဆံက ၁၄၃၅ ကျပ်၊ ပြည်ဆီ ဆံက ၁၄ဝဝ ကျပ်၊ ကောလင်း၊ ဝန်းသို၊ ဇီးကုန်းဒေသထွက်ရှိတဲ့ သံလမ်းဆီဆံ (အဟောင်း)က ၁၅ဝဝ ကျပ်၊ ထီးခိုျင့်၊ ကသာ၊ ဗန်းမော်ဒေသ ကထွက်တဲ့ အညာ ဆီဆံက ၁၇၅ဝ ကျပ်ဝန်းကျင်တို့ဖြင့် ရောင်းဝယ်နေကြပါတယ်။ ဈေးကွက်အတွင်း ပစ္စည်းအသစ်ရော၊ အဟောင်းပါရှိနေသော်လည်း ဆီစက်လုပ်ငန်းရှင်များ ဝယ်လို အားနည်းနေတဲ့အတွက် တဖြည်းဖြည်း ဈေးအေး လာနိုင်တယ်လို့ ရောင်းဝယ် ကြတဲ့ ကုန်သည် တခိုျ့မှ ပြောကြားပါတယ်။ ပဲဆီဈေးကတော့ တစ်ပိဿာ ၃၂ဝဝ ကျပ်-၃၄ဝဝ ကျပ်၊ ပဲဖတ်က ၇၅ဝ ကျပ်-၈၈ဝ ကျပ်ဝန်းကျင်ဖြင့်သာ အရောင်း အဝယ် ဖြစ်နေကြောင်း သိရှိရပါတယ်။ ကျော်ကျော်မိုး
ပဲပုပ်စေ့ စက်တင်ဘာလ ၁ ရက်မှ ၇ ရက်ထိ ကာလအတွင်း မူဆယ်နယ်စပ်မှ တစ်ဆင့် ပဲပုပ်စေ့ ၁ဝ၈တန်၊ ကန်ဒေါ်လာ ဝ ဒသမ ဝ၅၈ သန်းဖိုးတင်ပို့နိုင်ခဲ့ ပါ တယ်။နယ်စပ်စခန်းမှ ဇွန်လက နောက် ဆုံး ၃၆ တန် တင်ပို့ခဲ့ပြီး ရပ်တန့် နေ ရာမှ ယခုပြန်လည် တင်ပို့နိုင်ခြင်း ဖြစ် ပါတယ်။ ဧပြီလမှသြဂုတ်လကုန်ထိ နယ်စပ်စခန်းများမှ ပဲပုပ်စေ့၃၆ တန် သာ တင်ပို့ထားတာ ဖြစ်ပါတယ်။ MIRT (DOBT)
မိုးနှမ်းသစ်လှိုင်လှိုင်ပေါ်လို့ နှမ်းဈေးအနည်းငယ်အေး ပြည်ဈေးကွက်တွင် မိုးနှမ်းအသစ်များ လှိုင်လှိုင်ပေါ်နေပြီဖြစ်လို့ နှမ်း ဈေးမှာ အရင်အပတ်ထက် ဈေးကျ သွားတာတွေ့ရပါတယ်။ သြဂုတ်လ နောက်ဆုံး ပတ်တွင် မိုးနှမ်းနီအသစ် ၄၅ပိဿာတစ်အိတ်လျှင် ၈၆ဝဝဝ ကျပ်ဖြစ်နေသော်လည်း၊ စက်တင်ဘာလဆန်းမှစ၍ ခုချိန်ထိ ၈ဝဝဝဝ ကျပ်ဈေးဖြစ်ပေါ်ခဲ့ပါတယ်။ မိုးနှမ်းနီအသစ် ၄၅ ပိဿာတစ်အိတ်လျှင် ၆၅၅ဝဝ ကျပ်ဖြင့် သြဂုတ်လ နောက်ဆုံးပတ်ထိဖြစ်နေသော်လည်း စက်တင်ဘာ လဆန်းမှ ခုချိန်ထိ ၆၅ဝဝဝ ကျပ်ဖြင့် ၅ဝဝ ကျပ်ဈေးကျလာတာတွေ့ရပါတယ်။ မိုးနှမ်းနီကို ဆီစက်သမားများမှ ပုံမှန်အဝယ်ရှိနေသဖြင့် ဈေးသိပ်မကျဘဲ ဈေးတန်းနေခြင်းဖြစ်ပါတယ်။ ပြည်ဈေး ကွက်သို့ မင်းတုန်း၊ ကံမ၊ မြန်အောင်၊ ကြံခင်းနဲ့ ဥသျှစ်ပင်၊ ပေါက်ခေါင်း၊ နတ်တလင်း မြို့နယ်ဘက်မှ မိုးနှမ်းနီအသစ်များ တစ်နေ့လျှင်အိတ် ၁ဝဝဝ-၁၅ဝဝ ခန့် ဝင်ရောက် လာတာတွေ့ရပါတယ်။ ဝင်ရောက်လာသလောက် အရောင်းအဝယ် ဖြစ်တာတွေ့ရ ပါတယ်။ နှမ်းဆီတစ်ပိဿာလျှင် ၂၉ဝဝ ကျပ်နဲ့ အရောင်းအဝယ် ဖြစ်လျက် ရှိပါတယ်။ ဝေဝေမင်း
ဒီအပတ် မူဆယ်က နှမ်းတန် ၁ဝဝဝ ကျော်ပို့ မြန်မာတရုတ်နယ်စပ်ရှိ မူဆယ် ၁ဝ၅ ကုန်သွယ်ရေးဇုန်မှ တစ်ဆင့် နှမ်း ရောင်စုံ ၁၁၃၂ ဒသမ ၃၂ တန်၊ တန်ဖိုးအားဖြင့် ကန်ဒေါ်လာ ၁ ဒသမ ၄၉၄သန်း ဖိုးစက်တင်ဘာလ ၁ရက်မှ ၇ ရက်ထိကာလအတွင်း တင်ပို့ နိုင်ခဲ့ပါတယ်။ သြဂုတ် လ ၂၅ ရက်မှ ၃၁ ရက်ထိကာလအတွင်းမှာ ၄၉၇ ဒသမ ၈၅ တန်တင်ပို့ခဲ့တဲ့ အတွက်ယခုအပတ်မှာ ၆၃၅ တန်နီးပါးပိုမိုတင်ပို့နိုင်ခဲ့ပါတယ်။နှမ်းဖြူ ၅၃၇တန်၊ နှမ်းဖြူူအခွံချွတ် ၉၈ ဒသမ ၂၅ တန်နဲ့ နှမ်းနက် ၄၉၇ ဒသမ ဝ၇ တန် အသီးသီး တင်ပို့ခဲ့ခြင်းဖြစ်ပါတယ်။ မိမိဘက်နှမ်းပေါက်ဈေးကျဆင်းနေသော်လည်းတစ်ဘက်နိုင်ငံပေါက်ဈေးမှာမြင့်တက်လျက်ရှိတာတွေ့ရပါတယ်။ မိမိဘက်နဲ့တစ်ဘက်နိုင်ငံ မြေပြင်ပေါက်ဈေးများကို ဖော်ပြပေးလိုက်ပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၁၁၃၃၄၇၇ ၁၁၆၆၁ဝ၉ ၃၂၆၃၂ ၃ ၁၃၄ဝ ၁၁၇၅ ၁၆၅ ၁၂နှမ်းနက် ၁၃ဝ၁၁၄ဝ ၁၄၅၄၉ဝ၅ ၁၅၃၇၆၅ ၁၂ ၁၃၉၉ ၁၃၇၆ ၂၃ ၂ MIRT (DOBT)
ပြည်ဈေးကွက်ပဲပုပ် အရောင်းအဝယ်ဖြစ် ပြည်ပဲပုပ်မှာ ယခင်တစ်ပတ်က ပိဿာ ၂ဝတစ်တင်းလျှင် ၁၆ဝဝဝ ကျပ် ဖြင့် ဝယ်လက်မရှိ၍ အရောင်း အဝယ် မဖြစ်ခဲ့သော်လည်း ယခုတစ်ပတ်မှာ တော့ တိုင်းအတွင်းလက်လီဝယ်ယူသူ များဖြင့် အရောင်းအဝယ် ဖြစ်ကြောင်း သိရပါတယ်။ ပဲပုပ်ပိဿာ ၂ဝ တစ် တင်းလျှင် လက်လီဈေး ၁၆၅ဝဝ ကျပ်၊ လက်ကားဈေး ၁၆ဝဝဝ ကျပ်ဖြင့် အရောင်းအဝယ်ဖြစ်ကြောင်းသိရပါတယ်။ ဆုမွန်ဆွေ
ဆီစက်သမားများ ဝယ်လိုအားနည်းပေမဲ့ အရောင်းအဝယ်ဖြစ်တဲ့ ပြည်မြေပဲဆံ မိုးမြေပဲများလှိုင်ချိန်တွင် ပြည်ဈေးကွက်သို့ မင်းတုန်း၊ ကံမ၊ ကြံခင်း၊ မြန်အောင်၊ ဥသျှစ်ပင်၊ ပေါက်ခေါင်း ဘက်မှ နေ့စဉ်အိတ် ၁ဝဝဝ၊ ၁၂ဝဝ ခန့် ဝင်ရောက်လာတာတွေ့ရပါတယ်။ ဆီကြိတ်မြေပဲဆံဈေးမှာ သြဂုတ်လ ကုန်ပိုင်းမှာ တစ်ပိဿာ ၁၉ဝဝ ကျပ်ဖြစ် နေသော်လည်း၊ စက်တင်ဘာလဆန်းမှာ ၁၆၅ဝ ကျပ်အထိ ကျလာခဲ့ပါတယ်။ ဆီစက်သမားများမှလည်း ပဲဆီဈေးအေးနေတာ ကြောင့် ဝယ်လိုအားနည်းနေခဲ့ပါတယ်။ လုံးဆံတစ်ပိဿာလျှင် ၂ဝဝဝ ကျပ်၊ မြေပဲ ဆီ တစ်ပိဿာကို ၃၇၅ဝ ကျပ်မှ ၄ဝဝဝ ကျပ်ဖြင့် ဈေးအေးနေတာ တွေ့ရပါတယ်။ ပြည်ဈေးကွက်တွင် မိုးမြေပဲတစ်နေ့လျှင် အိတ် ၁ဝဝဝ ခန့် အရောင်းအဝယ်ဖြစ် တယ်လို့ ဈေးကွက်က သိရပါတယ်။ ဝေဝေမင်း