Background
ဇူလိုင်လအတွင်း တရုတ်နိုင်ငံက ပဲပုပ်တန်ချိန် ၅ ဒသမ ၃၅ သန်း တင်သွင်းခဲ့ တရုတ်နိုင်ငံရဲ့ ဝက်သား ထုတ်မှုလုပ်ငန်းပြန်လည် ကောင်းမွန်လာခြင်းနဲ့ ပဲပုပ်ဆီကြိတ်ခွဲသူများရဲ့အကျိုးအမြတ် ပိုမိုလာခြင်းတို့ကြောင့် ပဲပုပ် တင်သွင်းမှုဟာ တိုးတက်နေတဲ့ဘက်ကို ဦးတည်နေဆဲဖြစ်ပါတယ်။ ဇူလိုင်လ အတွင်း တန်ချိန် ၅ ဒသမ ၃၅ သန်း၊ တင်သွင်းခဲ့လို့ ယခင်လများထက် ၂၄ ဒသမ ၄ ရာခိုင်နှုန်း မြင့်တက်ခဲ့ပြီး ၈ လအတွင်း အမြင့်ဆုံး တင်သွင်းခဲ့ခြင်း ဖြစ်တယ်လို့ အကောက်ခွန် အထွေထွေအုပ်ချုပ်ရေးဌာနက ထုတ်ပြန်တဲ့ စာရင်းအရ သိရပါတယ်။ ၂ဝ၁၁ ရဲ့ ပထမ ၇ လအတွင်း စုစုပေါင်းတင်သွင်းမှုဟာ တန်ချိန် ၂၉ သန်း ရှိပြီး၊ ယခင်နှစ်တွေထက် ၅ ဒသမ ၅ ရာခိုင်နှုန်း လျော့ကျခဲ့ပါတယ်။ ပဲပုပ်ဆီထုတ်လုပ်သူများဟာ ၎င်းတို့ရဲ့အကျိုးအမြတ် တိုးတက်နေတဲ့ အတွက် ပိုမိုတင်သွင်းဖို့ ဝယ်ယူလိမ့် မယ်လို့ kdY Jingyi Futures Co မှ လေ့ လာ ဆန်းစစ်သူ Zhang Xingchao ကဆိုပါတယ်။ တရုတ်အစိုးရဟာ နိုဝင်ဘာ လအတွင်း စားဆီအဓိကထုတ်လုပ် သူများကို တင်းကျပ်ထားတဲ့ ဈေးနှုန်း သတ်မှတ်မှုကို မကြာခင်က ဖြေလျှော့ ခဲ့ပါတယ်။ အစိုးရက ငွေကြေးဖောင်း ပွမှုကို လျှော့ချနိုင်ရေး ဈေးနှုန်းထိန်း ထားဖို့ ညွှန်ကြားခဲ့တာ ဖြစ်ပါတယ်။ တစ်ချိန်တည်းမှာပဲ ဝက်သားထုတ် လုပ်မှု ပြန်လည်ကောင်းမွန်လာခြင်းက ပဲပုပ်ဖတ်အတွက် ဝယ်လိုအားကို တိုး တက်စေပြီး၊ တင်သွင်းမှု တက်လာတာလည်း ဖြစ်ပါတယ်လို့ Zhong ကဆို ိုပါတယ်။ ၂ နှစ်ခန့် ထုတ်လုပ်မှု ကျဆင်းခဲ့ ပြီးနောက် ဝက်မွေးမြူသူများဟာ ဝက်သားဈေးမြင့်တက်ခြင်းနဲ့ အစိုးရက ဝက် အရှင်ရောင်းချမှုကို မြှင့်တင်ဖို့ကြိုးပမ်းမှု တွေကြောင့် ဝက်ပိုမို မွေးမြူဖို့ စိတ်အား သန်လာခဲ့ပါတယ်။ ဇူလိုင်လ ဝက်သား ဈေးဟာ ယခင်လထက် ၅၆ ဒသမ ၇ ရာခိုင်နှုန်း တိုးတက်ခဲ့ပြီး အဲဒီလို ဝက်သားဈေး တိုးတက်ခြင်းကြောင့် ၃ နှစ် အတွင်း တရုတ်နိုင်ငံရဲ့ ငွေကြေး ဖောင်းပွမှုကို အကြီးမားဆုံး မြင့်တက်စေခဲ့ပါတယ်။ ကမ္ဘာ့ပဲပုပ် အကြီးမားဆုံး တင် သွင်းတဲ့ တရုတ်နိုင်ငံဟာ ၂ဝ၁ဝ ခုနှစ် မှာ တန်ချိန် ၅၄ ဒသမ ၈ သန်းအထိ အမြင့်ဆုံးတင်သွင်းခဲ့ပြီး၊ ပြည်တွင်း ထုတ်လုပ်မှုဟာ တန်ချိန် ၁၅ ဒသမ ၂ သန်းရှိခဲ့တယ်လို့ဆိုပါတယ်။ ဒါပေ မယ့် ပဲစိုက်ဧရိယာကတော့ ကျဆင်းနေပါတယ်။ ၂ဝ၁ဝ ခုနှစ်၊ ဆောင်းပဲရိတ် သိမ်းမှုဟာ ယခင်နှစ်က ဟတ်တာ ၇ ဒသမ ၆ သန်းရှိရာမှ ဟက်တာ ၉၃ဝဝဝဝ ကျဆင်းခဲ့တယ်လို့ နိုင်ငံတော် ဖွံ့ဖြိုးမှုနဲ့ ပြန်လည်ထူထောင် ရေးကော် မရှင်မှ ထုတ်ပြန်ထားပါတယ်။ အကယ် လို့သာ တရုတ်နိုင်ငံက ပဲပုပ်တင်သွင်းမှု ဆက်လက်ကြီးမားနေပြီး ရာသီဥတု ဆိုးရွားမှု ဖြစ်ပွားနေမယ်ဆိုရင် ကမ္ဘာ့ ဈေးကွက်အတွင်း စားနပ်ရိက္ခာဈေးနှုန်း ဖောင်းပွမှုကို ဖြစ်ပေါ်စေနိုင်မယ်လို့ အဓိက စိုက်ပျိုးရေးအကြံပေး ကုမ္ပဏီမှ ဝါရင့်လေ့လာ ဆန်းစစ်ပညာရှင် Ma Wenferg က ဆိုပါတယ်။ ယမင်းခင်၊Source: chinadaily
ဈေးကွက်သို့ စလှမ်းလာတဲ့ မြေပဲဆံ မုံရွာကုန်စည်ဒိုင်မှာ ကနီမြေပဲဆံ နဲနဲစလှမ်းလာပြီလို့သိရပါတယ်။ အဝင် မလှိုင်သေးပေမဲ့ ဝင်တဲ့မြေပဲစက အဖြူများပြီး အနီနဲတယ်။ အဖွင့်ဈေးတစ်ပိဿာ ဝယ်သူက ၁၆ဝဝ ကျပ်ပေးတယ်။ ရောင်းသူက ၁၆၅ဝ ကျပ် လိုချင်တယ်လို့ ကုန်သည်တစ်ဦးကပြောပါတယ်။ ယခုပတ်အတွင်း ပိဿာချိန် ၁၄ဝဝ-၁၅ဝဝ ခန့် ဝင်ပြီး နောက်ပိုင်း ဘုတလင်ဘက်ကပါ ဝင်လာနိုင်တယ်လို့လည်းသိရပါတယ်။ လက်ရှိ ပဲဆီဒိုင်ပေါက်ဈေးတစ်ပိဿာ ၃၃ဝဝ ကျပ်၊ ၃၄ဝဝ ကျပ်နဲ့ အရောင်း အဝယ်ရှိတယ်လို့သိရပါတယ်။ ခင်မြင့်မြင့်သန်း
အဝယ်သွက်၍ ဈေးမြင့်လာတဲ့ ပြည်မိုးနှမ်း မိုးနှမ်းများထွက်ပေါ်နေပြီ ဖြစ်သဖြင့် ပြည်ဈေးကွက်သို့ နှမ်းဝင်ရောက်မှုမှာ တစ်နေ့ထက်တစ်နေ့ များလာ တာတွေ့ရပါ တယ်။ အများဆုံးဝင်ရောက်လာတဲ့ မြို့နယ်များကတော့ ကံမ၊အောင်လံနဲ့ ပေါက်ခေါင်းမြို့တို့မှ ဖြစ်ပြီး၊ တစ်နေ့လျှင် အိတ် ၂ဝဝဝ ခန့်ဝင်ရောက်လာတာတွေ့ရပါတယ်။ အောင်လံဘက်မှ ဝင်ရောက် လာသော စမုံနက်နှမ်းကိုလည်း ရန်ကုန်ဝယ်လက် များမှ ပြည်ပတင်ပို့ရန် အဝယ် ရှိသဖြင့် ပြည်ဈေးကွက်တွင်တစ်နေ့လျှင် အိတ် ၅ဝဝ-၆ဝဝ ခန့် အရောင်းအဝယ် ဖြစ်တာတွေ့ရပါတယ်။ ဆီကြိတ်နှမ်းနီကိုလည်း ဆီစက်သမားများက အဝယ်ရှိနေ သဖြင့် ယခင်အပတ်ထက် ဈေးအနည်းငယ် မြင့်လာတာ တွေ့ရပါတယ်။ နှမ်းနက် (ရိုးရိုး)ကိုတော့ အဝယ်သိပ်မရှိသဖြင့် ဈေးကျလာတာ တွေ့ရပါတယ်။ ဆီကြိတ် နှမ်းနီ ၄၅ ပိဿာ တစ်အိတ် ၅၅ဝဝဝ ကျပ်၊ နှမ်းနက် ၄၅ ပိဿာ တစ်အိတ် ၅၅ဝဝဝ ကျပ်နဲ့ စမုံနက်နှမ်း ၄၅ ပိဿာ တစ်အိတ် ၈ဝဝဝဝ ကျပ်ဈေးဖြင့် ပြည်ဈေး ကွက်မှာ အရောင်းအဝယ်ဖြစ်လျက်ရှိပါတယ်။ ဝေဝေမင်း
နယ်စပ်မှ နှမ်းရောင်စုံတင်ပို့မှု ပိုမို မြန်မာ-တရုတ် နယ်စပ်ရှိ မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ ၂ ဒသမ ၁၉၅ သန်း တန်ဖိုးရှိ နှမ်းဖြူ ၁ဝ၆၂ တန်၊ နှမ်းနက် ၄၂၈ တန်ကျော်နဲ့ နှမ်းဖြူအခွံချွတ် ၂ဝ၅ တန် တင်ပို့နိုင်ခဲ့ပါတယ်။ စစ်ကိုင်းနဲ့ မန္တလေးတိုင်းဒေသကြီး ထွက် နှမ်းဖြူများနဲ့ မကွေးတိုင်းဒေသကြီးထွက်နှမ်းနက်များကို တင်ပို့နေတာဖြစ်ပါတယ်။ ယခင်အပတ်ကထက် နှမ်းဖြူ ၂၇၄ တန်၊ နှမ်းနက် ၁၂၆ တန်ကျော် ပိုမို တင်ပို့နိုင်ခဲ့ပြီး နှမ်းဖြူအခွံချွတ် တင်ပို့မှု ၆ တန် လျော့နည်းခဲ့ပါတယ်။ ဒါ့ကြောင့် နှမ်းရောင်စုံ တင်ပို့မှု ယခုအပတ်မှာ ၃၉၄ တန်ကျော်ပိုမိုဆောင်ရွက်နိုင်ခဲ့ပါတယ်။ မိမိဘက်နှမ်းဖြူဈေး ပြောင်းလဲမှုမရှိသော်လည်း တစ် ဘက်နိုင်ငံ ဈေးလျော့နည်း လျက်ရှိပါတယ်။ နှမ်းနက်ဈေးမှာ မိမိဘက်မှာရောတစ်ဘက်နိုင်ငံဈေးများပါ ကျဆင်းလျက်ရှိတာ တွေ့ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၈၃၅ဝ၈၂ ၈၃၅ဝ၈၂ - - ၁၁၇၆ ၁၂၈၉ ၁၁၃ ၁ဝနှမ်းနက် ၉၅ဝ၂၁၄ ၉၈ဝ၂၁၄ ၂၉၉၉ဝ ၃ ၁၄၄၂ ၁၄၅၉ ၁၇ ၁MIRT (DOBT)
စားအုန်းဆီဈေးနှုန်းများ(၁၅-၈-၂ဝ၁၁ မှ ၁၉-၈-၂ဝ၁၁ နေ့ထိ)စဉ် နေ့စွဲ CIF (ရန်ကုန်) ရေတွက်ပုံ-ဒေါ်လာ(၁) ၁၅-၈-၂ဝ၁၁ ၁၁၉၅(၂) ၁၆-၈-၂ဝ၁၁ ၁၂ဝဝ(၃) ၁၇-၈-၂ဝ၁၁ ၁၂၁ဝ(၄) ၁၈-၈-၂ဝ၁၁ ၁၂ဝ၅(၅) ၁၉-၈-၂ဝ၁၁ ၁၂ဝ၅Source:ဆီကုန်သည်များအသင်း
မလေးရှားစားအုန်းဆီအပတ်စဉ်ပျမ်းမျှ(FOB)ဈေးနှုန်း၁၉-၈-၂ဝ၁၁ US$/Ton သြဂုတ်လဒုတိယပတ် သြဂုတ်လတတိယပတ် နှိုင်းယှဉ်ချက်RBD P.Oil ၁၁၃၉ .ဝဝ ၁၁ဝ၂ .၅ဝRBD P.Olein ၁၁၆၆ .ဝဝ ၁၁၃ဝ .၅ဝRBD P.Strarin ၉၂၉ .ဝဝ ၈၆၄ .ဝဝSource: econ.mpob
ကမ္ဘာ့စီးပွားရေး အခြေအနေအရ စားအုန်းဆီကြမ်းဈေး အနည်းငယ် ပြောင်းလဲ ရင်းနှီးမြှုပ်နံှသူများဟာ ကမ္ဘာ့စီးပွားရေးတိုးတက်မှုအပေါ် ပိုမိုအလေးထားလာကြခြင်းနဲ့အတူ မလေးရှား စားအုန်းဆီကြမ်းဈေးဟာလည်း သြဂုတ်လ ၁၈ ရက်နေ့မှာ အနည်းငယ်ပြောင်းလဲခဲ့တယ်လို့ ကုန်သည်များက ပြောကြားပါတယ်။ မလေးရှားကုန်စည်ဒိုင်မှာ နိုဝင်ဘာလ အခြေခံစံနှုန်း စားအုန်းဆီကြမ်းဈေးဟာ ယခင်ရက်ထက် ဝ ဒသမ ၂ ရာခိုင်နှုန်း ကျဆင်းပြီး၊ တစ်တန်ကို ရင်းဂစ် ၃ဝ၂၆ (ကန် ဒေါ်လာ ၁ဝ၁၂) ဖြစ်ခဲ့ပါတယ်။ ရင်းနှီးမြှုပ်နံှသူများဟာ ဥရောပဇုန်နဲ့ အမေရိကန်စီးပွားရေးတိုးတက်မှု ရှိမရှိကို စောင့်ကြည့်နေကြတယ်လို့ ဆိုပါတယ်။ ရင်းနှီးမြှုပ်နံှသူများအနေနဲ့ ပြည်ပဈေးကွက် အခြေအနေ စီးပွားရေးအလားအလာများနဲ့ ပတ်သက်ပြီး စိုးရိမ်မှုရှိနေကြဆဲလို့ ဂျကာတာအခြေစိုက် ဟင်းသီးဟင်းရွက်ဆီ တင်ပို့သူတစ်ဦးက ဆိုပါတယ်။ ဒါပေမယ့် ယခုတစ်ပတ်အတွင်း အမြောက်အမြား ဝယ်ယူမှုရှိခဲ့ပါတယ်။ အထူး သဖြင့် တောင်အာရှနိုင်ငံတွေက ဝယ်လိုအားရှိတာကြောင့် စားအုန်းဆီဈေး တည်ငြိမ်သ လောက်ရှိနိုင်တယ်လို့ ဆိုပါတယ်။ ယခုလအတွင်း အင်ဒိုနီးရှားနဲ့ မလေးရှား ဆိပ်ကမ်းများမှာ ပြည်ပတင်ပို့မယ့် စားအုန်းဆီ သင်္ဘောအများအပြား တင်နေတာကြောင့် မလေးရှားမှာ စားအုန်းဆီ လက်ကျန်ကျဆင်းနိုင်တယ်လို့ ဆိုပါတယ်။ အချို့ခြံများက ထုတ်လုပ်မှု အနည်း ငယ်ကျဆင်းတဲ့အတွက် စားအုန်းဆီဈေးဟာ လက်ရှိပမာဏမှာ တည်နေနိုင်တယ်လို့ မလေးရှား နိုင်ငံရဲ့ အဓိကစိုက်ပိုျးတဲ့ ကုမ္ပဏီတစ်ခုမှ မန်နေဂျာ တစ်ဦးက ဆိုပါတယ်။ မလေးရှားနဲ့ အင်ဒိုနီးရှားနိုင်ငံတို့က ထုတ်လုပ်မှုအနေနဲ့ သြဂုတ်လအတွင်း အလုပ်သမားအများစုဟာ ဥပုသ်လ ပိတ်ရက်များမှာ နားတဲ့အတွက် ကျဆင်းဖွယ်ရှိ တယ်လို့ ဆိုပါတယ်။ လက်ငင်းဈေးကွက်မှာ အောက်တိုဘာ၊ နိုဝင်ဘာ၊ ဒီဇင်ဘာ အတွက် စားအုန်းဆီခဲ FOB ဈေးဟာတစ်တန် ကန်ဒေါ်လာ ၁ဝ၉ဝ ဈေးနဲ့ ရောင်း ဝယ်ခဲ့ပြီး ချက်ချင်း တင်ပို့ရမယ့် စားအုန်းဆီကြမ်း လက်ငင်းဈေးဟာ ရင်းဂစ် ၁ဝ လျော့ကျပြီး၊ တစ်တန် ရင်းဂစ် ၃၁၆ဝ (ကန်ဒေါ်လာ ၁ဝ၅၇)ဖြစ်ခဲ့ပါတယ်။ ယုဇန Source: panpalloilhuh.com
နှမ်းရောင်စုံတင်ပို့မှု ပိုမို သြဂုတ်လ ၃ ရက်မှ ၉ ရက်ထိကာလအတွင်း မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ ၁ ဒသမ ၇၁၃ သန်းတန်ဖိုးရှိ နှမ်းရောင်စုံနဲ့ နှမ်းဖြူအခွံချွတ် တန် ၁၃ဝဝ ကျော်တင်ပို့မှုရှိခဲ့ပါတယ်။ ယခင်အပတ် ကထက် ၆၂၈ တန်ပိုမို တင်ပို့နိုင်ခဲ့ပါတယ်။ နှမ်းအမျိုးအစားအလိုက် တင်ပို့နိုင်မှုတွေကတော့ နှမ်းဖြူ ၇၈၈ တန်၊ နှမ်းနက် ၃ဝ၂ တန်ကျော်နဲ့ နှမ်းဖြူအခွံချွတ် ၂၁၁ တန်တင်ပို့ခဲ့တာဖြစ်ပါတယ်။ ယခင်အပတ်ကထက် နှမ်းဖြူရော နှမ်းနက်ပါ တင်ပို့မှုပိုမိုခဲ့ပြီး နှမ်းဖြူ အခွံချွတ် တင်ပို့မှုမှာ ၁ တန်ခန့်သာ ပိုမိုခဲ့တာဖြစ်ပါတယ်။ မိမိဘက် နှမ်းဈေးမှာ ပြောင်းလဲမှုမရှိသော်လည်း တစ်ဘက်နိုင်ငံ နှမ်းဖြူဈေးအနည်းငယ်ကျလျက်ရှိပါတယ်။ မိမိဘက်နဲ့ တစ်ဘက်နိုင်ငံပြောင်းဈေးများကိုနှိုင်းယှဉ် ဖော်ပြပေးလိုက်ရပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နှမ်းဖြူ ၈၃၅၁၈၂ ၈၃၅၁၈၂ - - ၁၂၇၂ ၁၂၈၉ ၁၇ ၁နှမ်းနက် ၉၈ဝ၂၁၄ ၉၈ဝ၂၁၄ - - ၁၄၅၈ ၁၄၅၉ ၁ ဝ .ဝ၇MIRT (DOBT)
ဈေးငြိမ်နေတဲ့ ပြည်မိုးနှမ်း ပြည်ဈေးကွက်သို့ အောင်လံနဲ့ မြန်အောင်ဘက်မှ မိုးနှမ်းအသစ်များကို တစ်နေ့ အိတ် ၂ဝဝ ခန့် ဝင်ရောက်သဖြင့် ယခင်အပတ်ထက် အဝင်နည်းနေတာတွေ့ရပါတယ်။ ပြည်ဈေးကွက်တွင် မိုးများအဆက်မပြတ် ရွာနေသဖြင့် အရောင်း အဝယ်မှာ အနည်းငယ်အေးနေတာတွေ့ရပါတယ်။ အခြားတိုင်းမှ အဝယ်မရှိဘဲ မြို့ခံဆီစက် များသာ အဝယ်ရှိနေသဖြင့် ဈေးမှာငြိမ်နေတာတွေ့ ရပါတယ်။ ဆီကြိတ်နှမ်းနီ ၄၅ ပိဿာ တစ်အိတ်လျှင် ၅၄ဝဝဝ ကျပ်နှင့် နှမ်းနက် ၄၅ ပိဿာ၊ တစ်အိတ်လျှင် ၆၅ဝဝဝ ကျပ်ဖြင့် ယခင်အပတ်ထက် ဈေးငြိမ်နေတာတွေ့ရပါတယ်။ နှမ်းဆီတစ်ပိဿာလျှင် ၂၇ဝဝ ကျပ်ဈေး ဖြင့် တစ်နေ့လျှင် ၃ ပီပါခန့် အရောင်းအဝယ်ဖြစ်လျက် ရှိပါတယ်။ ဝေဝေမင်း
မန်းသို့ စီးဆင်းမှုနည်းသေးတဲ့ မုံရွာနှမ်း မုံရွာ ကုန်စည်ဒိုင်သို့ နှမ်းရောင်စုံ အဝင်လှိုင်လို့နေပါတယ်။ နှမ်းဝါ၊ နှမ်းဖြူ၊ နှမ်းညိုများနေ့စဉ် အနည်းဆုံး အိတ်ရေ ၂ဝဝ မှ အများဆုံး အိတ်ရေ ၄ဝဝ အထိ ဝင်ရောက်မှုရှိတယ် လို့ သိရပါတယ်။ ကနီ၊ ဘုတလင်နယ်ဘက် က အဝင်များပြီး သာစည်၊ အရာတော်ဘက်တွေက အဝင်နဲသေးတယ်လို့ လည်း ကုန်သည်တစ်ဦးက ပြောပါတယ်။ လက်ရှိ ဆီနှမ်း တစ်တင်း အနိမ့်ဆုံး ၁၅၇ဝဝကျပ်မှ အမြင့်ဆုံး ၁၆၂ဝဝ ကျပ် ထိ နှမ်းအရည်အသွေးပေါ်မူတည်ပြီး အရောင်းအဝယ် ဖြစ်တယ်လို့ သိရပါတယ်။ နှမ်းဖြူတစ်တင်း ၁၇ဝဝဝ ကျပ်နဲ့ နှမ်းညိုတစ်တင်း ၁၆၅ဝဝ ကျပ် ၁၆၈ဝဝ ကျပ်ရှိပြီး၊ ဒီနှမ်း တွေက တရုတ်ဆွဲရင် ဈေးကွက်ဖြစ်တဲ့သဘောရှိပါတယ်။ မနှစ်က ဒီအချိန်ဆိုရင် နှမ်းတစ်တင်း ၁၈ဝဝဝ ကျပ်၊ ၁၉ဝဝဝ ကျပ်လောက်ရှိခဲ့ပြီး အခုတရုတ်လိုင်းသမားတွေ ငြိမ်နေလို့ တောင်သူ၊ ကုန်သည်များ အမြင့်ဈေးမျှော်ပြီး မန်းသို့ အစီး နည်း နေသေးကြောင်း လက်ရှိဆီစက်သမားနဲ့ မြို့ပါ် လှောင်လက်တွေသာ အသိမ်းရှိကြောင်း သိရပါတယ်။ ခင်မြင့်မြင့်သန်း