Background
အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဇန်နဝါရီ ၁၈ ရက်မှ ၂၄ ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊ မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ် တို့မှ ဟင်းသီးဟင်းရွက်နှင့် သစ်သီးဝလံ ပန်းမန်များ အများဆုံး ဝင်ရောက်ရောင်းချနေကြောင်း သိရှိရသည်။
ဧရာဝတီတိုင်းဒေသကြီး ဟင်္သာတ ကုန်စည်ဒိုင်တွင် ဒီဇင်ဘာ ၁၃ ရက်မှစ၍ မတ်ပဲအသစ်များ ဈေးကွက် ဝင်ရောက်လာပြီး မတ်ပဲအသစ် တစ်တင်းလျှင် ကျပ် ၆၀ဝ၀ဝ၊ အဟောင်းတစ်တင်းလျှင် ကျပ် ၅၉၅၀ဝ ဖြင့် အရောင်းအဝယ် ဖြစ်လျက်ရှိသည်။ ယခင်နှစ်ကာလတူ အချိန်တွင် မတ်ပဲတစ်တင်းလျှင် ကျပ် ၄၂၀ဝ၀ ခန့်သာရှိခဲ့သည့်အတွက် ယခု နှစ်တွင် ကျပ် ၁၈၀ဝ၀ ခန့် ဈေးပိုရရှိပြီး တောင်သူများ ဈေးကောင်းရလျက်ရှိသည်။
ဟင်္သာတကုန်စည်ဒိုင်တွင် နေ့စဉ် မတ်ပဲ(အဟောင်း) အိတ် ၁၂၀ဝ ခန့်၊ မတ်ပဲ(အသစ်)အိတ်၂၀ဝခန့် အရောင်း အဝယ်ဖြစ်လျက်ရှိသည်။
မုံရွာကုန်စည်ဒိုင်တွင် ပဲအမျိုး အစားအလိုက် ဈေးနှုန်းများမှာ ယခင်နှစ် ကာလတူဈေးထက် ယခုနှစ် ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေး နှုန်းများ ဈေးပိုကောင်းလျက်ရှိသည်။
မတ်ပဲ
မုံရွာကုန်စည်ဒိုင်၌ ယခင်နှစ် ဒီဇင်ဘာလတွင် ပဲတစ်တင်းလျှင် ကျပ် ၄၄၅၀ဝ ဖြစ်ခဲ့ပြီး ယခုနှစ် ဒီဇင်ဘာလ တွင် ပဲတစ်တင်းလျှင် ကျပ် ၆၃၀ဝ၀ ဖြင့် အရောင်းအဝယ်ဖြစ်ခဲ့ကာ တစ်တင်း လျှင် ကျပ်နှစ်သောင်းခန့် ပိုမိုခဲ့သည်။ တစ်ရက်လျှင် အိတ်ရေ ၅၀မှ ၁၂၀ ခန့် အရောင်းအဝယ်ဖြစ်ကြောင်း သိရ သည်။
ပဲစင်းငုံ
မန္တလေးကုန်စည်ဒိုင်သို့ နွားထိုး၊ အောင်လံ၊ မြင်းမူဘက်မှ မြေပဲဆန်များ၊ ရှမ်းပြည်နယ်ဘက်မှ ရှမ်းမြေပဲများ ဝင်ရောက်လျက်ရှိကြောင်း၊ အညာကျွန်းဘက်မှ စိုက်ပျိုးမည့် မျိုးမြေပဲများ ဝယ်ယူနေပြီး ဆီဆန်များကို ဆီစက်များမှ ဝယ်ယူလျက်ရှိကြောင်း သိရသည်။
မြေပဲလုံးဆန်(ဖြူ)တစ်ပိဿာဈေးမှာ ယခုတစ်ပတ်တွင် ကျပ် ၅၃၀ဝမှ ၅၁၀ဝ၊ ယခင်တစ်ပတ်ကကျပ် ၅၄၅၀ မှ ၅၃၀ဝ၊ ယခင်လက ကျပ် ၅၄၀ဝ မှ ၅၃၀ဝ ဖြစ်သည်။ ယခင်တစ်ပတ် ထက် ကျပ် ၁၅၀ မှ ၂၀ဝ၊ ယခင်လထက် ကျပ် ၁၀ဝ မှ ၂၀ဝ နိမ့်ကျလာသည်။