Background
မြန်မာ- တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ အောက်တိုဘာလ ၂၆ ရက်မှ နိုဝင်ဘာလ ၁ ရက်ထိကာလအတွင်း ကန်ဒေါ်လာ ၁ ဒသမ ၅၄၅ သန်း တန်ဖိုးရှိ ပရဆေးကုန်ကြမ်း ၃၇၅ တန် အပို့ရှိခဲပါတယ်။ ယခင်အပတ်ကထက် ၂၄၈ တန်ကျော် လျော့နည်းတင်ပို့ခဲ့ပါတယ်။ ယခုအပတ် မူဆယ်နယ်စပ်မှ တင်ပို့တဲ့ ပရဆေး ကုန်ကြမ်းတွေကတော့ ကွမ်းစားဂမုန်း၊ သီဟိုဠ်စေ့ (အခွံမပါ)၊ ကြောင်ပန်းစေ့၊ ချဉ်ပေါင်ဖာလာ (အခွံပါ)၊ ချဉ်ပေါင်ဖာလာ (အခွံမပါ)၊ တောဂျင်း၊ မိကျောင်းကွမ်းဖတ်စေ့၊ စကားပန်း ပွင့်ခြောက်၊ တောဂျူးမြစ်၊ ရွေးရွက်၊ အုံတုံခေါက်၊ ရှားစေး၊ ဒရင်ကောက်မြစ်နဲ့ ဆေးမြင်းခွာတို့ ဖြစ်ကြပါတယ်။ ကွမ်းစားဂမုန်းနဲ့ ဆေးမြင်းခွာကို ယခင်အပတ်က အပို့ မရှိခဲ့ပါဘူး။ သီဟိုဠ်စေ့ (အခွံမပါ)၊ ကြောင်ပန်းစေ့၊ ချဉ်ပေါင်ဖာလာ(အခွံမပါ)၊ ရွေးရွက်နဲ့ ရှားစေးအပို့ပိုခဲ့ပြီး ချဉ်ပေါင် ဖာလာ(အခွံပါ)၊ တောဂျင်း၊ မိကျောင်း ကွမ်းဖတ်စေ့၊ စကားပန်းပွင့်ခြောက်၊ တောဂျူးမြစ်၊ အုံတုံခေါက်၊ ဒရင်ကောက်မြစ် တို့ အပို့လျော့ခဲ့ ပါတယ်။ ယခင်အပတ်နည်းတူ တမူးနယ်စပ် မှ ပရဆေးကုန်ကြမ်း အသွင်းမရှိခဲ့ဘူးလို့ သိရပါတယ်။ တစ်ဖက်နိုင်ငံ နိုင်ငံရေးမတည်ငြိမ်မှုကြောင့် ပြည်မမှ အင်ဖာသို့ လည်းကောင်း၊ အင်ဖာမှ မိုးရေးသို့ လည်းကောင်း မော်တော် ယာဉ်များ ဝင်ရောက်လာနိုင်မှု မရှိသေးကြောင်း၊ ပရဆေး ကုန်ကြမ်း တင်သွင်းတဲ့ အင်းဝကုမ္ပဏီ ဒါရိုက်တာ ဦးတင်ရွှေ က ပြောကြားခဲ့ပါတယ်။ MIRT(DOBT)
အောက်တိုဘာလ ၂၆ ရက်မှ နိုဝင်ဘာလ ၁ ရက်ထိကာလအတွင်း မြန်မာဘင်္ဂလားဒေ့ရှ်နယ်စပ်ရှိ မောင်တောနယ်စပ်မှ ကန်ဒေါ်လာ ၇၆၅၀ တန်ဖိုးရှိ ဝါးကြီး ၁၅၀၀၀ လုံးနဲ့ ဝါးသေး ၂၄၆၀၀၀ လုံး အပို့ရှိခဲ့ပြီး စစ်တွေမှ ကြိမ်တင်ပို့မှုတော့ မရှိခဲ့ပါဘူး။ ယခင်အပတ်ကထက် ဝါးကြီးတင်ပို့မှုမှာ ၁၀၇၆၀၀ လုံးလျော့နည်းခဲ့ သော်လည်း ဝါးသေး ၁၈၄၀၀၀ လုံးအပို့ပိုခဲ့တယ်လို့ သိရပါတယ်။ MIRT(DOBT)
မြန်မာ-အိန္ဒိယနယ်စပ်ရှိ တမူးနယ်စပ်မှ ကန်ဒေါ်လာ ၀ ဒသမ ၀၀၅ သန်း တန်ဖိုးရှိ ကွမ်းသီးအစို ၇ ဒသမ ၆၀ တန်ကို အောက်တိုဘာလ ၂၆ ရက်မှ နိုဝင် ဘာလ ၁ ရက်ထိကာလအတွင်း အပို့ရှိခဲ့ပါတယ်။ ယခင်အပတ်ကထက် ၀ ဒသမ ၈၀ တန် တင်ပို့မှုလျော့နည်းခဲ့ပါတယ်။ ဝယ်ယူစုဆောင်းရရှိသမျှနဲ့ ဝယ်လက် အမှာပေါ် မူတည်ပို့နေရတယ်လို့ သိရပါတယ်။MIRT(DOBT)
မြန်မာ-တရုတ်နယ်စပ် မူဆယ် (၁၀၅) မိုင်ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ကုန်ပစ္စည်းများ၊ ရေထွက်ပစ္စည်းများ၊ သစ်တော ထွက်ပစ္စည်းများတင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁၀၅မိုင် ကုန်သွယ်ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ်- ယခုအပတ် ယခင်အပတ်ပစ္စည်းအမည် ရေတွက်ပုံ မိမိဘက်ဈေး တစ်ဖက်နိုင်ငံဈေး မိမိဘက်ဈေး တစ်ဖက်နိုင်ငံဈေး ပြောင်းလဲမှု (ကျပ်) (ယွမ်) (ကျပ်) (ယွမ်)ပဲတီစိမ်း တန် ၅၆၉၆၅၄ ၅၄၀၀ ၅၆၆၄၅၆ ၅၅၀၀ပြောင်းဖူးစေ့ တန် ၂၂၄၆၈၁ ၁၉၀၀ ၂၁၉၉၄၀ ၁၉၀၀နှမ်းဖြူ တန် ၉၅၀၉၃၃ ၈၂၀၀ ၉၇၆၆၅၁ ၈၂၀၀ အေးအေးမြ မြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက် အိန္ဒိယနိုင်ငံသို့ ကွမ်းသီး၊ မုန့်မျိုးစုံ၊ ဝက်အရှင်တို့တင်ပို့လျက်ရှိရာ အဆိုပါ ပို့ကုန်အချို့ရဲ့ ရိဒ် ပေါက်ဈေးနဲ့ တစ်ဖက်နိုင်ငံ မီဇိုရမ်ပေါက်ဈေးတွေကတော့ အောက်ပါအတိုင်းဖြစ်ပါတယ်- ယခုအပတ် ယခင်အပတ်ပစ္စည်းအမည် ရေတွက်ပုံ မိမိဘက်ဈေး တစ်ဖက်နိုင်ငံဈေး မိမိဘက်ဈေး တစ်ဖက်နိုင်ငံဈေး ပြောင်းလဲမှု (ကျပ်) (ရူပီး) (ကျပ်) (ရူပီး)ကွမ်းသီး တန် ၈၉၂၅၀၀ ၅၈၀၀၀ ၈၉၂၅၀၀ ၅၈၀၀၀မုန့်မျိုးစုံ ကီလို ၁၃၀၀ ၁၀၀ ၁၃၀၀ ၁၀၀ဝက်အရှင် ကီလို ၂၅၀၀ ၁၈၀ ၂၅၀၀ ၁၈၀ မြင့်ဆွေ မြန်မာ-ဘင်္ဂလားဒေ့ရှ်နယ်စပ် မောင်တောနယ်စပ်စခန်းမှ တစ်ဖက် ဘင်္ဂလားဒေ့ရှ်နိုင်ငံသို့ ရေငန်ပုစွန်၊ ဝါးကြီး၊ ဝါးသေးတင်ပို့လျက်ရှိရာ အဆိုပါပို့ကုန်အချို့ရဲ့ မောင်တောပေါက်ဈေးနဲ့ တစ်ဖက်နိုင်ငံ တက္ကနာဗ် ပေါက်ဈေး တွေကတော့ အောက်ပါအတိုင်းဖြစ်ပါတယ် - ယခုအပတ် ယခင်အပတ်ပစ္စည်းအမည် ရေတွက်ပုံ မိမိဘက်ဈေး တစ်ဖက်နိုင်ငံဈေး မိမိဘက်ဈေး တစ်ဖက်နိုင်ငံဈေး ပြောင်းလဲမှု (ကျပ်) (တာကာ) (ကျပ်) (တာကာ)ရေငန်ပုစွန် တန် ၄၁၇၅၉၄၀ ၃၈၈၄၆၀ ၄၁၇၅၉၄၀ ၃၈၈၄၆၀ဝါးကြီး လုံး ၈၀ ၈ .၃၃ ၈၀ ၈ .၃၃ဝါးသေး လုံး ၂၀ ၂ .၀၈ ၂၀ ၂ .၀၈အေးအေးမြ
အောက်တိုဘာ ၁၆ ရက်မှ ၂၂ ရက်အထိ ကာလအတွင်း ပင်လယ်ရေကြောင်းမှ ရော်ဘာ RSS-5 အမျိုးအစား တန် ၂၇၀၊တန်ဖိုး ကန်ဒေါ်လာ ၁ ဒသမ ၁၃၄ သန်းကို မလေးရှားနိုင်ငံကို တင်ပို့ခဲ့ပါတယ်။ယခင် ရက်သတ္တပတ်ကတန် ၄၀၀ကျော် တင်ပို့ခဲ့တာကြောင့် တင်ပို့မှုထက်ဝက် ကျဆင်းခဲ့ပါတယ်။ ရော်ဘာ စတင်ထွက်ရှိတဲ့ ရာသီဖြစ်ပေမယ့် ကမ္ဘာ့ရော်ဘာဈေးနှုန်းများ ကျဆင်းနေဆဲဖြစ်ပြီး တင်ပို့သူများက ဈေးနှုန်းကို စောင့်ကြည့်နေခြင်းကြောင့် တင်ပို့မှုခေတ္တတန့်နေခြင်းဖြစ်တယ်လို့ သိရပါတယ်။ FOB (ရန်ကုန်) ဈေးနှုန်းကတော့ RSS-3 ၊ MSR-20 တစ်တန်ကို ကန်ဒေါ်လာ ၃၈၀၀ နဲ့ RSS-5 တစ်တန်ကို ကန်ဒေါ်လာ ၃၇၀၀ အသီးသီး ဈေးပေါက်ကြောင်း သိရပါတယ်၊ KZW
အောက်တိုဘာလ ၁၉ ရက်မှ ၂၅ ရက်ထိကာလအတွင်း ရိဒ်နယ်စပ်မှ တစ်ဘက် ဇိုခေါဒါရ်သို့ ကျပ် ၂၉ ဒသမ ၃၁၀ သန်းတန်ဖိုးရှိ ဝက်အရှင် ၂၁၃၉၅ ကီလိုဂရမ်အပို့ရှိခဲ့ပါတယ်။ ယခင်အပတ်ကထက် ၇၃၆၀ ကီလိုဂရမ် တင်ပို့မှု ပိုမိုခဲ့တယ်လို့သိရပါတယ်။ အောက်တိုဘာလ တစ်လလုံး ဝက်အရှင်တင်ပို့မှုမှာ ၃၈၉၉၀ ကီလိုဂရမ်ရှိပြီ ဖြစ်ပါတယ်။ MIRT(DOBT)
အောက်တိုဘာလ ၁၉ ရက်မှ ၂၅ ရက်ထိ ရက်သတ္တပတ်မှာ မန္တလေး-မူဆယ် ကုန်သယ်ယူစရိတ်များ ယခင်အပတ်ကထက် ၁ ပိဿာလျှင် ၅ ကျပ်စီ ကျသွားတယ်လို့ သိရပါတယ်။ ယခုအပတ်မှာ ပဲတီစိမ်းနဲ့ ပြောင်းဖူးစေ့ ၁ ပိဿာလျှင် သယ်ယူစရိတ် ၇၃ိ/-နှုန်းနဲ့ နှမ်းနဲ့ ရော်ဘာ ၁ ပိဿာလျှင် သယ်ယူစရိတ် ၇၅ိ/- နှုန်းရှိနေပါတယ်။ ယခင်အပတ်က ပဲတီစိမ်းနဲ့ ပြောင်းဖူးစေ့ ၁ ပိဿာ ၇၈ိ/- နှုန်းနဲ့ နှမ်းနဲ့ ရော်ဘာ ၁ ပိဿာ ကို ၈၅ိ/- နှုန်းသင့်ခဲ့တာမို့ ယခုအပတ်မှာ ၁ ပိဿာကို ၅ိ/- စီလျော့နည်းခဲ့တာတွေ့ရပါတယ်။ အောက်တိုဘာလ ပထမပတ်၊ ဒုတိယပတ်နဲ့ တတိယပတ် သယ်ယူခ နှုန်းထားများကို နှိုင်းယှဉ်ဖော်ပြပေးလိုက်ရပါတယ် ပထမပတ် ဒုတိယပတ် တတိယပတ်ပဲတီစိမ်း ၆၈ ၇၈ ၇၃ပြောင်းဖူးစေ့ ၆၈ ၇၈ ၇၃နှမ်း ၇၀ ၈၀ ၇၅ရော်ဘာ ၇၀ ၈၀ ၇၈ ကုန်သယ်ယူစရိတ်အတက်အကျဟာ ကုန်စည်စီးဆင်းမှု အနည်းအများ၊ ကုန်တက်အခြေအနေနဲ့ လမ်း တံတား တန်ပိုသတ်မှတ်ချက် ကျင့်သုံးမှုအခြေအနေတို့ပေါ်မူတည်ပြီး ပြောင်းလဲမှုဖြစ်နေတယ်လို့ ကုန်စည်ပို့ဆောင်သူများက သုံးသပ်လျက်ရှိပါတယ်။ MIRT(DOT)
မူဆယ် ၁၀၅ မိုင်ကုန်သွယ်ရေးဇုန်မှ အောက်တိုဘာလ ၁၉ ရက်မှ ၂၅ ရက်ထိကာလအတွင်း ကန်ဒေါ်လာ ၁ ဒသမ ၆၄၈ သန်းတန်ဖိုးရှိ ပရဆေးကုန်ကြမ်း ၆၂၃ တန်ကျော် အပို့ရှိခဲ့ပြီး ယခင်အပတ်တင်ပို့မှုထက် ၂၈၂ တန်ကျော်ပိုမို တင်ပို့နိုင်ခဲ့ပါတယ်။ ယခင်အပတ်ကထက် ချဉ်ပေါင်ဖာလာ အခွံပါ ၊ ဇီးဆံ၊ စကားပန်းပွင့်ခြောက်၊ တောဂျူးမြစ်တို့ ပိုမို တင်ပို့ပြီး၊ ချဉ်ပေါင်ဖာလာ အခွံမပါ ၊ ဝဥခြောက်၊ သီဟိုဋ် စေ့ (အခွံမပါ)၊ နနွင်းတက် (ရှမ်း)၊ မိကျောင်းကွမ်းဖတ်စေ့၊ ကြောင်ပန်းစေ့၊ ဒရင်ကောက်မြစ်တို့ အပို့လျော့ခဲ့ပါတယ်။ ယခင် အပတ်ကတင်ပို့ခဲ့ခြင်းမရှိတဲ့နေလဲစေ့၊ အုံတုံခေါက်၊ ရှားစေး၊ တောဂျင်း၊ စမုန်နက်နဲ့ ရွေးရွက်တို့ ယခုအပတ်မှာ အပို့ရှိခဲ့ပါတယ်။ ယခုအပတ်မှာ မြန်မာ-အိန္ဒိယနယ်စပ်ရှိ တမူး နယ်စပ်ကုန်သွယ်ရေးစခန်းမှ ပရဆေးကုန်ကြမ်း အသွင်းမရှိခဲ့ဘူးလို့ သိရပါတယ်။ MIRT(DOBT)
အောက်တိုဘာလ ၁၉ ရက်မှ ၂၅ ရက်ထိကာလအတွင်း မြန်မာ-တရုတ် နယ်စပ်ရှိ မူဆယ်နဲ့ ချင်းရွှေဟော် နယ်စပ်ကုန်သွယ်ရေးစခန်းများမှ ကန်ဒေါ်လာ ၁ ဒသမ ၈၄၆ သန်းတန်ဖိုးရှိ ရေထွက်ကုန် ကဏန်း၊ ငါးရှဉ့် ၊ ရေငန်ငါးမျိုးစုံ၊ ငါးသလောက်နဲ့ ငါးဆားနယ်များ ၆၃၂ တန်ကျော် အပို့ရှိခဲ့ပြီး ယခင်အပတ်ကထက် ၃၄ တန်ပိုမိုတင်ပို့နိုင်ခဲ့တယ် လို့သိရပါတယ်။ ငါးရှဉ့်တန် ၂၉၀ ဝန်းကျင်၊ ကဏန်းတန် ၈၀ ကျော်၊ ရေငန်ငါးမျိုးစုံ ၉၆ တန်၊ ငါးသလောက် ၃၆ တန် ကျော်နဲ့ ငါးဆားနယ် ၁၂၇ တန်ခန့် မူဆယ်မှ အပို့ရှိပြီး၊ ချင်းရွှေဟော်မှ ကဏန်း ၂ တန်ကျော်တင်ပို့မှုရှိခဲ့ပါတယ်။ ယခင် အပတ်ကထက် ငါးရှဉ့်နဲ့ ကဏန်း အပို့လျော့ခဲ့သော်လည်း ရေငန်ငါးမျိုးစုံ၊ ငါးသလောက်နဲ့ ငါးဆားနယ်တို့ တင်ပို့မှု ပိုမိုခဲ့တယ်လို့ သိရပါတယ်။ ယခုအပတ် ရေထွက်ကုန် ဈေးနှုန်းများကတော့ ယခင်အပတ်ထက် သိသိသာသာ ဈေးလျော့ ရခဲ့ပါတယ်။ ငါးရှဉ့်နဲ့ ကဏန်းများမှာ ဝယ်သူလက်ဝယ် လက်ကျန်များနေခြင်းနဲ့ ကုန်တက်များခြင်း တို့ကြောင့် ဈေးလျော့ရလျက်ရှိပြီး အရောင်းလည်း ကျနေတယ်လို့ သိရပါတယ်။ ယခုအပတ်ငါးရှဉ့်ဈေးများ ကတော့ မိမိဘက်မှာ ၂ ဒသမ ၇၁၈ သန်း၊ တစ်ဘက်နိုင်ငံဈေး ၃၃၉၀ ကန်ဒေါ်လာနဲ့ ကဏန်းဈေးများကတော့ အရွယ်အစားအလိုက် ကျပ် ၃ ဒသမ ၀၆၃ သန်း (၃၈၂၀ ကန်ဒေါ်လာ)၊ ကျပ် ၂ ဒသမ ၉၀၂ သန်း (ကန်ဒေါ်လာ ၃၆၂၀) ၊ ကျပ် ၂ ဒသမ ၇၄၂ သန်း (ကန်ဒေါ်လာ ၃၄၂၀) ၊ ကျပ် ၂ ဒသမ ၆၂၂ သန်း (ကန်ဒေါ်လာ ၃၂၇၀) အသီးသီး ဈေးရလျက်ရှိပါတယ်။ MIRT(DOBT)
မြန်မာ-တရုတ် နယ်စပ်ရှိ ချင်းရွှေဟော်နယ်စပ်မှ ကန်ဒေါ်လာ သုည ဒသမ ၇၃၆ သန်း တန်ဖိုးရှိ အေးခဲ အမဲသား၂၂၃ တန်ခန့်နဲ့ မူဆယ်နယ်စပ်မှ ကန်ဒေါ်လာ ၁ ဒသမ ၉၆၃ သန်း တန်ဖိုးရှိ အေးခဲအမဲသား တန် ၂၇၀ ခန့်၊ အေးခဲကျွဲသား ၁၉၈ တန်ကျော်နဲ့ ဝမ်းတွင်းသား ၂၂၈ တန်ကျော်၊ စုစုပေါင်း ၉၁၉ တန်ခန့် အောက်တိုဘာလ ၁၉ ရက်မှ ၂၅ ရက်ထိကာလအတွင်း အပို့ရှိခဲ့ပါတယ်။ ယခင်အပတ်ကထက် နယ်စပ်မှ တိရစ္ဆာန်နဲ့ တိရစ္ဆာန် ထွက်ပစ္စည်း ၂၅၆ တန်ကျော် တင်ပို့မှုပိုမိုခဲ့ပါတယ်။ ယခင် အပတ်ကထက် အေးခဲအမဲသား တင်ပို့မှုမှာ မူဆယ်ရော ချင်းရွှေဟော်နယ်စပ်များက အပို့ပိုခဲ့ပြီး အေးခဲကျွဲသားလည်း အပို့ပိုခဲ့ပြီး ယခုအပတ်မှာ ဝမ်းတွင်းသား တန် ၂၃၀ ခန့် အပို့ပိုခဲ့တာဖြစ်ပါတယ်။ MIRT(DOBT)