တမူးနယ်စပ်တွင်ကုန်သွယ်မှုပြုနေသော ကုမ္ပဏီအချို့နဲ့ ITC ကတ်အသုံးပြု ပြီး စားသောက်ကုန် တင်သွင်းသူများအနေနဲ့FDA  ထောက်ခံချက်ရရှိရေးအတွက် အခက်အခဲများရှိနေကြတဲ့အတွက်  FDA ထောက်ခံ ချက်နဲ့တင်သွင်းခွင့်ရရှိပြီးဖြစ်တဲ့ ကုန်ပစ္စည်းတူများအား တင်သွင်းခွင့်ရရှိရေးနဲ့ တမူးနယ်စပ်ကုန်သည် အသင်း အနေနဲ့FDA ရရှိပြီးကုမ္ပဏီများနဲ့ ညှိနှိုင်းဆောင်ရွက်ပေးရန်၊ ကူညီပံ့ပိုးပေးရန် မတ်လ ၂၁ ရက်နေ့က တမူးကူးသန်းရောင်းဝယ်ရေးနဲ့ စားသုံးသူအကာအကွယ် ပေးရေးဌာနမှာ ပြုလုပ်တဲ့ကုန်သွယ်မှုမြှင့်တင်ရေး အစည်း အဝေးမှာ တင်ပြလာ ကြပါတယ်။ တမူးနယ်စပ်ကုန်သည်များအသွင်းများပြီး FDA ထောက်ခံချက်အခက် အခဲရှိနေတဲ့ စားသောက်ကုန်ပစ္စည်းများမှာ စပျစ်သီးခြောက်၊ စွန်ပလွန်ယို၊ ပါပလာ တို့ဖြစ်တယ်လို့သိရပါတယ်။

Mobile Team  အဖွဲ့-၂   ခေတ္တ အခြေပြုအား  သတင်းပေးချက်အရ အဗျားဝေါကွင်းရှောင်လမ်းပေါ်တွင် တရားမဝင် ကုန်တင်ယာဉ်များကို တွေ့ ရှိ၍ လိုက်လံဖမ်းဆီးမှုများ ပြုလုပ်ခဲ့ ရာမှာ ဟိုင်းလတ်ယာဉ် တစ်စီးနဲ့ Light Truck  တစ်စီးတို့အား လက်ရဖမ်းဆီးရ သဖြင့် Mobile Team  အဖွဲ့-၂ ခေတ္တ အခြေပြုရာသို့ ယာဉ်နှစ်စီးအား ခေါ် ယူပြီး ယာဉ်ပေါ်ပါ  ကုန်ပစ္စည်းများ ကိုစစ်ဆေးခဲ့ပါတယ်။ ဟိုင်းလတ်ယာဉ် အမျိုးအစားယာဉ်အမှတ် ၂ခ/xxxx  ပေါ်မှ   ကားလေးဒိုင်နမို၊ ဒီဇယ်ပန့်၊ ကားရှေ့ဘောနပ်ဖုံးများ၊  ရေတိုင်ကီ၊ ကားစတီယာတိုင် (one set)၊ ဒတ်ရှ် ဘုတ်၊ မော်တာပါကားနောက်ကြည့်မှန်၊ ကားရှေ့မီးအုံ၊ Silent မီးအုံ၊ Milage အုံ၊ နောက်ကြည့်မှန်၊ ကားရေတိုင်ကီ အဖုံး၊ ပလပ်ကြိုး၊ စတီရာရင်ဂျွိုင်းဘော၊ ကားဟွန်း၊  အိပ်ဇောစွပ်၊  ရေသုတ်တံ၊ လျှပ်စစ်ပစ္စည်းမျိုးစုံ၊ အပင်အားဆေးနဲ့ ပိုးသတ်ဆေးများ အပါအဝင် ကာလ တန်ဖိုး ကျပ် ၇၃ ဒသမ ၅၂၁ သိန်း တန်ဖိုးရှိ အကောက်ခွန်မဲ့ ပစ္စည်း ၂၃ မျိုးကို စစ်ဆေးရှာဖွေတွေ့ရှိခဲ့ရတယ် လို့ သတင်းရရှိပါတယ်။ အဆိုပါရှောင် ကွင်းလမ်းမှာပင် Light Truck  ယာဉ် အား တားဆီးရှာဖွေရာမှာ ကျပ် ၂၂ ဒသမ ၆၈၀ သိန်းတန်ဖိုးရှိ Beer Chang ၃၁၅ ဖာကိုလည်း သိမ်းဆည်း ခဲ့ရပါတယ်။တရားမဝင်ပစ္စည်းများ တင် ဆောင်လာတဲ့ယာဉ်များဟာ တရားဝင် မှတ်ပုံတင်ထားသော ယာဉ်များဟုတ် မဟုတ်စိစစ်ဆောင်ရွက်ရာမှာဟိုင်းလတ် ယာဉ် ၂ခ/xxxx မှာ တရားမဝင် မှတ်ပုံ တင်မဲ့ယာဉ်ဖြစ်ကြောင်း စိစစ်တွေ့ရှိရ သဖြင့် ခန့်မှန်းတန်ဖိုး ကျပ်သိန်း ၃၀ နဲ့ အမှုဖွင့် ဆောင်ရွက်ထားတယ်လို့ သိရှိရပါတယ်။Source:လရ-၂                                                                                                         MTN

မိုင်းယောင်းမြို့နယ်အတွင်းထွက်ရှိတဲ့ ဒေသသုံးထက်ပိုလျှံသောကောက်ညှင်း စပါးများကို ပြည်ပသို့ တင်ပို့နေခြင်းအား ၂၀၁၄ ခုနှစ်မှစ၍ စပါးအတိုင်းပြည်ပသို့ တင်ပို့ခွင့်ပြုတော့မည်မဟုတ်ကြောင်း ဖေဖော်ဝါရီလ ၂၇ ရက်နေ့ တာချီလိတ်မြို့  မြို့နယ်အကောက်ခွန်ဦးစီးဌာနမှာ ကျင်းပပြုလုပ်တဲ့ကုန်သွယ်မှုမြှင့်တင်ရေးအစည်း အဝေး မှာ ဒုတိယစခန်းတာဝန်ခံလက်ထောက်ညွှန်ကြားရေးမှူး ဦးကျော်စိုးဝင်းမှ အထက်ဌာန ညွှန်ကြားချက်များကို ရှင်းလင်းပြောကြားရာမှာထည့်သွင်း ပြောကြား ခဲ့တယ်လို့ သိရပါတယ်။ ပြည်သူလူထုအလုပ်အကိုင် အခွင့်အလမ်း များရရှိရန် ရည်ရွယ်ပြီး ဒေသအတွင်းအရည်အသွေးမီကြိတ်ခွဲနိုင်သောဆန်စက်များ တည်ဆောက် ကာ  ဆောင်ရွက်သွားရန် ညွှန်ကြားချက်များအရ ၂၀၁၄ ခုနှစ် ဇန်နဝါရီလ ၁ ရက်နေ့မှစ၍ မိုင်းယောင်းဒေသမှ ထွက်ရှိလာမဲ့ ကောက်ညှင်းစပါးများအား တင်ပို့ ခွင့် ပေးတော့မှာမဟုတ်ကြောင်းသိရှိရပါတယ်။ Source: ကသရ (တခလ) ၊ခင်မိုးသူ

မြန်မာ-ထိုင်းနယ်စပ်ရှိ မြဝတီနယ်စပ်ကုန်သွယ်ရေးစခန်းမှ ဖေဖော်ဝါရီလ ၂၇ ရက်မှ မတ်လ ၅ ရက်နေ့ အတွင်းမှာ ရေထွက်ကုန်တင်ပို့မှုမရှိပါ။ ရာသီဥတု ပူပြင်းလာပြီဖြစ် ၍ ရေထွက်တင်ပို့မှုလျော့နည်း လာတဲ့အပြင် ဖေဖော်ဝါရီလအတွင်း တရုတ်နှစ်ကူးပွဲတော်ရက်များမှာ ရေထွက်ပစ္စည်းများတရုတ်မျက်နှာစာသို့ ပိုမို တင်ပို့နေခြင်းကြောင့် လျော့နည်းခဲ့ရတယ်လို့သိရှိရပါတယ်။ တစ်ဖက်နိုင်ငံမှ မိမိ ရေထွက်ပစ္စည်းများကိုကြိုက်နှစ် သက်ခြင်းကြောင့် ဈေးကွက်ဝယ်လိုအားရှိ ကြောင်း၊  မိမိဘက်မှတင်ပို့တဲ့ငါးများကိုလည်း တစ်ဖက်နိုင်ငံတွင် အမှုန့်ကြိတ်၍ ငါးမှုန့်ပြု လုပ်ခြင်းဖြင့်တန်ဖိုးမြှင့်ထုတ်ကုန်များပြုလုပ်ခြင်း၊ ပြည်တွင်း၌လည်းစားသုံးပြီးအချို့ကို ငါးအသားလွှာလုံး ပြုလုပ်ခြင်းနဲ့ ပြုပြင်အအေးခံ၍ Re-export  ပြန်လည်ပြုလုပ် ကြောင်း သိရှိရပါတယ်။