မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်၊ လွယ်ဂျယ်နဲ့ မြန်မာ-ထိုင်း နယ်စပ်ရှိ တာချီလိတ် နယ်စပ်ကုန်သွယ်ရေး စခန်းများမှ ကန်ဒေါ်လာ ၃ ဒသမ ၉၁၁ သန်းတန်ဖိုးရှိ ဆန် ၉၄၅၇ တန်ကျော်နဲ့ ကန်ဒေါ်လာသုညဒသမ ၁၇၂ သန်း တန်ဖိုးရှိ ကောက်ညှင်းစပါး ၅၃၂ တန်၊ ကောက်ညှင်းငချိတ် ၆၃ တန်နဲ့ ကန်ဒေါ်လာသုညဒသမ ၂၇၂ သန်းတန်ဖိုးရှိ ဆန်ကွဲ ၇၉၃ တန်ကျော်ကို မူဆယ် နယ်စပ်မှ ဇွန် ၂၀ ရက်မှ ၂၆ ရက်အတွင်းမှာ အပို့ရှိခဲ့ပါတယ်။  နယ်စပ်အလိုက် ဆန်တင်ပို့မှုတွေကတော့ မူဆယ်မှ ဧည့်မထ ၂၅ မှတ် ၄၅၀၉ တန်၊ ငစိန် ၄၁၈၆ တန်၊ ချင်းရွှေဟော်မှ ငစိန် ၂၅ မှတ် တန် ၂၀၀၊ တာချီလိတ်မှ ဧည့်မထ ၂၅ မှတ် တန် ၅၀၀ နဲ့ လွယ်ဂျယ်မှ ဧည့်မထ ၆၂ တန်ကျော် အသီးသီးတင်ပို့ခဲ့တာ ဖြစ်ပါတယ်။    MIRT(DOBT)

    နယ်စပ်ကုန်သွယ်ရေးစခန်းများမှ ကန်ဒေါ်လာသုညဒသမ ၁၂၆ သန်းတန်ဖိုးရှိ ကွမ်းသီးခြောက် ၁၁၅ တန်ဝန်းကျင်ကို ဇွန်လ ၂၀ ရက်မှ ၂၆ ရက်ထိကာလအတွင်းမှာ အပို့ရှိခဲ့တယ်လို့ သိရပါတယ်။ ယခင်အပတ်ကထက် ၁၈ တန်ကျော် အပို့ ပိုခဲ့ပါတယ်။ ကွမ်းသီးခြောက်သာမက ကွမ်းသီးခွံများလည်း တင်ပု့ိလျက်ရှိရာ ယခုအပတ်မှာ ကန်ဒေါ်လာ ၁၅၀၀၀ တန်ဖိုးရှိ ကွမ်းသီးခွံ ၄၄ တန်ခန့်ကို မူဆယ်နယ်စပ်မှ တင်ပို့နိုင်ခဲ့ပါတယ်။

        မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ ၁ ဒသမ ၆၇၀ သန်းတန်ဖိုး ရှိ သရက်သီး ၅၉၁၄ တန်ကို ဇွန်လ ၆ ရက်မှ ၁၂ ရက်ထိကာလအတွင်းမှာ အပို့ရှိခဲ့တဲ့အပြင် ကန်ဒေါ်လာ သုည ဒသမ ၀၂၄ သန်းတန်ဖိုးရှိ သရက်ပြားခြောက် ၁၉ တန်လည်း အပို့ရှိခဲ့တယ်လို့ သိရပါတယ်။ ယခင်အပတ်ကထက် ၇၃၄ တန် အပို့လျော့ခဲ့ပါတယ်။ တစ်နေ့ကို ၁၅ ကီလိုဂရမ်ပါ သရက်သီးဂျပ်ဖာ ၂၀၀၀၀ ခန့် တက်နေတယ်လို့ သိရပါတယ်။                           MIRT(DOBT)

        ဇွန်လမှစ၍ သြဂုတ်လကုန်ထိကာလမှာ ငါးသားပေါက်ချိန်ကာလ ဖြစ်၍ ငါးဖမ်းခွင့်များရပ်နားထားချိန် ဖြစ်ပါတယ် ။ရေထွက်ကုန် ၉၆၆ တန်ကျော်၊ တန်ဖိုးအားဖြင့် ကန်ဒေါ်လာသုညဒသမ ၇၆၀ သန်းဖိုးသာ တင်ပို့မှု ရှိခဲ့ပါတယ်။ ယခင်အပတ်တင်ပို့မှုနဲ့နှိုင်းယှဉ်လျှင် တန် ၁၃၇၀ ကျော် အပို့လျော့ခဲ့ပါတယ်။ နယ်စပ် အလိုက် တင်ပို့နိုင်မှုတွေကတော့ မြဝတီမှ ငါးမျိုးစုံ ၇ တန်ခန့်၊ ပုစွန် ၃ တန်ခွဲကျော်နဲ့ ကဏန်း ၅ တန် နီးပါး၊ ကော့သောင်းမှ ငါးမျိုးစုံ ၁၆၂ တန်ကျော်နဲ့ မြိတ်မှ ငါးမျိုးစုံ ၁၇၅ တန်ခန့်၊ ရေငန်ပုစွန် ၃ တန်ကျော်၊ ငါးမှုန့် ၆၁၁ တန်ခန့်၊ အေးခဲကဏန်းပျော့ ၁၄ တန်နဲ့ ကဏန်းအသေးအနည်းငယ် အပို့ရှိခဲ့တာဖြစ်ပါ တယ်။          MIRT(DOBT)