ပြည်တွင်းနယ်စပ်စီးပွားရေးရာ

 မောင်တောတောင်သူကို ဝင်ငွေကောင်းစေတဲ့ အာလူး                   မောင်တောခရိုင်အတွင်း စိုက်ပိုျးရန် ဘင်္ဂလားဒေ့ရှ်မှ အာလူးလုံးကြီးမျိုးများကို FAO မှ ၂ဝဝ၈ ခုနှစ်ကစတင်ပြီး စိုက်ပျိုးမယ့်မြို့နယ်များအရောက် ဖြန့်ဖြူးပေးပြီး ဒေသခံ တောင်သူများကို စိုက်ပျိုးစေလျက်ရှိပါတယ်။ ဘင်္ဂလားဒေ့ရှ် အာလူးမျိုးမှာ ရာသီဥတုအေးမြမှုကို ပိုမိုကြိုက်နှစ်သက်တဲ့ အတွက် ဘူးသီးတောင်မြို့နယ် မြောက်ပိုင်းမှာ ပိုမိုဖြစ်ထွန်း ခဲ့ပါတယ်။                 စတင်ဖြန့်ဝေစဉ်က ရှမ်းပြည်နယ်မြောက်ပိုင်းမှ မျိုးများ ကို ကားနဲ့သယ်ယူတဲ့ လမ်းခရီးရက်ကြာမြင့်တဲ့အတွက် မောင်တောသို့ ရောက်ချိန်မှာ မျိုးအာလူးများ ပုပ်ရိ ပျက်စီးမှုနဲ့ ကြုံတွေ့နေခဲ့ရတဲ့အတွက် ၂ဝဝ၉ ခုနှစ်ကစပြီး ရှမ်းမျိုးများကို တင်သွင်းခြင်းမပြူဘဲ ဘင်္ဂလားဒေ့ရှ်မျိုးများကိုသာ ဖြန့်ဖြူးပေး လျက်ရှိပါတယ်။               ဒေသမျိုးဟာ ဘင်္ဂလားမျိုးထက် အရွယ်အစား သေးငယ်ပြီး တစ်ဧက မျိုးလိုအပ်ချက်လည်း ဘင်္ဂလားမျိုးထက် နည်းပါတယ်။ ဒေသမျိုးကြိုက်နှစ်သက်တဲ့ မြေအမျိုးအစားက နုန်းတင်မြေနုနဲ့ သဲနုမြေဖြစ်ပြီး ဘင်္ဂလားမျိုးကတော့ နုန်း တင်မြေနုနဲ့ မြေနီကို ကြိုက်နှစ်သက်တယ်လို့ သိရပါတယ်။ စိုက်ပျိုးချိန်ကတော့ အောက်တိုဘာ၊ နိုဝင်ဘာလများဖြစ်ပြီး ဘင်္ဂလားမိုျးက ဒေသမျိုးထက် အအေးပိုကြိုက်ပါတယ်။                အထွက်နှုန်းက တစ်ဧကလျှင် ဒေသမျိုးက ပိဿာ ၂၂ဝဝမှ ၄ဝဝဝ နဲ့ ဘင်္ဂလားမျိုးက ပိဿာ ၃ဝဝဝ မှ ၅ဝဝဝ ရှိပါတယ်။                 FAO က ဘင်္ဂလားမိုျးကို တင်သွင်း စမ်းသပ်စိုက်ပိုျး စေခဲ့ခြင်းကတော့ အလုံးကြီးပြီး အထွက်နှုန်းကောင်းတဲ့ အတွက် တောင်သူများအမြတ်အစွန်း အများအပြား ရရှိ စေရန်နဲ့ ဒေသတွင်းစားသုံးမှုဖူလုံပါက အခြားမြို့နယ်များကို ရောင်းချနိုင်ရန် ရည်ရွယ်တယ်လို့ သိရပါတယ်။                ဘင်္ဂလားမျိုးအား ဘင်္ဂလားဒေ့ရှ်မှာ တစ်ဧက အာလူး မိုျးပိဿာ ၄ဝဝ ခန့်ကိုခွဲစိတ်ပြီး စိုက်ပျိုးတဲ့အတွက် အထွက် နှုန်းမှာ တစ်ဧက ပိဿာ ၃ဝဝဝ မှ ၄ဝဝဝ ကျော် ထွက်တဲ့ အတွက် တစ်ဧကပျမ်းမျှကျပ် ၁ ဒသမ ၂ သန်းမှ ၁ ဒသမ ၆ သန်းထိရရှိပါတယ်။ နည်းပညာ စနစ်တကျ ဖြန့်ဝေပေးပါက မောင်တော၊ ဘူးသီးတောင်ဒေသမှာလည်း အထွက်နှုန်း ကောင်းစေမှာ ဖြစ်ပါတယ်။ မောင်တောခရိုင်မှာ အာလူး စိုက်ဧက ၁၆ဝဝ ကျော်ရှိပြီး အထွက်မှာ ဒေသမိုျးက ပိဿာ သိန်း ၃ဝ ဖြစ်ပြီး ဘင်္ဂလားမျိုးက ပိဿာ ၄၈ သိန်းကျော် ထွက်ရှိပါတယ်။ ဒေသတွင်းစားသုံးမှုက ပိုလံျှတဲ့ အာလူးများ ကို စစ်တွေကိုတင်ပို့ရောင်းချလျက်ရှိတာ ဖြစ်ပါတယ်။ ဒေသ မျိုး တစ်ဧက စိုက်ပိုျးက ကျပ်သုံးသိန်းခွဲဝန်းကျင် အမြတ် အစွန်းရရှိပြီး ဘင်္ဂလားမျိုးများကို နည်းပညာ ပံ့ပိုးပေးပြီး စိုက်ပါက တစ်ဧက ကျပ်ခြောက်သိန်းဝန်းကျင် အမြတ်အစွန်း ရရှိနိုင်တဲ့အတွက် မောင်တောဒေသမှာ စပါးပြီးလျှင် အာလူး စိုက် တောင်သူများ ဝင်ငွေကောင်းနေတယ်လို့ သိရပါတယ်။ Source:နကသ 

 ကုန်သွယ်မှုမြှင့်တင်ရေးအစည်းအဝေး တမူးမှာ ကျင်းပ                 နယ်စပ်ကုန်သွယ်ရေး စခန်းများမှ လစဉ်ပုံမှန်ပြုလုပ်နေကျ ကုန်သွယ်မှု မြှင့်တင်ရေး အစည်းအဝေးကို တမူး နယ်စပ်ကုန်သွယ်ရေးစခန်းမှာ နိုဝင်ဘာလ ၂၉ ရက်နေ့ နံနက်ပိုင်းမှာ ကျင်းပ ပြုလုပ်ခဲ့ပါတယ်။                အစည်းအဝေးမှာ ကုန်သွယ်မှု လုပ်ထုံးလုပ်နည်း ရက်တိုသင်တန်း ဖွင့်လှစ်ပို့ချပြီးဖြစ်တဲ့အတွက် ကုန်သွယ်မှု လုပ်ငန်းများ စနစ်တကျဖြစ်စေရေး လုပ်ထုံးလုပ်နည်းများနဲ့အညီ လမ်းကြောင်းမှန်ပေါ်သို့ ရောက်ရှိရေး ပူးပေါင်း ဆောင်ရွက်ကြရန်၊ ကုန်သွယ်မှု ပမာဏ တိုးတက်ရေးအတွက် လစဉ် ကုန်သွယ်မှု ညှိနှိုင်းအစည်းအဝေးများ သို့ စိတ်ပါဝင်စားစွာ တက်ရောက် ညှိနှိုင်း ဆွေးနွေးရန်၊ ဝိုင်းဝန်းပူးပေါင်း ဆောင်ရွက်ရန် ဆွေးနွေးခဲ့ကြတယ်လို့ သတင်းရရှိပါတယ်။ အစည်းအဝေးသို့ တမူးနယ်စပ် ကုန်သွယ်ရေး ညွှန်ကြား ရေးမှူးရုံး တာဝန်ခံ၊ OSS  အဖွဲ့ဝင် ဌာန တာဝန်ခံများ၊ ခရိုင် အေးချမ်းသာယာ ရေးနှင့် ဖွံ့ဖြိုးရေးကောင်စီ၊ မြို့နယ် အေးချမ်းသာယာရေးနှင့် ဖွံ့ဖြိုးရေး ကောင်စီတို့မှ ဥက္ကဋ္ဌများ၊ မြို့နယ် ငါးလုပ်ငန်း ဦးစီးဌာနမှူး၊ ကုမ္ပဏီ လုပ်ငန်းရှင်များ၊ ရေထွက်ပစ္စည်း ကုန်သည်များ၊ မော်တော်ယာဉ်လိုင်း တာဝန်ခံများ နဲ့ ကိုယ်စားလှယ်များ စုစု ပေါင်း (၄ဝ) ဦး တက်ရောက်ခဲ့ကြတယ်လို့ သတင်း ရရှိပါတယ်။                                                                                    Source: နကသ (တမူး) MIRT (DOBT)

 ပွင့်လင်းရာသီရောက်ရှိပြီဖြစ်လို့ တီးတိန်-ရိဒ်ကားလမ်းပိုင်း အသင့်အတင့်ကောင်းမွန်လာ            ပွင့်လင်းရာသီ ရောက်ရှိလာပြီ ဖြစ်တဲ့အတွက် မိုးတွင်းကာလ အတွင်း က ပျက်စီးလျက်ရှိသော တီးတိန်- ရိဒ် ကားလမ်းပိုင်းအား တီးတိန်မြို့နယ် ပြည်သူ့ ဆောက်လုပ်ရေးလုပ်ငန်း (လမ်းတံတား) အဖွဲ့က မြေတူး မြေ ကော်စက်နဲ့ နိုဝင်ဘာလ ၁၉ ရက်နေ့က စတင်ဆောင်ရွက်နေ ပြီ ဖြစ်ပါတယ်။ စတင်ဆောင်ရွက်ပြီး ၃ ရက်မြောက်နေ့ မှာတော့ တီးတိန်မြို့ နယ် အပိုင်ဟိုင်မွာ ရွာအနီး အချို့နေရာများမှာ ရေစိမ့် ထွက်မှုကြောင့် ချိုင့်များ ရှိတာကလွဲပြီး အသင့်အတင့် ကောင်းမွန်လာပြီလို့ သိရပါတယ်။ လမ်းကောင်းမွန်လာ တာကြောင့် ယာဉ်သွားလာမှုများ အဆင်ပြေချောမွေ့လာစေပြီး ကလေးမှ ရိဒ်သို့ ဟိုင်မွာဂျစ်ယာဉ်ငယ်များ သာမက သွင်းကုန် ဓါတ်မြေသြဇာများကို ခြောက်ဘီးယာဉ်ကြီး အချို့နဲ့ နေ့ချင်း ပေါက် သယ်ယူ ပို့ ဆောင်နိုင်မှုရှိလာပြီ လို့သိရပါတယ်။ ၂ဝ၁ဝ ဒီဇင်ဘာလ ခရစ်စမတ်ပွဲတော် နီးကပ်လာပြီဖြစ်တဲ့ အတွက် တစ်ဖက်နိုင်ငံ မီဇိုရမ်ပြည်နယ်မှ မဝတ်တီရှပ်၊ ကျား၊ မ စီးကင်း ဘတ်ရှူး၊ ကလေးစီးဖိနပ် စသည်များ အဝယ်လိုက်လာပြီး ကုန်စည်စီးဆင်းမှု များ ပိုမိုလာပြီလို့ ရိဒ်နယ်စပ်ကုန်သွယ် ရေးစခန်းမှ သတင်းရရှိပါတယ်။ Sources: နကသ (ရိဒ်)၊၊ သိန်းဝင်း

မျှစ်များတွင် ဓာတုဆေးဝါး ရောစပ်ပါဝင်မှုများ စိစစ်တွေ့ရှိရလျက်ရှိ         မြန်မာနိုင်ငံ တောင်ပေါ် ကျေးရွာ တစ်လျှောက်ထွက်ရှိတဲ့ မျှစ်စို (အစိမ်း) နဲ့ မျှစ်ခြောက်များကို နယ်စပ် ကုန်သွယ်ရေး စခန်းများမှတစ်ဆင့် နယ်စပ် ကုန်သွယ်ရေး နည်းလမ်းနဲ့ တင်ပို့လျက် ရှိပါတယ်။ ယခုအခါ မသမာတဲ့ စီးပွားရေးလုပ်ငန်းရှင်အချို့ဟာ ဝယ်ယူပြီးမျှစ်စို၊ မျှစ်ခြောက်များကို ကုန်ချောပြုလုပ်ဆောင်ရွက်ရာမှာ ဓာတု ဆေးဝါးများ ရောစပ်ပါဝင်နေတာကို စစ်ဆေးတွေ့ရှိရကြောင်းနဲ့ အဆိုပါ ဆေးဝါးများမှာ စားသုံးသူများအား ခန္ဓာကိုယ်ချို့ယွင်းမှုနဲ့ ကင်ဆာ ရောဂါ ဖြစ်စေနိုင်တယ်လို့ ယူနန်ပြည်နယ် ကျန်းမားရေးဌာနက စစ်ဆေးတွေ့ရှိရတယ်လို့ ထုတ်ပြန်ထားပါတယ်။ စားသောက်ကုန် စိစစ်ရေးအဖွဲ့မှ ဓာတ်ခွဲ စမ်းသပ်သောအခါ ကာဗွန်ဒိုင် ဆာလဖိတ်ပါဝင်မှု ၂၉၃ mg/kgm  ရှိတာ တွေ့ရပြီး ခွင့်ပြုချက်ထက် ၅ ဆနီးပါး ကျော် လွန်တဲ့အတွက် စံနှုန်းမမှန်တဲ့စားသောက်ကုန်အဖြစ် သတ်မှတ်လိုက်တယ်လို့ ဆိုပါတယ်။ မြန်မာနိုင်ငံက တင်သွင်းတဲ့မျှစ်များအား အဆင့်ဆင့်စစ် ဆေးပြီးစံချိန်မမီပါက တင်သွင်းခွင့် ပြုမည်မဟုတ်ကြောင်း သတင်းရရှိတဲ့ အတွက် မျှစ်တင်ပို့သူများအနေနဲ့ သတိထား ဆောင်ရွက်ကြရန် လိုအပ်ကြောင်း အသိပေးလိုက်ရပါတယ်။                                                                                                          Source:ယူနန်မန်စီ၊သောင်းနိုင်

ဓာတုဆေးဝါးရောစပ်ပါဝင်တဲ့ ခေါက်ဆွဲထုပ်အား ဈေးကွက်များမှ ပြန်လည်သိမ်းယူ           အင်ဒိုနီးရှားနိုင်ငံထုတ် ရင်တော်တံဆိပ်အသင့်စား ခေါက်ဆွဲထုပ်များအား တရုတ်နိုင်ငံ ကျန်းမာရေး ဌာနစားသောက်ကုန် ပစ္စည်းလုံခြုံမှု စစ်ဆေးရေးအဖွဲ့ရဲ့ ဓာတ်ခွဲစိစစ်ရာ ဓာတုဆေးဝါးများသတ်မှတ်ချက်ထက် ပိုမိုပါရှိနေတာကို စိစစ်တွေ့ရှိခဲ့ပါတယ်။ ဟောင်ကောင်၊ ထိုင်ဝမ်(တရုတ်တိုင်ပေ)၊ သြစတြေးလျနဲ့ စင်ကာပူနိုင်ငံတို့မှာ ဖြန့်ဖြူးရောင်းချနေမှုများကို နိုဝင်ဘာလဆန်း ကစပြီး ရပ်ဆိုင်း ကာပြန်လည်သိမ်းယူမှုများလုပ်ဆောင်လျက် ရှိပါတယ်။ ၈၅ ဂရမ်ရှိ အထုပ်သေး တစ်ထုပ်ကို တရုတ်နိုင်ငံမှာ ၂ ဒသမ ၅ ယွမ်နှုန်းနဲ့ ရောင်းချဖြန့်ဖြူးနေ တာဖြစ်ပါ တယ်။ ယခုအခါ ကူမင်းရှိ စူပါမားကတ်များမှာလည်းရောင်းချခွင့် မပြုတော့ဘဲ သိမ်းယူလျက်ရှိနေတယ်လို့ တရုတ်နေ့စဉ်ထုတ် သတင်းစာမှာ ဖော်ပြထားပါတယ်။                                                                                                    Sources: ယူနန်ချွမ်းချိမ်ဝမ်ပေါင်၊၊ သောင်းနိုင်