ပြည်တွင်းနယ်စပ်စီးပွားရေးရာ

နယ်စပ်မှ ရော်ဘာအဆင့်စုံ တန်ချိန် ၈ဝဝ ကျော်တင်ပို့        နိုဝင်ဘာလ ၃ ရက်နေ့မှ ၉ ရက်ထိ ကာလအတွင်း မူဆယ်၊ ချင်းရွှေဟော်နဲ့မြိတ်နယ်စပ်စခန်းများမှ ရော်ဘာ ၊၈၂၅ တန်ကျော် တန်ဖိုးအားဖြင့် ကန်ဒေါ်လာ ၂ ဒသမ ၅၂ သန်းဖိုးတင်ပို့နိုင်ခဲ့တယ်လို့ သိရပါတယ်။ အရင်အပတ်ကထက် တန်ချိန် ၁၅ဝ ကျော် ပိုမိုတင်ပို့နိုင်ခဲ့တာတွေ့ရပါတယ်။ မိမိဘက်ရော်ဘာပေါက်ဈေးဟာ ကျပ် ၉၁ဝဝ မှ ၉၅ဝဝ ထိ မြင့်တက်လျက် ရှိပြီး တစ်ဘက်နိုင်ငံ ယွမ်ဈေးကတော့ မပြောင်းလဲဘဲတည်ငြိမ်လျက်ရှိပါတယ်။ ငွေဈေးအတက်အကျ အပြောင်း အလဲကြောင့်သာ ဒေါ်လာဈေးအရ ၆ ဒေါ်လာခန့် ယခင်အပတ်ကထက် လျော့ကျတာတွေ့ရပါတယ်။ ကရင်၊ မွန်ပြည်နယ်နဲ့ တနင်္သာရီ တိုင်းဒေသကြီးများက ထွက်ရှိတဲ့ ရော်ဘာများကို မြန်မာ-တရုတ်နယ်စပ်နဲ့ ထိုင်းနယ်စပ် ကုန်သွယ်ရေးစခန်းများမှ တင်ပို့နေတာဖြစ်ပါတယ်။ ချင်းရွှေဟော်ဘက်မှာ မိမိဘက်ပေါက်ဈေးက ၂၇ဝဝဝဝဝ ကျပ်ရှိပြီးတစ်ဖက်နိုင်ငံပေါက်ဈေးကတော့ ယွမ် ၂၁ဝဝဝ ရှိပြီး မြိတ်ဘက်မှာတော့ မိမိဘက်ဈေးက ၂၈၇၈၇၅ဝ ကျပ်နဲ့ တစ်ဘက်နိုင်ငံပေါက်ဈေးက ဒေါ်လာ ၃ဝဝ ဝန်းကျင် ရှိတယ်လို့သိရပါတယ်။ ယခုအပတ်မှာ မူဆယ်မှRSS (1)  ၅ တန်၊RSS (3)  ၄ဝ၂ တန်ခန့်၊ RSS (5)  တန် ၃ဝ၊ MSR (20)  ၁၃၈ တန် နဲ့ MSR (50 )  ၁၂၁ တန်၊ စုစုပေါင်း ၆၉၅ တန်ကျော်၊ ချင်းရွှေဟော်မှ RSS (3)  တန် ၃ဝ၊ မြိတ်မှ RSS (3)  တန် ၁ဝဝ တင်ပို့ခဲ့တာဖြစ်ပါတယ်။ နယ်စပ်အလိုက် ရော်ဘာပေါက်ဈေးများကို နှိုင်းယှဉ်ဖော်ပြပေး လိုက်ရပါတယ် -                                    မိမိဘက်(ကျပ်/တန်)                      တစ်ဘက်နိုင်ငံ(ဒေါ်လာ/တန်)                     ယခု             ယခင်      ပြောင်းလဲမှု   %        ယခု        ယခင်  ပြောင်းလဲမှု    %မူဆယ်RSS(3)     ၃၂၃၆၈ဝဝ      ၃၂၂၇၂၈ဝ      ၉၅၂ဝ     ဝ .၃      ၃၅၆၄      ၃၅၇ဝ      ၆           ဝ .၂RSS(5)     ၃၁ဝဝ၈ဝဝ       ၃ဝ၉၁၆၈ဝ     ၉၁၂ဝ     ဝ .၃      ၃၄၁၄       ၃၄၂ဝ      ၆           ဝ .၂MIRT (DOBT)

 မျိုးအာလူးများ မောင်တောနယ်စပ်မှ တင်သွင်းလျက်ရ     နိုဝင်ဘာလ ပထမပတ်အတွင်း တစ်ဘက်ဘင်္ဂလားဒေ့ရှ်နိုင်ငံ Arbul Trading Co. Ltd မှ မျိုးအာလူးများ မောင်တော နယ်စပ်မှ တစ်ဆင့်တင်သွင်းခဲ့တယ်လို့ သတင်းရရှိပါတယ်။ တင်သွင်းမှုတန်ချိန်က ၂၈ တန်ဖြစ်ပြီး မိမိဘက်တစ်တန်ပေါက်ဈေးက ၃ဝ၆ဝဝ ကျပ်နဲ့ တစ်ဖက် နိုင်ငံပေါက်ဈေးကတော့ ၁၆၈၆၆ တာကာဖြစ်ပါတယ်။ မောင်တောမှာ ရုံးစိုက်ထားတဲ့ FAO မှ ရခိုင်ပြည်နယ် မြောက်ပိုင်းဒေသအတွင်း ကျေးလက် ဒေသအသက် မွေးဝမ်းကျောင်းလုပ်ငန်းများ ရေရှည်တည်တံ့ခိုင်မြဲရေး အထောက်အကူပြုစီမံကိန်းအရ မောင်တောခရိုင်အတွင်းရှိ တောင်သူများကို အခမဲ့မျိုးဖြန့်ဝေပေးရန် သက်ဆိုင်ရာဌာနများရဲ့ ထောက်ခံချက်များနဲ့အညီ သွင်းကုန်လိုင်စင် လျှောက်ထားတင်သွင်းခဲ့တာဖြစ်တယ်လို့ ကျော်ကျော်စိုး ကုမ္ပဏီမှ တာဝန်ရှိသူထံက သိရှိရပါတယ်။                                                                                            Sourceး နကသ (မောင်တော)MIRT (DOBT)

 နယ်စပ်ဖြတ်ကျော်ကုန်သွယ်မှုအား ယွမ်ငွေနဲ့ ဆောင်ရွက်သွားမည်         ယူနန်ပြည်နယ် ထွက်ကုန်များဖြစ်တဲ့ ဟင်းသီးဟင်းရွက်များအား ထိုင်းနဲ့ ဂျပန်၊ စင်ကာပူစတဲ့နိုင်ငံ တို့သို့ တင်ပို့ရာမှာ ငွေကြေးနှုန်းထားပြောင်းလဲမှုကို ဝန်ထုပ်ဝန်ပိုးအဖြစ် ကြုံတွေ့ခဲ့တဲ့အတွက် တရုတ်ယွမ်ငွေနဲ့ ငွေပေးချေမှုကို လုပ်ဆောင်ခဲ့ရပါတယ်။ ယူနန်ပြည်နယ် ' လုံချိန်' လယ်ယာထွက်ကုန်ပစ္စည်း ထုတ်လုပ်ဖြန့်ဖြူးရေး ကုမ္ပဏီလီမိတက် အနေနဲ့ ၂ဝဝ၉ ခုနှစ်က ပြည်ပသို့ဟင်းသီးဟင်းရွက်တန်ချိန် ၂၃ဝဝ တန် တန်ဖိုးအားဖြင့် ကန်ဒေါ်လာ ၃ သန်း ရရှိခဲ့ပါတယ်။ ယခုနှစ်မှာ ယွမ်ဖြင့် ဆောင်ရွက်မှုမြင့်တက်ခဲ့တဲ့အတွက်ပထမ ၉ လတာကာလမှာ ယွမ်သန်း ၅၅ဝ ကျော် ဟင်းသီး ဟင်းရွက် များ ပြည်ပသို့ တင်ပို့မှုမှ ဝင်ငွေရရှိခဲ့ရာ ယမန်နှစ်ကထက် ဝင်ငွေ ၇၅ ရာခိုင်နှုန်း မြင့်တက်ခဲ့ပါတယ်။ ယူနန်ဘဏ်ခွဲအား ယွမ်ငွေဖြင့် စာရင်းရှင်းတမ်း ဖွင့်လှစ်ဆောင်ရွက်နိုင်ရန် စီစဉ်ထားပြီး အရှေ့တောင်အာရှဈေးကွက် အထူးသဖြင့် ဗီယက်နမ်၊ လာအိုနဲ့ မြန်မာနိုင်ငံတို့နဲ့ ကုန်သွယ်ရာမှာ ယွမ်ငွေနဲ့ လုပ်ဆောင်သွားမယ်လို့ သတင်းများမှာ ဖော်ပြထားပါတယ်။   Source: ယူနန်ချွမ်းချိမ်ဝမ်ပေါင်သတင်းစာ၊သောင်းနိုင်

 စစ်တွေနယ်စပ်ကုန်သွယ်ရေးရုံးမှာ ကုန်သွယ်မှုမြှင့်တင်ရေး အစည်းအဝေးကျင်းပ         မြန်မာ-ဘင်္ဂလားဒေ့ရှ်နယ်စပ်ရှိ စစ်တွေနယ်စပ် ကုန်သွယ်ရေးရုံးမှာ အောက်တိုဘာလအတွက် ကုန်သွယ်မှု မြှင့်တင်ရေးအစည်းအဝေးကို အောက်တိုဘာလ၂၉ရက်နေ့ကကျင်းပခဲ့ပါတယ်။ အောက်တိုဘာလဆန်းပိုင်းနဲ့ လလယ်ပိုင်းကာလများမှာ ဘင်္ဂလား ပင်လယ်အော်၌ မုန်တိုင်းငယ် (၂) ကြိမ်ခန့်ဖြစ်ပေါ်ခဲ့ပြီး မိုးသည်းထန်စွာ ရွာသွန်းမှုများကြောင့် ရခိုင်ပြည်နယ် အတွင်း ဒေသအချို့ရှိ ပုစွန်မွေးမြူ ရေးကန်များ တာကျိုး ပျက်စီးဆုံးရှုံး ခဲ့မှုများနဲ့ အောက်တိုဘာ ၂၂ ရက်နေ့ က ကျောက်ဖြူမြို့အနီးမှ ကုန်းတွင်း သို့ ဖြတ်ကျော်ဝင်ရောက်ခဲ့တဲ့ ဆိုင်ကလုန်း မုန်တိုင်း ဂီရိကြောင့် ကျောက်ဖြူ၊ မြေပုံ၊ မင်းပြား၊ ပေါက်တော၊ ရသေ့တောင် အစရှိတဲ့ ဒေသများမှာ ပုစွန်ကန် ဧက အများအပြားနဲ့ ရေလုပ်ငန်း အများ အပြား ပျက်စီးဆုံးရှုံးမှုများ ဖြစ်ပေါ်ခဲ့ ကြောင်း၊ ငါးဦးစီးဌာနအနေနဲ့ ပုဂ္ဂလိက လုပ်ငန်းရှင်များရဲ့ ပျက်စီးဆုံးရှုံးခဲ့တဲ့ ပုစွန်မွေးမြူရေးကန်များ ပြန်လည် ထူထောင်နိုင်ရေးအတွက် အတတ်နိုင် ဆုံး ပံ့ပိုးကူညီ ဆောင်ရွက် ပေးသွားမယ် လို့ ရခိုင်ပြည်နယ် ငါးလုပ်ငန်း ဦးစီးဌာနမှ တာဝန်ရှိသူကလည်း အစည်းအဝေး မှာ ငါးပုစွန် လုပ်ငန်းရှင်များကို ရှင်းလင်း ပြောကြားခဲ့တယ်လို့ သိရပါ တယ်။             ခင်ရတနာဖြိုး ကုမ္ပဏီမှ ဒါရိုက် တာဖြစ်သူ ဦးညီညီက စက်တင်ဘာလ က ကျင်းပခဲ့တဲ့ကုန်သွယ်မှု မြှင့်တင်ရေး အစည်းအဝေးမှာ ၎င်းတို့ကုမ္ပဏီအနေ နဲ့ ပဲတီစိမ်းနဲ့ မတ်ပဲ ၁ဝ တန်ခန့် တစ်ဘက် နိုင်ငံသို့ တင်ပို့ ရန်အတွက် နေပြည်တော်သို့ လိုင်စင်သွားရောက် လျှောက်ထားရန် အခက်အခဲရှိတာ ကြောင့် စစ်တွေနယ်စပ်ရုံးတွင် လိုင်စင် လျှောက်ထားခွင့် တင်ပြခဲ့ခြင်းအပေါ် အထက်ဌာနနှင့် ညှိနှိုင်းပြီး ဆောင်ရွက် ခွင့်ပေးသဖြင့် အောက်တိုဘာ လဆန်း ပိုင်းတွင် စစ်တွေစခန်း လိုင်စင်ဖြင့် တင်ပို့နိုင်ခဲ့ကြောင်းနဲ့ ယခုလို မိမိအရပ် ဒေသရှိ နယ်စပ်ရုံးမှ တစ်ဆင့်လျှောက် ထားခွင့်ရတဲ့အတွက် မိမိတို့ ပို့ကုန် သွင်းကုန်လုပ်ငန်းရှင်များအတွက် အကိုျးကျေးဇူးများစွာ ရရှိတယ်လို့ ပြောကြားခဲ့ပါတယ်။             ပို့ကုန်သွင်းကုန် လုပ်ငန်းရှင် များက တစ်ဖက်နိုင်ငံမှ ဝယ်လိုအား ရှိတဲ့ ပို့ကုန်အမယ်စုံတင်ပို့နိုင်ရေး ပျောက် ကွယ်လျက်ရှိသော အမယ်များ ပြန်လည်တင်ပို့နိုင်ရေးကြိုးပမ်း ဆောင် ရွက်သွားကြမယ်လို့ ပြောကြားခဲ့ပါ တယ်။                                                                                                                        ှSourceး နကသMIRT(DOBT)

 အောက်တိုဘာမှာ မုန်တိုင်းအရှိန်ကြောင့် မြိတ်က ရေထွက်ပို့ကုန်လျော့              မြန်မာထိုင်းနယ်စပ်ရှိ မြိတ်နယ်စပ်ကုန်သွယ်ရေးစခန်းမှ အောက်တိုဘာလ အတွင်းငါးမျိုးစုံ တန် ၆၃၄ဝ ကျော် တန်ဖိုးအားဖြင့် ကန်ဒေါ်လာ ၅ သန်းကျော်ဖိုး တင်ပို့နိုင်ခဲ့ပါတယ်။ ယခုလမှ ငါးမျိုးစုံအပါအဝင် ရေထွက်ကုန် တန်ချိန် ၈ဝဝဝ နီးပါးတန်ဖိုးအားဖြင့် ကန်ဒေါ်လာ ၇ သန်းကျော်ဖိုးမြိတ်နယ်စပ်မှ တင်ပို့နိုင်ခဲ့ပါတယ်။ စက်တင်ဘာလနဲ့ နှိုင်းယှဉ်လျှင် ရေထွက်ကုန်တင်ပို့နိုင်မှု လျော့နည်းခဲ့ပါ တယ်။ အောက်တိုဘာလမှာ မုန်တိုင်းရှိတဲ့အတွက် ပင်လယ်ပြင်မှာ မိုးသက်လေပြင်း ကျရောက်ခြင်း၊ လှိုင်းကြီးခြင်းများကြောင့် ထွက်ပြီးငါးဖမ်း လှေများ ကျွန်းခိုနေရခြင်း၊ ငါးဖမ်းမထွက်ခြင်း၊ သီးတင်းကျွတ်ပွဲတော်ကာလ ဝင်ရောက်ရပ်နားခြင်းတို့ကြောင့် ဖြစ်တယ်လို့ သိရပါတယ်။                မြိတ်နယ်စပ်ကုန်သွယ်ရေးစခန်းအနေနဲ့ တင်ပို့တဲ့ ကုန်တွေကတော့ ငါးမျိုးစုံ၊ ရေငန်ပုစွန်၊ ကဏန်းအရှင်၊ ငါးမှုန့်၊ ငါးအသားလွှာ၊ ငါးခြောက်သေး၊ ခရုအသား၊ အေးခဲပုစွန်၊ ပင်လယ်စာအရော၊ အေးခဲကဏန်းပျော့၊ ကဏန်းနီ၊ ကဏန်းအသေး (အသေ)၊ အေးခဲကင်းမွန်၊ ခရုအကောင်၊ ငါးအကြေးခွံချွတ်အလွှာ၊ ငါးခြောက်၊ အေးခဲကျောက်ပုစွန်အသေ၊ ပုစွန်ခြောက်၊ ကင်းမွန်ပြုတ်ခြောက်၊ အေးခဲဂဏန်းအနီ တို့ဖြစ်ပါတယ်။ သွင်းကုန်အနေနဲ့ ဘိလပ်မြေ၊ ကွန်ပေါင်းဓာတ်မြေသြဇာ၊ ဒီဇယ်ဆီ၊ ဂျာစီစ၊ အတွင်းခံ လိုင်နင်စ၊ ပလတ်စတစ်ခြင်းတောင်း၊ ကော်စေ့၊ Angle Iron, MS rod   နဲ့Wire rod in coil တို့ဖြစ်ပါတယ်။                   မြိတ်နယ်စပ်စခန်းရဲ့ အောက်တိုဘာလကုန်သွယ်မှု ပမာဏဟာ ယမန်နှစ် ကာလတူ ထက်ပို့ကုန်ရော သွင်းကုန်ပါ ပိုမိုဆောင်ရွက်နိုင်ခဲ့ပြီး အနီးစပ်ဆုံးကာလနဲ့ နှိုင်းယှဉ်ပါက ပို့ကုန်ပိုင်း လျော့နည်းပြီး သွင်းကုန်ပိုင်း မှာတော့ ပိုမိုဆောင်ရွက် နိုင်ခဲ့တယ်လို့ မြိတ်နယ်စပ်ကုန်သည်အသင်းမှ သတင်းရရှိပါတယ်။               ဧပြီလမှအောက်တိုဘာလကုန်ထိမြိတ်နယ်စပ်ကုန်သွယ်ရေးစခန်းမှ လ အလိုက် ရေထွက်ကုန်တင်ပို့နိုင် မှုများက ဧပြီလမှာ ၉၃၉ဝ တန်ကျော်၊ မေလမှာ ၉၉၃ဝ ကျော်၊ ဇွန်လမှာ ၉၇၈ဝ ကျော်၊ ဇူလိုင်လမှာ တန် ၉၂ဝဝ ကျော်၊ သြဂုတ်လမှာ တန် ၈၄ဝဝ နီးပါး၊ စက်တင်ဘာလမှာ တန် ၈၂ဝဝ ကျော်နဲ့ အောက်တိုဘာလမှာ တန် ၇၇ဝဝ ကျော်ဖြစ်ပြီး မေလမှာ အများဆုံးတင်ပို့နိုင်ခဲ့ပါ တယ်။ မိုးတွင်းကာလမှာတော့ ရာသီဥတုအခြေအနေ ကြောင့် ကုန်တက်နည်းသွား သဖြင့် တင်ပို့မှု လျော့နည်းခဲ့တာတွေ့ရပါတယ်။                                                                                         ခင်မြနွယ်MIRT