Background
ယခု ရက်ပိုင်းအတွင်း အိန္ဒိယ မွန်ဘိုင်း ဈေးကွက်တွင် မြန်မာ မတ်ပဲ ဈေးအနည်းငယ်မြင့်တက်လာပြီး ပဲစင်း ငုံနီကတော့ ပဲခွဲစက်နှင့် ကုန်သည်များ က အဝယ်မရှိလို့ ဈေးငြိမ်နေတယ်လို့ သိရပါတယ်။ ဒေလီဈေးကွက် မှာလည်း ဒေစီကုလားပဲများ ဈေးငြိမ်နေပါတယ်။NCDEX ကုန်စည်ဒိုင်မှာတော့ သြဂုတ်၊ စက်တင်ဘာလများ အတွက် ကုလားပဲ ကြိုရောင်းဈေးများ မြင့်တက်ခဲ့တယ်လို့ သိရပါတယ်။
ဇူလိုင်လတတိယပတ် ထိုင်း ရော်ဘာဈေးနှုန်းများ အနည်းငယ်စီ အားနည်းလာသော်လည်း မလေးရှားနဲ့ အိန္ဒိယ တို့မှာ ရော်ဘာဈေးနှုန်းများ အနည်းငယ်စီမြင့်မားလာတယ်။
လျှော်ဖြူပင်စိုက်ပျိုးခြင်းလုပ်ငန်းဟာ စိုက်ပျိုးရလွယ်ကူခြင်း၊ စိုက်ပျိုးရာတွင် ကုန်ကျစရိတ်နည်းပါးခြင်း၊ ကာလတိုအတွင်း ဝင်ငွေရရှိနိုင်ခြင်း၊ စီးပွားရေး တွက်ခြေ ကိုက်ခြင်းစတဲ့ အကျိုးကျေးဇူးများကြောင့် စစ်ကိုင်းတိုင်း ဒေသကြီးမှာ စိုက်ပျိုးမှု တိုးတက်လာတဲ့ သီးနှံဖြစ်ပါတယ်။
ဇူလိုင်လ ၁၄ ရက်မှ ၂၀ ရက်ထိကာလအတွင်းမှာ ပင်လယ်ရေကြောင်းကုန်သွယ်မှုမှ မလေးရှား တစ်နိုင်ငံတည်းသို့သာ ရော်ဘာတင်ပို့မှုရှိခဲ့ပါတယ်။ တင်ပို့တဲ့တန်ချိန်မှာ ၁၆၀ ဖြစ်ပြီး ျွှ ၃ တန် ၁၀၀ နဲ့ RSS 5 တန် ၆၀ ဖြစ်ပါတယ်။ တန်ဖိုးကတော့ ကန်ဒေါ်လာ သုည ဒသမ ၃၅၂ သန်းဖိုးဖြစ်ပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်၊ ချင်း ရွှေဟော်နဲ့ လွယ်ဂျယ်တို့မှ ကန်ဒေါ်လာ ၄ ဒသမ ၄၁၀ သန်းတန်ဖိုးရှိ ပြောင်းဖူးစေ့ တန်ချိန် ၁၁၉၆၆ တန်ကို ဇူလိုင်လ ၁၇ ရက်မှ ၂၃ ရက်တာကာလမှာ တင်ပို့ နိုင်ခဲ့ပါတယ်။
သီတင်းတစ်ပတ်ဖြစ်တဲ့ ဇူလိုင်လ ၇ ရက်မှ ၁၃ ရက်နေ့ တာကာလအတွင်း နနွင်း ၁၃၂ တန်ကို ပင်လယ်ရေကြောင်းမှ ပြည်ပနိုင်ငံကို တင်ပိုနိုင်ခဲ့ပါတယ်။ ဒီတစ်ပတ်မှာ စင်ကာပူ နိုင်ငံကို ၃၃ တန်နဲ့ မလေးရှားနိုင်ငံကို ၉၉ တန်တင်ပို့ခဲ့ တယ် လို့ သိရပါတယ်။ ယခင်တစ်ပတ်မှာ ပင်လယ်ရေကြောင်းလမ်း မှ နနွင်းတင်ပို့ တန်ချိန်က သုံးဆယ်ကျော်သာရှိခဲ့တာကြောင့် ဒီတစ်ပတ်မှာနနွင်းတင်ပို့မှုပိုခဲ့တယ်လို့ ဆိုရပါမယ်။ ဒီတစ်ပတ် နနွင်းတင်ပို့မှုမှရရှိခဲ့တဲ့ ဝင်ငွေကကန်ဒေါ်လာခြောက်သောင်း ရှစ်ထောင်ကျော်ရှိခဲ့ပါတယ်။ FOB ဈေးက ယခင်တစ်ပတ် တစ် တန်ကို ကန်ဒေါ်လာ ငါးရာကိုးဆယ်ဝန်းကျင်ရရှိခဲ့ပေမဲ့ ဒီတစ်ပတ်မှာ တစ်တန်ကို ကန်ဒေါ်လာ ငါးရာနှစ်ဆယ်ကျော် ရရှိခဲ့တယ်လို့ သိရပါတယ်။ MIRT(DOTP)
မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်း ရောင်းဝယ်ရေးဇုန်မှ ဇူလိုင်လ ဒုတိယပတ်အတွင်း ကန်ဒေါ် လာ သုည ဒသမ ၂၇၇ သန်းတန်ဖိုးရှိတဲ့ နနွင်းတက် တန် ၁၈၀ ကျော်ကို တင်ပို့နိုင်ခဲ့ပါတယ်။ယခင်အပတ်က၁၁၈ တန် ခွဲသာ တင်ပို့နိုင်ခဲ့တာမို့ ယခုအပတ်နနွင်းတက်တင်ပို့မှု ၆၁ တန်ကျော်ပိုမိုလာတာ တွေ့ရပါတယ်။
ဒီနှစ်က ချင်းဈေးကောင်းတဲ့ နှစ်ဖြစ်ပြီး၊ နနွင်းကတော့ ခပ်မှန်မှန်သာအရောင်းအဝယ်ဖြစ်နေပါတယ်။ ပြီးခဲ့တဲ့ အပတ် တွေကတော့ ချင်းစိုရောင်းအားကောင်းနေတာကြောင့် ချင်း ခြောက်နဲ့ နနွင်းလည်း အရောင်းအဝယ် ကောင်းလာနိုးနဲ့ လှောင်လက်တွေက စွန့်စားပြီး ဝယ်ယူလိုက်ကြပါသေးတယ်။
အိန္ဒိယပြည်တွင်း ပြည်နယ်အများစုရှိ ကြက်သွန်နီ စိုက် ပျိုး ထုတ်လုပ်တဲ့ ဒေသများမှာ ကြက်သွန်နီရောင်း လိုအား ကျဆင်းနေတာကြောင့် ကြက်သွန်နီဈေးနှုန်းများမြင့်မားလာ တယ်။ အထူးသဖြင့် ဇူလိုင်လဒုတိယပတ်မှာ ဈေးမြင့်မားမှု ပိုမိုအရှိန်ရလာပြီး တစ်ကွမ်တယ်ကို ရူပီး ၂၀၀၀ (တစ်တန်ကို ကန်ဒေါ်လာ ၃၃၃ ဝန်းကျင်) အထိ ရောက်ရှိလာတယ်။
ရှမ်းပြည်နယ်တောင်ပိုင်း၊ လဲချားကုန်စည်ဒိုင်မှာ လဲချား မြို့နယ်က ထွက်တဲ့ ခရမ်းစွဲကြက်သွန်ဖြူများ ဈေးမာပြီး၊ ဝင် သလောက် အရောင်းအဝယ်သွက်ခဲ့တယ်လို့ သိရပါတယ်။ ဇူလိုင်လဆန်းမှာ ခရမ်းစွဲကြက်သွန်ဖြူတစ်ပိဿာကို ၁၃၅၀ ကျပ်- ၁၄၀၀ ကျပ်ဈေးသာရှိခဲ့ရာက ဇူလိုင် ဒုတိယပတ် အကုန်မှာတော့ (အမြိတ်ပါ)တစ်ပိဿာကို ၁၆၀၀ ကျပ်အထိ ဈေးရှိခဲ့ပြီး၊ ဝင်သလောက် အရောင်းအဝယ် ဖြစ်ခဲ့ပါတယ်။